رواية✨🍂
#العقرب🔞💔🔥
الحلقه(7)
الكاتبة:-تاج الورفلي👑
اريج:-تكت وهيا مرهقه
ملاك:-شدت ايدها
اريج:-تلفتتلها وهيا مبتسمه
ملاك:-شافت ل الاء بحزن💔
والاء:-بدلتها نفس نظره.......
ملاك:-؟؟؟؟؟
الاء:-هزت راسها بمعنى اي
ملاك:-اريج💔
اريج:-شافتلها
ملاك:-تذكري امتى تعرفنا
اريج:-ممكن في لاعدادي❤
ملاك:-دامت سنين طويله يااريج
اريج:-خيرك بتبكي؟؟؟
ملاك:-حاولت تشد دموعها لا غير عيوني يوجعو فيا
اريج:&به كملي
ملاك:-كنت معاك في المر قبل الحلو اني منعتبرش فيك صاحبتي انتي اختي يااريج مرات لانسان يغلط وطرف تاني ميسامحاش ومرات حني نضحو بي كل شي بسبب سعادتنا
اريج:-اقسم بالله مافهمت حاجه ياملاك خيرك تقول تودعي وعيونك معبيات دموع خيركككككك
ملاك؛-شي نهدرز معاك بس ونبي نفهمك انك متتسرعيش في لحكم بين ناس واي حاجه ح نديرها ح تكون ع خاطرك
اريج:-مفهمتش شن قصدك
ملاك:-ح يجي يوم وح تفهمي كلامي لنقول فيه
الاء:-نزلت راسها بكسره خاطر💔
ملاك:-حاضنت اريج بقوه ودموعها نزلو💔
اريج:-استغربت بس كلام ملاك مكانش مفهوم بنسبه ليها
ملاك:&هي بترقدو
اريج:-مزال لوقت
ملاك:-شدت التليفون
الاء؛-شني رجليك
اريج؛-خلاص شكرا لولو
الاء:&هي نخليكم
اريج:&❤
الاء:-شافت ل ملاك
ملاك؛-عيونها كانو يعبرو ع لحزن
------
تاج:-انتو توا مش ح تفهمو شي هاذا كله بتفهموه في لحلقه لاخيره❤
------
يقين:&مقعمزه وسارحه
رانا:-هييي وين سااارحه
يقين:-خيرككككك
رانا:-شن خيرني نوضي للمطبخ مش كل شي اني مش خدامتكم رااه.
رانا:-تعرفي كلمه وحده مني اقسم بالله اريج تدفنك في ارضك
يقين:-ونبيييي شن بقوليلها متلا يقين متبيش تنوض ضم لمطبخ
رانا:-ياريتها جت ع هكي
يقين:-مالا شني
رانا:-نقوللها ساعه اتنين طالعه من دار سعيد
يقين:-😳شن ن ن ..ن تخ. طري انتي
رانا:-خيره وجهك ولا اصفر اسمله اعليك
يقين &اسمعي بطلي كدب خير ماتندمي
رانا:-هه تسخفي...طلعت تليفونها ها شوفي اني مش غبيه او ماشفتك طالعه بشويه زي لخانب صورتك ماعندك كيف تهرببي
يقين:-نصدمت..به ويعني كنت نبي منه كتاب كان عنده
رانا:-اها كتابات نص ليل نعرفهم
يقين:-شننننن تبي توا انتي
رانا:-اولا اول مره واخر مره نشوفك في دار سعيد تانيا تسمعي كلامي ول نقولهولك دريه او نقول كل شي ل اريج
يقين:-لااااا ردي بالك
رانا؛+😌خلاص مالا ديري لنقولك عليه ومتعبنيش
يقين:&تشوفلها بحقددد
رانا؛-هي نوضي ضمي لمطبخ
يقين ناضت وهيا حاسه روحها انها بدت تحت اختها رنا
------
مرام؛+نبي نفهم امتى بدييير لقتلك عليه افهم لوقت يداهم فيا
المجهول:-انتي ل افهمي البنت عنيده ومش ساهله تبي وقت
مرام:-اييبح عليا لين نمشي فيها
لمجهول:-من هيا لبنت لشاده عليك حاجه وشن شاده عليك وعلاش تبي خوك سراج
مرام:-انت تعرفها بس منقدرش نقولك توا لمجهول:-كيف نعرفها من تكووون
مرام:-ح يجي لوقت يا..... وتعرفها مني بس توا لو قتلك خطر ليا وليها
لمجهول-انشالله متكونش الي في راسي بس
مرام:-ايح مهم توا اليامات هاذي لازم يكون عندي دليل لانه لو نفضحت ح تكوني خطوه وحده بيني وبين لقبر
لمجهول:-شن لمقابل؟!
