الرابع والخمسون
#الجزء- الثاني
#بقلم-malakuu - العنود
(لم تتمت مراجعة الاخطاء الاملائيه ..)؛
قرأه ممتعه للجميع ...💎✨)؛
نحاول نهدي امي ماكو فاقده تبجي
فضيله..كومي كومي الله لا يوفقهن ..جيبيلهاا مااي
..ركضت ادور بثلاجه مالتهم ماكوو مابيهاا ماي نزلت اركض جواا
كضتني عمتي نضال
نضال...شصارر
..فلتت ايدي منهاا .. قسم بالله العلي العظيم اذا صار شي بامي
اندمكم عيشتكم رحت جبت ماي وصعدت شربتهاا شوي وخاله تهديها
لحد ما هدت جان كل جسمهاا يرجف وشفايفه صاراً بيض
حطيناها على سرير وغطيتها
طلعنه من الغرفه وكعدنه بصاله ..خاله فدوه فهميني شنو السالفه والله راح انجنن
فضيله..تنهدت خاله واالله مالي خلك احجي البيه مكفيني من مصايب عماتج عوفيني بحالي
..سكتت ونزلت جواا جانو جهال سلوى بغرفتي ..شعدكم هنااا يلا برااا طردتهم وركعت الباب
بليل اجه جدو والعمات العزيزات كضن خاله حتا متكله
فضيله..كضني عن عمي احمد مو جود وحق محمد اذا ما طلع حق هلبنيه من عيونجن ما اطلع اني بت ابوي وطالعه من ضهر رجال
احلام..اروحلج فدوه فضيله اني مالي دخل دخيلج
فضيله..لا تتوسلين الي احلام روحي توسلي ربج يسامحج على مصايبجن شكلتي نفسج من رحتن سويتن هيج حسبالج ايضل الشي مضموم شفتييي ..شفتي الله شلون كشفج انتي وذيج شفتييي
..مرت ساعات وعماتي لبسن عباياتهن وراح يرحن يشردن من مصايبهن بلبابا وكضهن جدي ضلن يتراجفن حسبالها دره
بمصيبتهن يلي حتا اني لحد هسا ما مفتهمتها معقوله
تاهمات امي بمصيبه لو شنوو
احلام بس صاحلهن كامت تبجي
هوا اتفاجأ كلهاا شبيج وسلوى تكرصهاا باحلام حتا تسكت
اني رحت للمطبخ صحت خاله كتله جدو برا
هيا طلعت تركض بس شافنهاا كامن يبلعمن
فضيله..هاا عمي الله يساعدك
الحجي ..هلاا يابه ويساعدج
فضيله..عمي بس اريد احجي وياكم من كلمة راس اذا عندك وكت
الحجي ..كل وكتي الج بنيتي تعااي
راحو دخلو بالستقبال وسدو الباب وعماتي ركضن راحن
حطيت اذني على الباب وبقيت اسمع
الحجي ..احجي يابه شنهي السالفه
فضيله..منين ابدي حجي منين
الحجي ..كعدي يابه فهميني شنهي شصايرر
فضيله..عمي تقبلهاا بوحده من بناتك هيج يصير بيهااا تقبلهاا
الحجي ...فضيله شنهييي تحجين اليوم لو شلون بناتي شني
..واكفه وراا الباب واسمع حجي خاله فكيت حلكي من الصدمه مسويات سحرر لبابا
جدو صوته مله البيت ورتفع ضغط يدك عليهن كلهن جهازهن مغلك
تخربط كلش وعمو اخذه للمستوصف تالقريب منه
اني ضليت اكل بضافيري وبس اباوعلهم
خاله وسيف جان موجود
سيف..شكووو تحجون شكووو يوممم هااي انتي الجبيره شكو توصليهاا للحجي
فضيله..حتاا يادبهن الا متى نبقى هيج احنااا الا متى هنوب هساا شي جديد سحوره صارت وعلى اخوهن من الله لا يطيجن نشالله
سيف..ابوي وين
فضيله..ته انته والله بطران هوا ينشاف خلي عائلته يشوفو بعدين انته
