*بسم الله*
.
.
.
.
.
.
.
.
ميار: احشيها لبيبيط قالو مرتک
جواد: والله
ميار: كيفاه
جواد: هاو قاسم يعرف! ومطلقتش بثلاث وزيد بلا رضايتي تسما نقدر نرجعک لذمتي
ميار: وقتاه
جواد: نهار وليت لهنا تلاقيت بقاسم فلجامع
ميار: وانا منعرفش
جواد: هاكي عرفتي
ميار: تسما مطلقناش
هزيتلها راسي بايه .. ناضت وسوطات عليا عيطت دنيتها عليا
جواد: وشبيييک
ميار: يدي
شفتها وين شرتلي لقيت صيروم لي داروهولها لبرا وجعتها .. رجعتها لبلاصتها
جواد: خلاص ياطفلة ريحي ..
ميار: راک رايح
جواد: راني معاک
حكمتني من يدي ودنات خلاتلي بلاصة
جواد: واش
ميار: معندک وين تروح ريح هنا
جواد: تتمسخري؟
ميار: مآآه .. ني تعبانة جواد
تنهدت وروحت تكسلت جنبها .. حطت راسها على صدري وانا جبدتها بيدي
جواد: ميار
ميار: مم
جواد: لخطرة لجاية متخبيش عليا
طلعت راسها فيا وبدات دمع ندمت لي هدرت
جواد: كل منقول كلمة تنوضي تبكي
ميار: خلاص
جواد: ميارتي
ميار: آممم
جواد: نحبک
تمتم طفلة شفتها ناضت .. تقعدت لقيتها ترمش في عينيها
ميار: سيريو
جواد: فيها تمسخير هاذي!! نوغمالمو راكي تعرفيني .. وضوک لازم نقولها باسكو منقدرش نخبي كثر من هكا..
ميار: وانا نموت فيک جوادي
مكنتش علبالي راح تقولهالي ديراكت تبسمت حتى دخلو كامل .. يما و اسراء معاهم
عدلتها في بلاصتها ونضت .. قربو ليها
رحمة: كيفاه راكي بنتي
ميار: حمدلله خالتو
اسراء: نتي كي متلقايش واش ديري تحبي تزوري سبيطار
سلسبيل: قطة بسبع رواح 😂
***************
**زين دين**
خدمت خدمتي وجيت خارج .. غلقت لحانوت وطلعت لدار
لقيت يما تهدر فصالون وعرفت فيها ضياف محبيتش ندخل .. دخلت لبيتي دوشت ولبست سيرفات
بدا راسي يفيبري بسطر .. فتحت لباب وروحت لكوزينة
حوست على براسيتامول وفرغت كاس ما تكيت على لبوطاجي شربت مع جيت خارج دخلت سيرين
سيرين: كل منكون ضيفة تنوضني لالة جميلة لشغل
كانت مهبطة راسها وتهدر ومشافتنيش اصلا تبسمت وحمحمت طلعت راسها
سيرين: بسم الله
زين دين: وشبيک
سيرين: منين خرجت
زين دين: نتي ليجيتي ملموقبيل وانا هنا
سيرين: نسيت بلي داركم ديزولي
زين دين: واش ديري هنا
سيرين: نطيب قهوة لابغيت زعما
بعدتلها مطريق وراحت .. تكيت على لباب
دارت شافتني
سيرين: كاشما حاب
زين دين: والو
سيرين: مالا سور خايف نسرقلكم لكوزينة
ضحكت وهبطت راسي حق الله غير بهلولة وانا منعرف واش راني ندير هنا
دخلت يما شافتني لثم
خديجة: كاشما تسحق زينو
زين دين: اييه وجعني راسي وجيت نشرب كاشي علاه
خديجة: سقسيتک برک
خرجت وخليتهم .. طلعت وريحت شويا حتى يآذن لعصر
وليت ملجامع لقيتهم راحو دخلت لصالون لقيت يما وبابا مريحين
ريحت وجبدت تيليفون .. مكنتش منتبه واش يهدرو مي غير سمعت آسمها نتبهتلهم
خديجة: يا راجل واش رايک في سيرين بنت خالد
عادل: ماشاء الله والله تعجبني ومربية
خديجة: قلت نخطبها لمصعب بلاک طفل يتعدل في حياتو
