السادس والخمسون
#الجزء- الثاني
#بقلم-malakuu - العنود
(لم تتم مراجعة الاخطاء الاملائيه ..)؛
اجاني صوتت غريب بس مادري وين سامعته .. منوو انته
..انا سيف فتحي الباب
.. سيف
سيف..ايي ثوله فتحي خلصينه
..فتحته ..شجابك
سيف..صحي احد شنو نايمين كلها
.. طبعاً نايمين الساعه1
سيف.. هاج هاذا انطي لواحد من خوالج
..شنو هاذا جان مثل الجيس بس قماش ولونه اسود فتحته مسدس ..يمه هاذاا شنو ليش جايب مسدس
سيف.. كلشي يصير ابوج كال خل يخلون يمهم مسدس يلا حروح سدي الباب وقفلي
.. دقيقه
سيف..احجي بسرعه وراي طريق
..شديصير
سيف..تنهد وذب الجكاره وداسها ..هوا منو مفتهم شجاي يصير كلشي صار بسرعه بسرعه حتا احنا اخذتهم وطلعنه لديالى
..اووف يمته يخلص كل هاذا
سيف..الله كريم يلا دخلي هسا
..شوديك هسا لديالى دنيه ليل خل اكعد جدو ضل هنا وطلع باجر
سيف..لا يمعود تعاي عندي شقه هنا اضل بيها
..اهاا يلا لعد حط ايده على راسي ومسد
سيف..ديري بالج على نفسج ليال
..ركب السياره وسديت الباب وقفلته دخلت وقفلت الباب الداخلي باوعت لساعه 1ونص رحت للغرفه وذكرت المسدس يلي بيدي هاذا وين اودي هساا خليته على الميز وشمرت نفسي على السرير من التعب
كعدت على صرخه وكلهاا ملتمه فوك راسي
كعدت والكفشه وكله كدامي .. ياا شكوو شبيكم صايرر منو مات
ملاك.. شنوو هاذا المسدس شسوين بي ولج
هناء.. يمه بس لا تريد تنتحر البنيه
..وكل واحد يحجي خوب بيبي كلش سواتي راح انتحر .. يااا شسالفه يمعودين شبيكم خل افهمكم سكتو وينتاضروني احجي ..يا اهل الخير السالفه البارحه كاعده بليل كلكم نايمين اندك الباب
خفت اطلع كلت هسا اتكعدون بعدين يكعد احد ماحو كمت كلت منو طلع سيف واجيب علمسدس بابا دزه يكول كلشي يصير
وهاي السالفه سويتوني انتحر شسالفه
ضل يضحكون على امي وهنوء لان كبرن الشالفه ..يعني هنوء بشرفتج اذا اريد انتحر اخلي المسدس على الميز شساالفه
غمتني وطلعت هنوب نتبهت لنفسي كلها جانت موجوده ختا مصطفى وحسن واني بكفشتي وبلا حجاب
يلا ماجانو مركزين قنعت نفسي بهلحجي وكمت غسلت ومشطت
الحفله الشعبيه يلي بشعري لان شعري قصير واني من النوع يلي احوس
من انام فا اكعد الكه شعري طاير فوك رغم شعري مو كيرلي لا سرح بس دايمن اسوي كيرلي اتمنا شعري كيرلي وهيج
هنى صديقتي شعرها هيج ايجنن والله وهيا الغبيه سرحته
اني والله ضجت لان احسه حلو وهيج مميز
فكلت اليوم اسوي هيج شعري
رحت للمطبخ جانت الساعه ب10 ونص هيج
جريت الكرسي وكعدت اباوع لهنوء وضحك
وهيا اتسوي نفسه ماتضحك ..شنو ريان ما اجه
نور..لاا وين ماجه بعد بيته هناا يمكن يضل هناك
..نذل
نور..هاا
..ماكو شي بس ذبانه ضوجتني
نور تو..ايي الذبان يكثر بشته هو البكه خل اكل لمير يجيب من هاذا البخاخ كلش زين انجيب منه
..وضل يسولفن على البخاخ مدري شنوهَ اني كمت سويتلي لفه تصبيره بعد ساعه مدري شكد الغدا
..اكلج هنوء احنا مو جبنه عصير لو ما جبنه
هناء..ايي شلون ما جبنه شوفي بهاذا الكاونتر يمكن
