العقرب ( روايات ليبية )

حلقة 13 🔥

رواية👑
#العقرب💔🔞🔥
الحلقه(13)
الكاتبة؛-تاج الورفلي👑
تايقر:-طلقها وطلع
اريج:-ملوحه ع لارض وتشوفله  قعدت تسكر في عيونها وتفتح مش حاسه بشي راسها يوجع فيها جسمها يرعش من جرعه تسأل في روحها ودموعها ينزلو اني شن وصلني هني اني شن خلاني نخدم عند امنه علاش امي دارت هكي فينا علاش دخلت علينا راجل غريب منعرفوشي علاش علاش خوي وسندي ديما دايح سكران يتعاطى معادش عارف حتى خواته علاش معشتش زي لبنات نمكيج وندير ماساكات لوجهي وشعري وندير خلطات لظوافري علاش مندلعش ع سراج ونقوله نبي ونبي ونبي ونلبس ونطلع وندهور ونتغدو في مطاعم علاش اني غير كل لبنات فيه كميه كبيره من لوجع داخلي مش ح يفهمها حد لفتت راسها تشوف للارض وبدت تغمض في عيونها تدريجيا لين رقدت
-------
تايقر:-اي هوا هاذا
معتز:-امس قالو جابو بنت جديده وين ماشفنا شي
تايقر:&دكر نظرت اريج القويه وكيف جايه بتضربه ضحك ع جنب اي جت بس مش ح نحطوها مع بنات اليل
معتز:-علاش
تايقر:&لانه حرام بنت في قوتها وصلابتها تمشي مع بنات🔞اصلا متأكد لو حطنيها مع بنات اليل ح تخسرنا زباين كلهم وح تضربهم
معتز'&معقوله بلقوا هاذي 
تايقر:-بميت راجل
معتز:-ليا سنين في لمجال هاذي معمرهم جابولي بنت هكي
تايقر؛-بضبط هاذا علاش لفتت نظري
معتز:&في شن بتستخدمها
تايقر؛-ح نخليها تبيعلنا البضاعه في لجامعات ومدارس لخاصه متاع لبنات ومنها ح يبدو يجروو جري ويشرو منه وجسمها جذاب ح تغري كل من يشوفها وهاذا اصلا كافي
معتز:-ولو خطفوها وقالت ع مكانه وفضحتنا
تايقر:؛هه تلاته رجاله منه ضربتهم ومقدروهاش مابالك يكون عندها اسلحه خاصه تحتها
معتز:&تشوف فيها انها تمشي سفقتنا
تايقر:&وح تجيبلنا هلبا ارباح باش نبدو مشروعنا في امريكيا
معتز:&تمام دير لتبيه
تايقر:؛اني عندي ماندير باي
ايوب:-شن مفيش سهريات مع لبنات تايقر
تايقر:-شافله  وطلع
ايوب:-خيره مايردش هاذا
معتز:&لانه اسألتك تافها
ايوب'&نبي هيروين
معتز:-تقريبا انه ليا تلاته شهور مانعك انت وتايقر انكم تاخدو ممنوعاات لين تم صفقه باش تركزو
ايوب؛-عيونه حمر  مش قادر نقاوم
معتز:&شافله اطلع
ايوب؛-حس بجسمه بدي يرعش من كترت لمقاومه وطلع
معتز طلع لبضاعه والمذكره وبدي يحسب في لارباح والخسائر في شهر هاذا
----------
وسام:-ايوا علي تعالى بسرعه
علي؛-شن فيه ف ليل هاذا
وسام:-في بنت سكرت عليا باب لحمام وحصلت ومن بكري نحاول وندور بس ملقيتش حد يجيني
علي:-اهو جاي هي
وسام:-عندك مفتاح وله علي:-اكيد
وسام:-تما متعطلش وسكر عليه وقعمز ع لحوض باهي لمدخل تليفوني معاي لاكن غير نلقاك ياشغاله لما نربيك 
