#صاحب_الظل _الطويل
23
👑 رضيت بالله ربا وبالاسلام دينا وبمحمد صل الله عليه وسلم نبيا ورسولا👑
منع مهيب حور من ان تذهب الي العمل فهي في اول شهور الحمل. لترتاح في هذه الفتره حتي لا ترهق
نفسها.
......
ندا كانت تشعر بحب مراد ولكن ما يضايقها انه لا يتحدث
دخلت عليه في يوم لتجده يتحدث مع احدي الموظفات ويضحك معها لتشعر بالغيره
ندا: مستر مراد. الفاكسات اترجمت
ابتسم بحب : تعالي يا ندا. اقعدي
نظرت الي تلك الفتاه بغيظ : لا شكلك مشغول.
خرجت سريعا من مكتبه وهي تشعر بضيق لتدمع عينها
لتهرب الي الملجا السري للفتايات للبكاء وهو الحمام
ندا في نفسها "" ممكن اكون بتخيل انه بيحبني. بس. هو مش بيتكلم وله بينطق . . قاعد يضحك مع دي شويه ودي شويه وبيتكلم كويس معاهم . اشمعانه انا ""
مسحت دموعها وغسلت وجهها وخرجت لتذهب الي مكتبها . دخلت لتجده يجلس علي المكتب
ندا : نعم
نظر لها : انتي كنتي بتعيطي
لترد يضيق : لا . طبعا. هعيط ليه ومن ايه.
وقف امامها : بس شكلك معيط
نفت تماما : لا خالص. دي عيني دخل فيها حاجه ..
مراد : اضيقتي من ايه
ندا: مش اضيقت. انا كويسه . هضيقني بالعافيه
مراد : اقعدي كده واهدي. انا بس كنت بطمن عليكي. اما دخلتي المكتب لاحظت انك زعلانه
ندا: وسبتها وجيتلي
ليبتسم ويتاكد هذا الشعور دخله هي تحبه وتغار عليه
مراد : سبت مين
ندا : اسمها ايه دي . مش فاكرها اللي بتشتغل في الشركه
ضحكه بفرحه : هدي قصدك
ندا: اه. هي . انت بتحبها ..
مراد: لا .. هدي دي زميلتي وهي متجوزه
لتبتسم بارتياح : مش كنت اعرف.
ضحك علي طريقتها : ممكن اعرف انتي بتسالي ليه
لتهرب بعينها بعيدا عنه : احم. مفيش. انا هروح مكتبي
ضحك بصوت رجولي ليسمك يدها ..
لتحمر خجلا. : لو سمحت. انا عندي شغل
مراد: انتي في مكتبك يا ندا.
لتنظر حولها بخجل واغمضت عينها . ليضحك بخفه
مراد: الفراشه مش لازم تغير من حد. لانها اجمل وارق من اي بنت
ندا : مين الفراشه
مراد: انتي الفراشه الجميله
و بحركه تلقائيه لثم كف يدها بقبله رقيقه
لتقضم شفتيها بخجل .. شعر بالندم
مراد : اسف. مش عارف عملت كده ازاي.
فتحت عينها. لتجد فيهم الاسف. لتنظر له باستغراب.
هل يحبها اما لا. لاتفهم منه شيئ
خرج من مكتبها سريعا وهو يلوم نفسه. هي ليست في مكانته .. ولكن قلبه الغبي لا يفهم هذا و لا يريد ان يتبعد عنها
. دخل مكتبه ووضع راسه علي المكتب وهو يشعر بالضيق . اما هي فاخذت حقيبتها وعادت الي البيت وهي تبكي
*******
صعدت غرفتها سريعا تبكي فهي اصبحت تحبه
لتدخل مها لها : ندوش مالك
ندا: مفيش انا عايزه اقعد لوحدي
مها : بس احكيلي .ايه اللي مضايقك. مش ممكن اساعدك
ندا : بليزز مها. مش قادره اتلكم.
حاولت معاها اكثر من مره ولكنها رفضت ان تبيح لها ما يضيقها
...******
دخل مهيب الي مكتب مراد. ليجده يجلس بضيق
اصبح الان صديقان.
مهيب: زرعتها تفاح طلعت بصل .
نظر له بياس
مهيب : ما تتحرك وتروح تتقدم لاهلها بدل ام العذاب اللي انت عايشه
مراد: هترفض يا مهيب . انت مش عارف اهلها مكانتهم ايه وعايشين ازاي. وانا معنديش غير شقه ..
مهيب : مالها الشقه . ماهي في مكان كويس وعندك عربيه وبتقبض كويس. ولسه كمان اما الشركه تكبر هتكون في مكان احسن
. مراد: اما اكون في مكانتها هتقدم .
مهيب : غلط يا مراد . انت بتحبها وهي كمان بتحبك . بس انت اللي مش عايز تتحرك . روح اتقدم لو اهلها وافقو هتكون كسبت
مراد : ولو رفضو
مهيب : هتكون عملت اللي عليك . حتي قدام نفسك مش هتكون مقصر. .. هما ناس متوضعين . انا اتعاملت معاهم
مراد : مش عارف يا مهيب. حاسس اني هترفض ووقتها مش هستحمل ابص في عينها حتي
مهيب : بلاش عند يا مراد . انت بتعاند نفسك وقلبك ليه.
لافائده من التحدث معه. فراسه صلب كالحجر
.........
اما في شركه كنان. فكان الوضع يسير علي ما يرام
عمير. يعمل بجد وترك كل السهرات مع البنات ويركز في عمله.
.
