خفقان

23

غزاله البنفسج
البارت  23
نـبا حسين ...

----

- اردت ان اصرُخ، واضرب و اركل، اردت، ان اصرخ من اعلى رئتي،  ساعدني، ولكن بدلاً  من ذلك، جلست هناك، مع تلك الابتسامة،
المزيفة، وقلت انا فقط متعب
-------

سلسبيل ..

اجت البنيه الي شافت فاطمه وصاحتلها تعاي
المعاونه تريدج بسرعه ..

باوعنه على فاطمه بصدمه وبخوف رباب كالت
:عززا بعينج فطيمه اليوم كتلج يصير عمل شعبي
ولج يمعزايه شمصخمه وكت تطلعين طكعاتج
ارتاحيي

باوعتلهن وكالت .. خاف مو علمود هاي شبيجن
تتلاطمن وجهجن مايكصه السيف .!

كتلها .. روحي يمعودا وتعالي احجينا كلشي
بالحرف الواحد تمام

ردت .. دنجبي خلي اشوف اليوم شعدها
صايحتني اول تالي اشو مزفته وحضي لايح
الكاع ..

رديت .. ههه صدكتي درجاتج زفت

هزت ايدها ومشت... اخذنا درس نص ساعه
ودكت الباب استاذنت من المدرسه ودخلت

باوعنلها واشرنه بايدنا بمعنى شكوو
هزت ايدها وكالت بعدين اسولفلج مو
كتلجن حضيي زفتت

نص ساعه ودك الجرس البنات بدن يطلعن
ومهوسات الصف حرام ماجنها مدرسه
اخذنه فاطمه سحل من ايدها للساحه

.. يلا احجيلنا شكوو وشعدها صاحتج
احنه ندري وراها سالفه جا هيه ميته عليج
اليوم

اتنهدت وكالت .. هاي البنيه شكد حقيرةة
رايحه كايله للمعاونه هي وصديقتها عليه

.. شكايله ولجج

فاطمه.. كايلتلهن بنيه بالساحه ملتمات
عليها البنات ومطكعه من ركبتها وكل مكان
تعاي شوفيها شبيها 

وشصار ..

خلي اسولفلجن كلشي اليوم مصخم ملطم

قبل كم يوم صاحتني المعاونه وسألتني
انو بنيه صاعده بسياره رصاصيه اني انصدمت
كلت راح انسحل كلتلها ست ماعرف باوعت علية
بتفحص وكالت .. ديري بالج

اني هزيت راسي كلت خلاص نهايتي
وهسه صاحتني بغرفه المديره وانتن تعرفن
المدرسات يروحن يشترن ويرجعن جداري ومدري
شنو ف رايحه وياهم ..

كالتلي وخري حجابج وخلي اسولف وياج
رديت .. ست مامسويه شي ليش انزع
حجابي

ردت .. هيج انزعي لو انزعه اني واخليج فرجه
للمدرسه

عاد اني اريد افلت ماكدر نزعتني حجابي
وتعرفن ركبتي شصايره دائره جبيره كالتلي
شنو هاي عاد عبالجن اني اكللها .. رديت
بنت عمي عضتني!

باوعتلي بتركيز .. وكالت بنت عمج موو اني
شاكه بيج من زمان شكلج مو راحه

ردت .. تعالي اكعدي ماما خلي اسولف وياج
اعتبريني امج وانصحج اذا امج ماهيه ولاهيه
عنج  .