طفولة مغتصبة (كاملة)

لن أخاف ..

♣️طفولة مغتصبة♣️
‎ما ذنبي ؟!... 💔
‎الجزء : 12
              °•°•°•°•°•°•°•°•°•°•°•°•°
‎طلعات شميسة كتعلن على نهار جديد .... هاد النهار لي غادي يكون حامل لكثير فطياتو و غايبدل مجرى لقصة....فاقت خديجة هي لولة خاطرها مامهنينا ...ناضت من الفراش غسلات وجهها و مشات وجدات الفطور عاد مشات تفيق صفاء
‎خديجة : صفاااء ..صفااء نوضي أ بنتي راه غيمشي عليك الحال ..
‎صفاء : (كتهضر دايخة) هنن ...خليني أ ماما شوية و نوض ..
‎خديجة : (حيدات عليها الغطاء) وانوضي يا هاد النعاسة نوضي غسلي و بدلي حوايجك و أجي تفطري يالاه ...هانا غادا نجي نلقاك درتي هادشي يالااه ...
‎صفاء : أمم واخا ...واخا غا سيري (خرجات خديجة ..و صفاء ناضت كتكسل مشات لحمام غسلات وجهها و لبسات حوايجها هزات شكارتها و طابليتها و خرجات ...لقات خديجة حاطا لفطور فطرات و سلمات على خديجة لي قلبها مزير عليها ...و خرجات)
                  •°•°•°•°•°•
‎بعد ساعتان دق جرس كيعلن على وقت الإستراحة .... كانو التلاميذ خارجين مجموعين و كيهضرو....كلا واحد و غادي مع مجموعتو ...من غير صفاء كانت غادا بوحديتها يالاه بغات تخرج و هي تجر من يديها ...دارت و لقاتو الأستاذ حفيظ ...دارت تشوف التلاميذ لقات ديك الطبقة لي فيها القسم خوااات كلشي هبط لإستراحة ...
‎صفاء : (حسات بالخوف ولكن قوات راسها و خنزرات فيه و بدات كتحاول تفلت يديها) طلق ..طلق مني ..
‎حفيظ : (مخرج عينيه و كيطلعهاا و يهبطها)وليتي تخنزري القطيطة هه ..
‎صفاء : (بنبرة بكاء)بعد مني .....و لا غادي نغوت
‎حفيظ : غوتي نشوف ..(جرها لواحد القنيتة فالقسم و شد ليها يديها و بدا كيحاول يتقرب منها .... أما صفاء بدات كتبكي و كضرب برجليها و هي تعضو من يديه مزيان بقات موركة حتى تجمع ليه الدم فالبلاصة لي عاضاه .... حتى طلق منها عاد طلقات منو خلاتو شاد فيديه)
‎حفيظ : الكلبة وليتي كتعضي ...
‎صفاء : ماتبقاش تقرب مني سمعتي .... (و تعالات على صباع رجليها و دفلات ليه على وجهو) تفوو ..الشارف الهارف لاخر (داك ساعات دارت هربات و هبطات لتحت دخلات لطواليط مصدومة من هادشي لي دارت ...من واحد الجيهة فرحات حيت مخلاتوش ينفذ نواياه الخبيثة ...و من واحد الجيهة خافت منو و من لي جاي ....غسلات وجهها و خرجات بقات واقفة فالإستراحة فواحد القنيتة بوحديتها ...)
‎صفاء : متخافيش أصفاء أوووف ..أصلا يستاهل ..(شدات جيهة قلبها مخنوقة)اوف أش هاد المرض عوتاني (بقات هكاك كتهضر مع راسها حتى دق الجرس عوتاني كيعلن على نهاية الإستراحة و توجهو تلاميذ لأقسامهم ..صفاء دخلات لقسم بزز مكرهاتش تهرب ...ݣلسات و هي متفادية نضرات حفيظ لي غادي ياكلوها ...)
‎بعد دقائق كان كلشي كيكتب و حانيين ريوسهم على دفاترهم حتى صفاء ....حتى للحظة لي جا فيها حفيظ وقف حدا راسها و تحنى حتال عندها
‎حفيظ : (بخفوت) غاتندمي أهاد لقطيطة ...و ليوم غادي تعرفي شكون هو هاد الشارف الهارف ديال بصح .... غتندمي باقا ليام تلاقينا و تعرفيني مزياااااان (مع هزات راسها بصدمة و هو يغمزها و ناض مشا فحالو)
‎صفاء : (بصدمة و كتحرك واسها بلا) لا لا ..أش كيخربق هذا ..غير بغا يخلعني و صااف .. (بقية الحصة كاملة و هي غير ساهية مهزاتش راسها ݣاع تفاديا باش تشوفو ... كانت كتفضل متشوفش داك النضرات ديالو لي ولاو كيخلعوها ...دق الجرس و خرجات صفاء هي لولة و مشات نيشان للدار)
       •°•°•°•°•
‎يتبع ....✔️