هلاؤؤؤؤؤؤؤؤؤؤؤ كايززز
البارت الاخيير 🍂
#الحظرية والشيخ+
،،،،،بقلم عذراء علي،،،،،
مرت الايام وماما حالتها تحسنت وجراح ميسئل
بس يتصل على بابا يحجي ويا اموري كامرة
دائما يجون اركان وعلي يشوفونه وعمتي أم جراح مرتين اجتي الباقين يتصلون بيا بس جراح ملكف روحه يسئل اكعد ابجي بالليل واكل هم اشتاقلي ليش نساني بسرعه معقولة جاان يجذب علية من يكول مااكدر بدونج لعد وينه ابقه ابجي وافكر لحد مااتعب وانام تمر الايام بسرعة اسابيع وهوة ماكو صار شهر ونص عند اهلي اموري كل يوم يحجي ويا ابو... بيوم الضهر نايمه واسمع صوت جراح قريب مني عبالي اتحلم فتحت عيوني شفت جراح يباوعلي مبتسم بقيت صافنه علية وبعدتة الكامرة عني عيطت على اموري ليش تفتح كامرة وخليتها ع اموري بقه يحجي جراح ليش كلبج قاسي ليش تصيحن على اموري انا كتله يخليها عليج ماله ذنب وليش هيج تسوي
.جراح مشتاقلج خايبه
.غالية هه شنو تذكرت
.جراح ليش انا ناسي
غالية مو مهم بعد متهمني ويلي بيناتنه ابنك وبس
بعد لا تعيدها
.جراح نجبي حجي جديد هذا انتي مرتي اشوفج شوكت مااريد
.غالية لا غلطان هاي اوامرك من جنت عندك بسجنك هسة اني حررا
.جراح شني حررا هاي خايبه سكتي لا اجي اكسرج والخلقج هذا الكلام راح اعتبر نفسي ماسمعته ولا تفكرين بي خليتج على راحتج عند اهلج ولا تلوصين بالكلام بس اكمل شغلي هاي الايام اجي اخذج تريدن لبيتج كلام زايد مااريد
.غالية مو بكيفك شنو مشتريني اني مااريدك بعد خلص كلشي انتهة مو انت كلت اذا طلعتي بعد مالج رجعه شتغير هسة
.جراح اي حالة عصبية وحجيتها صار شهر ونص
هسة انا اريدج اريد ابني
.غالية اي ابنك تعال شوفه اتصل بي ممانعته عنك
.جراح وانتي غالية ماتريدني
.غالية اي مااريدك
.جراح جذابه تريدني شلون ماانا رايدج كافي عناد
من اجي نتفاهم
.غالية ماكو تفاهم بينه مااريدك مااريدك افهم
هسة يلا روح اريد اسبح اني واموري ورانا طلعة لا نتاخر
.جراح وين تروحين ماكو مطلعين من البيت
.غالية شعليك انته
.جراح رجلج انا لو نسيتي
.غالية لا مانسيت بس بعد مااريدك اريد اعيش براحتي باااي سديت التلفون واضحك علية وبنفس الوقت مرتاحه لان سمعت صوته اخذت اموري سبحته ونزلتة يم ماما يلعب رحت سبحت ونزلت سمعت بابا يتصل ويباوعلي كمل اتصال وكال شمسويه انتي بابا شنو ماسويت شي
.الاب زوجج اتصل يكول تريد تطلع وميقبل اطلعين ليش تعاندي وين تروحين اشؤ اول مااجتي نتوسل بيج من نطلع متقبلين
.غالية كلتله اريد اروح لصالون احف واغير شويه
ليش يوصلها الك هذا شبي
.الام بنتي اني اتصل على الصالون تجيج هنا لا تعاندين زوجج
.غالية شنو ماما صافين ويا انتي وبابا واصلآ هوة الغلطان لا وتذكر هسة يسئل وينطي اؤامر
.الام بنتي زوجج كل يوم يتصل على ابوج يسئل عليج ويدزلج مصرف وكم مره كال اني مخليها على راحتها تهدء واجي اخذها ف يابنتي كافي عناد ترا زوجج يحبج وشاريج ليش تخسري وخطية ابنج متعلق باابو لخاطر ابنكم تفاهمو
.غالية مااريده ولا اريد اتفاهم ويا انتي شايفته شلون اسلوبه كله اؤامر وعياط وكله ممنوع قبلت وتحملت كل شي بس مااكدر اتحمل مااشوفكم
اتوسل بي ميقبل اجي لبغداد يا ماما جراح ماعنده تفاهم كله اؤمر وشي ثاني ليش يعرف اخباري مو هوة كال مالج رجعه للبيت ليش تنطونه اخباري
ترا ميصير هيج اني بتكم مو هوة صعدت ابجي شلون يحرك كلبي خرب يومك الشايب
.جراح من شفت غالية وهية نايمه حبيبتي شعرها على عيونها نومتها بحضني هيج ابقه ابعد شعرها وابوس بيها لحد متكعد مزعوجه أتذكر من جات عندي ااخ غالية ليش تعاندين نسيت كل الزعل اريدها مااريد شي بعد صح كسرتني وراحت
بس احبها
.غالية العصر اجتي أم الصالون للبيت ساوت شعري وحفتني غيرت هواية من شكلي بس افكر بكلام جراح احبه واريده ومن حجه ويايه كلتله مااريدك
قاهرني ليش هسة يلا تذكر . بالليل اجني اخواتي واخواني وعوائلهم نسيت شويه بسوالف وآلضحك
بس كلها دكول ارجعي لزوجج يحبج واني محتارة شنو اسوي راحو كلمن لبيته اخذت اموري نيمته
اجتي رسالة من جراح
....احبج مشتاقلج خايبه اعشكج مسودن بيج انا ريحتج طولج ترافت جسمج فهاوتج كلهن يذوبني
رديلي غالية بداعت حبنه التردي يصير ...
