*بسم الله*
.
.
.
.
.
.
.
.
.
.
.
.
.
.
ميار: جواد طلقني
قلتها من فوق قلبي وحاولت قد منقدر منبينش رعشة في صوتي
طلع حاجبو وخزرو كامل فيا كيفاه بين ليلة ونهار بدلت رايي
جواد: شوفي فيا تع لعب
ميار: منيش نشوف فيک لعب مي كون نكملو هاذ زواج مراحش نعيش معاک مرتاحة من الاحسن نحبسوه ضوک
رحمة: بنتي وشبيک
ميار: مابيا والو خالتو انا ريحت بيني وبين روحي وهذا واش خرج معايا
آسينات: ميااار تشوفي فزواج لعبة تقبلي اومبعد بانتلک تحبسي
ميار: نحبسوه ضوک خير متتفر
جواد: خلوني وحدي معاهاا
قاسم: ادخلو لهذيک لبيت واتفاهمو
مشيت ليها وهو تبعني .. دخلت وغلق هو لباب
جواد: فهميني
ميار: واش نفهمک
جواد: علاه
ميار: هه كيفاه وعلاه؟ ياک زواج مشي بسيف قتلک منيش حابة
جواد: 3 ياام وانا نحوس عليک رقاد مرقدتوش غير باش نلقاوک كنا كامل مقلقين عليک مع لخر جاية تهدري هكا
ميار: معجبتكش!
خبط يدو على لحيط ودنا ليا
جواد: فهميني بررک وااش درتللک علااه حابة هكا
ميار: اوووف علاش متفهمش نتا انسان متحكم تحب تمشي كلش بمورالک وكلمتک لي جوز وصراحة انا منقدرش نتعايش مع انسان معقد كيفک
جواد: وليت انسان معقد
ميار: وي وضوک تقدر تخير لي حبيت وعلى حساب واش حاب ديرلها خمار جلباب ميهمنيش
جواد: وعلاش ملول مقلتييش قوليي
ميار: كنت نحسب راح نبدلک مي شفت بلي نو
جواد: هه منيش مآمن
ولا للور فتح لباب وخرج .. تنهدت ومروحت على وجهي .. خرجت موراه لقيتهم كامل فصالون
رحمة: خلاص تفاهمتو
جواد: ربي يسهل عليها
لبرودة دخلت للكور ديالي منيش قادرة نسمعها منو .. ليوم يشهد بلي خسرت كلش خسرت حبو وخسرت انا حب حياتي لي كنت ناوية نكمل معاه حياتي
صهيب: بالعقل نفروها ونتي ميار خمي بنتي
ميار: خممت وجواد ميوالمنيش ومنيش حابة نزيد نريح هنا كامل
رحمة: يابنتي كنتو ملاح علاش حتى بانتلكم ضوک
جواد: يماا خلااص خلووها
دار وخزر فيا
جواد: صراحة كنت معول حياتي نكملها معاک خيرتک عليهم كامل مي نتي خسرتي حبي ليک وندمت نهار لي حبيتک فيه
كل حرف يخرجو من فمو وهدرو قد ماوجعني قليل .. هبطت راسي حتى سمعتو قال
جواد: راكي مطلقة
( هو دار عليها لفاتحة تسما راه متزوجها شرعا بقا غير قانون لذلک يطلقها باش تفهمو)
قالها وخرج .. خالتو خزرت فيا هبطت راسها وتبعاتو .. اما اسراء جات ليا
اسراء: ميار صح خسرتي خويا مي انا مزالني كيما تعرفيني
هزيتلها راسي وهي ثان خرجت .. بداو يروحو بلواحد بقاو غير تع دار
انا طلعت لبيتي وغلقتها بالمفتاح .. دخلت لادوش ودخلت فلبينوار بحوايجي
واش صرا لتحت قعد يتعاود بشويا دموعي محبوش يحبسو مفهمتش كيفاه حكمت روحي قدامهم
شفت كسرت جواد قدام عيني .. معندي في يدي حتى حاجة يعيش بعيد عليا وعلبالي راهو عايش خير ميكونش كامل
منعرف شحال قعدت هكاک .. خرجت كامل واش في قلبي