..اخذته الكاونتر وهاذا الكاونتر يلي معلق يصير داير مداير الحليط على الجهه اليسرا واصل يم الباب مال مطبخ الخارجي جاي اطلع
ودخل حسن وانتجه على الباب
حسن..هاا ام الانتحار شلونج
..ههههههه بعد هنوء لازم تكبرهاا اجه مصطفى وخوب مصطفى بس يريدله شغله يضحك عليه ويكضها ولطش كام ميصيحلي ليال لاا ام الانتحار ويضحك الخبيث واني اتعارك وياا
وعلى الغدا اجه ريان مدري شبي عرفته من شكله المعفوس وصوته
حافظته ريانو
كاعدين على الغدا قبل جنه ساكتين منحجي بس نحجي جدو ميصير وميصير وحابسين ضحكتنه كوه والوجوه حمرر وريان اذكر لحد
هسا جان يسوي حركات بوجهه حتا اضحك
هساا لاا ضحك وسوالف غدا عشه ريوك اي وقت جدو ميحجي
فا اني ومصطفى مناكر على الغدا مصطفى يمكن حتا الشرقيه راح يسولفون موقف اليوم لان ما خله واحد ما سولفله ويعيد كلساع ويضحك من كل كلبه
رياان..كااااافي دخنه شهل هوسه
بقينه اني ومصطفى صافنين لاا هاذا كلش الطناكيرر واصله
عنده خالو رايد يحجي وخاله نور سكتته لان هسا اكيد راح يرزله
وتسدد وصير مشكله فا خالو كام يفخ ويستغفر
خالو عباس غير الموضوع من شاف الجو تكهرب
للعصر كاعدين نشرب جاي وناكل كعك وكاعدين بلحديقه
تعايشنه ويا وضعنه وتاقلمنه لعيشتنه وللتغيرر تاقلم بسيط
اهل امي من النوع
يلي حتا لو صير مشكله اذا تنحل بسرعه ينسوها واني ماخذه على طبعهم فا هسا هاي المشكله من هدا الوضع تاقلمنه وعنده عادي
صح خايفين وماندري يمكن باي لحظه يدخلون
علينه بس ذابها على الله نموت الله يرحمه نعيش هم يجي يوم ومنموت
بس اني كل همي الكليه والله اتخبل اذا اجلو هاي السنه
لو ينقلوني لو شوف ايسون مستحيل ما داوم هلسنه بس اني مغلسه
اشوف اخرتها شنو لان ضاربيني بعرض الحايط
كلت اليوم احاجيهم لان مبقى شي
لان مبين باقين هواي بغداد
هنوء جانت بصفي وتحاجي اخته وتكله اي والله خيه بعد شنسوي
ومن هاذا الحجي نطيته نضره صاروخيه ما بقت اخت ما خابرتها
هنوب وحده ورا الثانيه مو رصيد ولا يخلص مال هنوء ههههههه
سدته منهن وضلت تسولف وياي اشوي ونفتح باب الترك (باب المطبخ) ونركع حيل درت ريان ..هاا طالع
حتا ما باوعلي لبسني وطلع ياا نذل يا ريان يصير خيرر
لحد اذان المغرب دخلنه صلينه ودخلن الثلاثي المحر اني وخاله نور وان (مرت علي) خاله نور تو (مرت امير) للمطبخ
يسون العشه من ال7 ونص او 8 ونكعد نتعشه
حتا لو الواحد شبعان يغصبنه ..اكلكم ليش منخلي العشه على 9 بدال من وكت والله حتا الغدا ما منهضم
نور وان..ياا خاله غير نخلص حتا نرتاح
..جا خاله ويلي شبعان شيسوي اخرو بداعتي والله محد جوعان
نور تو..ياا جا لعد خل نخلي على 8 ونص مو أإأححــٰـٰٰـٰـســٰـٰٰـٰـںْ
..ايي عادي والله وضلن يتناقشن على يا وقت واني صافنه بغير مكان بعدني اني وامي ما انتحاجه مرات ازامط وانسه وارجع احجي وياها
وهيا ولا كانو جبل ما يهزك ريح اووف هلمره طول زعلنه اني وامي كل مره حدنه يوم ومرات ساعات هساا مدري شصارر