مرام؛-حبيبي من امتى بيني وبينك لمقابل ....اسمع صاحلتي خاشه عليا ف لخط شويه ونعاودلك
المجهول:-تم
مرام؛-سكرت وردت ع لمكالمه
المجهول2;- هامرام
مرام:-شن جو
لمجهول2؛-تمام كويس
مرام:-جيت في وقتك
لمجهول2;-لقيتك متصله بيا شن تبي
مرام&&اسمع من لاخير لولد ل نكلم فيه ونبيه يساعدني لانه بننفضح حسيته مش مدور واني رقبتي ح تنقطع نبيك تساااااعدني
لمجهول:&اني بادي في لخطه بس انتي لوخرتي
مرام:-به اني غالطه
لمجهول2;-cبه شن تبي قوليلي
مرام&&لازم تتلاقى مع سراج وتهادادا
لمجهول2:-لو مشي قاللها بدل مانفصل عليها
مرام:-افهم لالا قوله لكلام ومتأكده انه ح يسيبها
لمجهول2:-كيف نقدر نكلمه
مرام؛-توا نبعتلك رقمه في مسج
لمجهول2;-تمام سلامات توا
مرام&-سكرت وتكت ع سريرها ابتسمت بنضرب عصفورين بحجره واحده مذكاني
------
زعمك من هوا لمجهول لاول ومن هوا لمجهول التاني وهل تربطهم علاقه؟؟
اريج:-ملاك اني بنرقد خلاص بنموت من تعب
ملاك؛-ارقدي ياعمري تصبحي ع خير
اريج:-وانتي من اهله
-----
#تاني يوم
اريج؛-ناضت ملاك حبي
ملاك:&هممممم
اريج:-عندك خدمه نوضي
ملاك؛-مش ماشيه
اريج؛-ارقدي مالا اني مشيت خلاص
ملاك:-بااي
اريج:باي وطلعت.........اكيده نحلم يقين نايضه بكري وضم
يقين:-شن لغريب متلا
اريج:-لحقيقه معمريش شفتك الضمي
يقين:-عادي نبي نساعدهم
اريج:-ربي يهديك ويخليك هكي
يقين؛؛شافتلها وتلفتت
اريج:-طلعت ....ومشت للحوش امنه وصلت بعد ساعه
صباح لورد ولياسمين
اريج:&صباحو خالتي معطلتش ليوم وله
امنه:-لالا ع لوقت ياحلوه
اريج:-نضت نجري اني امنه؛-اي هكي نشاط
اريج؛-ااه بنتك او ولدك راقدين
امنه:-وسام زي عادته راقد وخوله مشت لشغل
اريج:-فياخلها لحمدالله نتفكا منها
امنه:-هي اني توا عمل نتلاقو بعدين ...ااه نسيت اريج
اريج:-نعم
امنه:-مطيبيش غدي بنجيبو من برا ارتاحي
اريج:-تم
امنه؛-طلعت
اريج:-سكرت وراها لباب
اريج؛-غريبه ليوم لحوش مش حايس هلبا وركبت بدت ضم وتنشف في دياااار
-------
رنا؛-اركبي طبقيلي دولابي
يقين:-بااه
كلهم😳😳😳😳😳😳
رانيه؛-واااااات
تقوى:-لااني في حلم
الاء؛-ههههههه شكلها مضروبه ع راسها
سيرين:-يقين تسمع في لكلام وتقول باهي وضم
رانا:&ابتسمت بخبث
يقين:&شافت ل رانا بغللللل وركبت
تقوى:-شنصاااير تسمع في كلامك
رانا:&ههههههههه شي
الاء؛-كيف شي وهيا طول قالت باهي
رانا:-يجيكم يوم وتعرفو وركبت
رانيه:-خيرها هربت
سيرين:-منعرفش
الاء؛-وضع لحوش ليامات هاذي مش عاجبني
رانيه:-ولا اني
الاء:-يبي ايعاده ضبط
تقوى:-رسمي
الاء؛-من بيطيب لغدي
رانا:-طبست عليهم من فوق...يقين لبطيب
الاء:-ههههههههههه مش مصدقه
رانيه؛-😂😂😂😂
------
بعد ساعات اريج تمت لحوش بكري ومطيبتش بما انه امنه بتجيب من برا
وسام:-ناض
اريج:-مقعمزه ع صالون وشعرها مفتوح وشاده تليفون
وسام؛-جي من وراها