نضت واستغفرت .. دوشت وخرجت بدلت روحت توضيت ووليت نصلي وندعي ربي يحميه ومنكونش غالطة
ريحت نصلي حتى حسيت بشويا راحة كملت سمعت طبطيب
ميار: شكون
سلسبيل: هاذي انا
ميار: حابة نريح وحدي تعيشي
سلسبيل: نهدرو معليش
تنهدت ونضت فتحتلها لباب .. شافت فيا وشهقت
سلسبيل: ميار
غلقت لباب وروحت ريحت فوق لبونک جات ريحت قدامي
ميار: تعيشي سلسبيل والله منيش قادرة نهدر
سلسبيل: ياک نتي حبيتي ضوک علاه تبكي للضوک منيش مآمنة
ميار: جاية تكملي عليا
سلسبيل: راح تندمي والله
ميار: واحد مراه حاس بيا والله راني نتحرق ومنيش قادرة ندير والو
سلسبيل: وشبيكي احكيلي
ميار: مشي وقتها
سلسبيل: خلاص براحتک ارواحي عندي
جنيت وعنقتها وريحت نبكي منعرف شحال حتى عييت
سلسبيل: خلاص ميار
ميار: سلسبيل والله راني عيانة شفت كلش يدمر بين عينيا حياتي راحت كي راح جواد
سلسبيل: اهدرييي ووين كنتي هاد 3 جوغ
شفتو كي توصل لتوب ومعندكش كيفاه تزيد تخبي لثم خلاص
حكيتلها كلش من نهار تخطفت حتى للضوک كنت نحكيلها ونبكي مقدرتش نحبس
ميار: تعيشي سلسبيل مقدرتش نخبي ملقيتش آباغ نتي نفرغ قلبي تعيشي كل حاجة سمعتيها تموت هنا
سلسبيل: ياربي متخميش حاجة متخرج من هاذ لهدرة ربي يفرجها عليكم .. سيي ترقدي شويا يالله
ميار: منيش قادرة
سلسبيل: سيي ترتاحي هايا
داتني لبلاصتي .. دارتلي كيتمان وعلاتلي صوت لقرآن وحطيت راسي قعدت نتفكر في كل حاجة جمعتنا ونبكي حتى رقدت
******************
**جواد**
كنت نسنا غير خبر يبان عليها .. كي شفتها جات فرحتي مكانتش تتوصف مي بعد واش صرا .. ندمت على لحب لي حبيتهولها وكل حاجة
كلمة " راكي مطلقة" جامي خممت نقولهالها خرجتها بسيف كنت نسنا تبدل رايها وتقولي نو مي هي قعدت عند رايها
خرجت موراها لطونوبيل سنيتهم جاو وديماريت لدار
هبطت بساكت وطلعت لبيتي غلقت لباب وطلعت يدي مسحت دمعة لي طاحت
شفت لخاتم لي لبستهولي ولهدرة لي قالتها دور في وذني
"باش يعرفو بلي نتا تع ميار"
ضحكت بتمسخير ونحيتو فتحت لقجر ورميتو لداخل
دخلت دوشت غير خرجت سمعت يما طبطب تنهدت وفتحتلها اصلا محبيتش نقلقها
رحمة: وليدي راک مليح
جواد: حمدلله يما .. حاب نريح وحدي
هبطت راسها وراحت غلقت لباب وريحت ومليوم كلش مات
حياتي ولات تتمحور على يما ومستقبل ختي انا يكفي
قعدت في بلاصتي وحطيت راسي بين يديا لواحد كي يحلم بزاف دايمن يطيح على راسو
كنت ناوي نديرها في عينيا وقلبي وكلش في حياتي مي حاجة مكتبت
مليوم مكاش حاجة وسنها ميار في حياتي ربي يسهل عليها ونتمنالها لخير وهنا يتطوى كتابها
سمعت لآذان نضت صليت وروحت لبلاصتي ليل كامل نشوف فلبلافون مقدرتش نغمض عيني ولا نرقد
آذن لفجر نضت توضيت لبست قاميص وخرجت رايح للجامع صليت ووليت لدار لقيت يما لتحت
جواد: صباح الخير
رحمة: صباح نور .. نديرلک قهوة
جواد: متعييش روحک يما