زين دين: مالقيتي غير هذاک طايش
شفتهم خزرو فيا لزوج .. عرفت بلي عميتها
عادل: مالا واش حاب
زين دين: والو
خديجة: الله يهدينا.. وين حبسنا .. واش قلت
عادل: في رايي والله منلقاو كيفها
خديجة: ونتا زينو كيفاه
زين دين: وشبياا
خديجة: اعطيلنا رايک
زين دين: طفل معندو ني خدمة قرايا ومكملهاش تحوسي تزوجيه
عادل: كنا حابين نتا تتزوج مي علبالي متحبش
زين دين: شكون قال منقبلش
خديجة: آهااا قلي ملول يا وليد كرشي .. مريح تسنا حتى يخطبوها
زين دين: لالا عشيا نحكي مع باباها
عادل: وحنا معلبلناش
زين دين: جيت نقوللكم
عادل: مبرووک
خديجة: مزياا فرج ربيي
خرجت ملثم وتبسمت يعني خلاص سيرين راح تكون ليا .. منعرف واش ريحت نسنا
سنيت يآذن لمغرب روحت للجامع .. مع جينا خارجين لقيت باباها رايح عيطتلو حبس
زين دين: السلام عليكم عمي
خالد: وعليكم سلام
زين دين: احم صراحة جيت نهدر معاک فوحد لموضوع
خالد: تفضل وليدي
زين دين: جيت طالب يد بنتک فالحلال
خالد: والله ياوليدي نتا مكاش كيفک نعم تربية مي لخطرة لخرة شفت واش دارت ومقبلتش
زين دين: علبالي سقسيها وكلش بالمكتوب
خالد: ان شاء الله على بركة الله
مديتلو نميرويا هو راح وانا وليت لدار .. طريق كومبلي ندعي تقبل
دخلت قلتلهم بلي هدرت معاه ووليت لبيتي ريحت
***************
**سيرين**
وجدت لعشا مع لعجوز هبلتني هاي تبعتني منا هاي منا .. كملت حطيتلهم لعشا
دخل بابا فرحان ضحكة ملوذن لوذن .. تعشا وناضو كامل لصالون وانااا لمسكينة لمغبونة نغسل فلماعن شغول سندريلا
كملت وروحت ريحت معاهم .. خزرو فيا وضحكو
سيرين: ضحكوني
خالد: اسمعي ياطفلة مديريش في بالک كرهت منک لااا مي لمكتوب مكتوب
عرفتها كاش واحد هدر عليا بفففف مشي وقتهم كامل تسما كي فسخ زين دين خطبتو بداو يجوني لعرسان
جميلة: ومراحش نلقاو كيفو زين وتربية
سيرين: منيش قابلة
ماني: ياطفلة حابة تبوري؟
خالد: والله يابنتي زين دين ناس ملاح ومراحش تبعدي علينا
كيفاه كيفاه.. زين دين ياک صح كيما سمعت
عدلت قعدتي
سيرين: شكون
خالد: زين دين وليد عادل
سيرين: رااک سور لي يسكن قدامنا
ماني: وشبي جدها هاذي
سيرين: آمم صح كلش بالمكتوب
قعدت نخمم في كلمات نقولهم ونبين كيفاه نقبل بلا منفرش روحي
سيرين: منيش حابة نبعد عليكم تعرفوني شحال نحبكم
جميلة: ونتي بنتنا نور عينينا ومناش حابين تبعدي
سيرين: ايذا قدامنا برک معنديش بروبلام
خالد: تسما قابلة
سيرين: وي
زغرتت ماما وعنقتهم .. نووو منييش مآمنة دارها والله دارها سلفي يااه
دخلت لبيتي فرحانة نشطح وحدي قلت لمرام وحكيتلها .. توضيت صليت لعيشا وشكرت ربي .. غدوة نصبح عند ختشيبي😂
.
.
.
.
نضت على صوت ماما .. لبست حوايجي تع لخرجة نحيتلها مصيرفة لماما وخرجت
درت شويا ورجعت موليا .. دخلت لحانوت ديالو غير شافني ناض
سيرين: صباح الخير خويا
زين دين: صباح نور .. مي خوک!
