البارت الواحد والثلاثون
#الجزء- الثاني
#بقلم-malakuu
العنده ضيم
يسولف للعندهه ضيم
الخالي ماتكدر
تفهما السالفه....!
رحت لماما دخلت جانت تحجي بلتفون كعدت يمها خلصت وسدته
هناء.. يماا حبيبتي عندي موضوع وياج
ملاك..يستاررر امي وعرفها سالفتها مو خاله هسا ذبلها مفخخه علي وترتاح تربعت كدامهاا ..ايي اسمعج
هناء..باعي يا يما ادري انتي ما تردين بس فكرري
يعني انتي تبقين هيج طول عمرج يرادلج زلمه تحمين ضهرج بي بنتج تكبر وتزوج تبقين وحدج ع الاقل رجال وياج
بلحلوه والمره
ملاك..ماما انتي مستوعبه كلامج تدرين كولش ماريد وفرضن ازوجت شنو نسيتي الشرط ياخذون ليال منين
هناء..البنيه كبرت بعد لا شرط ولا هاي اليوم صديقتي ام سامر اتصلت علي كالت ابنها سامر شايفج ومنعجب بيج وهوا دكتوره وكامل مكمل والكمال لله
ملاك..تركتها وطلعت وهيا تتحلف وتصيح ازوج ازوج بطلعتي صار بابا كدامي
..الله يساعدك
راغب..ويساعدج شنو شبيه مرتي صيح مضوجيها ولكم ههههه
..هههه متعرفها بعد هم نفس السيره اتزوجي وتزوجي بابا اذا اني وبنتي حمل عليكم والله اطلع واجار بيت ونكعد اني وياها
راغب.. بابا شهلحجي انتي بنتي وحيدتي شلون تكولين هلحجي
..حضنت بابا .. الله يخليك النه حبيبي
باسني براسي وراح صعدت فوك
البيت خالي بدون ليال
رحت اتصلت ع فضيله داريد اطمن ع ليال
يتصل وماكو هاي رابع مره اتصل باوعت للساعه بعد وكت اكيد مو هيج وكت ينامون
اخر اتصال ردت
الوو
فضيله..الوو هلا هلا خيه
..هلا بيج عمري
فضيله..شلونج شخبارج
..الحمدلله ع الله ليال شلونها يمج هيا لا
فضيله..هسا اندهلها دقيقه خليج ع الخط
راحت وشوي واجت
ليال..الووو هلا ماما
..هلا عمري شلونج ليش متصلتي من وصلتي
ليال..ماما حبيتي هوا اني وين حتا هيج تخافين علي شبيج
..اااه منج ديري بالج ع نفسج وماريد مشاكل فاهمااا ترا دريت كلشي عن عركتج ويا الاء لا حسبالج اكو شي ينضم علي كل حركه تسويه عرفها فاهما
ليال..اشك انتي بلستخبارات
...هههه نامي من وكت ماريد سهر فاهم وسمعي كلام ابوج وخالتج فضيله
ليال..هوا بابا وين حتا اسمع كلامه اشو من البارحه اني هنا وهوا ماكو
..شنو لعد وصلج وطلع
ليال..لا اصلن عمو اخذني البارحه
..اهاا المهم ديري بالج ع نفسج وشتغلي لاتركين فضيله وحده فاهماا
ليال..حاضرر اكو اوامر ثانيه يا سلطانه
..هههه لا ماكو وتصلي علي يلا مع سلامه
سديته منها رحت تمددت ع الجربايه احس جسم كله متكسر ...
ليال..
اليوم من الصبح الله كعدتني خاله
..ايي خاله والله كعدت بس خمس دقايق
فضليه.. ولج كومي الناس راح تجي ونتي نايمه
.. كعدت واني افرك بعيوني .. ياناس
فضيله.. اليوم صادف وفات الحجيه الله يرحمها فا نسوي عزيمه ويجون بيت خوال ابوج وعمامه كومي ساعديني خلي نظف ع السريع حتا من يجون نبدي نطبخ
.. كمت ع حيلي .. خاله يخبل البيت نظيف ونبي
فضيله..ضربتها ع خفت ايدها.. يا نضيف يا خاله روحي غسلي وتعاي تريكي وخلي نبدي
.. ماشي ،غسلت وشلت شعري كبايه التسريحه المشهوره ماكو غير سويتلي لفه اكلتها ع السريع وبدينه تنظيف نضفنه الديوان كسر ضهري كلش جبير
كملنه كلشي وجبت مبخره وبخرت البيت كلش حلو ريحته سئلت خاله ع اسمه كالت جدج جايبه خلي يجي واسئله شنو اسمه
بخرت الستقبال يلي كالت خاله النسوان يكعدن بيه
دخلت للديوان مشيت كبل ورجعت وحطيته ع الطاوله يلي صايره ع طول الديوان لتفت لكيت الحقنه منتجي ع الباب ويباوعلي تخوصرت ورحته
..مضيع شي بوجهي ومادري واخر ساد الطريق
سيف..عود ليش هيج لسانج متبري منج انتي وماتحترمين
..والله بقيت الحترام الك ماشي عفته وطلعت
سيف..هز بيده ..بعد تربيتنن شطلعيني
.. احسن من تربيتك يلي حقنه ودخلت للبيت لان جان الديوان شبه خارج البيت
تلكتني خاله فضيله
فضيله..ها خاله كملتي كولشي
..ايي كملت كولشي حروح اسبح وبدل بس ماعندي شي اسود
فضيله.. والله يخاله ماعندي شي ع كدج بس عندي جبه صغيره عليه وما لبستها شوفيها ع كدج
.. ماشي لعد اسبح وشوفها
طلعتلي تراك ودخلت سبحت ...