طلعت روحت بدلت حوايجي شفت ساعة لقيتها 7 ونص رفدت تيليفون ولمفاتح هبطت لقيت اسراء تخزر فيا منبعد جات ليا
اسراء: خويا معليش نعنقک شويا
هزيتلها راسي وجات عنقتني حتى بدات تبكي
اسراء: خويا تعيش متريحش ساكت هكا ولا على ميار يكونو كاين اسبابها
دنيتها مني
جواد: خلاص اسراء لبارح صرا لبارح ومنيش حاب نتفكر كاين اسباب مكانش اسباب الله يسهل لي يهمني ضوک نتي ويما
رحمة: ربي يفرج
جواد: امشي نوصلک
خرجت سنيتها برا حتى جات وصلتها وانا روحت للخدمة
دخلت غير دخلت لبيرو تبعني اكرم
اكرم: صباح الخير
جواد: صباح لخير
اكرم: وعلاش جيت كون ريحت
طلعت راسي ليه
جواد: لخدمة تسنا مشي وقت روپو
اكرم: كيما تحب
جواد: كاش جديد
اكرم: نوصيک على بابا انا لازم نروح لمريكان لازم نفري وحد لورق
جواد: تعمن
اكرم: تع سوريين هذوک
جواد: خلي انا نروح
اكرم: آوو
جواد: متهبلنيش نتا بلاک على يما و اسراء نروح انا نفري شغل
اكرم: كيما تحب
جواد: وقتاه
اكرم: غدوة على 8 طيارة .. مالا نروح نشريلک بيي
جواد: ايه روح
ناض خرج وانا وليت للخدمة ونسيي ننسا ونخمم غير فلخدمة برک
**************************
**أكرم**
خرجت من عندو من عينيه باين راهو مدمر مي جواد دايمن ميبينش يخلي كلش في قلبو راني شافي ملي كونا صغار هكا
منهار باباه خلاهم ولا جابد روحو حتى كي يتجرح هكا علبالي بيه مي محبيتش نضغط عليه مع ليام راح يتداوا نعرف جواد قوي
دخلت لبيرويا .. فتحت ل pc لغيت لبيي ديالي وشريت بيي بآسمو
بديت خدمتي حتى دخل سيكريتار وقالي مراة برا حبت تشوفک ستغربت في شكون يجيني .. قتلو دخلها
سنيت شويا حتى دخلها .. شفتها نضت من بلاصتي
سليمة: صباح الخير اكرم
قتلها ريحي وريحت
اكرم : آنعم
سليمة: وليدي تعيش اسمعني
اكرم: على واش؟ تحكيلي على نهار لي خليتيني ولا كيفاه
سليمة: عندي اسباب
اكرم: مكاش سبب يخليک تخلي وليدک
سليمة: عندي اسباب اولهم باش تعيشو
اكرم: احكي
سليمة: انا عرفت باباک نهار جا خدم عدنا فدار منوراها جاز بزاف وقت ولينا نتعارفو حتى وين قررنا نتزوجو .. نهار راح وتقدملي بابا مكانش حاب ورفض رفض قاطع نتزوجو كيما حللتو محبش .. جا نهار هربت انا و باباک وتزوجنا وكانو كامل قابلين بيا لي هي عماتک وداتک وداروني كي بنتهم .. ولدتک وكنت نسنا غير وقت نكبرک بين عينيا .. مي مكتبش بابا لقاني .. وهددني باش نخليكم ولا يقتلكم كامل وانا كأم مقدرتش نرفض .. وليت لدار كتبت رسالة لباباک وروحت هذاک نهار سناني بابا وملثم روحنا
حطت تصويرة كي شفتها لقيتها ديالي كي كنت صغير
سليمة: هذا بواش كنت نصبر روحي .. كل يوم ندعيلكم ربي يوفقكم وجامي نسيتكم .. صح بابا شحال من مرة حاب يزوجني مي رفضت ولحاجة لي منعاتو هي محمد مطلقنيش .. منقدرش نتخيل حياتي بلا باباک درت كلش لمصلحتكم والله
نضت من بلاصتي وناضت هي ثاني .. فتحتلها يديا وجات عنقتني
سليمة: سمحولي يا وليدي
اكرم: متزيديش تقوليها كامل هاذي