ااااخ يفهدد ااااخ وين جانتلك هاااي وين
سوده عليك يا ملااك شذنبج من اول ما عتبتي هاذا البيت الاكشر هاذا ما يوم عشتي بي خيرر
..وضلت خاله على هاذا المنوال احد ما رجعو البيت كله متوتر
جدو كال بس يرجع يودي عد واحد سيد بلكربلا ويزوره
يفك سحورتهن
..مر اسبوع على هلسالفه وابوي باجر يرجع البيت متوتر من ذاك اليوم كله ساكته وصافنه امي ما تنزل من غرفته اليوم بلكوه نزلناها اني وخاله حتا نتغدا كلنه سوا
وبهاي الفتره ولا وحده من الحيايه اجن عدنه
كاعدين كلنه الغدا وجدو وسيف وعمو يسولفون واحنا ساكتين
وامي تكلب بالاكل متاكل
على هيج اجواء مصخمه حتا ما اشتهي اكل جدو من ذاك اليوم لحد هسا يتصل بابوي حتا يستعجله ينزل
كومت ايهاب اغسله شوي وكامو يجيبون بلمواعين
غسلتهن البيت هدوء كلعاده
توني طالعه من المطبخ ماشوف اله باب البرا انفتح ودخلن الحيايه يتباجن
ويصرخهن وين ابوي وين ابوي
كلها طلعت على صوتها سيف بس شافهن هز ايده ورجع دخل لغرفته
اني ركض صعدت صحت لخاله
فضيله..ياا ما يستحن والله وعينهن كويه منو ومنو جايات
..بس نضال وسلوى
فضيله..ايي
لفت شالها ونزلت واني وراها جدو واكف وهنا كاعدات يم رجله يتوسلن بي ويبجن
سلوى بس نزلنه انطتنه خزره ليزريه صدك على كولتهم فوك شينه كوة عينه اني اصلف من عماتي ما شايفه بلا نضال وسلوى ما مشتركات بجريمه
بس اني الصادمني احلام اتوقع منهن كلهن ما عدا احلام لان صدك زينه وتحبنه حيل شبيها هيج كلبت مادري
انتكيت على باب المطبخ وبقيت اشاهد المسرحيه يلي كدامي
واوو ارفعلهن علم على هاذا التمثيل المحترف جدي ما حجه ولا كلمه
ساكت وحتا ما يباوع بوجوهن
تركهن ودخل وهناا ورا ركع الباب بوجوهن
خمس دقايق واندفر الباب وحده صرخت يباااااااا
..ياا باوعنالها احلام وتبجي مادري اضحك اضوج مسرحيتهن اضحك
دخلت تركض ودك الباب مال جدو وتبجي
اشوي وطلع سيف مبدل على اخر حبه
باوعلهن من فوك ليجوه
سيف..هاي بعدكم
هز ايده وراح
فضيله..كااافي مسرحيه خلصت عمي لا يصعد ضغطه كل وحده تروح لبيته يلاا
سلوى..اطرديني من بيت ابوي يفضيله ...يباااااا ..يااا يبااا تعاااال شوف بناتك ..ينطردني من بيت ابوهمم
فضيله.. هزت ايدهاا ..شكد تمثلن امهات السحوره
نضال... وج فضيللللله كضوليهاااا لهل حيه طلع لسانه اشوو
فضيله.. كلمت الحق تنكال يبت العم تذكرني من مرت نائل سوت سحرر ما بقيتن بيت ما حجيتن عنهااا شفتي شلون الدنيه دوراا
ضل هيج ضلن امشي خاله امشي لا ننعدي منهن ونصير نفسهن
جرتني خاله وصعدنه وهنااا يصرخن ويغلطن جواا
تونه بنص الدراج
وما اشوفنه اله صوت الراچدي حتا كضيت خدي من صوت
درنه جدو لازم احلام وضاربهاا راجدي جدو من النوع يلي ميضرب ابدد يصيح ايي، نادرر ما يضرب بقينه مصدومين
لا لا تحولت المسرحيه لجد
بقت احلام صافنه بوجه جدوو وسلوى ونا دراك ما سلوى بقت تغدد وتهد وكله من هاي واننعل هاي هاي