.غالية احس جسمي كله يرجف كلبي دكاته سريعه
دموعي بغزارة تنزل واني احبك جراح بس ادري بيك راح تمنعني من اهلي مارديت عليه نمت ثاني يوم كلت لماما اريد اروح لسوك عفيه ماما منتاخر اني وياج
.الام اتصلي بزوجج اذا قبل نروح
.غالية اعرف ميقبل ومراح اتصل بي
عفية ماما محتاجه ملابس وعطور
.الام شوفي ابوج شنو يكول
.غالية رحت لبابا وقبل كال اني اروح وياكم روحي تحضري صعدت ركض تحظرت اني واموري
ونزلنه ماما وبابا بالسيارة اشتريت ملابس قصيرة والوان جان جراح حارمني منها ميقبل البسها يكول تسويج حلوه بس بغرفتج البسيهم اشتريت كلشي عجبني اموري اشتريتله ملابس والالعاب وماما كل شويه وكالت يلا بنتي زوجج بس يعرف ميقبل لا انوب لسوك... اجتي مره سئلتني مزوجه كتلها اي كالت عجبتيني وابني نعجب بيج عبالي يصير نصيب ماما
ا تخبلت وكالتلها لا مزوجه بس جايتنه خطار اعتذرت المره وراحت باأتجاه شاب حلو مرتب بقه يباوع النه وراحو وامي بس تحجي علية العين عليج وهسة حفيتي طلع وجهج والله لو يسمع جراح شيخلصج منه اخذتها للعطورات اخذتلي عطورات اليه والاموري شفت عطر جراح اخذت واحد مااعرف ليش هيج سويت مااعرف اخذنه بابا لمطعم واموري فرحان ويكمز تعشينه ورجعنه للبيت تعبانين اخذت اموري نيمته رحت سبحت وجيت انام شفت مكالمات ورسائل من جراح خفت شصاير اتصل فتحت خط كال شوكت رجعتي للبيت تفاجئت شمدريك انته
.جراح اعرف كلشي عنج حتى الهوى التتنفسي اعرفه
.غالية لا صدك شلون عرفت طالعه
.جراح ابوج اتصل بيه ومن كال انا وياها قبلت
ولو غصب عني طلعتج بس الخاطر ابوج
.غالية ااوف بابا ليش يكولك انته شعليك
.جراح نجبي رجلج انا لا تلوصين
.غالية سديت الخط بوجها ونمت
ثاني يوم كعدت على صوت امي تصيح علية
نزلت كالت ابنج جوعان وبالاستقبال روحي شوفي
بس يبجي يريد اكل رحت للاستقبال ركض
وينك اموري حبيبي ماما ... فتحت عيوني شفت جراح وبحضنه اموري بقيت جامده بمكاني وهوة يباوعلي من فوك ليجوا كصني كص بنظراته نصدمت بي هذا جابه هنا فززني بصوته
.جراح دخلت غالية لابسة دشداشه قصيرة وردي فااتح قصيرة رجليها ثلج وزنودها كطن الشفايف الخدود ورديه شعرها لونه يموت عليها متت بماكني عليها شلون واكفه الفاهية فاتحه عيونها عليه اموت على عيونها كلتها شبيج شفتي جني
.غالية هاا ليش جيت وشرايد
.جراح الحمدلله انتي شلونج اجيت اخذج انتي واموري
.غالية شنو عيني ماارجع وياك
.جراح فدوة لعينج لا تردين وياي وصيري عاقلة
يلا حظري روحج
.غالية مو على كيفك ماارجعلك افهم طلعت من الاستقبال احجي على ماما ليش مكلتي جراح هنا ماريده ولا اريد اشوفه
.الام بنتي زوجج جاي من طريق بعيد ميصير هيج تستقبلي عيب وليش مترجعين وياه لشؤكت تبقون زعلانين كبري علقج لخاطر ابنج
.غالية ابني مابي شي يبقه عندي ورجعه ماارجعله
.الام شوفي غالية طلاك ماكو شيلي هل فكرة من راسج
