*بسم الله*
.
.
.
.
.
.
.
.
.
**ميار**
هبطت لتحت ملقيت حتى واحد حتى ساعة مزالت 6 تع صباح
قعدت لتحت ندور ونخمم تغميت في بيتي وزيد مجاونيش الافكار
حاجة وحدة راهي دور في راسي ولي هي جواد تع صح كرهني بعدما شافني لبارح هكاک حتى آدم كيفاه عرف بلي يتبعو فيا؟
حكيت وذني .. تمتم قلبي خبط طلعت يدي للجيهة لي ملهيک لقيتها تسما تبحرتليي
طلعت لبيت قلبتها على راسها مخليت حتى بلاصة
ريحت وانا خاطري ضايق تسما حاجة لي كنت حابة نلبسها ونخليها souvenir هااايليک تبحرت
ظربت في راسي سوور طاحتلي نهار روحت نشوف جواد
كيفاااه منتبهتلهااش سمانة يازح اووف تع صح داقتلي وكنت حابة نخليهم فوذنيا حتى كي ندوش نحي كلش آباغ هذوک
ياربي برک واحد مايلقاها sinon يعرفو بلي جيت لثم
وصلت 7 وشعلتلي لومپا تع راسي ؤؤک انا يعسو فيا تسما سلسبيل نووو
روحت جريت رفدت ورقة لي ملالي فيها آدم كتبتو مليح .. وكتبت ملتحت هذا عنوان يزيد وبلي مراهش فروس
طبقتها على ربعة ودرتلها صاشي لسقت ملفوق تيكي وكتبت جاسر
سنيتهم حتى ناضو وخرجت لقيت قاسم راح للخدمة وآسينات سمعتها رايحة تخرج مع آدم تلقالو كاش ايكول
دخلت عند سلسبيل لقيتها راقدة في سابع نومة
فتحت ليستور وتاقة .. درت حس كبير ومناضتش رقادها شحال تقييل
روحت ليها وبديت نوض فيها .. حتى ناضت تمسح في عينيها وتاوب حتى tgr3at
سلسبيل: يافتاح يارزاق واقفتلي كي شومبيط فوق راسي علاه؟
ميار: معليه تبلعي يا كلبية لبراري .. نسحقک
سلسبيل: كلبة لبراري دات vacance a vie
ميار: تعيشييي
سلسبيل: واش تسحقي
وريتلها واش درت مقبيل وفهمتها كامل واش دير وبلا سمير ديالها
سلسبيل: ويفيقولي ويخطفوني وانا مزال متزوجتش
ميار: تخمي غير على زواج هيااا برک
سلسبيل: نضت ان شاء الله ينوض فيک لجرب
دخلت غسلت لبست حوايجها .. وفهمتها طريق باسكو نعرفها متعرف والو دارت قلمونة على راسها اصلا شتا بدات تصب شويا لوما ميشوفوهاش
دخلت لدار وانا ندعي واش راح ندير ميروحش في باطل
جازو ساعة زوج ثلاثة وطفلة مولاتش لتم لخوف بدا يدخل لقلبي خايفة كاش واحد فاقلها وهي تعرف غير تريبوندي
سمعت لاصونات .. طليت نشوف شكون لقيتها هي .. فتحتلها دخلت تلهث
ميار: وشبيييک
سلسبيل: عيييت
ميار: واش درتي فيها
سلسبيل: كاش نهار وصيتيني على حاجة وموصلتش
ميار: كيفاه
سلسبيل: نقولللک علاه طولتت .. شوفي هبطت لتم لقيت دنيا les gardes قدام لپورطاي مقدرتش ندنا
مي شفييت على طونوبيل ديالو دااک نهارات لي كان يجي
المهم درت هذاک لي مديتيهولي في يد تع لباب وتخبيت سنيتو حتى رفدها باش قدرت نولي
ميار: وعلاه راکي تلهثي؟
سلسبيل: حبيت نلعبها برک .. حطيلي ناكل راااح نموووت
ميار: ؤؤک
دخلت لكوزينة وجدتلها حاجة حتى دخلت جات عنقتني ملور
سلسبيل: متخميييش بزااف جاسر ضوک يدير خدمتو ونتي وجواد راح تولو
ميار: مشكيتش