رحت كعدت بصاله ودرت على مسلسل واجن كعدن يمي
لان ب7 ونص اتفقن ايكومن ويسون عشه وب8 نصب
وضلينه نحضر مسلسل واني بالي ولا يم المسلسل صافنه حتا بدون وا افكر شلون مادري يعني صافنه بلفراغ حتا بقلي مجاي احجي ولا فكره
فزيت من صفنتي على سلام عليكم ..وعليكم السلام
كعد ومدري شحجه ما فهمت ووضل يكلب بتلفون
واني جني مطي صفنت عليه هوا نتبه وباوعلي وابتسم
عزااا لياال شبيج شبيج هسا شيكول اني اشرد رحت للمطبخ
يعني شسوي هيا الصفنه اجت بوجهه بعد
معلي اني بس اول مره احس نفسي اشوف حسن
مجنت انتبه الهم او ادقق بوجه ايد لا هوا ولا مصطفى وحتا ريان
لو يكلي اخد وصفي شكله بدون ما هوا كدامي
ماعرف ههههه والله لان مادقق بلوجوه كلش
بس احو شبه صغيرون بين ريان وحسن مدري بشنو يشابهون بس ليشوفهم يعرف انو اخوان او اقارب يمكن لان بدم او هيج شي
اخذتلي بطل ماي ورجعت كعدت بس بعد ما رفعت راسي ابد
هوا هم شوي وكام
تعشينه وكملنه واجه وقت طيحان الحضن غسل المواعين ااااخ ليش ليش والله ادعم السفرر كثيرااً اني ناكل بصحون سفر وتذبهن
الله بدون تعب ولا هم يحزنون
وبديت اغسل بجبل المواعين هناك بلبصره جان اذا ريان موجود اخلي يغسل وياي
بس وين هسا رياان حتا ما ينشاف ابدد هلفتره
ضليت اغسل واحسن ايزيدن ما ينقصن اووف يربي تعبت
جان الشباك مال سنك على الحديقه فاا اكو مثل المساحه الصغيره تكدر تخلي بيها مثل ورده صغير او شي هيج فا اني خاله التلفون
ومطلعه مسلسل ساعه اصفن على المسلسل ساعه ارجع اغسل
..عميي لو هيج الولددد لو ماكوو ياا غبيه يحبج يعني مبين تراا
وين حاصلج وهلحلو يحبج
حسن..تردين اخطبه الج بعد
..يمه بسم الله ..خرعتني هههههه
حسن..هههههه
..شعدك منايم لحد هسا ههه
حسن..دجاجه خو ما دحاجه انام من 9 ونص
..هههه وين ادري شو سنطه (هدوء) كلت نامو
حسن..لا كاعدين
..وضليت اغسل وسولف ويا حسن ،حسن تقريبن سوالف وضحكه مثل ريان ومصطفى بس النسخه الثكيله هههه مو قصدي يعني
بس رزن على كولت هنوء ومو متهورومتسرع نفس ريان ومصطفى ابدد
ماكدر اوصفه واني مصالي هواي عارفته
بس كاا هسا من داحجي وياا حسيت هيج
كملت ونشفت ايدد اااخ هلكت والله ضليت انشف ورجع بلمواعين
وحسن بعده يسولف ويثارب ..ههه اذا نعسان روح خلصت اصلاً
حسن..ايي هو اليوم حنام من وكت ههههه
..هههه لعد بيش ساعه تنام كل مره
حسن..اتوقع 12 او11مرات
..ههههه اني اذا مدك ال2لو ال3 مانام ههه عدي ارق
حسن..هههه يلا تصبحين على خيرر
..ونته بخير راح من كملت رحت غسلت وجهي ورحت للغرفه
صدك اليوم كله راح تنام من وكت النعاس جماعي صارر
حتا عيوني مامدر افتحن مادري شصارر
بسرعه نمت وهاي مو من عوايدي
الساعه بل4 وقربت تصير بل5 حتا بعده ما طالع الصبح فزيت
وكل الم الدنيه احسه براسي مثل يلي ضاربي على راسه
كمت حتا اصلي وبلكت ارجع انام توني جاي افتح الباب
بس وكفني صوت همس خليت راسي يم الباب
مصطفى..فضينه طلعي
