#صاحب_الظل_الطويل
29
👑 أستغفر الله العظيم واتوب اليه 👑
كانت حور تتابع العمل في الشركه ويحي ومراد يساعدونها. ومهيب يحاول بجد ان يسترد حقه
عمر طلب يد ايات من والدها ووافق وقرر ان يتزوج في اسرع وقت. عمل خطوبه عائليه.
عمير ومرام العلاقه بينهم توطدت اكثر.
مر شهر علي سفر مهيب رغم انه كان يتحدث مع حور كثيرا ولكنها كانت تشتاق له . استطاع ان يثبت ان شركه الشحن هي من تسبب بالخسائر لشركته و سينتظر شحنه الاخري ليرجع بها الي الاسكندريه
كانت حور تجلس في مكتبها لتدخل السكرتيره وتخبرها ان عمر الشهاوي بالخارج
حور : دخليه
دخل عمر بابتسامته. : حور. اخبارك ايه
حور: الحمد لله يا عمر. انت اخبارك ايه
عمر : الحمد لله . هتجوز قريب
حور بفرحه : مبروك.
ابتسم لها : شكرا . قوليلي في ايه عندكم في الشركه. انا كنت مسافر ولسه واصل
حكت حور ما حدث لهم ..
عمر: وليه مكلمتنيش كنت ساعدتك .
حور: مهيب سافر يحل المشكله بره. وانا هنا مع بابا يحي ومراد بنحاول نكسب وقت مع الشركات اللي اتعقدنا معاها . لحد اما توصل الشحنه الجديده
عمر: تمام . انا معاكي . هساعدك .
حور : بس
عمر: انتي مش بتعتبريني صديق وله ايه
حور : الحكايه اني مش عايزه اتعبك معانا
عمر: تعبك راحه . انا اللي بعرض عليكي المساعده .
ابتسمت بفرح فهي تحتاج له. فهو له اسم في سوق الاعمال بسبب شركات ابيه . وحتما سيكون مفيد لهم انه بصفهم
عمر: نبدا الشغل بقي
ابتسمت : نبدا
عمر : عايزك تعملي اجتماع مع الشركات اللي انتم موقعين معاهم عقود . و انا هتفق معاهم
حور باسف: مش هيوافقو . اخر مره كانت من اسبوع. وعملت معاهم اجتماع وحصلت مشكله بينهم وبين بابا يحي
عمر: خلاص. احنا اللي هنروح. قومي معايا يلا
حور : طيب ممكن ثواني اقول لبابا
ابتسم : خدي وقتك.
طلبت له قهوه وخرجت من المكتب لتدخل مكتب يحي
يحي : خير يا حور. في حاجه
حور : عمر قال انه هيساعدني وهنروح لشركات ونحاول نتفاهم معاهم
يحي : عمر
حور : اها. هو اصلا هيتجوز خلاص. واللي بينا شغل وبس.
يحي. : لا. مش هينفع
حور : يا بابا بالله عليك وافق. اصلا محدش هينفع يروح معاه غيري. اولا انت عصبي جدا
لينظر لها بطرف عينه. ضحكت. : دي الحقيقه
واكملت : ومراد راح يخلص حاجات في الميناء. هنعمل ايه بقي
يحي. : مهيب هيعرف وهتحصل مشكله
حور : ما احنا مش هنقول دلوقتي . اما يرجع بالسلامه نقوله
يحي : انتي مصممه
حور : اها. لازم اتصرف الشركه وضعها خطر . والشركات هتبتدي تقدم بلاغات بالتاخير
يحي : روحي معاه بس افتحي الجي بي اس عشان اعرف مكانك. وخلي بالك من نفسك
وقفت سريعا بفرحه : حاضر يا بابا. سلام
خرجت سريعا وعادت الي عمر
عمر : خلصتي.
حور : اها. يلا
عمر فتح لها الباب : يلا.
كان سعيد بوجودها بجواره حتي ولو كانت صديقه فهو لم يعرف كيف ينسي حبها.
*****
مرام كانت تتحدث في الهاتف مع مدحت اخيها
مرام: مش موافقه
مدحت: كل واحد هيجي تقولي مش موافقه
مرام : انت زهقت مني يا مدحت.
مدحت: يا حبيبتي ربنا يهديكي هزهق من ايه. بس الشاب. ده كويس. ومحترم. ليه بتعارضي
مرام: مش عايزه برضو اتجوز.
مدحت : العريس جاي انهارده الساعه ٨
مرام: يووه يا مدحت. انا هكسفه وارفضه
اغلقت الهاتف مع مدحت اخوها وهي تزفر بضيق.
لتجد عمير يقف امامها
مرام: احم. نعم يا مستر
عمير : مين اللي كان بيكلمك
مرام: ده مدحت اخويا حضرتك
عمير: وعايز ايه اخوكي
لترد باندهاش: نعم.