دخل عمو ..هااااي شصاير. هنااا صوتك واصل لسابع جارر وين كاعدددين ما تستحن ما تكووولن عين شعدجن جاياتت ادبسززيات
..عمو جان مثل جان يلي يريد حجه حتا بس يكضهن ويكتلهن وهناا ما قصرن بسرعه انطنه الطريق
سلوى.. ايي بعدد موزوز انته صايرر تمشي ورا النسوان وحجيهن
احمد.. شلوووون ولج
كضهاا من شعرهاا عمو انريد نفكه منه ماكوو جدو كاعد على القنفه يلي بصاله وداير وجه ما هامه يلي ديصير
فضيله.. بداعتي احمدد اروحلك فدوه عوفهااا بداعت الحجي عوفهااا
والله ملينه من المصايب يربيييي ملييييييينه ملينه
احمد.. الادبسزز الحقيره اني امشي وراا النسوان مووو تردين تعيدين المنوال مال فهدد مووو هسااا ترحن شون سحوره مووو هااذا عود اخوجن وهيج ادبسزززيات
صااح جدوو بصوت ..احمددد
وخرر عمو عنهاا وهيااا شكلهاا ما يتفسر نضال مهياا بس احلام جانت موجوده
الحجي..سمعن هاي الحجايه وماعندي غيرهاا بيتي بعدد وجهجن ما شوفه
احلام..يابه بس
الحجي..صوتج ماريد اسمعه ،على سالفتجن هااي متبري منجن ليوم دين
سلوى.. يابه بس اسمعني اني مالي دخل بيهن والله اقسملك بايات الله اني مالي دخل
تركهن ودخل لغرفته وركع الباب
وهناا طلعن يبجن ويتحسبني علينه بلكوه كضينه عمو ما يطلع وراهن
فضيله..شبيك يا احمد هيج صح غلطن بس مو هيج تكتله مره شكدها وشكبرها جهالها بطوله تكتلها
احمد..اااش فضيله عندج حجايه بيهاا خيرر احجي ما عندج اسكتي
فضيله..صارت هيج مو عجل يلي تردو سوو اني طالعه منهاا شنهي ناقصني مصايب اني خليني بغرفتي متكتره عنكم وعن مصايبكم
..صعدت خاله وعمو طلع معصب صعدت يم امي جانت تحجي بتلفون ويا بيبي
ملاك.. لا لا الحمدلله كلنه بخيرر
حجت بيبي
ملاك..ههه ايي زين يسلم عليج باجر حيرجع من الشغل
حجت بيبي
ملاك..ياا شبيج يوم كولشي مابيه بس ايهاب مضوجني شوي
حجت بيبي
ملاك..لا نشالله اكيدد ترجع بس خليها كم اسبوع بعد وبعدين اكل احد رجعها
حجت بيبي
ملاك..ههه نشالله يوصل يلا مع السلامه شربي علاجج مو تننسي
..نشالله نشالله
سدته منهاا
..هاا هاي بيبي
ملاك..ايي
..ماما لضوجين نشالله يرجع بابا مثل مجان
ملاك..تنهدت نشالله
..مادري جاي نقنع روحنه بهيج حجي مادري صدك حيرجع مثل قبل اوف الله كريم
بليل كله بغرفه حتا عشه ما تعشينه سيف طالع من مساع ما رجع
وخاله وعمو مادري وين راحو جدو يمكن هم طلع بقيت بلبيت بس اني وامي بلبيت
امي فوك واني نزلت ضليت افتر بلبيت ليكول جني من غرفه لغرفه
رحت تاكدت من الباب مقفول وطلعت بلحديقه عمو ابو محمد
ابنه من اول يوم اجيت سلم علينه بس كال ارجع لان متعود على بيتي
وصار يروح كم يوم يم ابنه ويرجع النه لان ابنه نفصل على زوجته
وابنه الجهال خطيه امهم ماخذتهم فا عمو ابو محمد يروح يغسل ملابس جهاله
