حاطة ايدي على خدي وصافنة واتذكر يوم مشؤوم رجعني فترة من الو
زمن ليوم الي صرت بي انكس خلك الله
جنت واكفة اعدل بلاكسسوارات جانت جاية بضاعة جديد برازيلي والبنية الثانية الوياية تعدل الكماليات دنسولف
سمعتهة رحبت بشخص بس مجان واضح صوتة الية لان المحل صاير واحد ابطن الثاني اول شي دخول على محل الكماليات عطور مكياج مسرحات اي شي
يخص الجمال والشعر من كاويات وشسوارات وبعدين تدخل على الاكسسوارات يفصل بينهن بردة من هاي الي تصير بس منظر من كزاز
دنكت ارفع الكارتون عن الكاع وسمعت صوتة وهوة يكول شلونج دنيا
للحضة وجيت انهار واوكع بلكاع
لكن تماسكت وصديت وجهي الة بلعت ريكي واحس صابت جسمي رجفة مو طبيعية والغضب صار يفور بدمي
حجيت واني صاكة على سنوني بغضب
انت شجابك لهنا هم الك عين وتراويني خلقتك لك لو ارذل خلك الله هم جان استحى
دنيا اسف سامحيني اني احبج واذا تردين هسة اخطبج من اخوج والله
دنيا من غبتي عني عرفت نفسي
اني اضيع بدون حبج
لك الله ياخذك ياردي يانذل جايني تكول هلكلام هسة بعديش بعد ماخليتني اصير قذرة مثلك امشي ولي منا اطلع لا ومحمد هسة تلفون واحد اخلي امن المجمع يشمروك شمرة الجلب
دنيا لتجاوزين واعرفي حدودج وويامن دتحجين اني مو رافد واسكت من تغلطين علية واسكتلج ترة اني ميثم افرك حلكج لو غلطتي
باوعتلة بأستهزاء وحجيت امشي منا يلا يلا شلون ناس تعبانة يلا بابا توكل منا مالي خلك احجي وياك
نهيت نقاشي ويا واني اصد وجهي عنة سمعت صوتة وهوة يتنهد وكال بسيطة دنيا بسيطة وعافني وطلع ذبيت نفس
كأنو جنت مختنكة وتوني تنفست جتني سعاد الي تشتغل وياية
كالت سمعتج تحجين بعصبية بس ماردت ادخل خو مابيج شي؟؟
هزيت راسي لا حبي مابية شي اطمني مجرد زبون تعبان وولة
البنية هم تفهمت انو ماريد احجي بلموضوع
رجعت لمكانهة واني كعدت منهكة وجبال هموم فوك ضهري شلون ربي يغفرلي شكد داصلي واقرة قران واستغفر لكن احس نفسي وصخة وقذرة الى ابعد حد
مسحت وجهي بكفوف ايدي وكمت كملت باقي الشغل جنت كل ما تنزل بضاعة اخذ من كل حاجة٤اني
واخواتي ونور مافرق ابد بينهن نور وردة وفقيرة كلش
باوعت للساعة بعد ساعة وينتهي شغلي خلي اخذلي فرة اشتري ملابس دام البارحة اخذت راتب ينطيني راتب كل
شهر صاحب المجمع ٣٥٠ هواااي شال مني ومن خواتي وهم شوية اخفف حمل عن سجاد خطية مو كلة علية
اجت زبونة شلعت كلبي عدهة عرس وتريد تشتري اكسسوارات وهم احنة عدنة تاج عرايس ضلت تفتر واني وياهة
بس اخذت هواي غراض وتحجي معلك تمنيت اهفهة راشدي افر وجهة واعدل حلكهة الاعوج الي تفر بي منا ومنا
طلعت وقفلنة المجمع وشلت المفتاح انطيتة لسعاد مشيت لباقي المول اخذت كم حاجة دك سجاد كتلة تعال اني منتضرتك
باوعت تأخر الوكت كلش اجة سجاد ورجعت للبيت تعبانة ومحملة علاليك وفرة السوك ووكفة المحل صدك تعب
انطيت الغراض للبنات وصعدت
بنات لتكعدني ابدددد اريد انام ميتة تعب صعدت سبحت وطلعت جففت شعري بلخاولي ونمت جفي على وجهي
واكفة وابجي على شخص ماعرفة بس هوة حبيبي ديروح لغير وحدة بس ماشوف وجهة
لزم ايدهة واني نار صارت بكلبي كمت ابجي بحركة
واصيح فدوة لا لا خلي خلي لتاخذي هذة الية باوعتلي ووجهة انكلب ماعرف شنو من خلقة صار يلعب النفس نفخت علية هوة حاااااررر
فزيت من الحلم واني محترة رغم برودة الجو مسحت وجهي باوعت البنات نايمات باوعت للساعة بل٣ ونص بليل كمت توضيت وصليت الفرايض الفايتتني
وكعدت اقرة قران اذن الفجر صاح مبايل دانية كعدت وكعدت وياهة ديانا للصلاة
كملت اني بس شوية مصحصحة نوم
كملت دانية واجتي على جربايتهة
دندن البارحة خابررني محمد يريد نستعجل بلزواج
خير شكو شصاير
مصاير شي بس بيبيتة ام امة مريضة يخافون لتموت ومنكدر بعد
ودراستج ؟؟ كطنة وشيليهة من اذنج اخليج تتركيهة اني متت علمود اخليجن توصلن لهنا
