~Friends.
Matapos kong patulugin si Taurein ay saktong dumating naman si Anding na may dala-dalang pananghalian.
Malungkot akong sumulyap dito nang agad itong naupo sa tabi ko at bahagyang pinisil ang aking balikat matapos halikan ang noo ng aking anak. Yumakap naman ako sa kanya na tila doon ako kumukuha ng lakas.
Anak nila kung ituring si Taurein dahil sila ang kasama namin sa panahong wala kaming masilungan.
"Kamusta si Taurein? " Tanong nito na may pag-aalala. Marahan itong kumalas sa yakap ko at bumuntong hininga na tumayo at inabalang ayusin ang mga dala n'yang paper bag na may lamang pagkain.
Tumayo ako at tinulungan itong ilabas ang mga dala para paggising ng anak ko ay kakain nalang kami.
"Sa ngayon okey na s'ya, pero ang sabi n'ong doctor kailangan na s'yang mailipat sa mas malaking ospital." nanlulumo kong sagot. Bahagya pa akong ngumiti para ipakitang okey naman lahat. Nang maayos ang pagkain ay naupo sa bangko na katabi ng kama ni Taurein. Naupo sa tabi ko si Anding at hinawakan ang aking kamay.
"Ikaw nga Joan ay magtapat sa akin. Sino ba ang ama ni Taurein? Bakit gan'on nalang ang takot mong malaman nila na may anak ka?" diretsong tanong nito.
Hindi ako makakibo. Maski sila kasi ay hindi alam kung sino nga ba ang ama ng anak ko. Sa tagal ko sa kanila ay inilihim ko rin ang tunay na pagkatao ng aking anak. Ayokong malaman nila Ang tunay na dahilan kung bakit Hanggang ngayon mag Isa kong tinataguyod ang anak ko. Ayokong malaman nila.
"Hindi sa pinipilit kitang sabihin sa akin kung sino ang ama ni Taurein, pero hindi mo ba nakikita na nahihirapan na ang anak mo. Nahihirapan ka na rin Joan. 'Wag mong paabutin sa puntong mawalan ka muli ng anak." saad nito sa akin. Umiwas ako ng tingin sa sinabi ni Anding. May punto ang sinabi n'ya. Alam ko naman iyon. Bilang ina~ kapag anak na Ang pag uusapan, kaya kong isakripisyo ang lahat. Maliban sa parteng ito.
"Hindi n'ya na kailangang malaman na mayroon kaming anak Anding." Saad ko rito. "Tama na iyong isipin n'yang wala kaming anak na dalawa. Tama na 'yong wala s'yang alam. Ayokong bandang huli, magulo ang buhay ng anak ko sa pakikipag-agawan naming dalawa sa kanya. Kilala ko ang taong iyon, makasarili s'ya at kahit patayan ay ilalaban n'ya ang sa kanya." matuwid kong sagot.
"Pero Joan, s'ya pa rin ang ama ng bata." nanlulumong saad ni Anding.
"Pero ako ang magdedesisyon para sa ikabubuti ng aking anak." diretso kong sagot.
"Okey okey. Ang gusto ko lang namang ipunto dito ay may karapatan ang ama ni Taurein na malaman ang kalagayan n'ya. Hindi mo ba naiisip na nahihirapan na kayong dalawa?" iiling-iling n'yang tanong. Hinaplos-haplos nito ang noo ng anak ko bago matalim na tumingin sa'kin.
"Hindi ko kinukwestyon ang pagiging nanay mo kay Taurein. Isa kang mabuting ina Joan, pero sa kalagayan ng anak mo ngayon, isantabi mo muna kung ano ang nangyari sa nakaraan. Ama pa rin s'ya ng bata Joan, at kahit saang anggulo mo tingnan, anak n'ya si Taurein." Dagdag pa nito.
"Pag nalaman n'ya Anding na may anak kami siguradong kukuhanin n'ya si Taurein sa akin. Hindi ako papayag n'on. Akin lang ang anak ko Anding akin lang s'ya." naiiyak ko nang sambit. Padabog naman itong tumayo at humarap sa akin ng nakapamewang.
"H'wag mong ariin mag-isa 'yang anak mo Joan. Aba! egg cell mo lang ba ang bumuo d'yan? Ang hirap kasi sayo, puro ka takot. Takot, takot, takot. Paano ka tuluyang gagaling n'yan, kung pati sarili mo kinukulong mo sa kahapon! " mariin ang kanyang pagkakasabi, ngunit nandoon 'yong tinig na nag-aalala.
"P--Pero Anding, kapag nalaman n'ya ang tungkol kay Taurein, alam nating lahat na hindi ako mananalo. Kahit may karapatan ako sa aking anak ay hindi pa rin ako papanigan ng korte" saad ko, na parehas naming ikinatahimik.
_________________________________
THORIN
"Pare! " Sabay-sabay na bati sa akin ng barkada. Kauuwi ko lang dito sa maynila galing hacienda ngunit, dito na ako tumuloy sa bar na pagmamay-ari ni Helios. Kumpleto kasi ang barkada namin, dahil sa halos apat na taon ay umuwi na si Rhys galing America. Nagkamayaan at konting yakapan pa ang nangyari bago nagkanya-kanyang upo sa isang pabilog na mesa.
