خفقان

24.

مرحبا بكم ..
نبـا حسين
البارت 24 ..

....

وإذا رأيت حُسنها وهيَ تبتسم
‏قلت ربي اغفر لعيني إن ثملت.

.....

سلسبيل ... رجعت من المدرسه تعب بتعب
ضليت افكر بحجي المعاونه يعني اني بنيه
مو زينه لان حبيت علي ..

يعني اني مو بريئه بس اني حبي مخفي
وضامته بگلبي وقافله عليي ومااطلعه
ابدد

مرات افكر بعدني طفله يمكن كل وحدة
بكدي يصير بيها هيج .. بس والله احس گلبي
من اصير يمه كأن طايره بالجو معقوله الحب

هيج يسوي زين صديقاتي نكول راح يبطلن
من سوافهن اني راح اعوفهن ماكدر ابقه
اكثر اخاف على روحي منهن اخاف يذبني
بمصيبه وبليه اهلي صار اسبوع مصايبهم
لراسهم كل يوم امي وابوي عركه شكل

ومااعرف السبب اخاف افقد اهلي اخاف
نضيع تفكير يشدني للضياع اني احب امي
وابوي

وماريد حتى افكر انو بيوم يختفون او بيوم
ماراح اشوفهم بحياتي اخااف
اخاف يوم اكعد الصبح ومالكاهم اخاف على
امي ..

هسه احنه بنص السنه يعني راح اروح للثاني
متوسط عن قريب ..

دخلت للبيت تعبانه وشمرت جنطتي حته
صار صياح اهلي عادي من اسبوع كل يوم
شكل يحجون ويعيطون واحنه باقين من الاطرش
بالزفه ..

ماشتدتني غير كلمه ابوي .. راااح اعرس
واكسررر خشمج واشوف ياساقط يلفيج

اخااف الفقدان اخاف نتشرد من بين اهلنه
اخاف من كلشي اخاف من المستقبل

رحت وقربت على مصدر الصوت واريد اسمع
سوالفهم .. امي تعيط .. والله ماتتزوج
لو شو شيصير .. مااااتتزوججج

.. اتزوووج وغصباً عليج وانتي تحضرين
عرسي ورجلج فوك راسج منا اني مامتحملج
ومنا انتي تحجين فوك راسي لاتخليني
اطلكج اتضلين برحمه مرت ابوج اكعدي

واستري على روحج وتنجبين

هنه كلمات قليله بس سهم ودخل لگلبي
يعني شنو راح تروح امي لو ابوي يتزوج
والله اتخبل غير ..

رحت بسرعه ورجليه تدك بالكاع .. وصحت
ماتتزوووج والله امي شبيهاااا حباب بابا
لاتتزووووج ..

عاط عليه .. امشششي ولجج لابارك الله بيج
طالعه على امج رعنه

لزمت ايدهه ودموعي بعيوني .. بابا لاتتزووج
اخااف عليك الله اخاف تضربنه ابقى يم امي
حباب ..

وخرني وكال حضرو روحكم اسبوع الجاي
عرسي والكل راح يحضر بي شئتم ام ابيتم
والكل يسكت

صحتت .. حبااااااب بابا لاتسويي هيج
لاتتزووج شبيها امييييي والله اذا تتزوج
اكتلها واطلعها بكفشتها ..