لا دندن البارحة كتلة لمحمد بعطلة نهاية السنة يعني بعد شهر ونص
اي حبيبتي اهم شي دراستج كمليهة وخليج بلمعهد الي سجلتج بي بلكن تطلعين معدل قوي
الله كريم انشالله نامي دنيا عيونج حمر كلش
اي والله شو نعست تصبحين على خير
غفيت وماحسيت بعد على شي كلما يكعدوني ارجع انام نعسانة
دنو دندن يلا كومي شنو هاي ولج يلا اريد التحق كومي خلي اسلم عليج
رفعت راسي
هاي شنو سجاد مصارلك هواي من نازل شسالفة ؟؟
شسوي بعد خابروا لازم التحق يلا كومي ولج خلي نتريك الساعة ب١١ كمت
هسة حبيبي اغسل وابدل وانزل اسبقني انت
راح سجاد واني كمت غسلت وبدلت ونزلت جوة جانن البنات يحضرن الريوك
يلا عيني خاتون لشوكت تكعدين بعد شوية اضلين تركضين شسورلي حضرني اتأخرتتت
انجي ديانا ترة دايخة كلش شمرت نفسي علتخم وغمضت عيني والله نعسانة اهئ
ايباخ بس ريحة الروائح ماخلتني انام شكل دانية مسوية خوش ريوك حطن الصينية ايباااخ بيذنجان محموس وعلية بيض مخلمة وبيض وجبن عرب ومربى جزر وبيض عيون شون ريوك يفتح النفس
كعدنة نتريك اجتي امي حتى ماصبحت علينة وكعدت تتريك متتواجد هواي تكضيلهة يومين هنا او ثلاث ايام وباقي يم بيت جدو اهلهة تفتر يم خوالي وخالاتي ابوية كل شهر او شهرين يجي من الباب ويروح سمعت بي مزوج وحدة
نسولف احنة وهية ساكتة بس من سجاد يحاجيهة تجاوب اني وخواتي لا
من يكلهة سجاد يمة
تجاوبة
تروحلك فدوة امك كول حبيبي
بس هلتفرقة ابد ماخلقت بيناتنة عداوة او كره لان سجاد. جان معوضنة عن العريف وعن القفاص الي هوة بابا وماما
ب١٢ ونص التحق سجاد واني كمت غسلت وطلعت كويت شعري وبرمت اطرافة لبست بنطرون جينز ثلجي وبدي اصفر ومخطط ابيض وحذاء اصفر فسفوري وشعري رفعتة ذيل حصان ورشيتلة مثبت حتى لتروح البرمة مال الاطراف
لبست اكسسوارات ناعمة شفت الساعة مابقة وكت هم يلا على ما اوصل طلعت اتمشى لراس الشارع واخذ تكسي وصلت للشارع شفت عمار من بعيد اجة بسيارتة اهووو هذة شجابة هسة
صف يمي فتح الباب وحجة
اصعدي اوصلج
اشرتلي بيدي
لا لا روح ميحتاج شكرا هسة اصعد تكسي
دصعدي ياتكسي لخاطر الله جنج ليمونة واكفة بلشارع دصعدي
فتحت عيوني هاي اني ليمونة عزة هذة هسة شنو يتغزل لو يذم
اني شعندي صاعدة وياك امشي منا انت غريب
عض اصبعة اخخخخ يابة كون الزمج الا استغفر الله استغفر الله بابة سجاد خابرني كال وصل دنيا يومية وجيبهة لان اني التحقت على ما يرجع اخوج
طركاعة على راسج شكد تشلعين الكلب
يلااااا
صعدت يمة وطبكت الباب باوعتلة
شونك
هز ايدة وجاوب زين يابة زين رجع باوعلي
شنو هلبس بربج مقتنعة نزلت نضري للبسي
شبية اخبل بس انت مضغوط
ولج اكو وحدة تلبس هلون انت بيضة ولابسة هلاون بابا ميصير تجذبين الانضار الف واحد يمتع نضرة بيج ليش متتحجبين
معليك
راح اضربج على حلكج معليك شنو
معليك
دنيا عيب
معليك معليك معليك
اني ويامن احجي هية الي وسكت
حسيت نااااار يمشي بجسمي مو دم وموجة غضب اعترتني عمت عيوني من حجايتة
وكف السيارة بسررررعة
شبيج دنيا مو قصدي
وكف السيارة داكولك لا ومحمد افتح الباب واشمر نفسي وتدري بية مخبلة واسويهة
فتحت الباب وهوة رأسا وكف السيارة صرخ
شبيج تخبلتي ولج
نزلت ودرت وجهي علية
مو انت الي تقيم اخلاقي صح اني المفروض مالتجئ الشخص مثلك مو كد حجايتة بس ماجان كدامي غيرك وهم بسبب نيزك اني اجيتك ان جان اني مو خوش ادمية ولا شريفة فرجاءا ماريد اشوفك لا المحك انت انسان ناقص للاخلاق مو اني
دنيااااا
اكرهك عمار اكرهك ماريد اشوفك بحياتي ابد وسجاد اني اخابرة واكولة ماريد كل ما تشوفني تضل بعيونك نضرة الكره والحقد تجاهي انت تشمئز من واني نفس الشي بس مع ذالك
مانسى وكفتك وياية ومساعدتك الية مشكور وماقصرت
طبكت الباب ودرت ضهري ومشيت حسيت خطواتة وراية سريعة وهوة يصيح بصوت ناصي
دنيا لحضة اسف دنيا مجان قصدي زلة السان اعتبريهة
جرني من ايدي نترتهة.