عمير. ببرود: مش سامعه بقولك عايز ايه
مرام انزعجت من سؤاله بهذه الطريقه؛ اخويا وبيكلمني.
عمير: طيب اسمعي بقي شغل الهبل ده مش عايز.
وقفت بغضب: هبل ايه . وبتتكلم معايا بالطريقه دي ليه
عمير: انا اتلكلم زي ما انا عايز.
مرام: لا مش من حقك. انا هستقيل علي فكره
عمير: انا اللي احدد تستقيلي امتي وليه.
احمر وجهها ووقفت: هستقيل حالا . ومش ليك كلمه عليا. انت اصلا وله شئ
لينظر له بغضب اكتر واقترب بنظره شيطانيه : انا ولا شئ. انا يتقالي كده من مين . منك انتي
ابتعدت عنه بخوف. : انت مالك بيا اصلا . واحده مش هتشتغل
عمير : هتشتغلي غصب عنك
مرام: انت مجنون
عمير: اه. (( ما زال يقترب منها ))
مرام : انا بحذرك لو قربت اكتر من كده هصرخ والم عليك الشركه كلها
عمير: ولا بيهمني حد.
خافت منه وفتحت فمها لتصرخ ولكنه وضع يده علي فمها : ششش . انتي هتصرخي بجد .
حاولت دفعه ولكنه لم يتحرك: متحوليش. واخرسي . عايزه اقولك الكلمتين اللي عندي .. انا مش هاخد رايك واقولك موافقه وله لا. لانك هتوفقي غصب عنك. انا هتجوزك. كلمت كنان وبابا وماما واتفقنا خلاص علي كل حاجه.
. فتحت عينها بصدمه هل لتو عرض عليها الزواج . وبهذه
الطريقه الغريبه. عقدت حجابيها ونظره له بغضب
عمير: هشيل ايدي بس لو صرختي.
حركت راسها بلا سريعا . لينزع يده
مرام: هو في واحد يطلب من واحده الجواز بالاسلوب ده.
عمير: اه. انا. تدري ليش لانك كريتيف( مبدع)
رفعت احد حاجبيها باستنكار
عمير: ايوه انا . عندك اعترض . وحتي لو عندك احتفظي بيه. لان انا هتجوزك برضو.
مرام: انت في ايه مالك بجد انهارده. وبعدين مين قالك اني هوافق علي الجواز منك. انت واثق كده ليه
.
عمير: هترفضي ليه. انا حاسس كده والله اعلم اني بحبك . وانتي كمان بتحبيني
احمر وجهها بخجل: محصلش
عمير: حصل.
مرام بعند : لا. محصلش .
عمير : حصل باين عليكي قوي
مرام: انت وقعت علي دماغك انهارده. ايه اللي باين عليا ده.
عمير: حبي يا مرمر. اصل انا اتحب
شعرت بالغيظ من طريقته الغريبه. : مش موافقه علي الجواز. وهقدم استقالتي.
عمير: وايه تاني. كملي واحلمي
مرام : في ايه بجد. ابعد كده. انا ماشيه من هنا
. عمير : ماشيه بعد اللي خدتيه
مرام بصدمه : خدت ايه يا جدع انت. انا مخدتش حاجه
عمير د باصرار : لا . خدتي
مرام. يدموع متجمعه في عينها من اتهامه : فتشني . انا بشتغل هنا بقالي اكتر من سنتين. كنت بشتغل في مكتب مستر كنان وبعدين اشتغلت هنا معاك . وعمري ما امد ايدي علي حاجه
عمير : مش تعرفي الاول خدتي ايه .
مرام : خدت ايه.
عمير : قلبي.
مسحت دموعها التي هبطت من عينها وهي تنظر له بغيظ لتمسك حقيبتها وتدفعه بقوه عن طريقه وتخرج من المكتب بغضب وهي تشتمه في سرها
جلس يضحك باستمتاع من مضايقته لها : عرض مش بطال. برافو عليا
***********
بعد يوم طويل من اللف علي الشركات جلست بتعب معه في احد المطاعم وهي تشعر بالصداع.
عمر: تعبتي
حور: جدا. جابولي صداع.
عمر: دول هما ٣ شركات بس. انا اوقات بعمل اجتماعات اكتر من كده
حور: كل واحد فيهم بيفضل يرغي ولحد اما تقنعه بياخد وقت. ومجهود.
عمر: بس ايه رايك فيا . خلصتلك كل حاجه
حور بامتنان وشكر : انت بجد اجدع صاحب واخ . انا مش عارفه اشكرك ازاي. انك سبت شغلك ووقفت جنبي
عمر: حور انا دايما هكون جنبك ومش مهم شكل علاقتنا ايه. لان انا حابب قربك
احمر وجهها من تلميحاته لا تريد ان تجرحه
عمر: تاكلي ايه
حور: لا شكرا. انا هرجع البيت عشان حبيبه من الصبح وانا مش شفتها وكمان عندي صداع
عمر: عندك صدع من الارهاق وقلت الاكل. بتشربي في قهوه بطريقه غريبه وكتيره.