سلسبيل: المهم متخميش négative باسكو هكا تهبطي لمورال لروحک ومينجح والوو
ميار: ايييه
سلسبيل: نتي خيرتي ديري هكا على جالو تسما يسامحک وجواد مالغري كان مقلق مي باين حنين وشفت حبو ليک من عينيه نهار مكنتيش قلب دنيا عليک مكانش يرقد وياكل غير على جالک
ميار: وشفتي واش درتلو .. لهدرة لي قلتها قبل متجرحو جرحتني انا
سلسبيل: درتي هذا كل على جالو باسكو خفتي علييه وهذاک لوقت كون جيت في بلاصتک ندير نفس شيي
ميار: نتمنى كلش يخرج على خير باسكو عييت
سلسبيل: خلاص تفائلي .. هيا ارااي ناكل
حطيتلها تاكل وريحت معاها مدة جات آسينات خزرت فيا ودورت راسها تنهدت وطلعت لفوق
جا احمد يجري ليا .. يعنق ويبوس فيا قعدت معاه حتى جات سلسبيل هي تشارشيلو وهو يرجعلها
طاح ليل روحت لبلاصتي باش نصطالي رفدت تليفوني كي لعادة ولات نتفكر حوايج ملاح صراو بيناتنا نضحک وكي نتفكر هذاک نهار نبدا نبكي
محسيتش حتى رقدت .. منعرف كيفاه حتى حسيت يد خشينة على فمي فقت من نومي كي داق فيا نفس
قعدت نشوف لقيت راجل مخبي وجهو رفد ليد لخرى وجبد وحد لقرعة رشلي عليها هي فايقة مي منقدرش نهدر ولا نعيط فشلانة برک
رفدني على ضهرو وخرج .. مفهمتش كيفاه قدر يدخل لهنا
حتى les gardes منعرف علاه راحو .. دخلني لطونوبيل وغمضلي عينيا بقماشة
وملثم نحس غير بصوت طونوبيل ولهدرة مشي بلعربية طحت دايخة ملمفعول وملثم محسيتش
***********************
**جاسر**
دخلت للخدمة وريحت وصلو وحد ليدوسي تع فراح ياسمينة لقينا شويا ادلة وراح نكلفو محامي مليح ونسيبتي تقول باي باي لحرية
مطولتش بزااف فلبيرو تسما قريتهم برک تفاهمت مع مراد واش نديرو باش ميفسد والوو
وروحت .. جبدت مفاتح تع طونوبيل حتى لقيت حاجة فليد تع لباب رفدتها ودورتها لقيت آسمي عليها
فتحتها .. لقيت آدراس قريت ملتحت لقيتو تع يزيد وحنان ومكتوب ملتحت بلي مكانوش فروس
قعدت ندور في راسي كاشما نلقا ونعرف شكون جابهم مي باركينغ وين راح نلقاا
وليت للبيرو نجري شافني مراد جا ليا حكمني من كتفي وحبسني
مراد: وااش خوو
مديتلو لورقة قراها تشوكا كيفي .. روحت فتحت ل pc درت لادراس وحوست عليها
لقيتها شويا بعيدة على هناا .. وجدنا رجال سيفيل باش واحد ميفيق وروحنا
سبقت طونوبيل قبلنا وحنا موراهم .. بعت ميساج لجواد وفهمتو كلش
حبسنا بعيد على لاپارتمون لي ساكن فيها تبسمت على جنب كي شفت رجالو عند لباب مليح دزاير ولات فيها مافيا محترمة كيما طاليان
وجدنا سلاحنا وهبطنا بلعقل .. شفت حاجة حمرة حبستهم بيدي
كلااب دارو ليزر باش ايذا فاقلهم كاش واحد يعرفو ويهربو
قعدت نخمم واش ندير يعني لواحد قاعد يستغبي فينا ويوهمما بلي مراهش هنا مي كيفااه دخل
ريحت نخمم حتى جاتني فكرة .. وصيت ربعة يسوطيو وينتبهو قد ميقدرو باش ميقيسوهش وغير يوصلو مور دار يقولولي
سنيت وحد ربع ساعة وحمدلله ماصرا والو ومفاقوش
