رواية
#العقرب💔🔞🔥
الحلقة(20)
الكاتبة:-تاج الورفلي👑
الاء:-قعدت تشوف ل امنه بشفقه ع حالها ..به نمشو توا
امنه:-مش قادره نمشي ونشوف ولدي في هالحاله كيف بنحط عيني في عينه كييف ياالاء
الاء:-لاحوله ولاقوه الا بالله صلي ع نبي ونوضي هي
امنه'-عليه صلاه وسلام وناضت تلبس في عبايتها وخدت مفتاحها وطلعت ورا الاء علي المستشفى🚘🚘🚘
___________
تن تن
مرام:-قامت تليفونها لقت رساله من خوله ع لماسنجر فتحتها
خوله:-اهلا ياغزاله والله توا واني نشوف في صور لقيت صورك مع جماعه قلت خيرني محتفظه بيهم خلي نبعتهم لسراج ع لوتس مدامه رقمه عندي ونمسحهم
مرام:-تقرا وتعاود وقلبها سكت ...خوله بالله عليك لا شن درتلك اني لو شافهم سراج ح يقتلني درت كل لقتيلي عليه
خوله:-مادرتي شي لو درتي راهو سراج راجلي توا يعني دوتك فاضيه اني وعدتك نمسحهم لما سراج يولي ليا بس توا معادش فيه فايده
مرام:&خوله ورحمت امك ماتبعتي حاجه اني نوعدك نقربكم من بعض في اليامات هاذي وعدددد غير ارحميني تربحييي
خوله:-اوو قتلك معادش ليه لازمه اني متزوجه توا
مرام:-نصدمت كيف متزوجه
خوله:-اي تعرفت ع واحد وعجبني وتزوجنا خوك بليه واشربي ميته هههههههه
مرام:&به علاش دريلي هكي باش تزوجتي استرني حرام عليك راني بنت زيك زيني
خوله:-ههههه متقارنيش روحك بيا وانتي صورك مع كل ذكر تانيا اني اسمي خوله مينرفضليش شي يعني لما طلبت خوك مفروض شقتي لارض وخلتيه يتزوجني بس مدرتي شي ويلا مش مهم توا اني متزوجه تلقي صورك عند بوك نتلاقو كانه قعدتي حيه😂😂😂باااي
مرام......خوله حضرتها ..قعمزت وايدها ع راسها وتبكي وتطلب في ربي انه يسامحها وخوله متفضحهاش ياااارب سترك ياااارب ساااامحني اني فرقت اريج وسرااج يارب سامحني يااارب متعاقبنيش ح يقتلني يااارب استر 😭😭😭😭😭
وبين دوعها تسمع في سراج
سراج:-يعيط مراااااااااام مرااااااااااام
مرام:-حطت ايدها ع قلبها وتبكي
سراج:-خش طول ضربها طيحها ويوري فيها في صور هااادووووو شنووو شنوووو هاذووووو ياكلبه درتينا العااااااار في شن قصرت معاك اني باش تتصوري مع ذكوره وصور خامره زي هاذي
مرام:-سامحني نبوس اديك سامحني😭😭
لطفيه:-خشت تجرررري خيرك ع اختك
سراااج:-ورالها صور
لطفيه:-حطت ايدها ع قلبها مصدومه ومرام تبكي وتترجى فيهم
سراج:-لازم نربيك قبل ماديرنا عااااار قدام ناس وطلع نحى طوبو الغااااز وخش ...امي اطلعي من داار
لطفيه:-خلاص ياوليدي تربح ترعش مع بعضها اختك بتموت
سراج:-امي قاعد شاد رووحي بسيف اطلعي
لطفيه:-تشوف ومش قادره تطلعي
سراج:-طلعها وسكر لباب بالمفتاح وطاح في مرام ضرب بطوبو الغااز
مرام:-اااااااه صلي علي نبي والله معاد نعاود حرااام عليك بنمووووت خلاص😭😭😭😭😭💔
سراج:-يقيم في طوبو لفوق وينزل فيه بقوة قوته عليها لين جسمها وله ازرق وفمها وخشمها دم ولاقال نطلقها وهيا تعيط في عياط💔💔