سيرين : مالا؟
سمعتو يستغفر وانا حكمت ضحكة .. رفدت دنيا مكياج وروحت حطيتهم ونجبد فدراهم
زين دين: هاذو كامل؟ واش ديري بيهم
سيرين: ناكلهم كي نجوع.. تتمسخر باينة نديرهم
زين دين: رجعيهم شوو خير مكاشما نقولک
سيرين: ضوک مشي كي قتلک خويا تسما تبدا تحكم
زين دين: مزاللک مع خوک.. امشي رجعيهم
سيرين: ؤؤؤک خلاااص منشريش عندک
زين دين: ريحي في بلاااصتک
دارهملي فصاشي ونحالي نصهم هذوک لفاقعين .. عطاهملي
زين دين: امشي لداار وياربي نلقاک درتي في وجهک لثم نتفاهم معاک
سيرين: مالا علاش نشرييه
زين دين: يجي وقت ديريه
سيرين: ايه شحال؟
طلع حاجبو ودارلي براسو امشي
سيرين: واش كل منشري تمدلي باطل
زين دين: راني حاكم روحي منعيطش تسما غير روحي
سيرين: ايييه
رفدتهم جيت خارجة حتى عيطلي بآسمي لثاني مرة على توالي
زين دين: سيرين اصبري
سيرين: وي
زين دين: هدر معاک باباک
سيرين: وي
زين دين: اهيه
سيرين: وشنو اهيه
زين دين: واش قلتيلو
سيرين: منيش قابلة
خرجت وخليتو ياربي مزية مفضحتش روحي بضحكة وقعدت سيريو
وليت لدار طالعلي لمورال .. ضوک كي يقولو بابا يتشوكا
***************
**ميار**
منيش مآمنة بلي انا وجواد تصالحنا واهمها هي مزالني مرتو غير خرجت من سبيطار ديسيدا جواد نعقدو
جازت سمانة على آخر حاجة صرات .. جروحي بداو يتلمو ويبراو .. كنت قاعدة في بلاصتي حتى دخلت عندي آسينات تضحک
ميار: خير
آسينات: جات حماتک اهبطي عندها هدرة
ميار: ؤؤک نلبس ونجي
خرجت وانا نضت لبست جبة .. درت شويا ريحة لميت شعري وهبطت
سلمت عليها وريحت .. شافت وجهي وقالت
رحمة: مزيا وجهک مراهش مضرور
ميار: وي حمدلله
رحمة: تسما نقدرو نديرو عرس
ميار: آما عرس
رحمة: نتي وجواد
ميار: وقتااه
آسينات: بعد سمانة .. جهازک واجد خص غير نكرولک لاغوپ بلونش ويكونو جروحک براو
ميار: تمتم
رحمة: يابنتي شفتي واش صرا فيكم هكا اتزوجو وهنونا وجواد قال
ميار: ان شاء الله
اسراء: مالا غدوة نخرجو نخيرولک لاغوپ وحنا نشرو لحوايج
رحمة: ايه نديرو عرس واحد اصلا لاصال واجدة راهي
آسينات: ان شاء الله
قعدنا نحكو شويا وراحو .. طلعت لبيتي لقيت ميساج من عند جواد جريت فتحتو
"نوغمالمو قاتلک يما .. مبقاش ميارتي وتكوني عندي"
تبسمت وحطيت تيليفون
*
*
*
*
*
*
*
صباح نضت فتحت لخزانة وشفت جيهة تاقة لقيت شتا شويا اصلا نوفمبر دخل ديجا جبدت ولبست هكا
زدت فاست نواغ كوير ..رفدت ساكي وهبطت لقيتهم كامل لتحت يسناو .. خرجنا ووصلنا لعند وحد لبوتيک كبير
دخلنا وقعدنا نحوسو .. كل واحد يمدلي رايو وحاجة ما عجبتني .. قريب فقدت لآمل
شفت لخر .. وكيما حبيتو ضحكت من عينيا كي لقيتو ديراكت قتلهم هذا وواحد مايبدلي رايي
فيرسيناه وخرجنا .. لبنات مريحين يدورو كل واحدة واش تشري اصلا حبو يتصدرو معايا
ميار: بصح مراكمش شوفو لحمي كامل مجروح