-----
الاء:-تلود في لحوش وتسأل وين اريج مابين كلهم راقدين ياربي بنمووت اني الفجر قريب يأذن والبنت مزال مخشتش زعمك بايته عند امنه بس اريج مستحيل تبات برا بعد كل لافكار كلمت امنه
امنه:-الو
الاء؛-اهلا ابله امنه سامحيني كانه نوضتك
امنه:-شافت رقم اه الاء لاعادي خير فيه شي اريج فيها شي
الاء؛-ياابله امنه اريج من مشتلك مروحتش
امنه؛-حطت ايدها ع قلبها كيف مروحتش واني سلمتها باايدي لوسام يوصلها
الاء:-والله ماروحت ولدك مروحش
امنه:-اني تعبانه سقدت اريج وخشيت رقدت معرفتش حتى ان كان وسام روح ولالا
الاء ؛به ممكن تكلميه او تشوفيه نبي اختي وين والله بنموت من لخوف
امنه:-هي وسكرت ناضت تجري فتحت لباب وخشت لدار وسام لقتها فاضيه
وطلعت لصالون
خوله -شاده تليفونها خيرك
امننه:-خوووك وين
خوله:-خووي مهناش نحسابه بايت برا
امنه؛-حي عليا لولد والبنت وين
خوله:-من لبنت
امنه:-اريج
خوله:-خيرها
امنه:-ماروحتش للحوش وخواتها مشغولات ولولد مروحليش كيف هكي
خوله:-اتصلي
امنه:-وقفت وتتصل بااريج يشرين ومتردش ونفس شي وسام
امنه:-ميردوش اني وين بنمشي وين بندور نشالله خير ياربي
-----
علي:-فتح الباب بالمفتاح وسكره وخش لشقه فتح لباب لوسام
وسام؛-طالع بالفوطه يجري لدار لخلى فيها اريج ملقهاش ولقي شنطتها وتليفونها
علي:-خيرك نم
وسام لبس تيشيرت وسروال وخدي لمفتاح وطلع يجري
علي:&تي فهمني نم
وسام:&منور علي توا مش فاضي نجي ونحكيلك وطلع لسياره
علي:&خيره هاذا
وسام:-يجري بسياره ويدير في ضي بالك يلقاها طايحه في وحده من زناقي بس شي .....اني خلاص مشيت فيها توا بتفضحني مع لعيله كلها كيف صااار نم هكي غبي اني كيف نحليه ونخش لحمام متوقعتهاش تنوض هكي بسرعه هاذي وميقعدش البنج مأثر فيها  لو ملقيتهاش بتفضحني .....بعد مادار ولف ع كل لاماكن لين طلع ضي ومفيش ولا اثر ل اريج وامنه مبطلتش اتصالات لاهيا لاخوله والاء ع اعصابها
وسام:؛وقف السياره ع جنب وتنفس بقوه كيف بيصير شن بنقول لامي بعد تفكير طويل الف قصه من دماغه وقرر يرجع للحوش🚙🚙
امنه:؛مقعمزه وتهز في رجليها خلاص بتجيني جلطه اني
خوله'&في شي غلط
امنه::علاااااااش ميردوش بس
تطقطتطقتطق
خوله:&شافت لامها
امنه:-طلعت تجري فتحت
وسام:-دار روحه داهش ومش قادر يوقف وطاح
امنه:-خيرككككك
وسام؛-احوووو احووو
امنه؛-الحقيني جيبي لخوك ميه
خوله:-تجري جابت ميه وشربوهاله
وسام؛-يشوف ومش قادره يتفس
امنه؛-اريجح وين
وسام:&يشوفلها
امنه:-وييييييييببن اريج
وسام:-خطفوها
امنه؛-حطت ايدها ع قلبها  كيف صار