اريج:-حست باانا وسام وراها طبست راسها تحت صالون كأنها دور في شي
وسام؛-قدم نزل وراها
اريج:-قامت راسها بقوووه وخبطت بيه وسام لين داخ😂😂 🤦🏻♀
وسام؛-شاد راسه بس لمره هاذي مقدرش يتحكم في روحه ودفها لين طاحت
اريج:&طايحه ع لارض وتشوفله
وسام؛-قرب منها
اريج:-خدت رجلها وضرباته بقويه ع رجليه طاح✋
وسام:-رجللللللللي
اريج:-وقفت ونفضت حوايجها وقامت شعرها معادش تحاول تلعب معاي فات فيا وحدرتك
وسام؛-شاد رجله نبي نفهم انتي متأكده بنت؟؟؟؟وين رقه وين لانوته ضربتك متاع راجل متمرن في حديد
اريج:-عادي تجي بنت مدربه من لابتدائي ع لكراتي تقسمك نصين
وسام:-وقف وقعد يعرج بارجله مش قادر يوقف
اريج:-رجعت قعمزت وشدت تليفون
وسام:-رجع ل داره بعد مادقدق😂🌸✋
تاج؛-هكي يابنااات كونو قويااات دربو واضربو ومتخافوش ✋
امنه:-طقطق
اريج:-ناضت تجري فتحت
امنه:-اهلااااا
اريج:-نورتي
امنه؛-خودي مني
اريج:-خدت لحجات وركبت باش توتي سفره الغدي
خوله:-طقطق
امننه:-فتحت
خوله:-شكلك كيف مروحه
امنه:-كيف خشيت
خوله:&ااااخ تاعبه اني
امنه؛-خشي استريحي لين اريج تحط لحجات لجبتهم
خوله؛&به وركبت تبدل في حوايجها
وامنه نفس شي
اريج:-وقفت تحط في المبطن والكفته وطاجين وسلايط و بيتسه ورشده كسكاس في سفره
واني جعت واني نكتب😂😂
لين تمت ونزلت
امنه:-ياسلام
اريج؛+تستف ع طاوله
امنه:&هي بري نادي وسام وخوله وتعالي باش تتغدي معانا
اريج:-لالاشكرا خالتي تغدو انتو
امنه؛-شوفي من اول ماجيتي متبيش تتغدي معانا واني مبيتش نغصب عليك يااريج خليتك ع راحتك لاكن ليوم ع خاطري تقعمزي معانا
اريج:&ب. ..
امنه؛-مفيش بس اني قلت وخلاص كلمتي متتعاودش
اريج؛-لمره هاذي بس
امنه؛-باهي❤
اريج:-ابتسمت ع حنيه امنن وركبت تنادي في وسام
طقطقطق
وسام:-خش
اريج:-تعالة كانه بتتغدى😒
وسام:&سكري لباب واطلعي
اريج:-خلاته مفتوح وطلعت ✅
وسام:-بنت ال......
اريج:-نزلت
امنه؛-تعالي قعمزي هي
اريج؛-قعمزت ع لكرسي
وسام:-نزل وقعمز
امنه:-نحيي ايدك لين تنزل اختك
وسام؛-ايييي علينا
خوله:-جييييت اني .
امنه:-قعمزي هي
خوله؟؟؟؟؟؟
امنه؛-خيرك
خوله:-شن دير هني هادي
امنه:-بتتغدى معانا
خوله:-من امتى شغالات يتغدو معاناةفي سفره وحده
اريج:-وقفت
امنه؛-شدت ايدها
امنه؛-احترمي نفسك
خوله؛-مقلت شي بس اني مش من برستيجي نقعمز مع شغاله في نفس سفره
اريج:-شاده نفسها بسيف ع خاطر امنه دافع عليها
امنه:-شغاااله وخيرها شغاله حتى انتي لو مش من فلوسي تكوني شغاااااله لو تشوفي حوشهم تجي انتي فيه شغاله ع دورين
خوله:-مدامه حوشهم ع دورين علاش جايه تشتغل
امنه؛-ضروووف تحكم عليك هلبا حجات وانتي مدخلكشششش فيها
خوله:-يااني ياهيا ع سفره
امنه:-مالا نحب نقولك اقلبي وجهك فوق لانه هيا ل تقعمز وانتي لبتنوضي
خوله:-ضربت لكرسي برجلها وركبت
امنه:-قليله ادب هاذي
اريج:-اني اسفه انه...