حور: دول ٦ فنجاين قهوه
عمر: ٧ مش ٦. وكتير برضو
لم تعلق علي كلامه . ليكمل هو واشار للجرسون
تاكلي سيمون فيميه
حور بتفكير: اوك .
عمر: ٢سيمون فيميه
ذهب الجرسون ليحضر الطعام ..
عمر: حبيبه مع المرببه
حور: مع ماما شويكار هي بتحبها اوي
عمر: هي تتحب . عسوله خالص
ابتسمت : عقبالك يا عمر. خطيبتك اسمها ايه
عمر وقد تذكر انه لم يتحدث معاها طول اليوم وتجاهل الرد علي مكالمتها . ليزفر بضيق فهو ما زال ينسي كل شئ عندما يكون بجانب حور
. فاق علي صوتها : عمر. عمر
عمر: ها
حور: مالك فيك حاجه
عمر: لا مفيش. افتكرت حاجه
حور: اه .
عمر:اسمها أيات
حور بابتسامه: اسمها جميل.
عمر: هي كمان جميله
حور: يا سيدي يا سيدي
.ضحك لها. ليخرج الهاتف ويريها صورتها
فتاه محجبه جمالها برئ : ماشاء الله قمر يا عمر. ربنا يسعدكم ويجمعكم علي خير
عمر وهو ينظر لصورتها بابتسامه ولاول مره يراها بهذه الطريقه : يارب.
حور: لازم تعرفنا علي بعض عشان نكون اصحاب. شكلها طيوب
عمر: طبعا هعرفك عليها قريب .
حور: ان شاء الله
احضر الجرسون الطعام . وتناولوه معا.
ثم اوصلها للبيت وذهب هو الي ايات . اشتري في طريقه باقه ورد وهديه لها كاعتذار لما فعله
طرق باب الشقه. لتفتح هي . كانت ترتدي بيجامه عليها رسومات كرتونيه ( سبونج بوب)
وتضع الحجاب باهمال وبيدها جزره
ابتسم لها : اسف
نظرت له بغيظ
عمر: كنت في شغل مهم . وانشغلت
ايات وهي تشير بالجزره : انشغلت عني. الشغل اهم مني يعني
عمر: انتي اهم من اي حاجه . بس شيلي الجزره السلاح يطول
ايات برخامه: هه😏
شدها من يدها ليقضمها
ايات : دي بتاعتي ووكله منها
عمر: دي احلي جزره كلتها
. احمر وجهها بشده ..
لتخرج امها: بت يا ايات واقفه ع الباب ليه
نظرت باحراج : عمر. تعال يا بني. وانتي مش تدخليه
ايات: لا
عمر: كده
امها ضربتها علي كتفها : حيوانه . بتهزر يا عمر . تعال
اوسعت له الطريق ليدخل ويجلس
ام ايات وهي تنظر بغيظ اليها : هروح اجبلك حاجه تشربها لحد اما اجهز الغدا
عمر : لا ياطنط شكرا. انا اتغديت
ايات وقفه امامه
عمر: خلاص بقي يا ايات. مش هعملها تاني . بصي جبتلك ايه
ايات: مش عايزه حاجه يا عمر . كان مفروض تقدرني وتفتكرني. انت نسيت انك كنت مسافر وقولتلي هنتقابل انهارده. اول اما جيت اختفيت اتصلت بيك مش بترد
عمر: انا عارف اني غلطان عشان كده جيتلك . بص كان في مشكله مع حدد عزيز عليا وكنت بحلها.
ايات: مشكله ايه وحد مين
عمر: مش عايز اشغل دماغك.
ايات: انا حابه اسمعك
عمر: هو ايه البتاع الاصفر اللي علي البيجامه ده
ايات وهي تنظر علي ملابسها: انت متعرفوش
عمر: لا . شكله مستفز
ايات: ده سبونج بوب اسكوير بانتس
رفع احد حاجبيه : نعممم
ايات: ده مشهور اووي. ازاي متعرفوش
عمر: مشهور ايه. ده شكله رخم
ايات: لا مسمحلكش. كله الا سبونج بوب
عمر: لا والله
حركت راسها بنعم بطفوله ليضحك
مسك يدها وقبلها برقه: اسف
لتتنهد : اوكي . بس متعملهاش تاني عشان قلقت عليك
قبل يدها مره اخري: حاضر يا قلبي ..
لتحمر خجلا . امسك وجنتيها المنتفخه : قمر
لتحمر اكثر .
******
يتبع