لان ابوهم بشغل ويطبخلهم ويرجع ،اليوم مادري مارجع اتوقع بات يمهم ضليت اتمشه بلحديقه وفتريت البيت
رحت لورا البيت الحديقه يلي ورا البيت بيها سياج وبيها باب اكدر ادخله من هنا بس مقفول ماكدر اله من المطبخ واطلعها يعني شوي معزوله عن الكراج والحديقه مال بيت والممرات
جان اكو مولده جبيره
قليل اجي هناا لو بلحديقه يلي ورا البيت لو الحديقه الجبيره
جانت ضلمه ما مشعلين الاضويه مادري ليش
درت اريد ارجع شفت شي خطف صحتت منو هنااا
ليااال لا تصيرين توم كروز وهساا يطلع حرامي خل اركض ادخل للبيت وادك على عمو
اني اركض اريد بس اوصل احس حتا الطريق صار طويل
توني طالعه من الممر جاي ادور
اشوف اله نجريت واحد سد حلكي وكال ااش باذني
ضليت ارجف
..من..وو
..امشي بدون صوت
..من الخوف كمت حتاا صوته ماسمعه شحجي مادري كام يمشي واني مشيت ...شتررريد
..هههههههه شعجب تخافين
..اني سمعت صوته ودرت مادري افرح اكتله للنذل الحقنه ..تحجي صدك
سيف..ههه همزين طلعتي تخافين من شي
..تحجيييييي صدددك اني وكع الكلبي حسباااالي حرامي شهل شقه التافه هاااذا شكدك وشكبرك تسوي هيجججج والله ما تستحي
وقت شقه هااذا احناااا بااا حااال
كض ايدي حيللل ودفعني ورااح ..ااااخ حققققنه اضل ما تتغيرر يمه كلبي رااح
دخلت جوا ،بس اني قفلت الباب البرا منين دخل هاذا سديت الباب
ورحت للمطبخ كلت خل نتعشه ملين خاله وعمو مطولين
صعدت لماما وتركت الزيت على نار هاديه على ما اصعد
دكيت الباب ودخلت جانت كاعده تطبك بلملابس
..حسوي عشه تتتعشين ويااي
ملاك..لاا ماشتهي تعشي انتي حبيتي
..فد..سكتت ..ماشي بَٰـــرَّٱحٰۛـتْٰجّ حتركلج عشه من اجوعين حمي
ملاك..ابتسمت ..ماشي اخذي ايهاب وياج خل يتعشه
..اخذت ايهاب ونزلت جان سيف واكف يم الثلاجه دخلت لتفت عليه
سيف..انتي غبيه شلون اتركين الزيت على النار
..على وين احطه فوك راسي غير على النار
سيف..ااش سدي حلكج مالي خلكج
..واخذي ايهاب مني وراح وكفت يم الباب ..هيووو تريد عشه
جان واكف يم الباب ودار عليه ..الهيو راح اغلس عليهاا
وايي وحمي الجاي مو نفس كل مره بارد
وراح ..هاذا شبي ته بها فوكاها سويت مگليات وگليت كبه وطماطه
صارت لاجعه اجنن رغم اني ما احب الطماطه بس الطماطه الكلي وتصير لاجعه مادري شلون اكله بس كلش طيبه جانت
ماكله ابدد ابدد بس ريان مره سواهاا وضكته صدك طيبه فا احبه
بس بهاي الطريقه احبها
خليت على الميز وحميت الجااي وين صاار هاذا اريد اوكل ايهاب اني
حتا ما عندي رقمه حتاا ادكله اكله شوي وشبعت غطيت الاكل لا يبرد
شوي ودخل ..وينك صالي ساعه انتضر
سيف..شنو تنتضريني ما تعشيتي
..هه ما يضحك تعشيت وخلصت شعدي انتضرك انتضر اخوي
اخذت ايهاب وكعدته على الكرسي
..كوم صبلك جااي اريد اوكل ايهاب
كام ويهز بيده
..يدك صايره فالته هليام كل ما اشوفك تهز بيدك ضبهاا خطيه يمكن عطلانه غلس ليكول ما حجيت شكد نذل صبله چااي وكعد ياكل بهدوء جنه مادري شنو
