مرحبا بكم...
نبــا حسـين
البارت 21
♥♥♥♥
***
كبرت وكبر معي حبي له
فكاد ان ينفك قلبي من عشقهُ
فتغلغلت اسهم الشوق روحي
فكادت ان تقتلني كنت كلما اراه
اشعر .. اشعر وكان قلبي يرقص
بقوه ويطرب على مسامعي ...
كانت تتزين مسامعي بحروف اسمهُ ...
كان يا ماكان في حضنهم وجدت الامان
..
زهور .. تمر الايام وبنتي بحضني وجهالي
مكيفين بيها كلساع يجي محمد يبوسها ويمشي
لو تجي نرجوسه يبوسون بيها
مرات يغارون منها كل واحد يجي يكعد
بحضني دوم احمد الله واشكره
على هالنعمه الي انطانياها...
يكولون الرويسيه يتعبون لكن بالعكس
التهيت بيهم لان اني اصلا لااطلع ولاامشي
احب الاطفال احسهم بريئين عكس العالم
وعيونهم الضالمه بس الحمدلله لليوم
عيشتي وي ياسر ماذاني ولا سمعني
كلمه بالعكس الاحترام هو سائد العلاقه
العلاقه من تتكون لازم تعرف الطرف
الثاني وتكله على كل سلبياتك وايجابياتك
اني من ليله العرس قبل كلشي كعدنا
وحجينا .. ليله العرس ليله فريده هيه
مو بس علاقه نقصد بيها جنسيه لا بالعكس
جنت بهاي الليله اعترفت بكلشي لياسر
وعدني وعدته على كل لحضه راح نعيشها
امي علمتني من خطبني شنو اسوي لان
تعتبر ليله مقدسه عدنا باعتراف المشاعر
او حته الاحساس جنت اول ليله صح خايفه
لكن كعدنا اول شي كتله ..
اي شي تسوي تجي تكلي تحجيلي
يومك وين رحت وين اجيت ..
ثاني شي... اذا بيوم اجيت زعلان مغثوت
تعال احجيلي عسا ولعل اكدر اخفف عنك
ثالث شي.. اريدك اليوم توعدني مابيوم
تزعلني ولاتضوجني ..
رابع شي.. اذا بيوم صار سوء فهم او مشكله
تجي تحجيلي حته اكلك اذا صارت صدك
او تاليف ..
هيج علمتني امي اكول او بالاحرى
اساس العلاقه الزوجيه من تنبي عالثقه
الثقه هيه اساس عامود العلاقه الناجحه
من جنت صغيره جنت دوم اباوع على ابوي
وامي اشوف مابيوم ابوي رفع ايده
على امي او ضربها بالعكس تحترمه
ويحترمها
امي من تحجي وي ابوي كله بهداوه كلشي
علمتني واليوم اسوي نفس الشي
لياسر ..
بيوم جنت اسبح بنتي سميناها سرى
اجه الشتا فرشنه البيت دومني اذكر
ابوي وامي بنت اخوي ماخذوها منها
لان مكان ماكو ومحد يكدر يشيل طفل
امي مريضه وكلمن حاير بروحه
مرت اخوي حالتها النفسيه زفت
تكول مره مرت صادق رايحه تسال عليها
ماتنام اله تشبك بنتها وتبجي الليل كله
وكان بعدها مصدومه اهلها دوم يخففون
عليها لكن مايفيد لليوم اتذكر اخوي وابوي
امي لليوم مريضه ومحد طايح على
علتها اخوي صادق يركض منا ويروح منا
ومحد فارغ دوم اروح يمها اساعدها واعاونها
بمشيتها وكعدتها اطرافها منملات ماتكدر
تحركهن وهالشي صعب واثر عليه بحيث
كل يوم اكعد العصريه ابجي وعمتي تهدي
بيه جانت عمتي تقره لااهلي قران واني هم
اني سادس ابتدائي بس اعرف اقره شويه
بيوم اندكت الباب عصريه .. جنه
اني وعمتي كاعدين كدامنا استكانات
جاي ونشرب ونسولف .. رحت فتحت الباب
واشوف نورس ومرت احمد( ذكرى )
اسمها ...!
خير يالله هاي مو اني البواكه شعدها
جايه...؟
باوعت عليها وهيه شايله خشمه
مال راشدي يفر راسها سبوعين ماتصحه
اوووف لو اكضج اجت عمي بقينه
صافنين بالوجوه...
كحت ذكرى واندارت طلع احمد ..
وعماد نازلين من السياره ..سويتلهم
مجال ودخلو للبيت .. كعدتهم يالصاله
الصاله جانت المقر مال كعداتنا تشبه
الهول احنه ماعجنه لااستقبال ولا مكان
كعده لان بيتنه صغير ..
رحت حميت الجاي وكعك ورجعت يمهم
اجو الجهال جانت ذكرى حيل حبابه هيه
من جنت يمهم مالها علاقه وماتسوي
مشاكل ..