وصيتهم يعسو ويخبو روحهم .. حطيت رجلي على ليزر وبدات دنيا تصوني .. قعدت نشوف غير فرجالو يجاراو لثم انا رفدت سلاحي
وقعدت نتيري فلي جات المهم ميموتوش ولازم يتحاسبو
حتى هما يعني مخلاوش .. وطلعو ملفوق يتيريو مزيا جا مراد قناص تسما سلكنا شويا
هربتلهم ودخلت لداخل عيطت لربعة لي وصيتهم يروحو مور دار ودخلتهم .. لقيت يزيد هابط صفر في وجهو وفي يدو كابة تبسمت وقعدت نسفقلو بيد وحدة
جاسر: وانا نقوول وين شايفتک عمي يزيد لخاين
سمعت عياط تع طفلة عرفتها بنتو .. جابها واحد مرجالي ولوخرين حاصروه
قعد يمسح في وجهو ملعرق وانا نتبسملو برک حكموه زوج ولثم بدا يعيط
يزيد: اطلقونييي راني مرييض لقلب
جاسر: ضحكتني علبالک شر لي ديرو متقولش مريض ياک
خرجوه مورايا .. لقيت جماعتي نصها كامل مقيوس مي حمدلله مشي grave
وصلنا للمركز .. نص لي كان مبليسي راحو لسبيطار تعنا ولوخرين جاو معانا حتى مراد تقاس في يدو مي سلامات
دخلوهم ولبلاصة لي نحبها .. طلعت لبيرو .. نحيت اونتيبال ووليت ليهم لتحت
شفتهم مقابليني ولوخرة تبكي .. حكيت راسي وخزرت فيهم
جاسر: علبالكم شحال من بنادم جبت لهنا
يزيد: شحال
جاسر: محسبتهمش مي كامل تعاقبو
بدا يضحک وبنتو .. كانت تبكي ولات تضحک معاه .. هبلو
يزيد: هههههه مزيا درت آفار لواحد لوما يكون نتاقم
حنان: هههههه ايه هذا وين تفكرت
شفت فيهم باستغراب على وااش يحكو .. نضت ووقفت قدامهم
جاسر: ضحكوني
حنان : نقولولک مشي خسارة فيک
يزيد: طليقت نسيبک منيار ولا ميار تقدر تقول راهي تتعذب وقريب موتها
حكمتو ملكول وزيرت علييه
جاسر: ويييينهاااا واااش درتلهاااا
حنان: حنا فيها حبس فيها مي بلاک هي آخر وحدة تموت على يدنا
جاسر: ؤؤؤک
رفدت سلاحي وتريت على رجلها .. غير صوتها كان يتسمع لثم دورت راسي لباباها وضحكت
جاسر: وااش رايک نتا جيک في راسک
يزيد: منخافش
جاسر: لخوف من ربي .. 1 .. 2
يزيد: راهوم عند دار حنان لقديمة
جاسر: معرفتكش خواف هكاا
شفت فيها وقاعدة تتوجع .. تبسمت في وجها
جاسر: متقوليش لادراس حابة نزيدلک رجل دوزيام
حنان: نقووول
ملاتهولي وخرجت نجري لقيت جواد لثم مريح غير شافني ناض.. شاف دم
جواد: وشبيييک قاسووک
جاسر: متخممش مي ضوووک لازم نلحقوو مياار
جواد: وشبيهاا
جاسر: نحكيلک فطريق
وصيت زوج رجال عليهم ودرت حراسة مشددة.. وليت عند جواد لقيتو صفر
فهمتو كلش .. وتبعني .. وزادو جاو معانا 4 رجال
****************
**جواد**
كنت خدام حتى وصلني من عند جاسر ميساج غير قريتو نضت رفدت لافاست وروحت لقيتهم مزال مجاو سنيت منبعد خرجت
شفتهم برا كي جاو .. دخلو ودخلت موراهم .. قعدت برا حتى خرج جاسر
كي قالي على ميار تخطفت قلبي حبس منعرف علاه ملقبل حسيت حاجة مشي مليحة راح تصراا
تبعنا لادراس حتى وصلنا لوحد لباطيمة هبطو كامل وطلعو وانا نمشي قدام جاسر