..معقوله جايبني هناا وبيتكم كوله بي ما صدكك
مصطفى..هووب هووب وين حدخلين ضحك ،خليتلهم منوم كله نسطرت من 9 وجبتج ب12
..ههههه فديتك والله تعرف تخطط
مصطفى..اعجبج عاد المره الجاي دبري مكان لا تعرفين شسوي بيج
..ههههههههه شسوي سوي اهم شي رضاك عيوني
مصطفى..المره الجايه عود احمر ما وصيج
..عزا العزاك مصطفى جايب وحده للبيت من الصدمه رجعت ليوره
وطاح العطرر لااا لااا مو وكتك والله ركضت على الفراش
وغطيت حتا راسي صاار هدوء خمس دقايق ونفتح الباب على كيف
عرفته مصطفى دخل اخذله طله وطلع
الله ياخذك يا حقير هنوب بكل عين صلفه جايبها للبيت الادبسزز
بسيطه مصطفى اني اعلمك تسوي خطط ومنوم النذل ما كال جدو وبيبي كبار يمكن هاذا المنوم بي شي يطكون ويموتون
النذل الحقير اوععع ربي هنوب اذكر حجيهم وهوا من يحجي
دكت الساعه ب8 كلها كعدت واني النوم ما شافنه عيوني من كعدت
مادري يمكن بذيج الساعه الله كعدتي وخلاني اسمع
الخقير مسوي نفسه ملاك
هساا بلا نكول ولدد ومن هذني السوالف ونركعها بس مو يجيبها للبيت هيج وصلت بي الدنائه هنو يحط الاهله منوم ويجيب
وحده ما عروف شاصلها للبيت
صدك نزل من عيني مصطفى من سابع المستحيلات جنت اتوقع هوا هيج يسوي لو احد جاي وكايلي يمكن اجذبه لان
تصرفاته وسوالف ادل انو هوا عكس هاذا الشي صدك ممثل
هاذا وجهه دكتور
من سمعت صارت حركه كمت طلعت كله راسه يوجهه
وحبوب البراستول من ايد لايد
اشوي وكعدد الس اقصد الدكتور المحترم مصطفى ويباوعلي
صبح وكعد ويباوعلي ومتوتر ماردته يشك اني عرفت
..ااخ غير نومه نمت جريته من العشره لحد 8 يلا كعدت حتا جسمي احسه متكسرر
مصطفى..هههه شنو ما فزيت ابد
..ابدد دكلك نمت مال اهل الكهف ههههه هوا مثل يلي رتاح
بس اني اعرف شلون اطير هاي الراحه من عيونك
صبينه ريوك ..اكلك جدو متكدر تنقلني شي راح يبدي الدوام
اني شوضعي
راغب..شلون نسيتج اناا نشالله اشوف احد بلكت يكدرون ينقلوج هناا
عباس.. عليش مداومه هلسنه اجليها احسلج
ملاك..لاا عباس شنو اتجل تروح عليه سنه حرامات
..باوعت لمي شعجب حجت مادري افرح مدري هاذا شي عادي وجاي ازردها بردت فعلي بس اني طول الريوك والابتسامه على وجهي حتا سالفة مصطفى نسيته بس من حجه
اذكرت بوكته باوعتله وكل الافكار وتخيلات السودا احت صدك لعبت نفسي منه بسرعه كمت ورحت للمطبخ ورغم مو علي غسل المواعين بس غسلتهن بقن بس مواعين يلي ديتريكون بيها
شلون فاتحهم بموضوع اكيد محيصدكون بدون دليل شلوون
احاجي حسن لاا لا اخو هاذا اكيد ما ينطي بي
وريان ماكو المن احجي ومن حيصدك
بليل رجع حسن وضلت متردده يا اكله يا ما كله تعشينه وكملنه
وتوجهت للمطبخ شفت مريم تتصل هلاا والله بوكتج اتصلتي
ردت عليه ..هلاا والله شلونج يلبذاته
مريم..هلاو بيج اني لو انتي
..وضلينه نسولف ويا سوالف سولفتلها
مريم..ياا اكيد احجي احد سولفي ريان
..هوا ريان العايب ينشاف كله طالع وبقشه مالتهم حتا سالم موه يسلم