وسام؛-واني مروح بيها امس خطفونا اني وياها وربطولنا عيونا  وبعدها اني هربت منهم بس اريج قعدت امنه؛-كيييييف كييييييف متهربهاش كيف يخطفوكم  وين لمكااااااان
وسامv(منعرفش)كان مكان مسكر وظلام ماقدرتش نميز
امنه؛-شن بنقول ل اختها توا اني شن بنقووللها حيي عليا اريج وييينكككك انتي بخير ولالا
--------
اريج:-فتحت عيونها ببطئ  وتشوف  في رجلين واقفين  قدامها قامت عيونها بشويه لقت تايقر
تايقر؛-شن كويسه ليوم اريج:-لفتت راسها لجها تانيه شافت داار كبيره وراقده فوق سرير جوزي ولمكيف قدامها وحمام لجها تانيه قعدت تحك في انفها شن عطتيني ياحقيرررر
تايقر:-ترا تنفسي بعمق
اريج:-تنفست وحست جسمها ضعيف يرعش ينخص فيها راسها بيطربق عيونها حمر   تبي زي لخداته امس
تايقر:-لوحلها لكوكاين وطلع
اريج'&تشوفله ناضت تجري تشم فيه  وتشم بقوه وتتنفس وتحك في انفها وترجع تشم لين حست انها تعدلت لمزاج وراسها كويس
يعني كأنه حد معدته ومصارينه يوجعو فيه جيعان وكلي نفس شي غير هاذا مفعوله اقوى
اريج:-بدت كأنها تنسى في خواتها وفي كل شي تشوف في دنيا حمره بيضه خضرا ملونه بكل لالوان تبي دير اي شي طلع كل لفي داخلها اريج تحولت 180 درجه من اريج لتعرفوها ومكانش بيها ايد السبب💊💉بعد مااسترجعت قوتها من لكوكايين طلعت
تايقر:؛شافها ضحك وتوا لمفعول ميه ميه صح
اريج:-ركلاته برجلها
تايقر؛-شد رجله ووقف حط ايده ع شعرها وشده جبده التالي
اريج؛-تتنفس ومسكرا عيونها
تايقر:&عندك علم مفيش بنت مدت ايدها عليا وتوا مش ح نمسك لانك جديده ومتعرفي شي و لو مزال تمدي ايدك ح نفرمك وربي نكرهك في حياتك ولكوكاين لتاخدي فيه ارقى نوعيه حتى لو بعتي روحك مش ح تقدري تاخديه باش تتخلصي من المك وتداعك تموتي من وجعك فااسمعي كلامي وطبقي لنقولهولك
اريج'&نبي جرعه تانيه ندير لتبيه غير عطيني
تايقر؛؛لا ومشي
اريج:-طاحت وشاده قلبها لحساته بيوقف وجسمها ليرعش وبطنها ل كأنه موس فيها وتبكي وتعيط ومتلوحه ع لارض ااااااااه ياحقير بنموووت خلاص بنمووووووت 😭😭😭😭😭😭😭😭😭😭
اووف اووف اااااااه
تايقر :جي وشاده باايده
اريج:-ناضتله تجري عطيني نبوس ايدك ندير لتبيه
تايقر؛-يشوف لفمها لمولي ازرق من تأثير 
اريج:-ارجوك
تايقر؛-نعطيك شروط ولو وافقتي اني ح نعطيك
اريج:-موافقه
تايقر؛-من ليوم انسي حاجه اسمها اريج اسمك العقرب
اريج:-موافقه
تايقر:-ح ترقدي وتاكلي وتشربي زينا انسي الرجوع وهاذا مكانك ومكان خدمتك بس انسي العالم الخارجي
اريج:&موااافقه
تايقر؛-ابتسم ع جنب وتوا بعد جرعه تالته هادي ح تولي اقوى  وديري في كل شي برضاك
اريج؛-تهز في راسها
تايقر؛-لوح هولها
اريج:&طاحت ع لارض وتشم فيه وتتنفس بقوه وتشم لين خدت غايتها وناضت.