دنيتها ومسحتلها دموعها بستها في جبهتها
اكرم: وكيفاه لقيتينا و قدرتي جي
سليمة: بابا عندو عام ملي مات وخويا عاوني وعرفت بلي هبطتو لدزاير حويت عليكم ولقيتكم عندي شهرين مي خويا مرض ودخل لسبيطار مقدرتش نخليه
اكرم: معليش .. ضوک نروحو لدار نحكو
سليمة: باباک مراهش حاب يشوفني
اكرم: تعرفيه مقلق ضوک نهدرو معاه
وصيت سيكريتار يستكلف بالخدمة حتى نولي ديتها لدار لقيت بابا مكاشو
خليتها تريح وعيطتلو
اكرم: وينک بابا
محمد: فلحومة علاه
اكرم: ارواح لدار
كوبيت ووليت ريحت معاها نسناو فيه حتى جا ودخل شافها تمتم تنيرفا
محمد: وشنو ثاني
اكرم: بابا اتهدن
محمد: واش نتهدن علاه رانا ذري هنا تهرب وقت لي تحب وجي وقت لي تحب
نضت جبدتو من يدو وقعدتو .. سييت نكالميه قد منقدر باش يسمع لهدرة
نضت خليتهم على راحتهم باش يتفاهمو وانا وليت لشريكة نخدم
*********************
**جاسر**
بعد واش صرا مفهمت والو .. كيفاه متبانش 3 يام منبعد تبانلها جي دير هكاک لجواد وانا راني متأكد بلي تخطفت
وليت للخدمة كاره سورتو كي منلقاش حل للخدمة نكره ..دخل عندي جنيرال وريح
صهيب: كاشما لحقت
جاسر: والو والله منيش فاهم مي راني متأكد بلي خطفوها
صهيب: حتى انا
جاسر: نخلوها للوقت
صهيب: ماشفتش جواد
جاسر: محبيتش نعيطلو خليتو على راحتو وهدرت مع اكرم قالي راح للخدمة وراهو رايح لمريكان كاين خدمة
صهيب: لاحول ولاقوة ربي يستر .. انا نروح نشوف لكازيرنة غدوة صباح نجي
جاسر: ان شاء الله
خرج هو وانا عيطت لمراد .. دخل عندي
جاسر: حتى نعيطولک باش جي
مراد: كنت مع تسجيل تع سليمان بن يوسف باش نقدموه كدليل .. وراني قدمت للمحكة باش نعاودو نحليو دوسي تع ياسمينة فراح
جاسر: وي مليح .. ضوک لازملنا اعتراف من نسيبتي
مراد: واش راح دير
جاسر: خليها للوقت
مراد: مالا انا نروح ( تفكرت طيب تع لبدرة)
جاسر: ؤؤک انا راني مولي لدار هذاک هو
رفدت روحي وخرجت ديريكسيون لدار .. غير دخلت قابلتني يما
سهام: عندک 15 يوم مزوج مولي للخدمة؟
جاسر: ايه خلاص لازم عليا نولي
سهام: ربي يهدييک واش نقولک
لؤي: تعرفيه مكلاه تكسري راسک معاه
طلعت راسي لقيت مرام هابطة ولالة شغول ماوصيت خليتهم وطلعت نجري ليها غطيتها باش ميشوفهاش .. هدرت ورصيت على سنيا
جاسر: واش هدرت مع قسامک
مرام: حسابتلي مكاشو
جاسر: اطلعيي
طلعت وانا موراها حابة تهبلني هاذي .. حكيت لحيتي ودخلت
جاسر: ديجا واش مهبطک
مرام: نعاون يما
نحيت لافاست وسلاح معاه غير شافتو شعلت عينيها
مرام: واش وسمک علاه جايبو معاک
جاسر: باش كي تقلقيني نتيري عليک
مرام: هه ظهرت تعرف تتمسخر
جاسر: لالا صح
رفدتو وقعدت ندنا ليها .. وهو تولي للور كي وصلت ليها حطيتو على خدها
جاسر: متسمعيش لهدرة نتفاهمو اصلا نقدر نقتلک نورمال
مرام: مقتلک والو ضوک نفيكسيه على شعري والله
جاسر: ممم مليح ..
