A Vidente

Chapter 14

Finally! She is able to join her family for breakfast. It was made possible because of the nightmare. She awoke early and never went back to sleep. Nakipagkuwentuhan na lang siya kay Sixto na katulad niya ay nagising din ng maaga. Kumpleto silang nag-almusal kasama si Sixto at Bruce. Sa lanai na sila nag-almusal. 

"Akala ko aalis ka, Kuya Bruce?" tanong ni Beatrix sa lalaking nasa kabilang bahagi ng mesa katabi si Manang Perla. 

"After lunch na lang daw," tugon nito. Kikitain raw nito ang mga magulang.

"Babalik ka?" 

"Yeah. Magpapaalam na rin muna akong didito muna ako." 

"Oh, that's great! Anyway, did you sleep well last night?" Bruce halted from lifting the spoon to his mouth because of Beatrix's question. He fixed his gaze on her. His query was not immediately addressed, as if he needed to consider what to say first.

"Yeah. Great," Bruce finally answered.

"Hmm. Good." Isinubo niya ang pagkaing nasa kutsara, bumaling kay Sixto. 

"How about you, Sixto?" Pinangunutan siya ng noo ni Sixto na marahan niyang ikinatawa. Inabot ni Sixto ang batok at tila ba nanakit nito iyong pinisil. 

"Nanakit ba ang leeg mo?" Manang Perla assumed. 

"Ahm…" Tanging lumabas sa bibig ni Sixto.

"Sabi ko naman sa 'yo tumabi ka na lang kay Bruce. Malaki naman ang kama sa kuwarto." 

"Hmm! Good idea, Manang Perla," pagsang-ayon ni Beatrix sa suhisyon ni Manang Perla. Muli siyang tinapunan ng masamang sulyap ni Sixto. 

Matamis niya itong nginitian. "Hindi ka kasya sa couch. It's too small for you. Mananakit ang katawan mo." 

"Siya nga naman, hijo," Beatrix's mother agreed. Nangingiti niyang sinulyapan si Sixto na nakatitig sa plato nito. Bahagyang ibinaba ni Beatrix ang ulo at sinilip ang mukha ng lalaki. Gusto niyang makita ang reaksiyon nito. Hindi niya alam pero kinikilig siya, knowing that they felt something for each other. Binitawan ni Sixto ang hawak na kutsara. Gulat siya nang bigla na lang nitong pitikin ang kanyang noo. Napaawang ang kanyang bibig sa gulat habang sapo ang noo kapagkuwa'y natawa siya. 

***
"DAMN!" Inis na isinara ni Bruce ang cover ng hood ng sasakyan. Mukhang may problema. 

"Is there a problem, Kuya Bruce?" tanong ni Beatrix habang nakatanaw siya mula sa porch. Nilinga siya nito habang ibinabalik ang tools sa likod ng compartment. 

"Altenator has a major problem. Hindi kayang rimedyuhan."

"Oh. Wala pa naman si dad. Si Manong Bart mamaya pa ang balik niyon." Ang kanyang daddy ay nagtungo sa supermarket habang si Mang Bart ay inutusan ng kanyang daddy na puntahan ang isang farm sa La Trinidad na magsu-supply ng mga gulay sa supermarket. Tiningala niya ang langit. Mukhang uulan pa. Bumaling si Beatrix sa loob. Napansin niya ang panaka-nakang pagsilip ni Sixto sa labas, kay Bruce habang nakaupo sa sofa sa sala. Napangiti si Beatrix saka muling humarap kay Bruce. 

"Gusto mo bang magpasama na lang kay Sixto?" Marahas na napabaling si Bruce sa kanya. Gulat ang bumalatay sa mukha nito. OA ng reaksiyon. Grabe ka-obvious na may something. Paglinga niya kay Sixto ay nagreplika ang reaksiyon ni Bruce rito. Magkatulad na magkatulad. 

"Ayos lang ba sa 'yo, Sixto?" 

"Hindi na!" maagap na tanggi ni Bruce na naglakad palapit sa porch.

"Lalakarin ko na lang sa labasan. Doon na lang ako mag-aabang ng masasakyan." 

"Kuya Bruce, masyadong malayo. Tapos sa highway, madalang ang dumadaang taxi, tapos mukhang uulan pa." Muli siyang tumingala sa langit. Namumuo ang maitim na ulap. Mukhang mabigat na iyon at anumang oras ay babagsak na ang naipon. Medyo liblib ang lugar nila. Medyo maagwat ang distansiya ng kanilang bahay sa highway. Madalang ang sasakyan at kung may taxi man na madaan ay kung may hinatid na pasahero sa malapit.