مريم..لعد شلون ،هاا سولفي لخوو
...ياا اسولف لخوو شلون زينه جاي تكولين اخو يعني اخو شلون ينطي بي
مريم..سولفيله معليج اكيد انتي شعدج ويا مصطفى حتا احذبين لا وبهيج موضوع
..مريم والله ما اكدر اسولف شي لحسن ماكدر خل انتضر ريان والله كريم واسولفله لو اتصل عليه وكله حتا بلكت يحاجي لا يتكرر هل شي اذا يريد يضل على طيحان حضه خل يضل بس مو بلبيت ويسوي هلسوالف اني لان خايفه على جدو وبيبي يعني مبيرين بلعمر
وين ندري شنو بهذني المنومات لا اتاذيهم اذا اني نسطرت سطر ونمت
مريم..الله كريم نشالله، مشتاقتلكم هوااي تدرين ومشتاقه لكعداته
..اووف اني هم حجينه شوي وسديته جنت احجي واغسل فا كملت
بقه بس انشفهن ودخلهن بمكانهن
درت اريد احيب الوصله لكيت حسن كاعد وصافن
..حسن
حسن..ابتسم،مبين ما سمعتي من دخلت
..هاا ايي من يمته انته هناا
حسن..توني اجيت مبين خلصتي
..يمهه الحمدلله مبين ما سامع شي ابتسمتله ..هههه ايي اليوم متاخر
ضل يمي واني انشف لحد ما كملت
اجا اتصال وطلع اني هم طلعت يمه باااع ايدي
لا لا شنو هاي عود صدك ركض خليتلهن مرطب احس كا فاد دهنتهن فازلين لبست كفوف
رحت للصاله جانو كلهم كاعدين اليوم كعدت يمهم
وتمددت ونمت على رجل هنوء ..بداعتي هنوء راسي راسي
ضل تهمز راسي ونحضر تلفزيون
لل10 ونص دخلو مصطفى وحسن باوعت لمصطفى وجهه احمرر
وملابسه شوي بيها تراب
وحسن معصب وبسرعه راح دخل لغرفته ومصطفى نفس الشي
نور تو..هذول شبيهم
هناء..كومي شوفي ولدج مشوفين وجوهم متبشر بخيرر
..خاله نور كامت عشر دقايق ورجعت وجهه مخطوف كالت متعاركين ويا ولد محد علق وسكتو اني خوفي لا حسن سمعني
واذا سمع يلا بعد أإأححــٰـٰٰـٰـســٰـٰٰـٰـںْ يااا
ستغفرالله يربي شسوي هساا
كلها كامت وطشرو لغرفهم ريان وعباس طالعين ماكو
وهذولي هم الهم شسالفه بس الله يلعن شديسون
لل12 كلت اروح احاجي حسن بس شلون ادخله اذا مصطفى يما
طلعت للحديقه وفتح الباب يلعن الباب هم يطلع صوت
فتحته على كيف وطلعت يمه بررد بررد
جانن الكراسي بعدهن فا كعدت على واحد
ضليت كاعد مدري شكد مر من الوكت فزيت على طكت جداحه (قداحه) جان حسن كاعد يمي ويدخن حسن اصلاً ميدخن
..من يمته هناا ما نتبهت ههه سحب نفس من الجكاره ودار عليه ونفخ بوجهه اختنكت وضليت اكحح اكره ما اكره الجكاير وريحتها ابد مطيبه
حسن.. شسوين انتي هناا بنص اليل
..عادي دايماً هيج اطلع محجه شي وضل ساكت سكتت اني هم ..من يمته دخن اول مره ادري بيك ادخن دارر وجهه عليه وتقررب
اني رجعت راسي ليوره هاذا شبي وحجه بصوت ناصي
حسن..من زمان
..امم يلا تصبح علي خيرر ردت اكوم
حسن..ضلي رايح
..كام رايح يم الباب ..هااي شنو ياا وين حتروح بهليل
حسن..رايح لشقة ريان
..بهيج وكت شبيكك تخبلت ابتسم وفتح الباب ..دقيقه دار عليه ..البارحه من جنت احجي بتلفون سمعتني باوعلي بستغراب
..حسن سمعت لو لا
حسن..السمعت يلي احتاج اسمعه وبس
..وتركني راح خررب يعني سامعني يلا بعد أإأححــٰـٰٰـٰـســٰـٰٰـٰـںْ خل يسمع ويربي اخوو الحقيرر