لطفيه:-طقطق ع لباب خلااااااص ياسراااج راااك بتقتلها ياوليدي تربح بيركبني سكر بنمووووت تربح ياوليدي ووووه عليا بيقتلها
سراج:-داهش ومش قادر يتنفس ويرجع يتنفس ويضرب لين طاحت بين اديه💔خلها بلا رحمه ولاشفقه خدي تليفونها لفوق سرير وكسره تفترش وطلع ....تعرفي من ليوم نلقاها في لجامعه نقتلها ونحرق لحوش بلي فيه لاصحبات لاجامعه لاتليفووون متحاولللييييش ياامي متخلنيش نتخطى حدودي وطلع وهوا كله عرق
لطفيه؛-خشت تجري لقت مرام متلوحه ومغمى عليها بدت تعيط وتخبط وترش عليها في الميه ومرام ولاحركه💔
_________
امنه:-خشت وهيا ترعش
الاء:-وينها لحجره
امنه:-قالولي في طابق تاني
الاء:&ركبت وهيا تشد في امنه ل تميل ميلان وبطيح وقعدو يركبو لين وصلو لطابق تاني
الاء:&هي خشي
امنه &مش قادره ياالاء مش قادره
الاء:-لاحوله ولاقوه الا بالله ربي يشفيه معنديش شن نقول غير ربي يصبرك ويبرد قلبك
امنه:-بدت ترعش مع بعضها وحاسه امها بطيح
الاء:&خلاص متخوفينيش عليك خشي وديري عزم ومتبينيش روحك منهاره باش متخليشي يتعب نفسيا💔
امنه:-مسحت دموعها وفتحت لباب وهيا اديها مش قادره تتحكم فيهم
الاء؛-خشت وراها
امنه:-حطت ايدها ع فمها وبدت تبكي
وسام:-مقعمز ع لكروسه لفت وجها وكأنه ميبيش يشوف امه وهيا في لحالى هاذي
الاء؛-نزلت دمعتها وشاده امنه
امنه؛-قعمزت تحت لكروسه وحطت راسها علي رجلين وسام وتبكي بعبرتها ...هاذا لكتبه ليك ربي ياوليدي نشالله يجازيك في لاخره معليشي اني مش ح نخليك بنكون رجلك وايدك وكل شي
وسام:-ساكت ولاكلمه كانو عيونه يقولو في هلبا حجات معبيات ندم هاذو نفسم الرجلين لرفعو اريج للمزرعه هاذو نفسهم لادين لنحولها حوايجها ودارو في لحرام اهو مش قادر يحركهم
امنه:&قريب نص ساعه وهيا تبكي لين جي دكتور وقاللها تقدري طلعيه ومعطهاش اي امل انه يرجع يوقف ويحرك اديه
الاء:-نزلت فتحت سياره وامنه نزلاته بمساعده المنرض وركبوه ومشو بيه للحوش💔
وطول طريق امنه تبكي وتغرد والاء تبكي بصمت اول مره تشوف امنه لدرجه هاذي منهاره
_________
رانا:-اني نبي نرجع امتا بنرجعو
رانيه:-نبي نزور هاشم قلبي متقطع
رانا:&حرام عشره نساء ميخوش الجنه ومنهم لتمشي للمقبره
رانيه:-ااااخ ربي يرحمه ويغفرله
زيد:-السلام عليكم
رانا:-وعليكم سلام زيد امتا بروحو اسبوع الجاي بأذن الله
رانيه:&الحمدالله
زيد:-شن وين زياد
رانيه:-راقد
زيد:&متبوش تتغدو برا
رانا:&ياريت
رانيه:-نوضي مالا هي
________
مرام:-جسمي كله يوجع فيا ياامي نبي تليفوني😭😭😭
لطفيه:-كسره وقال من ليوم مفيش جامعه
مرام:&كيف نوقف هاذا مستقبلي
لطفيه:-مفروض قبل مادرتي لدرتيه فكرتي في مستقبلك جبتيها لروحك ...اوقفت طلعت
مرام:-تلوحت ع سرير حسبي الله فيك ياخوله ربي ياخد فيك الحق في هاليوم ياخوله
YOU ARE READING
العقرب ( روايات ليبية )
Horrorرواية العقرب للكاتبة : تاج الورفلي هذه الرواية تجمع بين الغموض و الرعب والإثارة وتشويق . . . تفاعلوا 🔥
