"Tinatapos ko na ang relasyon natin. Wala akong pakialam kung ipipilit mo pa rin ang gusto mo. Hindi na kita mahal. Hindi ko na matiis na makisama pa sa 'yo. Good-bye!" Iyon ang hirit ng ex-boyfriend ni Keelah nang makipaghiwalay ito sa kanya. Pinal na ang bawat salita nito at inamin pa nito na in love na ito sa iba. Eh, ang pinagpipilitan niya naman: sila pa rin ni Gareth hanggang sa kadulu-duluhan ng mundo! Hindi siya papayag na mawala na lang ito sa kanya. Babawiin niya ito! Para magawa ang balak niya ay kinuntsaba niya ang kanyang best friend na si Pipo. Pero nagulat siya sa sinabi nito sa kanya: "Hindi pa ba ako sapat sa 'yo? Bakit kailangan mo pa maghanap ng iba? Nandito naman ako." Sabeeeeeeee?! Umabot hanggang sa kadulu-duluhan ng universe ang buhok niya! Pero biglang bawi si kolokoy, joke lang daw! Sus! Habang nagpapakabaliw siya sa paghabol sa ex niya, binabagabag naman ng best friend niya ang isang bahagi ng puso niya. Ano ba talaga, ateh? Ano ba ang kahihinatnan ng alamat ng isang tulad niyang baliw sa pag-ibig? ---- This is a returned manuscript from PHR. I had fun writing this story kaya naisip kong i-post siya rito kahit pa hindi siya na-approve. Sana kahit papaano ay magustuhan mo. Salamat! -Julianna Ran