Hindi ko maisip kung saan ako nagkamali! Ang nais ko lamang talaga sa unibersidad na ito ay mag aral ng matiwasay at makagraduate na humihinga pa! Gusto kong magkaroon ng normal na buhay, pero hindi yata mangyayari iyon kung nasa paligid si Thorin Alexus Dela Fuente. Iyong lalaking akala ko—akala ko mabait! Humanga pa naman ako noong una ko s'yang makita sa harap ng gate. Parehas pa kaming nagwapuhan sa kanya ng bestfriend kong si Grace, pero gwapo lang pala ang mayroon s'ya. Paano ba kaming nagsimula? Aa oo! Noong first day kung saan kinagat ko ang braso n'ya dahil hinawakan n'ya ang pwet ko. Nabastos ako, pero bakit ako ang nabully? Hindi ko naman akalain na sikat pala s'ya. Anong malay ko diba? Ano!
"Hoy Samonte!" Sigaw nito. Alam ko naman s'ya 'yon. S'ya lang naman ang tumatawag sa'kin gamit ang apelyido ko. Halos dalawang buwan na ako ang buntot n'ya. Kailangan kong dumikit sa kanya, dahil ako naman ang patay sa mga babaeng galit sa'kin dahil sa ginawa ko sa kanya.
Hindi ko nalang s'ya pinansin at itinuloy ang kunwari kong pagbabasa ng libro. Nasabi ko na bang sa sobrang malas ko ay classmate ko s'ya sa lahat ng subject? Nakakainis talaga! Nawalan ako ng privacy. Kung nandito sana si Grace may kakampi ako, pero wala! Nasa malayong departamento s'ya, at kung magkita man kami ay tuwing weekdays lang, at kung mamalasin pa ako ay nasa Condo ako ni Thorin para pagsilbihan s'ya. Bakit? 'yon daw ang natatanging paraan para tigilan ako ng mga taong p'wedeng mambully sa'kin. S'ya raw ang gagawa ng paraan para matigil iyon. Nakakaiyak! Nasaan ang hustisya! kinagat ko lang naman ang kamay n'ya dahil hinawakan n'ya ang pwet ko! Hindi ko s'ya pinatay, na sana ginawa ko na.
Hindi ko nalang s'ya pinansin nang umupo s'ya sa tabi ko. Wala kaming klase ngayon dahil may meeting ang lahat ng prof regarding kung saan.
"Samonte!" tawag n'ya ulit, pero this time binagsak ko nang malakas 'yong librong hawak ko. Alam ko naman kung bakit nandito 'to ee. Kung hindi ako aasarin, panigurado magpapagawa ng Assignment sa'kin o kaya magpapalinis na naman ng Condo.
"Ano na naman ba Thorin! hindi mo na nakikitang may ginagawa ako? Tsaka isa pa, p'wede bang 'wag muna ngayon kasi pagod ako!" Hindi ko na naiwasang bulyawan s'ya. Totoo namang pagod ako. Sinong hindi mapapagod kung ikaw ang nasa kalagayan ko kahapon na nagpasamang bumili ng grocery at ikaw pa ang nagdala ng isang katerbang plastic. Take note. Ikaw pa ang nag ayos n'on sa condo nya. Isa pang take note. Pinagluto mo pa s'ya at nilinis mo pa ang buong condo n'ya na parang dinaanan ng bagyo sa sobrang kalat. Nakipagtitigan naman ako sa kanya na ngayon ay parang nagulat sa pagsigaw ko. Ngayon ko lang din napansin ang hawak n'yang plastic na kung hindi ako nagkakamali ay may lamang pagkain.
"I just want to give you this. Alam ko kasing hindi kapa naglalunch." Nilapag n'ya 'yong plastic sa ibabaw ng armchair ko at mabilis na tumalikod."Sorry about last night." Saad nito bago tuluyang lumabas ng pintuan.