دخلت البيت هدوء مدري ليش كلبي قابضني نشالله خيرر
هسا المخبل حسن وكته يطلع بهليل واحنه مو امان
مانمت لحد اذان الفجر صليت ونمت
مرن يومين الهدوء يلي بلبيت مو طبيعي يمك الهدوء قبل العاصفه
حسن لحد الان ما رجع صاله يومين ماكو
بس خالو متصل عليه البارحه وكايله بيت صديقي
مصطفى قليل اتصادف وياه ويكضيها بره هوا هم يجي بس بلوجبات وعافس وجه بس محد مهتمله
واني حتا حجي ما احجي وياا لان اتواجد او يتصادف انو سوا بس اوقات الاكل فقط ومرات حتا ما اشوفه يوم يومين عادي
بس اليوم كعدت فلاونزه معتليتني وجسمي ناارر
بلكوه كمت وهنوء كلساع مفرتلي اعشاب وشربي وشربي
بس اشربهن اضل اذب من راسي طعمهن ابدد مطيب
كلت اطب اسبح اتنشط احسلي طلعتلي
ملابس من هذني الشته الشته اني بنسبه كله البس بهاري اختنك من الملابس الشتوي بس حسه بردانه رغم جسمي نارر
الخشم يصب واحنر مكشرر كلساع احطله فازلين ماكو فايده
اصير نحسه من اتمرض كلش يلي اشوفه كدامي اتعارك وياه
فا من اتمرض اضل بلغرفه ما اطلع ابدد
بس هنوء تكلي تحركي وتحركي اني وين ما اتحرك لو اكعد انام
طبيت سبحت
وطلعت لافه نفسي من فوك ليجوه بلكوه مشطت حتا مالي خلك
دخل هنوء وشايله بيده كلاس
هناء.. هاج شربي هاذا يوخر نشله
..بيبي جاي جيبيلي والله حتا بطني نتفخت من هذني السوالف ماريد
هناء.. ياا ولج يمه حتا اطيبين بسرعه اشربي
..خلته على الميز وكالت ارجع الكه مشرب طلعت وباوعت للكلاس جان بي ورد مدري شنو اعشاب ولون اخضر على اصفر شفاف هيج حتا وا يساعد الواحد يشتهي ايشربه
ضكت اشوي ايعع
لبست طربوش وشواريب واخذت الكلاص ورحت يم هنوء
بصاله وصاله دافيه واني لابسه ملابس دافيه الله
يساعد على النوم تمددت على القنفه و هنوء جاي تحضر مسلسل كويتي وجدو طالع يمكن كاعد يم الباب لان تعرفه على واحد من الجيران وكليوم العصر يكعدون يم الباب سوالف وجاي
خوالي يمكن هم طالعين ريان فوك الاسبوع صالي مشايفته لا يشئل ولا شي اذا هيج بغداد تغيره منريدها حسن من ذاك اليوم كله عد ريان هم
امي شوي جاي جاي تتحسن علاقتي بيها وجاي نرجع مثل قبل بس بنسه قليله امي هم تكابر واني اكثر
مرات تتصل بابا اذا جان جهازه مفتوح او مرات هوا يتصل
يعني هم شوي رجعت علاقتهم
عباس جنه ديج مذبوح يلوب على مرته ههه يريد يجيبه بس مايكدر يطلع
لان اكثر بيت اهل بابا مراقبين فا ميكدر يروحلهم لا يصير بيهم شي
فيكضيه لو يم اصدقائه لان تعرفله على مجموعه ويطلع وياهم
لو بلبيت لو يم ريان يروحون يشوفون طوبه
خوالي نفس شي الباقين هاي حياتنه المستمره بلهفتره ماكو شي جديد
بس مشكله الشغل شلون كلها تركت شغله وماخذين اجازه
الفلوس دتقل بعد شهر يمكن بعد ماكو لان ما لحكنه نجيب شي
جبنه بس يلي تكفينه لشهرين
وحنا صالنه شهر او اقل بغداد لا خوالي اتوقع راح ينقلون شغلهم لبغداد هاي اذا لكو شغل بس نشالله يلكون
معاملتي مال نقل جاي يمشون بيه بس اكيد ما صارت هيج