معتز:-خاطم شافها شن اسمك
العقرب:-تشوفله بعيون حمر عقرب
معتز:&ضحك وكمل طريقه
لعقرب؛-مشت نزلت وتبي تتعرف ع لمكان نست حاجه اسمها الاء اسمها رانا اسمها رانيه يقين سيرين تقوى امنه عاشم سعيد خوله سراج ملاك مرام لطفيه كله ولاكأنه تعرفهم💔
------------
الاء:-كيف ياابله امنه اختي امانا عندكم كيف تنخطف حني من بينا
امنه:&اني مش ح نخليكم وح نمشي للمركز وبدورو عليها ونشالله   يلقوها
الاء؛-مسحت دموعها وهزت براسها
امنه؛-ردي بالك ع روحك وخواتك واني ح نطمنك سالامات
الاء:&سلام
امنه؛-طلعت وشاده قلبها  وماعالم بيها لا ربي ومتبيش تضعف قدام الاء ومشت للمركز🚙🚙🚙وهيا قلبها بيطلع منها وشاكه كيف وسام قدر يهرب واريج لا
السلام عليكم
وعليكم السلام
الشرطي تفضلي
امنه:-قعمزت حضرت الشرطي عندنا بنت مخطوفه
الشرطي:؛مر ع خطفها 24ساعه
امنه ؛لا
شرطي :منقدروش ندورو لين يفوت اربعه وعشرىين ساعه
امنه:-ياحضرت القاضي منقدرش نقعد نستنا لين تفوت ومرات يكونو مجارم ويقتلوها
الشرطي؛خدي بيرو وبدي يكتب عطيني معلومات عليها وامتى نخطفت ومع من كانت وكل شي
امنه:&اسمها اريج حميد عمرها 27سنه طويله وضعيفه ونقشها رقيق وع لاسود كانت عندي
امس وروحت ساعه عشره
شرطه؛-شن صله قرابتك بيها لمخطوفه
امنه:+نزلت راسها بحزن معادش عرفت تقول شغالتي ولا........
ااشرطي:-ياانسه
امنه:-مفيش قرابه كانت تشتغل عندي وروحت وخطفوها
شرطي:-تمام تقدري تعطيني رقمك واول مانطلقو عناصرنا يدورو عليها ويلقوها نكلموك
امنه؛-كتبت رقمها وطلعت وقلبها مكسور من كلمه شغالتي 💔
و مشت  للحوش وهيا تتمنى   انه كله يكون مقلب او حلم 🔥
---------
رانا؛-كيف كيييف بنتصرفو من بعدها حني كلنا معتدمدين عليها منغيرها مانعرفو نديرو شي
الاء؛-اهئ اهئ اهئ😭😭😭😭😭ماعندي مانقول غير انه نشالله ربي يرجعها بخير لانه جني منغيرها ح نموتو
-------
العقرب؛-واقفه ع كرسي تايقر
تايقر:-انتي ح تبطلي خدمه وتبدى خدمتك مع بنات ليل
ساره؛-نعم علاش؟؟
تايقر ؛يشوفلها لانه خدمتك متستاهليهاش وتبي وحده قويه ولقينه بديلتك
ساره؛-ه ومن بديلتي
تايقر:&شاف للعقرب
العقرب؛-ابتسمت ابتسامه عريضه ع جنب
ساره؛-شافتله بحقد هادي ال......... بتخدم مكاني
العقرب؛؛مخلتهاش تكملها لجمله وضربتها ع احيط وخنقتها..نعم؟ ال شني
ساره؛-احو احوووو
العقرب -زادت ضغطت ع رقبتها ادوي
ساره؛-سامحيني احوو العقرب:-ضربتها خبطين ع الحيط وطلقتها طاحت
تايقر:-وقف يضحك ويصفق👏👏👏👏 وطلع
العقرب ..........
يتبع في حلقه(14)🔥
استغفر الله العظيم واتوب اليه
#استغفرو💘🌸
الكاتبة؛-تاج الورفلي👑