آسينات: بداو يروحو ندبات ومنا لسمانة لجاية مع دوا يتنحالک وتصفاي
تنهدت وسكت .. شفنا حفافة لي نمشط عندها قلنالها وقتاه .. وصلنا اسراء وحنا ولينا لدار
غدوة يدو حوايجي تسما لازم نطبفهم كامل فليفاليز
سهرنا عليهم حتى لليل .. ووجدناهم كل .. هذوک لحوايج تع سيفيليزي مديتهم لسلسبيل ولي ميجوهاش يتصدقو
سمعت تيليفوني يصوني .. رفدتو لقيتو جواد كوبيتلو وكتبتلو ميساج
" امشي متحكيش معايا حتى نهار لعرس .. هكا باش تتوحشني جوادي"
بعتهالو وانا نضحک.. شويا ريبوندا
"توحشتک من ضوک.. صحا تصبحي بخير "
قريتو وحطيت تليفون .. روحت درت دوا ورقدت
*
*
*
*
جازت سمانة بلمح لبصر وغدوة لعرس.. واخيراااا .. جواد محكيتش كامل معاه .. وحمدلله براولي جروحاتي
وصلت لاغوب داروهالي فلافاليز .. وانا فليل دارولي حنة وصباح صبحت عند لحفافة
بوون مجاوش بزاف .. تسما بيناتنا برک مع صباح جاو لجيران وعرفت بلي عندي عمتي وحتى هي جات وتعرفت عليها
المهم لبست لكراكو وزدت برنوس ملفوق
وقعدت نسنا صح خايفة مي قاعدة نطلع لمورال لروحي
جا لكورتاج وسلسبيل بدات توجد في روحها باسكو هي لي راح تركب قدامي ومعاها اسراء هكا تفاهمنا
مع لول هبطو ليفاليز تع تصديرة اومبعد جات آسينات خرجتني
لقيت بابا لتحت يسنا فيا .. سلمت عليهم كامل وصلت عند بابا وعنقتو لثم طرطقت بالبكا مسحلي دموعي
صهيب: ربي يفرحک في حياتک ان شاء الله
سلمتلو على راسو وخرجني تحت يدو .. حكمتني اسراء وسلسبيل مورايا حتى دخلوني لطونوبيل
مدولي پاپيي عدلت روحي .. باركلي اكرم باسكو هو لي يسوق
دارو كورتاج فشباب يعني باسكو انااا لي راح نتزوج .. آآآه يادنيا قبل 7 شهور برک كنت بايرة شوف وين راني ضوک
بالنسبة للفيزة مدام تزوجت صايي وحطيت دوسي ديالي عند لوزارة الخارجية(راني غير نخلط متعاندونيش بلاكو 😂)
وصلنا لاصال.. هبطوني لقاتني خالتو بالحليب شربت منبعد لكاس منعرف وين راح
حطتلي مورصو سكر في فمي ودخلوني للبيت لي نبدل فيها
بووون جازت تصديرتي لبست جبة قبايل وقفطان .. ومع لخر لبست لاغوب بلونش
غير كملولي وخرجو قعدت لثم بديت نرجف يازح خلاص ضوک يجي اووف
دخلت آسينات لعندي .. باستني وتبسمت
آسينات: عدلي روحک راهو داخل
ميار: وينو
آسينات: راااه جاااي
كملت كلامها حتى سمعت زغاريت .. فتح لباب ودخل .. وانا زعما طاحت عليا لحشمة وماجاورها هبطت راسي وريحت نشوف فيه ملتحت لتحت
خرجت آسينات وخلاتنا وحدنا .. نضت لبست طالون وروحت ليه وكنا لابسين هكا
جواد: سمانة منشوفكش! وضوک
ميار: حمدلله ونتا
تبسم وحكمني من يدي طلعها ليه وباسني
جواد: واخيرا جا عرسنا
ميار: آممم
جواد: هياا امشيي
كروشيت يدي في يدو وخرجنا .. ناضو يزغرتو المهم دارو حالة ماعداا صنم هذاا
شغول مشي عرسو ماخلاني نشطح ونزها ما والو .. قعدنا شويا ناضت فيه قال واش لوقت نروحو