خليتها جوز .. دارت هيمار وراحت .. دخلت ندوش وخرجت لبست شورط برک وهبطت لقيتهم فلكوزينة وهدى لؤي مريحين فصالون ريحت معاهم
لؤي: واش نتاا خلاصولک تريكوات
جاسر: بلع عليا قسام فمک
هدى: استغفر الله
لؤي: هذا كامل كي مرتک هنا
رفدت مخدة ورميتها على وجهو لواحد سخانةوراسو يوجع وهو يكمل عليک
سهام: ماجوش تتعشاو
ناضو للكوزينة وانا ريحت .. شويا جات مرام خزرت فيا
مرام: متتعشاش
جاسر: لالا
مرام: وشبيک معري روحک
جاسر: سخانة وراسي يوجع
نضت طالع لي يجي يسقسي .. دخلت لبيت حتى شفتها جات مورايا
جاسر: واش
جات وقف قدامي وطلعت على رجليها حطت يدها على راسي
مرام: راک مريض والله لحمى
جاسر: مابيا والو
مرام: اندب
جاسر: عاودي
مرام: منعاودش زوج خطرات
جاسر: لالا عاودي شو
راحت شويا ولات
مرام: هاک اشرب هذا يحبسلک راسک .. هذا كامل ملهم لي تشرب فيه دوک لي پومون دياولک يتهردو
جاسر: كملتي
نحيتلها لكاشي وشربتو ..
مرام: ايه هيا تتعشا
جاسر: ايه ضوک نجي
خرجت وانا لبست تريكو دو پو ... هبطت ريحت في لكورسي ديالي
تعشينا .. آذن لعيشا طلعت صليت وقعدت في بلاصتي شعلت tv نتفرج كاش ماتش.. شويا جات
نحات خيمارها ودخلت لادوش وانا مريح نخزر برک بلا ما tmrag
خرجت صلاة اومبعد رفدت كتباتها تقرا تقعدت في بلاصتي وحمحمت دارت ليا
مرام: وي؟
جاسر: ني مريض بلاک
مرام: قتلک
ناضت .. بدات تحوس في دواواتها .. جات ومدتلي وحد لكاشي
مرام: اشربو هذا مليح ينحيلک كلش
حكمت راسي شوف ايذا طلعت لحمى .. وراحت تكمل تقرا
مليحة هاذي انا نقوللها ني مريض وهي كالي ماصرا والو
شربتو وحطيت راسي على لمخدة
****************
**مرام**
قعدت نقرا على راسي ميات نمرض نحللو ونبحث عليه
كنت مديتلو دوا اصلا راه راسو سخون درت ليه لقيتو رقد رفدت روحي وروحت لبللصتي ريحت جنبو شفتو راقد مسيت راسو لقيتو مش كيما مقبيل مي مزالو شوية سخون
بعدتلو شعرو على وجهو وريحت نخزر فيه حكيت عيني وجيت ندور حتى حكمني من يدي
جاسر: عجبتک
مرام: مافيک حاجة تعجب
جاسر: مالا منعرف شكون قاعد قدامي يخزر
مرام: شفت ايذا هبطتلک لحمى
جاسر: آمنتک
جبدني ودناني ليه .. حط راسو على صدري باش يرقد
مرام: آآي بعد شو
جاسر: بلعي راسي راهو يوجع
تنهدت وريحت على سعدي هكاک ..دخل وجهو في رقبتي ورقد
حطيت يدي على شعرو حتى داني نوم
صباح فطنت حسيت حاجة رزينة عليا خزرت فيه لقيتو راقد حطيت يدي على خدو وهمستلو