.غالية صعدت فوك افكر اني مااريد اطلك بس اريد اسويله درس حتى يبطل بس يتأمر ويمنعني من اهلي بس محد يفهمني لشويه سمعت صوت بابا بقيت بغرفتي مانزلت انتظره يروح ماكو
صاحتني بابا ونزلت
.الاب تعالي بنتي اريدج تكعدين ويا زوجج وتتفاهمون من غير عصبيه وصياح حلو اموركم بينكم ولا تنسين ابنج متعلق باابو.. و جراح عرف غلطه وجااي يصلح الامور بينكم يلا بنتي
.غالية مكدرت احجي شي رحت ويا بابا وكعدو يسولوفون وجراح عينه علية واني اخزر بي
.جراح كدام اهلج الي تردي انا حاظر بس ردي وياي
.غالية انته بس كلام اذا اروح وياك هم تمنعني من اهلي
.جراح لا ماامنعج انا اجيبج الهم بس من ماعندي شغل
.غالية كل وقت انته مشغول يايوم ماعندك شغل
.جراح زين من تعرفين كل وكتي مشغول واجبج تتحملين وضعي مو تشردين
.غالية ماشردت انته كلت ماالج رجعه اذا طلعتي
.جراح اي كسرتي بيه وكسرتي كلمتي
.غالية والله محد تقبل يمنعوها من اهلها
.جراح انا مامنعتج تخابرينهم ويجونج
هسة هذا مو موضوعنه حظري نفسج انرد لديرتنه
حته نوصل من وكت يلا بويه
.غالية مااروح مااريد
.الاب شهل حجي بنتي زوجج عنده شغل ويريد يرجع شنو متردين يلا بنتي حظري نفسج
.غالية شنو بابا انت وماما تردون تخلصون مني كله صافين ويا جراح ترا اني بنتكم
.الاب حبيبتي اني اريد مصلحتج اعرف تحبين زوجج واعرف كل كلامج هذا لانج زعلانه منه
ف يابنتي كافي عناد وارجعي
.الام بنتي المره مالها غير زوجها وبيتها خليج عاقلة وارجعي
.غالية بقيت ساكته وابجي ضجت من موقف اهلي ليش صافين ويا رحت حظرت اغراضي وماما تساعدني اني بس ابجي مالي مكان اروحله عبالك جراح اشتراني ...رجعت ويا الطريقه كله يسولف وفرحان بينه اني واموري لحد ماوصلنه البيت ستقبلونه وعمتي أم جراح خطيه فرحت هواي من شافتنه جنت فرحانه بيهم واحس نفسي بين اهلي
بس زعلي من جراح مسيطر على تفكيري اموري فرحان ويكمز لان شاف عمتي والبنات بقيت يمهم وتغدينه بعدها صعدت لغرفتي جانت نضيفه ومعطره وعلى السرير فرشة جديدة مال عرسان
عرفت هاي سوالف أم جراح وجمانه. غسلت الاموري ونيمته سبحت وتمددت ع سرير دخل جراح يضحك.
.جراح خايبه راح تنامين شني ترا بعد ماكو نوم مشتاقلج بكد رحمة الله
.غالية رجعنه للاوامر مالتك اي اريد انام تعبانه من الطريق
.جراح لا مو اوامر بس مشتاقلج تعاي نامي بحظني يروح تعبج كله
.غالية اخذني لحظنه بقه يمسد على شعري ويسولفلي شلون جان يشتاقلي ويسهر يبجي عليه ماحسيت بشي بعد نمت عبالك صار سنين منايمه نمت براحه وحتى جراح نام
.مرات الايام وجراح يحاول يتغير ميضغط عليه بأاسلوبه اموري صار عمره سنتين واني حامل جراح فرحان بحملي يكول اريد عشرة ولد وعشر بنات ههه تمر الايام بسرعه وهوة يحاول يتغير
بس يبقه جراح يلي ميقبل بكلشي وكل شي ممنوع عنده ....جمانه وعلياء تزوجو
صكر ونسمه اطفالهم حلوين عمرهم سنه
علي واركان لسا مضربين على زواج
نمر خطبنالة بسمه
لهنا واختمها حيات جراح وغالية
اتمنا تعجبكم
انتهت 🍂