امنه:-معادش تتأسفي مدرتي شي انتي لو فيه حد يتأسف بتكون هيا
وسام؛-كملتو خلاص نقدر ناكل
امنه؛&كووول زانت همك كله لماكله
اريج:-قدمت تاكل وفي داخلها غصه
امنه:-رباااايه لفاسده
وسام:-ياكل ويشوف ل اريج كيف تاكل بكل رقه متقولش هيا نفسها لصبح خبطاته😂😂
تغدو وهما في صمت تاااام وناضو واريج زي لعاده ركبت تغسل في لماعين
خوله:-خشت
اريج:-قلبت عيونها
خوله:-فتحت تلاجه وطلعت لعصير وبزعاته كله ع لكوجينه واريج تشوف
خوله:-نظفيه ياشغااااااله
اريج:-تلفتتلها وابتسمت شغاله ونظفه عادي لمهم ركبتي زي لمهزله لدارك ومتغدتيش
خوله؛-والله لما ندمكككككككك وطلعت وهيا وجهااااا احمر
اريج:-غسلت لماعين
--------
لطفيه:-شن ياسراج قداش ليك مجبدتش سيره اريج
مرام:-قامت عيونها
سراج:-ولله ياامي ليها فتره مختفيه وشي متبيش ترد
لطفيه؛؛بالك فيها حاجه
سراج؛-لالا مفيهاش شي
لطفيه:-نشالله خير
---------
الاء:-اني مشغوله وحق ربي
رانا:-شن فيه
الاء:-هاشم قداش ليه مروحش للحوش
رانا؛-صح وحني مسألناش عليه
تقوى:-تلقيه دايح سكران في وحد من شوارع
الاء:-اااخ ربي يهديه ويجيبه لطريق لمستقيم
------
خالتي كملت كل شي
امنه؛-هاك يابنتي فلوسك
اريج:-مسرع فات شهر
امنه:-لايام تجري
اريج:-اي حق
امنه:-مهم احسبيهم
اريج:-لاحشاااك
امنه:-مرات نكون غااالطه بس
اريج؛-حتى غاالطه ولايهمك بنسألك بما انه كملت بكري عادي نروح نبي نطلع خواتي ندهورهم
امنه:-ياسلام عادي حبيبتي خلاص روحي
...وساااام
اريج؛-علاش ضبحي فيه
امنه؛-يروح بيك
اريج:-لالا توا نهار مش مغرب باش يروح بيا نرجع بروحي عادي
امنه:-خلاص في امان الله وركبت لمكتبها
اريج:-قامت تليفون وتصلت
الاء:-ايوا اريج
اريج؛-وتو روحكم وسخني سياره بنطلعو ندهورو
الاء:+الله😍😍😍😍😍بالحق
اريج:-اي مسافه طريق ونكوم عندكم
الاء:-هي هي
اريج:-اصبري اركبي دولاب متاع داري طلعيلي فلوس قداش ماتلقي باش نزيدهم ع هادو باش مينقصنا شي
الاء:-حاضر وسكرت
يقين:-شن فيه
الاء:-يابنااااااات نوضو بدلو اريج بطلعنا
سيرين؛+واحلا خبررر لصبح نقهرنا مم لقعده
رانيه:-فيييسع متعطولوش
وكل وحده ناضت نجري من لفرحه تبدل لين وصلت اريج
الاء؛-اني واااتيه
اريج؛-هي اطلعو
الاء؛-شن جاك ليوم بطلعينا
اريج؛-مه خلصوني
الاء؛-علاش تخسري فيهم خادمه شهر تام باش تخسريهم
اريج؛-عادي مدامه كل شي فيه في لحوش خلي لفلوس هادي يتمتعو بيها
الاء:&براحتك
رانيه؛-واااتيه
الاء:-حقا حني سبعه مش ح تسدنا سياره
اريج:-اركبو توا نجي وخشت طقطقت مرتين وضربت لباب كالشو برجليها
سعيد؛-ناااض مخلوووع خيركككككككككك انتي
اريج:-بصوت واطي ومستفز. 🙃مفتاح سياره تانيه وين
سعيد:-بصوت عالي مدخلكش خييير مني عطيك سياره
اريج؛-مش خير منك قصدك خوف مني وتوا بلا كترت كلام بنطلعو وين لمفتاح