عماد كال .. احمم السلام عليكم شلونج
عدلت كعدتي وباوعت عليي وعليكم السلام
هلا ومرحباا
سعاد.. هلا بيكم يمه اشعجب جايه نورس
مو من عوايدج جا شنهي اخاف واكعه
وماتدرين بروحج.. حجتها باستفزاز
ردت عليها وحطت ايد على ايد .. عمه
اجينا نسال عليكم واعتذر من زهور
الصار مو قصدي بلا هالكطع الصار
ندسها عماد رمقته بخزره واجت عليه
باست راسي .. ياااا هاي منها من الله
صدك الخوف يعدل الشوف ..
باوعت عليها ورديت .. ماكو داعي كل هذا
بعد كل هالاسنين شعجب اجيتي اشو
فلشتي غرفتي قبل واتهمتني بواكه
وغيرهااا وغيرهاا
ذكرى.. اهتدى بالله اتصافو تراا ماتسوى
انتن حموات واذكرن الله مايصير وحده
تدير وجهه عن الثانيه ..
رديت .. الله يسامحها
اجو الجهال وبدوو ياخذون بوسات
من كل مكان ومستغربين .. بس نرجوسه
تضحك للهوه ..
فدوا العمرها ..
بقو يسولفون خابرت ياسر وصيته
على دجاجه ذوله مبينين باقين عالعشه
فشله اجه المغرب جيب علاليك كام
احمد وكال .. شنو عالزحمه ابو محمد
ليش كلفت روحك ..
باوسهم وكال .. لارحمه بس مسواك
للبيت ..
سلم على عماد انطاني المسواك وؤحت
سويت تشريب وتمن ودجاجتين وخضره
وطرشي وشغلت الصوبه وصار العشه
كامو يتضون وصلو الى ان صاؤت الساعه
8 سلمو علينه ومشو لكن لاحضت
انو طول الفتره نورس محتقنه كانها
ماحايه الجيه بس كرى كلساع وكالتلي
عاشت ايديج على الاكل ..
كلش طيب
والله الج نفس طيب بالاكل
وكضيتها كلها تسلمين ..
سلسبيل ...
تمر الايام وي كل يوم احاول الفت
نضر عليي ابن عمي حسان جنت حيل
احبه ومعجبه بي جانت عدنا شله
بالمدرسه احنه 4 بنات (فاطمه ورباب وزينب
واني) مادري شنو وداني وليش
انحرفت وياهن جانت سوالفهن كلها
عن الحب كلما تصير الفرصه تجي
وحده وتسولف شيحجون وشيسولفون
هذا الي طبع ابالي مواضيع الحب
وبديت افتح قاموسه بحياتي ..
جنه الشله معروفين بالمدرسه جنه
بالفرصه من تصير كل وحده تشتري حلويات
من الحانوت ونبدي ناكل ونسولف
اني جنت بس اسمع لان ماعندي حب بحياتي
بس علي الا اتاكد يلا احجيلهن ..
اليوم دوامنه صبحي كعدت بالرحله
واسمع يتهامسن بيناتهن رباب وزينب
اسمع زينب تكل الرباب شلون بوسه
بالبستان ..وتغمزلها
اني اتعجبت ورحت يمهن باوعت على
رباب .. ها متطوره الامور بوسه وكذا
تعالي سولفيلي عليج الله
وجانت هذولي صديقاتي الي علمني
على الطيحان حظ ..
بدت تحجلي هيه اصلا بيتهم بعيد يمهم نخل
ابن خالها عمره 15 يالله تعجبت تكول
باسني رغم هيه حلوه وصغيره بس جنت
اعرف هالشي خطا ومو صحيح لكن
مايسمعن النصيحه اما زينب فهاي نوع
اخر هاي تفيل وتذب كلام حته بالخيال
ماسامعته هيه رايحه لتركيا وابن خالها
عنده اربع شهايد وهو عمره18 سنه
وكلساع وكالتيلي اني امشي بلا حجاب
مرااات بحيث صرت اكرها على جذبها
تشوفني رسمات وتكول اني رسمتهن
وهيه اصلا ماتعرف ترسم..
رجعت عاليبت بعد ماودعتهن واسمع
سوالف اهلي الماتخلص ابوي هالايام
كلش شاد على امي ومايخليها تطلع وحرمها
من كلشي مجنت اعرف ليش الا ان سمعته
يكلها .. ترووحين وغصبا عليج وتحبين
راسها هم يلا مساويه النسوان انتي روحي
شوفيها مرات احسد ياسر عالنعمه العنده
واني الله جابلي نقمه واسمها نورس كومي
لابارك الله بيج
تبجي وتكول.. ماريد ارووح هيه كوه
تجبرني اروح يم زهور حته ماتسوى كلام
دفعها بقوه وكال بغضب .. زهور تسواج
وتسوى راسج افتهمتي بعدين انتي لان
شفتيها احسن منج ماردتيها مادري جنت
معمي من اتزوجتج ساعه السوده الاخذتج
بيها فوك سواد وجهه وعملتها المصخمه
جايتني تشرط والله لو غيري يسويج وصله
ويشرج عالسطح سافله ...
هاي سوالفهم الماتخلص ولا راح تخلص
مشاكل اهلي يوم عن يوم تزيد واني ماعرف
السبب ليش الى ان مشو لبيت عمي
اسمه ياسر ماشايفته من زمان ...
اعذروني بنات باجر بارت لعيونكم بس والله مدا الكه التشجيع حته اكتب ..
♥♥♥♥