اسوي لفات زغيرونات واوكل با ايهاب ..ااا اكلك سيف
باوعلي بشك ورجع ياكل ..شحيصيرر
سيف..شيصير
..تنهد ..وين ادري ،اذا خلصت صيحلي اغسلن المواعين واذا ما اصيحلي اسوي فضل واغسلهن رحمه لهلك مو اذبهن و خاله حسبالها اني غسلت ليهاب وطلعت رحت لغرفتي
كعدت احضر مسلسلي
غفى ايهاب رحت صعدته فوك وامي كاعده صافنه
حطيته يمها على السرير ونزلتي اجو بيت عمو سلمو عليه وصعدو
ورحت للمطبخ هههه غاسل مواعينه ايي عفيه هيج اريدك
ههههه
صبيت اكل لماما وصعدت وخاله طلعت من غرفته هم تريد تروح لمي
فضيله..ياا بعدها ما متعشيه
..ايي وين تقبل هياا
فضيله ...نطيني اني اوديها الها روحي انتي خاله
..ماشي نطيتها الصينيه ونزلت
من الصبح فزيت وطلعت غسلت ورحت للمطبخ جانت خاله بلمطبخ وامي يمهاا
امي من ذاك اليوم حيل ضعفانه وحتا وجها صاير بطول وسواد حوا عيونها وحلكهاا ناشف ومتقشر
..صباح الخيرر
ردو عليه كعدت واتمغط اوووي ضهرري
تريكت بس اني خاله وامي متريكات
للعشره ونورر يلي موتر البيت وقالبه فوق حدر سلم علينه
وامي ضلت بلمطبخ ما طلعت
حتا اني بلكوه سلم عليه وايهاب بس باسه ونزله مو مثل قبل
كعدنه بصاله باباا حيل متغيرر غير عن تغيره الثاني لاا هساا زايده
كلش شكله يخووف وضعيف حيل مو مثل قبل ولحيته عاليه
وطويله وبيها شيب وشعره مشيب وعيونه حمرر
مال واحد صاله قرن منايم وجواهن سواد قوي ومسمرر حيلل
بقيت ادقق بكل تفاصيله
وحتااا من يحجي بتعب
لل10 وسمعنه صوت صيااح ركضنه للصاله بابا يصيح ويضرب على راسه وتمو وسيف يكضون بي
ويصيح اريدد اموت اكتلني اريددد امووت
اباوعله ودموعي تصبب ماما واكفه بعيدد عن الباب وتبجي
كومو وهوا كل جسمه يرجف ووبعده يهلوس امي جانت
ما منتبها
انو طلع فضاله واكفه هوا شافه وراح عليه وخنكهاا
ويصيح ..اليووم اموتج ماريددد اشوفج كدامي اكرررهج
ويتنفس ويحجي حالته مادري شصارر ماعرف شلون
افسر هاذا الموقف
خوف دموع ابوي امي على اي واحد انقهرر اكثرر على ابوي يلي مو بوعيه
لو بامي يلي ماتعرف شتسوي حتاا ترجع رجلهاا
اسمرت حالت ابوي لمدة 3ايام هيج لو يغمه عليه لو يضل يصيح
مايقبل اي احد يتقرب منه ينفر من الكل
اخر شي انطوه منوم ونوموه وطلعو بي لكربلا
امي كضيتها تبجي وصلي مانشوفهاا ابدد حتا اكلها قل وضعفانه حيل
حالتها يمكن حتا اكثر من بابا
حاطه كرسي وكاعده بلحديقه الجبيره وكاعده يم عمو ابو محمد
وصافنه على حياتنه يلي مثل النار وذبو عليه وحركت كل الهدوء والسكينه يلي بيها مره يومين وجدو وبابا وعمو ما رجعو
صافنه وندك الباب حيل رحت دخلت جوه وكفت يم الباب فتح الباب عمو ابو محمد
ودخل واحد دقيقه دقيقه هااذا مو عمو عبااس صديق بابا
ومبتسم بس شافني يم الباب
عباس .. هااا لياالو شلونج ام لسان
..جنت لابسه حجاب فتحت الباب كله ورحت سلمت عليه