مرام: جاسر
جاسر: آممم
مرام: نوض راک خنقتني
ناض خزر فيا وتبسم
جاسر: نولي كل يوم نرقد هنا
غمزلي وناض .. دخل لادوش وانا ضحكت بالعقل
نضت انا موراه .. خيرت واش نلبس غير خرج انا دخلت غسلت لبست حوايجي وخرجت لقيتو مكاشو هبطت
شربت قهوتي ونضت وصلني كي لعادة يوصي ومنا
دخلت لقيت اسراء عينيها حمورة .. تنهدت وروحت ليها
مرام: صباح الخير
اسراء: صباح نور
مرام: وشبيكي هكا
اسراء: ياک علبالک
مرام: خلاص نكملو لاجوغني ونقعدو نحكو
جازت جوغني كي لعادة حتى وصل وقت لفطور هبطنا لتحت شرينا وقعدنا فلجنينة تع سبيطار
اسراء: راهو غايضني جواد والله
مرام: منعرف وشبيها ياک مشي كانو فرحانين وga3
اسراء: والله معلبالي
مرام: كون تروحي تهدري معاها
اسراء: هكا قلت مي بلا ميعرف جواد
مرام: مراحش يعرف .. روحي وتحبي نجي معاک
اسراء: خلي غدوة نكون ريحت ونعرف واش نهدر
مرام: ان شاء الله كلش ytsgm متخميش
فطرنا وكملنا قراية
****************************
**ميار**
عندي 2 جوغ مهبطتش من بيتي غير سلسبيل جي لعندي .. ليوم نضت من بلاصتي بسيف
درت روتين ديالي عادي وهبطت .. روحت لكوزينة عمرت كاس ما شربتو
دخلت آسينات خزرت فيا منبعد دورت راسها
ميار: آسينات
آسينات: كاشما بقا حابة تزيديه
ميار: لالا مي
آسينات: خلاص ميار .. فهميني انا ربيتک هكا
ميار: هادي حياتي
مكملتش لهدرة حتى حسيت كف على وجهي محرقتنيش في خدي كثر ما راني نتحرق
آسينات: هنا وخلاص حليتلک لعيين بزاف وخليتک ديري واش تحبي
سلسبيل: خلاص آسينات تعيشي
ميار: خليها تهدر بلاک ترتاح
آسينات: اديها سلسبيل
حكمتني من كتفي وداتني معاها للفوق دخلت لبيتي جسد بلا روح
ريحت فلرض وقعدت معايا سلسبيل
سلسبيل: مياار خلاص تريحي هكاا
ميار: ماعندي مندير هاني مريحة
سلسبيل: واش رايک نولو لفرنسا تبعدي منا وتريحي
ميار: لالا منروحش حتى نفري كلش ويبان كل واحد على حقيقتو
******************
- إنتهاء البارت
- رايكم؟؟؟
- طلقها.. مساكن حتى انا مسكينة والله كنت نكتب وندمع
- هاذ لبارت كتبتو لبارح مع لي قبلو جيت نحطو منبعد خليتو باش نرتب بيه افكاري ونبدل فيه
- موقف رحمة منبعد زعما تكرها ولا؟ حتى جواد كل واحد يكتبلي كيفاه راح يتصرف
- رايكم في حقيقة يمات اكرم .. مخممتش ندير مشاكل ليهم ولا
- وقلولي كاش خطات ديرهم ميار باش تكشفهم
- متنساوش فوط و كومنت
- إلى الملتقى...
- أحبكم ♡