دفعنه فلوس يلا كدرو ينقلوني لكليه بغداد
اتوقع كليتي نفس مال ريان يمكن ماعرف ومصطفى هم نقلو
بلشفعات يلا كدرنه ننقل لان صديق خالو هناك سوالنه من البصره بعدين جابها ونقلنه
اهل ابوي ايي اخبار عنهم ما اعرف بس اعرف انو هما بديالى
لا اعرف عن خاله ولا جدو ولا عمو كلهم ماعرف عنهم اي خبر
كعدت حتا من نام مادري بنفسي صوت بلمطبخ يعني ديسون عشه مابيه حتا اكوم جسمي احسه من امشي يطكطك
المكان دافي بس اني بردانه
بالف يا الله كمت وكعدت عدل لكيت حسن كاعد بلقنفه يلي بصفي
حسن.. هاا سلامات كالو مريضه
..هزيت راسي وامسح بخشمي
حسن..شربتي دوه شي تردين اجيبلج
..هساا احطه وكتله اني مالي خلك احجي وهوا يسئل ..لاا شربت
هناء.. هاا كعدتي
..باوعتله ..لا بعدني نايمه هيا هزت ايدها وراحت حسن ضل يضحك اشوي واجت جايبتلي كوب مال اعشاب ردت افلت بس كضتني
..هنوء والله والله ماريد شربت هواي من هذني سوالف ماريد
مشوفين هاذا الكلاص حتا ما شربته واشر على الكوب يلي على الميز
هناء.. يمه هاذا غيره شربي
دخل جدو.. هناء عوفيهاا للبنيه من مساع لهسا تشربيها بهذني هسا ادز احد يجبلها معلاك مشوفين وجهه اصفر
هناء.. ياا غير هاذا يفيدهاا
..وضل جدو وهنوء وياناقشون وايي ولا دخت بسرعه كمت
ركض للحمام رحت واذب من راسي
اني مو حمل فلاونزه ابدد غسلت وطلعت
هناء..اكليلج شغله
..بيبي سكت كله من هذني مالاتج
هناء..ياا وج انتي شبيج فوكاها
..ايي ايي فوكاهاا ،رحت للغرفه وركعت الباب للعشه اجت خاله نور صاحتلي عشه ..ماشتهي خاله بلعافيه
نور.. يلا يا خاله كومي لخاطري شوفي وجهج كلشي ما ماكله على لحم بطنج من الصبح كومي
..وضلت تحل خاله كمت وياها كعدت جانو كلهم كاعدين ما عده ريان وحسن كعدت ويجيبون ويحطون كدامي هنوء عود زعلانه
بس تباوعلي اغمزلهاا و ارفع بحواجبي هيا وهيا ادير وجهه
كملنه ولان اني مريضه هاذا احلا شي مارح اغسل المواعين
نكلت من شي وياهم وكعدت لزك بصف هنوء
وهيا تباوعلي ما عاجبهاا
بدا مسلسل وهاذا المسلسل البيت كله يكعد يشوفه عودتنه عليه هنوء
اني بس بده اتمددت ونمت على رجل هنوء وهيا ادفع براسي علو كيف ..هنووء هاي من يمته يصير الزعل بينه لك تروحلك هذني الزهوارت فدوه وداعتح اشرب الجيس كله بعد شتردين
هناء..وج اني علمودج حتا تفك الفلاونزه منج يل يمه
..اذري حبيتي انتي بس تعرفين اني شلون توصل الطناكير عندي من اتمرض تحمليني بداعت ضوه عيونج
ضل يضحكون
وكعدنه نحضر المسلسل ، كملناه وكلها اطشرت بليل
رحت للمطبخ امي جانت موجوده وكفت كبالهاا وهيا باوعتلي ودارت ..يعني عاجبج يلي ديصير صالنه فوك الاسبوع مدري شكد منتحاجه ماردت ..ماما شبيج يا يوم احنا مطول بزعل يلا عاد
ملاك.. ليال شتردين
..خل نصالح كافي عاد
ملاك..يلا وصالحنه شصار مثلن
..رحت حضنتهاا ..يصير هواي شبيج نبع الحنان ما حنيتي ما كلتي هاي مريضه يمكن تموت لا حسبالج احجي ترا واللع تعبانه