خرجني وسلمت عليهم بالوحدة ونعنق شغول مراحش نشوفهم وصلت عند سلسبيل وعنقتها حتى قاتلي في وذني بالعقل
سلسبيل: وااش راهو يسنا فييک
قرصتها ملتحت لتحت ودنيت عليها تبسمت معايا وبدات تخبي فالوجع
المهم دارولي لبرنوس وغطاولي جد وجهي حتى مبنتش كامل وشنو توصيات لميسيو لاعلينا ركبني فطونوبيل وهو تان
طريق كومبلي وانا نندب لخناين ودنيا حتى تخلع فيا
جواد: نرجعک
ميار: كمل علياا
جواد: علاش راكي تبكي خلاص
ميار: خليني نندب
جواد: علاه تزوجتک بسيف
ميار: ناناک
دورت راسي للكارو ونجبد فلخنونة باش ماطيحش
حسيت يدو على خدي وقعد يمسحلي
جواد: خلاص ميارتي تريحي تبكي
ميار: لالا
مدلي پاپيي ومسحت .. وصلنا لوتال .. قعد يغطي فيا وجا خرجني .. رفد ليفاليز
ودخلنا .. رفد لمفاتح وشافو ليفري المهم .. طلعنا دخل هو وانا نتزحب موراه شغول راح نموت
حط ليفاليز وجا غلق لباب .. قعدت على لبونک وانا كرشي بدات توجع سوور ملخوف
شافني هكاک جا وطابس لعندي
نحلي لبرنوس وشاف فيا بوحد شوفة قلبي قريب يخرج
جواد: نجيبهالک ملخر ونوغمالمو تعرفيني .. خيرتک من بينهم كامل باسكو قلبي خبط غير ليک.. وحاجة تانيا نحوس تصارحيني يالوكان بحاجة صغيرة .. نهار نزعفک جي تقوليلي مشي تخبي .. راح نجوزو حياة مع بعضانا ونحوزو لحلوة ولمرة وان شاء الله نكون نعم زوج ليک .. متخافي ما والو
ميار: نفس لهدرة تنطبق عليک
بستو في خدو ونضت .. ناض
جواد: روحي وجدي روحک نصلو قيسما نجيبلک تتعشاي
ميار: حطلي لافاليز هنا برک
هو رفدها ..حطهالي وانا نحيت طالون خزر فيا وضحک
جواد: غششوني فسلعة
ضربتو لكتفو وشنفت .. رفدت لكاپ و sac de toilette جيت رايحة عاود رجعني هبطلي سنسلة تع لاغوب وانا عطيت ريح لرجليا
غير دخلت لادوش لثم زادلي لوجع .. نحيت لاغوب بسيف .. وريحت على جنب لبينوار حكمت كرشي
ستقويت على روحي نحيت ليبقاو ودخلت ندوش .. ايهيه حتى لقيتها جات
هذا وين فهمت وانا نقول ملخوف .. حوست على serviette مزيااا تع ربي جبت
عدلت روحي ولبست لكاب .. خرجت راسي ملقيتوش برا
خرجت نجري .. حوست على بيجامة لقيت وحدة غوز وفيها ميكيات
ياربي ليلة عرسي يشوفني بهاذ لمنظر ..لاعلينا رفدتها ووليت نجري وسطر غير يزيد
لبستها ولبست بنتوفة .. درت ريحة وخرجت شافني طلع حاجبو
جواد: وشبيک صفرة
ميار: كرشي
جا لياا وحكم وجهي بين يديه
جواد: وعلاش .. واش كليتي صباح
ميار: والو
جواد: روحي ريحي ندوش دقيقة ونولي
هزيتلو براسي ايه هو دخل وانا طليت متاقة لقيت شتا طيح خيط مسما .. غلقت ريدو
شفت لماكلة لي جابها .. ريحت نسنا فيه وحاكمة كرشي تكيت راسي على لحيط وطلعت رجليا عند صدري
شويا هاک خرج .. شفتو يمسح في شعرو ولابس شورط برک
حط سربيتة وجا ليا ريح قدامي
جواد: ضوک كنتي مليحة
ميار: وضوک وجعتني
جواد: وين
وريتلو وين وحط يدو على كرشي
جواد: اييه خلاص فهمت .. تسما مافيهاش
شفت فيه بنص عين وهو ضحک..