عباس..شبيج عمو ضايجه ابوج وين
..والله مادري شسولفلك ومنين ابدي خل اصيحلك سيف لان موجود
دخلت وديكت الباب على سيف صااح منو
كلت اني ودخلت جان جاي يلبس بتيشيرت
سيف.. هيوو شبيج اني كتلج دخلي
..اهوو ولا تستقر لميس يلي اذا شفناهاا راح ينتهك شرفهاا اشوف اسكت عمو عباس صديق بابا براا
سيف..طلع هسا اجي
..لميس خفي علينه هوا وجهك جنك غوريلا تدري
سيف..لياااال
..صااح واني اركض للمطبخ
فضيله..شنو منو اجه
..تذكرين عمو عباس هاذا يلي ويا بابا
فضيله..ايي
..هوا اجه
فضيله..اهاا كلتي لسيف
..ايي ..خاله يمته يجون
فضيله..لو باجر لو عكبه نشالله
..وبابا صار زين
فضيله..نشاالله ندعيله هذني لحيايه دمرن الرجاال تدمرر اووي سوده عليه فهدد حسبي الله على الضالم
..اااه والله ملينه خاله ليش سون هيج هوا مو اخوهن هساا بينه احنا بلا اكول بامي ايي بس هوا اخونه ليش
فضيله..الانانيه والحقدد هيج تسوي عمتج تريد تحرك بكلب امج والعياذ بالله راحت بغير طريق حتاا مادري شكول لو اكلها للمخبل وكله روحي هيج سوي باخوك هم ما يسوي
..سكت وصبيت جاي وخليته بصينيه وماي اجه سيف
سيف..سوي ضايفه شي للرجال
..لا تحجي بدون مشوف هااك اكيد نسوي
سيف..ليال قسم بالله راح اموتج احترمي نفسج احسلج جاهل اني كدامج ساكتلج علمود وضعنه هااذا وغلسلج لاا تخليني انجن عليج
..واخذ الصينيه وراح هزيت ايدي
فضيله.. خاله ليال صدك عيب الولد شكده وشكبره وهيج تحجين وياا على الاقل احترمي عيب هيج يا امي ما تحبي لا تحاحي احترمي لعمره اكبر منج وابن عمج عيب
..ماردت عليه صدك مبين تماديت كلش عيب ليالل صدك زودتها
شبيج هااذا مو ريان وانتي حتا ريان متعاملي هيج شبيج عيب الولد شمسويلج ..ماشي خاله اسفه
فضيله.. لا تعتذرين مني اني اني شسوي بعتذارج روحي لسيف وعتذريله
..يااا اني اروح اعتذر لهاذا الحقنه اله تخبلت
فضيله..يااا توني شحجيت اني هندي
..ايي خاله انتي وصليله عود اني ماعتذر منه لو شما يصير
فضيله.. استغفرالله
..اخذت اكل لماما وصعدت دكيت الباب ودخلت
جانت تقرا قرأن صدقت وباوعتلي
ملاك.. ماشتهي ماما بس وكلي اخوج
..شنو ما تشتهين ماما صالج بليومين ما ماكله شي تحجين صدك
اذا متاكلين والله ولا اكل شوفي صاير بيج
ملاك.. ليال فدوه لا صيحين راسي يعورني
..اكيدد يعورج كلشي ما ماكله طبعن شذنبه هاذا الطفل هاا 24 ساعه متومته
ملاك.. لياااااال
..حطيت الصينيه وكعدت ايهاب وضليت اوكله وهيا رجعت تقرا
خليت اكلها ودنيت الصينيه يمها واخذت ايهاب ونزلته
..خاله فدوه صعد لماما خل تاكل ما تقبل
فضيله.. اني شلون هسا احير بيمهن ربي صبرر ايوب اريدد
يلاا اكدر اعيش ويا هلعائله احسر بذيج يلي منعزله لو ذاك المتخبل ما يعرف احد لو بيمن بيمن
..والله فاهمتح بس روحي صعدي حبيبتي
فضيله.. شوف هااي اشو ميلي ميلي