ملاك..اسم الله شهل حجي
..يعني هسا شنو المسامح كريم لو لازم نروح لجورج قرداحي يلا تصالحيني
ملاك..ههههه اشتاقيت لسوالفج ليالوو وج اني شلون اكدر ازعل منج بس هاي كرصت اذن حتا تتادبين
..فديتج والله بعد خلص الزعل تعاي رجعي لغرفتج لو حلتلج غرفت خالو وريان وحدج ومرتاحه بدوني هههههه بستهاا واخذت بطل مي ورجعت هيا اشوي واجت وايهابو لحد هسا منايم الوكيح
اخذت يمه وضلينه نباوع يوتيوب لحد ما غفيت مادري يمته
ملاك.. يلااا ياا امي رااح تتاخرين
هناء..يااا هاي بعدها ما كعدت ولج كعدي السايق براا
..اوووو مابيه مابيه يربي شلون مصيبه يمته نخلص كمت غسلت لبست بسرعه لان جنت محضره ملابسي ولفيت الشاله
وخليت المرطب والواقي من اوصل اخلي عود
وين الحك اخذت ملازمي وطلعت
هناء.. دكليلج شي
.. مالحك مالحك يلاا مع سلامه طلعت ولبس بحذائي بطلعت هم حسن طلع للشغل
حسن.. هااا ولج بعدج ما رايحه
.. حروح يلاا باي وطلعت اركض ركبت بسياره .. هاا صباح الخير
ردو عليه
حنين.. وين تاخرتي صالنه ساعه نتاضر
.. اوي عيني نبع الحنان اخرناج
حنين.. مليقه تعرفين نفسج مو
..هههه هاي جملتي ما نصحج تستخدميها باوعتلها صفح ودرت وجهه الحيه ام اربع روس عادل بشال بمرايه حتا ما لفيت عدل
يلي وياي بسياره الحيه حنين كاعده بمكاني كدام
واني وبنيه ورا البنيه مو ويانه بلقسم ماعرف بيا قسم بس حبابه اسمها نوران السايق يصير صديق عباس
بديت الدوام بلكليه صالي شهر مادري اكثر
اول مرحت ودخلت للقسم كله مستغربه ويباعولي هساا شكو تباعون
بعدع شوي شوي وتعرفت على ثنين بنات
يعني صديقات دراسه بس حيل مشتاقه لهنى ومريم اووف
خوالي لكو شغل هناا بغداد حسن هم تعين هناا بس وين يلا طلع تعيينه بشفعات يلا
اني ومصطفى نفس الكليه بس غير اقسام ريان طلع مو وفس الكليه يلي احنه بيها وصالي شكد مشايفته حتا اتصال ميتصل عليه
يكولن يجي للبيت بس يصادف اني ما موجوده
حيل منقهره منه يعني شيصير لو يشل تيلفون ويتصل عليه
بس اقنع نفسي مشغول مشغول يمكن عنده مشكله
بس هوا كلشي ما عنده ماعرف شبي
وصلنه للكليه ونزلت بسرعه بوجهي للحمامات
عدلت شالي وخليت واقي ومرطب وشوي مسكارا وجهي توني كاعده من النوم فا خلت شوي
رشيت عطر وطلعت
سلمت على البنات مها وتبارك وكعدت يمهن وبدت اول محاضره
الاوله
ويلي وراها بعدها طلعنه بس اني امبيه اطلع بارده هنوب اني لابسه احمر شعدي وخفيف اشوي ملبست جوا تيشيرت لان اني بسرعه الكف البرد جسمي بسرعه يتمرض
مشتاقه للبصره فديته دافيه والله ههههه وصيت البنات يجيبلي شي وياهن حتا اكل
راحن واني طلعت كتاب اراجع للمحاضره يلي وراها
جانو قليل كلها طالعه بس اني وبنيه ولد وهما هم طلع
بقيت وحدي ضليت اباوع من الشباك مطر خفيف كلش وهوى بارد
ودك تلفوني مريم فتحت الخط ..سلمت عليهن جانت هنى هم موجوده سولفنه شوي وراحن
اجت تبارك تركض وجهه احمر وتلهث بتعب اني كمت رحته عليه
..شكووو شبيج شبيج
..تعااي بسرعه م.....
يتبع ...