جواد: كولي شويا ضوک نشوفلک كاش كاشي
ميار: ني نسنا فيک
جا نايض حكمتو
ميار: وييين بيها هكا .. البس تريكو متخرجش هكا وزيد لبرد
شاف في روحو .. وناض لبس تريكو وخرج
وليت كيما كنت حتى ولا كان حاكم في يدو كاشي .. جا قعد قدامي
عمرلي كاس ما ومدلي شربت .. تكاني على صدرو وريح يوكلي بشويا اصلا كنت جيعانة
ميار: جوادي شبعت
جواد: زيدي
ميار: مآآه خلاص
مسحلي فمي .. وتقعدت في بلاصتي سنيتو كلا شويا كي كمل خزر فيا
جواد: وشبيک .. مزال توجع
ميار: شويا بدات تروح .. حابة نرقد
جواد: آمم نصلي لعيشا اصبري
ناض توضا وانا طلعت فوق لبونک .. لبس قاميص صلا كي كمل نحاه رفد في يدو حاجة وجا لعندي .. فتحها لقيت سنسلة رفدها في يدو
جواد: هاذي متنحيهاش
لبسهالي .. تبسمت وعنقتو
ميار: مرسيي
تكا وانا لا احم لا دستو سطاليت قدامو
ميار: جوادي
جواد: آمم
ميار: مراكش زعفان
جواد: لالا هيا ترقدي
ميار: قول والله
جواد: والله
تبسم وباسني .. دناني لعندو وحط يدو على كرشي .. محسيتش حتى رقدت اصلا لعيا هذاک بركات
صباح كنت راقدة في آمان الله حتى بدا ينوض فيا .. حليت عينيا معولة كاشما نقول مي غير شفت لمنظر سرطتها
جواد: صباح الخير ميارتي
ميار: صباح نور
تكسلت ونضت .. قعدت نثاوب حطلي يدو على فمي
جواد: ثاوبي كي ناس
ميار: بسم الله
رفدت روحي دخلت غسلت وبدلت لبست عبايا وديسيديت ليوم ندير خيمار مفاجئة ليه زعما زعما وجايا هكا
درت لخيمار صح واجهت صعوبة مي عدلتو مليح وخرجت.. غير شافني بدا يضحک
جواد: هدااک ربي
ميار: ملبكري
جواد: مبروک ..
جا عنقني وجبد روحو .. دخل يدوش وانا جبدت طالون لبستو وجدت ليفاليز دياولنا خرجتلو حوايجو .. خرج لبس
جواد: ريحي نجيب قهوة ونجي
ميار: جيبلي معاک ليكراب مع لخوخ
جواد: مع لخوخ
ميار: جواديي تشهيتهم جيب برک
ستغفر وخرج .. سنيت وحد ربع ساعة باش جا غير جابهم .. روحت ناكل كملت وهو كمل لقهوة ديالو ..رفد ليفاليز وخرجنا
***************
- إنتهاء البارت
- رايكم؟؟؟
- النهاية اقتربت اوماي سيدي ربي .. واش تتوقعو .. باش ملخر مبقاش .. بقاو حلقات قلال نكمل لآحداث بيهم
- خلاص رومانسية لي نعرفها حطيتها في هاذ لبارت وقلولي رايكم في عرسهم .. غاضني جواد معندوش زهر
- اوووه زين دين هااو خطب سيرين وتهنينا منهم
- صراحة انا نكتب قبل منجي نرقد تسما منعرف واش نبدا نخرط والله لكتيبة نحي بيها ستراس تع لباک شغول نهار كامل قراية فليل نديرها لاستخراج الموهبة المكبوتة
- بلا منوصيكم اتهلاولي فلبارت وحطولي توقعاتكم للحلقات لجاية يا احبابي
- إلى الملتقى...
- أحبكم