Una Eternidad en el Corazon

Nawala ng parang bula ang saya sa buhay ni Anastasia nang pumanaw ang kanyang kasintahan na si Florentino. Lalong mas nawala ang rason niya para mabuhay nang unti-unting iniwan siya ng mga taong importante sa kanya. Mula sa pagpanaw ni Florentino, pag-alis ng kanyang kuya Gabriel at esposa nito na si Keira, pagpanaw ng tinuturing niyang kapatid na si Celestina, at ngayon ay ang pagpanaw naman ng matalik niyang kaibigan na si Esmeralda. Tila ba lahat ng kalungkutan sa mundo ay binigay na sa kanya.
Nang napagdesisyunan na ni Anastasia na sumunod na sa kanyang kasintahan, may isang ginoo na nagligtas sa kanya. Akala niya noong una'y ito ang kanyang novio ngunit napagtanto niyang ibang tao ito. Simula nang araw na iyon, nagkaroon na ulit siya ng rason na mabuhay muli. Siya na ang nagpatakbo ng kanilang mga hacienda, at sumali sa samahan ng Katipunan.
Ngunit hindi naman niya inaasahan na ang taong magliligtas sa kanya ay nais pa yatang kontrolin ang kanyang buhay. Na labis niyang kinaiinisan. Mukha pang tuwang-tuwa ang kanyang papa sa lalaking ito. Sa bawat araw na lumilipas, lalong kumukulo ang dugo ni Anastasia rito dahil sa mga pinagsasabi rin nito sa kanyang namayapang novio.
Mas lalong hindi siya natutuwa sa sarili niya dahil habang tumatagal na kasama niya ito, nagbabago na rin ang tingin niya rito. Na nakikilala niya ito ng mabuti hanggang sa ito na rin ang gusto niya makasama araw-araw.
Hahayaan na lang ba niya na tuluyan itong pumasok sa kanyang puso at palitan ang pwesto ni Florentino?