Ito na naman tayo
Para bang walang masasabi ang mundo
Para bang hindi na mapigilan ang bumubugso
Para bang hindi natin alam na mali ito
Pilit bumabalik sa isa't isa
Pero kapag nariyan na
Wala tayong napapala
Kundi sakit sa puso at gabi-gabing luha.
Ito na naman tayo
Hindi ka pa ba nagsasawa?
Hindi ka pa ba nagsasawang masaktan?
Hindi ka pa ba nagsasawang saktan ako?
Hindi ka pa ba nagsasawa sa katotohanang hanggang dito lang tayo?
Ito na naman tayo
Bakit kailangan mong magpakita muli ng mga motibo?
Lahat ng salitang lumalabas sa iyong bibig ay para bang pakiramdam ng tubig na tumutulo
Sa aking katawang naghihintay at nananatiling nakareserba hanggang sa dulo
Alam na alam mo kung anong gagawin para bumalik ako, para bumalik tayo
Pero alam na alam ko na ngayon kung anong gagawin para hindi na ulit mahulog
Sa bitag ng pambihirang pagmamahal at alaga mong pagdating sa dulo ay pananakit mo
Natuto na ako, kailangan mo na lang ulit pagtrabahuhan nang doble kung anong maibibigay ko.