"Whoah. P'wede kana ba naming tawaging Don? Huh Thorin? " biro ni Mckenzie sa akin sabay tungga ng bote na may lamang alak.
"Hoy Mc! Hwag ka ngang umastang ikaw ang celebrant, kanina kapa laklak nang laklak d'yan! " sigaw ni Nicolo sa kanya sabay bato ng isang paketing sigarilyo.
"Pabayaan n'yo nga 'yan, alam n'yo namang brokenmind- este brokenhearted ang tao pinipigilan n'yo pang icelebrate ang pagkaburol ng puso n'ya." saad naman ni Azul sabay akbay kay Mac.
"Tangna! Mandiri nga kayo sa pinaggagawa nyo." Sigaw sa kanila ni Jod.
Hindi naman s'ya pinansin ni Mc, kinuha lang nito ang bote at muling uminom.
"Tangna mga pards! Ang pag ibig pala, parang sugat, hindi mararamdaman ang sakit hangga't di mo napapansin! " saad nito sabay taas ng bote sa ere na s'yang ikinatawa naming lahat.
Napailing-iling na lamang ako sabay sabi ko sa kanya ng gago.
"Ikaw Thorin," bigla akong itinuro ni Mac. "W'ag kang papatuklaw sa ahas na nasa paligid mo." saad nito. Ngunit bago pa man ako makapagsalita ay biglang bumukas ang pinto ng VIP room at pumasok roon si Helios at Rhys.
"Pards! " bating sigaw ni Mc. Tumingin naman ako kay Rhys at tumango.
"Naligaw ata ang Don dito huh?" turan ni Helios na malaki ang ngisi.
"Kamusta? " tanong nito. Hindi ako kumibo pero nginisihan ko s'ya sabay tapik sa balikat nito, ganoon din kay Rhys.
Naupo kami ulit at nagsimulang magk'wentuhan tungkol sa mga babae.
"Anong problem n'yan?" Tanong ko sa kanila sabay turo kay Mc na nakasandal na ang ulo sa bangko.
"Iniwan na ni Ella, gago ee." sagot ni Nicolo na sinabayan nang malakas na pag tawa.
"Ow ikaw Rhys, kamusta ang America? tang na pre, tagal mong inugat dun aa, nakamove on kana ba? " tanong ni Jod. Napakunot noo naman ang noo ko sa tanong ni Jod dito. Ngunit bago ko pa marinig ang sagot ni Rhys ay naramdaman ko ang akbay sa likod ko.
"Pards!" bati ni Helios."Hindi lang ikaw ang hindi pa nakakamove on dito. Pati 'yang si Rhys." Saad nito.
"Fuck you Dude! " Sigaw naman nito kay Jod sabay inom din ng alak.
"Hoy Rhys, Kamusta nga pala 'yong babaeng hinahanap mo? " sambit ni Andrei.
Napasimangot naman Rhys. Pero bago pa s'ya makapagsalita ay inunahan na sila ni Mc.
"Hindi mo talaga mahahanap ang babeng ayaw magpakita- tingnan mo nga 'yang si Don Thorin, abay naligaw lang sa Tarlac, Akalain mong nandoon lang pala si Joan! " tumingin s'ya sa akin sabay ngisi. Tumingin din s'ya kay Rhys, ngunit nakataas ang kilay nito.
Nang tumingin ako kay Rhys, nakita ko ang pagkagulat sa kanyang mukha. Pinakatitigan ko s'ya. Hindi ko alam kung para saan ang reaksyon na iyon, pero parang kakaiba talaga.
"Tarantado ka Mc. Lasing kana." sigaw ni Rhys dito.
Hindi ko na lamang pinansin kung ano ang mga sinabi ni Mc at nakihalo na rin sa kanilang usapan tungkol sa negosyo at babae, pero nagsalita muli si Mac.
"Pards, Hindi mo ba nakita 'yong anak ni Joan? " tanong nito.
Kasama kasi ito ni Andrei noong gabing nagkaroon ng salo-salo sa Hacienda.
"May anak na si Joan? " gulat na tanong ni Rhys. Napakunot noo naman ako sa naging reaksyon nito pero binalewa ko na lamang. Inisip ko nalang na matagal din s'yang nawala at naging malapit na kaibigan din nito si Joan.
"Oo pare, tant'ya ko nasa tatlong taon na iyon ee. Napansin ko lang buhat n'ya papasok ng mansyon. Pero pards ang nakakapagtaka, kamukha ni Thorin, lalo yung mata, Dela fuente." saad nito.
Hindi ko alam kong anong nangyari pero napayukom ang dalawang kamay ko.
"Ano ba yang sinasabi mo Mc, alam natin yung totoo hindi? " Kunot noong sambit ni Andrei.
"Oo na oo na, malay mo naman diba. Noong time pala na nagbubuntis si Joan napaglihan si Thorin kaya naging kamukha--Pero wait, may picture ako dito ee... Sa cellphone ko." saad nito
Hindi ko alam kung anong mararamdaman ko ng mga oras na iyon. Lalo na nang mailabas na ni Mc yung cellphone n'ya.
____________________________