سعيد:-شن بتطلعو مفيش راجل ف لحوش تشاوروه
اريج؛-نعم...انت تعتبر في روحك راجل مالا من رزق ليتامه لواخده وداسه
سعيد؛-حلالي مدخلكش كتبتهولي امك
اريج:-مه هاذا ليقهر كانهاذا واحد زيك نضربه كالشو ونطلعه من لحوش
سعيد:-اني في دقيقه نقدر نطلعكم يكون ف علمك
رانا خشت وزعمك علاش مطلعتناش ع خاطر منو
سعيد:-شن ع خاطر منو
رانا:-غمزتله انت فاهمني كويس
يقين&&تراقب من بعيد وخايفه رانا تفضحها
اريج:-طول جت عينها ع لمفتاح فوق تلفزيون خداته وطلعت وخلت سعيد ينبح بروحه
اريج؛+طلعن وسكرت لباب
من بيركب معاي ومن معا الاء
تقوى:&اني معاك
رانا؛-واني
سيرين؛-واني
اريج:-خلاث يقين ورانيه اركبو مع لاء
ركبو كلهم ونطلقو
كان يوم حلو بنسبه للبنات بس بنسبه ل اريج كان متعب وكانت تفكر كيف تسكت وتتجاهل خوله وكلامها لجارح وكيف تتخلص من وسام الي مش مخلي فرصه لا وهوا بديتحرش فيها
مشو كلو في مطعم ومشو للملاهي وصورو وهيجو وفي لاخير مشو لل محلات
اريج:&انزلو هي
سيرين؛-شن بناخدو
اريج:-فرقت عليهم لفلوس هاكم اشرو لحوايج لنقصينكم
الاء:-ولبنات كلهم نزلو ياخدو واريج قعدت في سياره تستنى فيهم لين شافت مجموعه بنات ولما ركزت فيهم طلعو بنات نفسهم من دفعتها زمان شافتهم كيف يشربو في نسكافي ويضحكو ومش شايلين لدنيا هم
اريج؛-رجعت راسها ع لكرسي وتفكر وتحكي داخلها ستاحشت طلعه مع ملاك وضحك وكلام سراج لكله حب ستاحشت يامات كان راسي فاضي من تفكير ولهم لواضح خديت حمل اكبر مني بهلبا في وسط كلتمها بينها وبين نفسها نزلت دمعتها💔🔥
مسحت دموعها ونزلت للمحلات زيهم
اريج:-سلام عليكم
سيرين:-تلفتت شوفي محلاها لكندره
اريج:-حلوه خوديها وين باقي لبنات
سيرين:-كل وحده في محل لجنب هاذا
اريج:+قعدت واقفه تشوف لين جت عينها ع كندرا وعجبتها
كم هاذي خوي
الولد:-خمسه واربعين اختي
اريج:-ممكن تجيبلي نقسيها
الولد؛-كم تلبسي
اريج؛-37
الولد؛-حاضر هي
اريج؛-توا بناخدها زعمك قاعد عندي فلوس ولالا فتحت شنطتها وطلعت لقت اربعين جني بس
الولد:-قيسيها تفضلي
اريج:-قاستها وجت عليها وعجبتها ممكن تخفضلي فيها
الولد؛-والله شن بنقولك باهي هي نقصلك خمسه خوديها بااربعين
اريج:-ابتسمت
الولد؛-حطهالها في كيسه
اريج:-كيف بتعطيها لفلوس
تقوى؛-خشت تجري اريج تحتك فلوس نقصو عليا بناخد شنطه
اريج:-مدتلها لاربعين جني لكانت بتخلص بيها لكندرا
تقوى:-شكرا ورجعت تجري للمحل
الولد:-شن اختي بتاخديها
اريج؛-لالا خليها مره تانيه وطلعت لسياره🚘🚘🚗🚗
تمو لبنات وركبو في سيارتين وبيروحو كان يوم مسلي عندهم ❤
يتبع.....في لحلقه(8)
شن يابنات شفتكم مخدمتوش دماغكم وضحتلكم هلبا حجات في لحلقه هاذي
زعمك شن شي لي يربط الاء باملاك
ومن هما لمجهولين زوز
وهل سعيد بالحق ميبيش يطلعهم ع خاطر يقين
وشن سبب بعد سراج واريج
الكاتبة:-تاج الورفلي👑