_________________________________
Johanna
Maaga akong bumalik ng masyon kinabukasan para tumulong sa paliligpit ng mga kalat pagkatapos ng salo-salong iyon. Nagpumilit kasi akong umuwi ng gabing iyon kasama si Taurein dahil hindi ko kinaya ang mga ala-alang nag umpisang magsibalikan sa akin nang muling sumagi sa isipan ko ang nakaraan. Idagdag mo pa ang lalaking pamilyar sa'kin ng magtama ang paningin naming dalawa. Hindi ko mawari ngunit, mukhang hindi maganda ang pakiramdam ko kung iyon nga ang nakabili ng buong Hacienda.
Naabutan kong isa-isa nang nililikom ang natirang mga bangko at lamesa nina mang Abuh at Joward, habang nililinis naman ni Anne at Anding ang bakuran.
"Joan! " napangiti ako nang sabay pa akong tawagin ni Joward, Anding at Anne. Nagtatalon pa ang mga ito na animo'y kinikiliti ang tagiliran sa kakakislot. Hindi ko alam kung anong trip ng tatlong ito at sabay pa nila akong tinawag at nilapitan. Nangingiti na lamang ako ng maalalang, marahil ang bungad ng tatlong ito, ee yung mga kalalakihan kagabi.
"Grabe Joan, ang gwapo ng mga boylet kagabi." kinikilig na saad ni Joward. Isang malaking trip din itong baklang 'to. Kung bakit sa dinadami daming p'wedeng isuot ee gustong gusto ang short at hanging blouse na nagpapakita ng mamasel n'yang katawan. Isama pa ang hanggang balikat nitong buhok na kulay pula.
"Mas pogi si Bruce doon! " Hiyaw naman ni Anne. Kabaliktaran naman ni Joward si Anne. Maiksi kasi ang buhok nito, at kumpara sa uniporme naming hanggang tuhod ang haba, ang kay Anne ay umabot hanggang sakong. Bago pa ako makapagsalita ay hinatak naman ako ni Anding ng magsimula na ang riot ng sagutan 'yong dalawang iniwan namin.
"Okey kalang ba? " Nag aalalang tanong ni Anding.
"Oo naman." tipid kong sagot. Inaya n'ya akong pumasok sa loob dahil doon sa mga kwarto sa taas ang toka naming aayusin at lilinisin.
"Pinag-alala mo ako kagabi kapatid. Ano bang nangyari?" tanong pa ulit nito habang paakyat kami sa ikalawang palapag ng mansyon.
"Hindi ko nga alam. Basta bigla nalang akong kinabahan tapos kung ano-ano na 'yong pumasok sa isip ko kaya napilit ko si Mang Abuh na ihatid na kami." Paliwanag ko naman.
"Kamusta nga pala ang party? " Tanong ko para maiba na ang usapan namin, ayoko na kasing balikan kung ano ang nangyari kagabi.
"Hay naku! Nakakaiyak 'yong mensahe ng mag asawa. Si Manang nga iyak nang iyak, kung hindi pa inalalayan ni Mang Abuh at Joward malamang nahimatay." Natatawang sambit nito na ikinatawa ko rin."Maaga nga silang umalis kanina, pati 'yong pitong lalaki kagabi, 'yong pinagkwekwentuhan nina Joward?" Untag pa nito.
"Isa ba sa kanila ang nakabili ng Hacienda?" Tanong kong muli sa kanya. Ewan ko ba, parang hindi kakayanin ng sistema ko kung 'yong lalaki kagabi ang nakabili ng Hacienda. Pakiramdam ko kasi muling magugulo ang buhay namin ng anak ko kapag s'ya nga ang bagong may ari nito.
"Ahh si sir Andrei ba? Yung umabot ng mic? " tanong ni Anding na tinanguan ko lang.
Magsasalita pa lamang ito ng agawin ang atensyon namin ng pagtawag sa'kin ni Manang Edith.
"Joan! Hayaan mo ng si Anding ng maglinis ng Library. Ikaw nalang ang maglinis ng silid nina Don Alberto." Sabi ni manang sakin na agad ko namang pinuntahan. Sumenyas muna ako kay Anding na mamaya na kami magkwentuhan sa oras ng pananghalian.