طلعنا لقيناهم يدزو فلباب باش يتكسر .. مدة حتى طاح لباب طبعتهم ودخلت نجري عياط جاسر كامل حطيتو آباغ
عينيا يحوسو غير عليها .. جريت فتحت لبيبان .. لبيت لخرى فتحتها
لقيتها طايحة فلرض ودم محاوطها .. فكرة اني نخسرها منقدرش نتقبلها
روحت ليها وركعت لعندها .. لقيتها فايقة وكلمة وحدة على لسانها
ميار: جو..ا..د
دخل جاسر شافها بهذيک لحالة .. رفدتها وحطيتها على حجري شفت يديها كامل مجروحة .. ولي نتبهتلو خاتم تع خطبتنا مزالت لبساتو
جواد: راكي مليحة
حركتلي براسها لالا وطاحت على صدري.. رفدتها وخرجت
جاسر خليتو لثم وانا هبطت بيها .. شفت وجها كامل مدمدم شوتربها ولاو زروقة
وراسها كامل خارج منو دم كنت نحس بيه سخون
حطيتها جنبي درتلها لاسانتور وحكمتلها يدها كنت نشوف فطريق ونشوف فيها
سطر ربي مدرناش آكسيدون بهذيک لافيتاس لي كنت نمشي بيها
وصلت لسبيطار .. رفدتها وقعدت نعيط كي شافوها جاو كامل داوها وانا قعدت برا
يديا لضوک يرجفو .. موراها جا ليا جاسر وشاف فيا
جاسر: متخممش ان شاء الله تكون مليحة
جواد: ان شاء الله
نص ساعة خرجت طبيبة روحنا ليها
طبيبة: صراحة تعرضت لضرب عنيف وكونا شاكين في عملية اغتصاب مي حمدلله .. نقيتلها كامل جروحها بعد شوي تقدرو تدخلو ليها
تنهدت براحة مي هكا حتى شوفها عيني باش نرتاح كامل
كنت عيطت لقاسم وفهمتو واش صرا جابهم وجا .. آسينات جات تجري ليا وتبكي
آسينات: وشبيها راهي مليحة
جواد: متخميش راهي مليحة وتقدري تدخلي ليها
دخلت ليها وتبعها قاسم .. جيت ندخل منبعد بطلت وليت للور مولي لدار
سلسبيل: جواد معليش دقيقة
درت ليها وخزرت فيها باستغراب
جواد: آنعم
سلسبيل: ميار ادخل ليها سور محتجاتک
جواد: مراهيش محتجاتني وشفتي بعينک
سلسبيل: لالا انا شفت كسرت صحبتي ليالي نسمعها غير تبكي وواحد محاس بيها
هبطت راسي وتنهدت
سلسبيل: مراحش نحكيلک انا بلاک مراحش تآمني خلي هي تحكيلک وايذا مراكش حاب تحكي معاها حوس على لحقيقة وحدک
خلاتني ودخلت .. مسحت وجهي وشفت في جاسر
جاسر: امشي معايا
*
*
*
*
*
*
*
*
*
قعدت نسنا برا .. حتى عيطلي جاسر دخلت لقيت راجل كبير مربوط نوغمالمو هذا يزيد وقدامو وحدة كان شافها مع ميار
جاسر: صراحة انا نقدر نتحكم في روحي مي هذا
شرلي عليا وتبسم
جاسر: منظمنلكش.. اهدر خير لييک
يزيد: واش نهدر
جاسر: ميار واش دخلها فلوسط
جواد: واش دخلها هي
حنان: مشي تخمامي هذا
جواد: كاااش وااحد يبدا يهدر
جاسر: غير اعتارف لوما تنقص شويا عقوبتک
يزيد: انا لي خطفت ميار
جواد: وقتااه
يزيد: هذاک نهار
جواد: علاااه وااش دارتلللک
يزيد: كنت حاب نحرق قلبک كيما باباک حرقلي قلبي على وليدي.. كنت نسنا غير وقتاه نحكم وليدي وهو واش دار قتلو بدم بارد وباعلو الاعضاء دياولو
جاسر: وهماا وااش دخلهمم .. علااش ملجأتش للقانوون
يزيد: هه لقانون! لجأت لييه مي مستفدت والو خرج كي شعرة ملعجين
جواد: مميار نتا هددتها!