..وراحت وهيا ادردم ومدري شتحجي لشوي وعموعباس طلع شفته من شباك المطبخ رحت ودعته
عباس.. راح ازوج مو ما تجين ههههه
..هههه مبروكك لا نشالله نشالله بعد عرسك هاذا شلون ما احضره منو سعيدت الحض
عباس..مفاجأه هههههه
..واو ماعرفتك مفاجأت وكذاا اممم هههه
عباس ..هههه يلا سليمنه
..راح وسيف وياا ودعه وسد الباب
سيف..شني وين عايشين عاده وداكه وياا سالفه ما تستحين
..باع سيف معصب انته لا طلع حركت بيه هاذا اشي ما يخصك احاحي يلي اريد ومال عيب الرجال بكد ابوي والحمدلله ابوي قبل
سيف..هوا ابوج يدري بدنيه دخلي دخلي
..تعال صدك شنو سولفتله لعمو عباس
سيف..عليش اسولفله
..على سالفة بابا
سيف..ومنو هوا حتا اسولفله
..امم دخلت جوا وروتين نفس كل يوم تغدينا تعشيه
يوم ثاني رجعو وبابا شكله تعبان حيل وساندي عمو وسيف
وضل بغرفت سيف ما صعدوه فوك كعدنه كلنه بصاله
وبده عمو يسولف كلهم شكلهم تعبانين
كال اول ما وصل طول الطريق ابوي يصيح ويضرب على راسه
بلكوه نزلو من السياره من دخلو للسيد جان هوااي ناس مو بس بابا
دخلو وضلو بربع ساعه وهما ينتضرون
بعدين دخلو مافتهمت يلي حجه لان جانت خاله هم تسئل وامي بصفي وتبجي فا ماسمعت عمو واضح
بعدين كااال كام يتقيااء وبطنه انتفخت بشكل مو طبيعي
انطاهم ماي يسبح بي وادعيه لازم نشعلها بلبيت كل يوم
وهوا لازم اكو ادعيه يقراهن وهواي اشياء لازم يسويهن
بس نشالله يرجع كلشي مانريد بس خلي يصير زين الحمدلله وشكر نبوس ايدنه وجه وكفه
مر اليوم وبابا نايم وسيف نام ويا هم خاف اي شي يصير
طشرنه كل واحد غرفته باوعت للساعه بل2ونص
نمت بسرعه من التعب
ماكعدت ال 7ونص صايره حيل اكعد من وكت حتا نومتي اشوي اتعدلت
طلعت غسلت ورحت لصاله كلهم كاعدين حتاا بابا ومزين لحيته بس وجهه تعبان كعدت يمهم وضلت بس اشرب جاي ماشتهي
وكلها ساكته كرهت هلهدوء يلي من ننجمع بس ساكتين وكل
واحد
صافن ماعررف هيج بس اتعودت وصار هلشي عادي
كامو وشلنه السفر
مرر اسبوع على هاذا الوضع الكئيب بابا بده يتحسن شوي يحجي يسوالف بس قليل ضل ياخذ ايهاب يمه لو من اجي يمه يحضني
ويبوسني براسي
ماكول هلشي ما يفرحني بس امي يلي تشوفه بس بلختلات
وتبجي على حالته ما كال وينه هااي شنو وضعها يلي جانت وياي بمره قبل الحلوه
مادري مادري ماكدر اروحي واترك امي ولا اريد ابقاا
حايره يلاا هوا هلشهر قرب يخلص وارجع أإأححــٰـٰٰـٰـســٰـٰٰـٰـںْ شي
اضل
طبكت الملابس وسديت الكنتور وطلعت رحت للمطبخ وطلعت للحديقه يلي ورا البيت
واخذت كرسي وكعدت هوى حلوه اليوم توني جاي اخذذ النفس بعدني
وماسمع اله الصيحه وصوت بجي ..يااااربي احناااا منا نخلص من الله ياخذ هاذا البيت ونفتك يلي ما يجي منه غير المصايب بس
شصايررر..
يتبع..
ملاحظه /التنزيل بين يوم ويوم لاتنسون والوقت غير محدد اي وقت 👍🏻...)؛
شاركو القصه ..الى القاء في بارت لاحق ..