Tinungo ko ang kwartong ikalawa sa dulong bahagi ng mansyon. Kumpara sa ibang silid. Sa Mag asawang De Vera ang pinakamali, may sarili itong C.r at napakalaking closet kung saan salamin ang pinakapinto. Sa gitna ng kwarto nakalagay ang King size bed na halos kasya ang limang tao. Malaki rin ang salaming bintana. At ang balkonahe nito'y nakaharap sa malawak na lupain ng mga De Vera.
Sinimulan ko nang tanggalin ang punda ng unan at kobre kama. Pinalitan ko ito ng kulay puti at itim. Sinamsam ko na rin ang mga naiwang kagamitan sa closet at inalis ang ilang larawan na nakakabit sa dingding. Maingat koi tong inilagay sa kahon na naroon. Inalis ko na rin ang kurtina at pinalitan ng bago. Sa sobrang pokus ko sa pag aayos ng naturang kwarto ay hindi ko namalayang tanghalian na.
"Joan! Bumaba kana muna d'yan at tayo'y kumain na muna!" sigaw ni Manang Edith sakin.
"Opo!" sigaw ko naman. Palabas na ako ng pinto ng makita ko ang papalabas nading si Anding sa library.
Sabay na kaming bumaba at tinungo ang kusina. Nakaupo na sila Anne doon nagkakaingay sa kanilang pinagkwekwentuhan. Naupo na rin kaming dalawa at nagsimulang sumandok ng kanin.
"Naku! Joan- kung nakita mo lang yung mga binata kagabi! Susko! Mahahawakan mo ang garter ng panty mo para di malaglag! " hagikgik nito habang may papadyak padyak pang nalalaman na ikinatawa naming lahat.
"Hoy Anne! Yung bibig mo nga!" saway ni Manang Edith na nakatawa.
"Nako Manang naman! Diba totoo naman na ang gwapo nila! Lalo na si Sir Andre!" Hiyaw pa nito.
"Hoy gaga! Feeling ka naman na mapapansin ka n'on. Ang pinapansin n'ong babae hindi nagsusuot ng saya tse! Chura." irap nito kay anne.
"Hala! Magsikain na nga kayo! Etong mga batang ito.! Oh Joan, pwede ka ng umuwi pagkatapos ng tanghalian, alam ko namang may lakad kayong mag ina." Sabi ni Manang Edith sa'kin habang sumasandok ng ulam.
"Opo manang, salamat po." matipid kong sagot.
"Bakit hindi mo isinama si Taurein?" tanong ni Mang Abuh sa'kin.
"Kinuha po kasi s'ya ni tatay kanina." sagot ko naman. Ang tinutukoy ko ay ang tatay ni Anding.
"Naku! Sigurado madungis 'yon pag uwi. Panigaradong sa bukid dadalhin'yon ni tatay at ipagyayabang kung gaano kagwapo ang apo n'ya!" sagot naman ni Anding habang sumusubo nang malaki.
"Kung bakit kasi hindi n'yo pa bigyan ng apo ang tatay mo Anding ee!" si Anne muli ang nagsalita.
"Tsaka na kapag sinipag ang asawa ko."Nagtawanan kami sa sinabi ni Anding, nahinto lamang iyon nang magsalita si Joward
"Manang, kailan nga po pala ang lipat ng bagong may ari ng Hacienda?" Tanong ni Joward.
"Sa isang linggo pa, pero bukas ang dating para tingnan ang kabuuan ng Hacienda." sagot ni Manang Edith.
"Papalitan na nga rin ang pangalan ee." singit naman ni Anne.
Napatingin kaming lahat sa kanya.
"Oh bakit? Narinig ko kasi hindi naman si Sir Andrei ang nakabili nito noh." Ngumunguya pa nitong sabi." Magiging Hacienda Dela Fuente na ito sa isang linggo."
Bigla kong nabitawan ang hawak kong kutsara pagkarinig ng apelyidong iyon. Hindi maari.
Hindi kami p'wedeng magkita kung sakali.
_________________________________