حنان: ايييه حنااا وكانت قاعدة عدنا هذوک 3 يام
زيرت على لكورسي لي قدامي ورميتو .. تسما كانت تكذب
يزيد: هددتها كون تهدر ومديرش واش قتلها نقتلک وكنت نعس فيک
خزرت فيه وروحت ليه .. خنقتو بيدي وجاسر جا يفكني
جواد: مشييي راااجل دخل نسااا بيناتناا
جاسر: جوااد ربي يخليک متوسخش يديک
بعدني بالقاوي منو وخرجني
جاسر: ميار محتجاتک ضوک روح ليها
تفكرتها وحالتها لي كانت .. خرجت وركبت فطونوبيل .. وصلت وحوست على لبيت لي راهي فيها .. طلعت نجري ودخلت
لقيتهم كامل لثم .. طلعت راسها فيا منبعد هبطتها .. شاف فيا قاسم وناض
ناضت موراه آسينات وحتى صحبتها خرجو كامل .. غلقت لباب ودنيت ليها
طلعت شعري بيدي وتنهدت .. ريحت على لكورسي لي مقابلها
جواد: احم كيفاه راكي؟
ميار: مليحة حمدلله
جواد: طلعي راسک نهدر معاک
دارتلي لالا براسها .. نضت وقعدت على لبونک ديالها .. طلعتلها راسها لقيتها تبكي
جواد:علاش راكي تبكي
طلعت كتافها وهبطتهم .. مسحتلها دموعها ودنيتها ليا
جواد: سمحيلي
ميار: على واش
جواد: كان لازم عليا نفهم قبل منغلط
حطيت جبهتي على جبهتها .. ويدي على خدها ميار: مكنتش حابة نخسرک والله
بدات وحدها تبكي وتشهق ..حطيتلها راسها على صدري ودنيتها ليا
جواد: ششش خلاص
طلعت يديها على جنابي وعنقتني .. ريحت تبكي منبعد دنات
ميار: متزيدش تمسني امشي
طلعت حاجبي وضحكت .. رجعتها لعندي وهبطت راسي بستها على لجرح لي فخدها
ودنيت
ميار: نتايا تفلاشا مخک؟ متحشمش تبوسني
جواد: ايييه علاش منبوسش مرتي
*********************
- إنتهاء البارت
- رايكم؟؟؟
- شفتو قتلكم قلبي حن عليهم محبيتش نخليكم معلقين وكتبتلكم هاذ لبارت .. توقعاتكم ليكيپ
- اوه مرتو شفتو كيفاه .. قلولي تحرياتكم 😂
- واخيرااا ظهر الحق وزهق الباطل هكا يقولوها؟ والله معلبالي 😂😂
- ذو ليامات يا حباباتي رجعت رومانسية شفتوني تحسن ملحوظ
- متنساوش فوط وكومنت
- إلى الملتقى...
- أحبكم ♥