واكفه ع المرايه اقيس الصايه همزين اجت فيت علي وهم كلش حلواا جانت مامسدوده كوله بس من فوك تجي مثل الكب باوعت للساعه صارت11:00 نزعت الصايه وطلعت يم خاله بلمطبخ
اشوي واجو بنات ونسوان سلمت عليهن وبدن النسوان الطبخ واحنا نساعدهم
صارت الساعه1:00 رحت بدلت ولبست جوا جينز كابوي وشلت شعري وحطيت الشال فوكه طلعت وبدو الزلم تجي
جنا مكملين كولشي بس الولد ياخذون الجدوره وها هيا
كعدت يم البنات وبدن يسولفون
اشوي ودخلو الولد اخذو الجدوره
وطلع وحده من البنات جانت عينه ع واحد بس طلعت عيونه دمعت ستغربت شبيها رحت كعدت يمها .. ريم بيج شي
ريم.. هاا لا مابيه من رخصتج
وكامت
ضحى..اوفف ريم والله موتتني لا ناسيته وعايشه حياتنه مثل ما هوا عاش ودار وجها عنها
روان.. والله اختج ثوله مثل ماباعني ابيعه
شنو الدنيه واكفه علي مثلن
..ليش شبيها سئلتها وكالت مابيه شي
ضحى..يا مابيه هيا وين راحت اصلن
.. هسا اجي رحت دورت عليها لكيتها بلحمام وصوت بجيها وشهكاتها واصل ليبرا
دكيت الباب.. ريم ريم حبيبتي افتح الباب خلي نحجي
انفتح الباب ولكيتها مفرفحه من البجي
..شبيج يا عيني ليش كول هلبجي
ريم..والله جاي اموت والله
.. رغم توني عرفتهاا وماعرف شنو قصتها بس حيل قهرتي اخذتها لحضني وهيا تشهك ... سولفيلي شبيج
بس اوكفي بجي اخذتها وغسلت وجهي
ورحنه دخلنه لغرفه كعدتها كدامي وبدت تسولف
ريم.. حبيته من جان عمري14س مراهقه كولشي ماعرف جان عمره17 اكبر مني 3سنوات بدت علاقتنه وكبر حبنه يوم بعد يوم صار عمري 19سنه هوا22
قررونه نفاتح اهلنه ونزوج واول صد جان من اهلي بس بعدهاا وافقو
واجه يوم وجاين حتا يشوفوني
عود بطريق وتخربطت امه ومكدر ويجون وكل مره من يردون يجوني تصير شغله وبسبب امه متريدني وامه تصير عمتي
شايتفتلج هيج عمه متريد بت اخوهاا
وهواي صارت شغلات لحد ما سمعت بي انخطب
وهسا هوا مزوج وعده طفل واني
اني يلي حياتي دمرت من بعده وين الحب يلي كليا وين وعوده انتي الي وين ويننن
..جان تحجي من كول حركت كلبها وكل كلمه تكوله تشهك حسيت بلوعة كلبها هيج الحب ياذي .. وليش دمرتي حياتج علموده كملي وعيشي مثل ما هوا كمل حياته وعاش وصار عنده بيت وعائله انتي هم انسي الماضي ترا الدنيه ما توكف ع احد هاي اني اصغر من ودانصحج بادال ما انتي تنصحيني كافي كومي ولتبينين ضعفج وكسرتج كدامه لو يحبج صدك جان حارب الكل علمودج
احسيتها شوي هدت كامت وعدلت شالها وطلعنه جانو ديصبون للنسوان اكل رحنه ساعدناهم بنقل الاقل ...