منو سمحلك تلزمني شوف عمار لسة الك شوية معزة وامتنان بكلبي لخاطر نيزك مو علمودك أبعد حتى لتخليني اكرهك
بلزايد اشرت لتكسي وصعدت ماخلى التكسي يمشي وحاسبة وكلة امشي
جنت امسح دمعة تنزل عشرة مكانهة ليامرحلة وصلت نفسي ليادنائة الله
ياخذك ميثم شكد كرهتك انعل ذاك اليوم الي رحت بي وشفتك اتمنة امسحة من قائمة ايام حياتي يوم اسود مضلم مثل ضلام حياتي فزيت على صوت سعاد
دنياااااا
ها ولج شبيج
يمعودة وين بالج صارلي احجي وياج وين بالج
شوية هيج افكر بموضوع الا اكلج عرس دانية بعد اسبوعين اني راح اخابر واخذ اجازة اروح اشتري كم حاجة لدانية
عزة ولج صارلي كم يوم تنكلين بهلغراض وترجعين ليورة
شسوي لعد ماعندي ام بيهة حظ وتجهز بتهة واني جبيرتهن لازم اكون كد مسؤوليتهم للبنات يلا حبي خلي اروح الحك قبل ميصير اليل
شلت تلفوني وخابرت صاحب المجمع واخذت اجازة وطلعت ضليت افتر واشتري غراض لدانية مابقى شي لعرسهة جهزت من فلوس مهرهة بس
شفت جهازهة قليل مو ذاك الجهاز القوي كمت اني اشتريلهة ةجنت اشوف فرحتهة بلغراض تخليني اني افرح من يمي وكل تعب يروح
رجعت للبيت بعد ساعتين فر بلسوك اجرت تكسي وصعدت وصلني لباب البيت نزلت واني اشوف عمار واكف براس الفرع عابت شكد غثني الضهر
دكيت الباب
هلا دندن الله يساعدج توء حبيبتي انتي تعبانة جان انتضرتي نطلع باجر ونكمل الجهاز
ميخالف دنو شيلي عني فدوة شفتهن كدامي وعجبني الج حبيبتي مهناية
انكيتهة الغراض وصعدت اسبح وازيح تعبي عن جسمي
سبحت ولبست دشداشة قصيرة ولفيت راسي بخاولي رغم الجو بارد بس مالبس شتوي اني اختنك
نزلت جانن البنات ديحضرن العشة حطينة الصينية وكعدنة ناكل جوعانة
اكلج دندن فدوة اريد مدرس للفيزياء هاي مدرستنة ماتفهم حبابة دبريلي واحد
ميخالف شوفي واحد ونحاجي سجاد لان اني ميكفي راتبي حتى نتقاسمة اني وسجاد والدفع
فديتكم
ديانا ميحتاج هلمصاريف اني داشرحلج يومية بعد عليمن خطية سجاد يريد يغير سيارتة
لا حبي مابيهة شي خلي تخلي مدرس بلكن تنجح
الله كريم
الحمد لله والشكر فدوة اني راح أنام تعبانة كلش تصبحون على عسل يا عسل انتن باوعت لنور سيت اسود طويل وداخلياتة ويا وية غراض دنو الج
صعدت للغرفة خليت راسي علمخدة وبديت برحلة تفكيري اليومي مسحت بكف ايدي على جهة كلبي احسة يوجعني صار فترة هلالم بي بس ماريد احجي
واقلقهم علخالي اكيد تشنجات بسيطة غمضت عيني واني اتذكر ميثم متغير هواي اخر مرة شفتة
صاير شيب متناثر بلحيتة وشعرة الاسود الفحمي
نمت وتركت افكاري وعقلي يهدء من اذية التفكير
🌹🌹🌹🌹🌹🌹🌹
للحكاية بقية .
متابعة شيقة