مرام السكرتيره تعمل بجد . وتعامله باحترام
. والامور تمشي بسلسه. بينهم
******
عاد الي البيت . ليجد ابيه يتابع العمل في الكافيه
تحدث معه ثم صعد الي شقه امه. ليجدها تجلس مع حور. ويضحكون معا
مهيب : حبايب قلبي .عاملين ايه
نظرت له بفرحه كطفله كانت تنتظر ابيها ليعود من العمل
. لتسرع الي احضانه باشتياق قبل راسها وضمها اليه
مهيب: حوري عامله ايه
حور: الحمد لله. انت يومك كان عامل ازاي
. مهيب : الحمد لله. كل حاجه تمام
اقترب وقيل يد امه : اخبارك ايه ياامي
. شويكار: الحمد لله يا مهيب. اقعد يا حبيبي. اجهزلك الاكل
مهيب : حاضر. هاكل ايه انهارده
حور : محشي ورق عنب.
مهيب : الله عليكم. انا جعان موت
شويكار : بعد الشر عليك
حور : ربنا يخليك لينا يا قلبي . ادخل غير هدومك. انا جبتلك بيجامه هنا.
قبل يدها : رينا يخليكي ليا
. دخلت شويكار المطبخ تجهز الطعام. حور مع مهيب
ابدل ملابسه.
حور : ايه اخبار الشغل
مهيب : كل حاجه تمام الحمد لله . المكسب من اخر صفقه موجود في حسابك بالبنك
حور : يا مهيب يا حبيبي. مش بسالك علي فلوس. انا اصلا كلي ملكك .
مهيب قبل جبيبنها : انا اللي كلي ملكك .. وده حقك يا روحي.
تنهدت: مفيش فايده فيك .
بحبك يا حوري ..
وانا بحبك اكتر
********
كانت طول الوقت في غرفتها تبكي ولا تتحدث مع احد
........
اكل المحشي ليشعر بالتخمه
يحي : بجد تسلم ايدكم. الاكل تحفه
مهيب: انا اتنفخت بجد.
شويكار: بالهنا علي قلبكم
. حور : هعملكم عصير
مهيب : عصير ايه. مفيش مكان. تعالو اقعدو معانا
حملو الاكل وساعدهم يحي ومهيب وجلسو معا يتحدثون .. ليحكي لهم علي مراد وانا يحب ندا ويرفض ان يتقدم لها حتي. لا يرفضو
حور : ليه يعني. مراد شاب كويس جدا. ومستقبله كمان كويس
.
مهيب : غبي. والله حاولت كتير معاه بس متخلف.
يحي : هو واخد الموضوع كرامه . هو لسه مش مستعد.
حور كان تفكر في طريقه تساعد بها مراد وندا فهي
علمت من مهيب انهم يحبون بعض في صمت
لتقرر ان تتحدث مع كنان فهو الوحيد الذي سيحل هذا الامر
.
*******
في الصباح بعد ان ودعت زوجها وذهب الي عمله.
اتصلت بكنان.
كنان : الو
حور : اذيك يا كنان. اخبارك ايه
. كنان: الحمد لله. انتي اخبارك ايه
. حور: الحمد لله . كنت عايزه اتكلم معاك
.
كنان بمزاح: لسه بتحبيني وعايزه تطلقي من مهيب
لتضحك : انسي بقي . انا مستحيل ابعد عن مهيب ده روحي . ده روحي . وبعدين اصلا انا حامل
كنان: مبروك يا حور . ربنا يسعدك
حور: اللهم امين .
كنان: خير كنتي عايزاني في ايه
حور : بص هو الموضوع بخصوص ندا .
كنان : اها.
حور: في واحد كويس اوي ومحترم وشاب ممتاز بيشتغل في الشركه وبيحبها ونفسه يتقدم
كنان: ايه مانعه انه يجي
حور: هو مستوي معيشته اقل من ندا. عشان كده خايف يترفض.
كنان: لو هو انسان كويس ومحترم زي ما بتقولي وبيحبها. هنرفض ليه. بالعكس اتمني انها تكون سعيده.
. حور: يعني ممكن يجي يتقدم
كنان : ايوه ممكن. بس هو اسمه ايه وبيشتغل ايه. عشان اسال عليه
.
حور : هو اسمه مراد نشات. بيشتغل مدير تنفيذي في الشركه عندنا. اكيد انت شفته في الفرح
كنان : مش فاكر. المهم هو لو عايز يتقدم .خليه يكلمني ويحدد ميعاد معايا
حور : اوك. هقوله. بس انت براحه عليه بس. عشان تقريبا هما ببحبو بعض
. كنان : اه. قولتيلي بقي.
حور : اه. واظن انت عارف يعني ايه اتنين بيحبو بعض
كنان: عارف. مش حب من طرف واحد زي ناس
.
لتصيح باعتراض في الهاتف : اووووف. انسي بقي. كان يوم اسود يا كنان اما كلمتك فيه
ضحك باعلي صوته علي تذمرها : طفله والله.
.
اغلقت الهاتف في وجهه وهي تلعنه 😊
*******
كنان كان في المنزل وقتها.
صعد الي غرفه ندا ليجدها تجلس حزينه
كنان : ندوش مالك
ندا : مفيش انا كويسه
كنان: منزلتيش الشغل ليه.
ندا : مليش مزاج
كنان: مش ناويه تسيبي الشغل بقي في شركه مهيب وتيجي تشتغلي معايا
نظرت له بحزن : لا مش هينفع. انا مرتاحه هناك
كنان: مرتاحه هناك. ومين سبب الراحه دي بقي
توترت : احم. حور
. كنان : حور بس
احمر وجهها ونظرت لاسفل ليبتسم فهو ادري الناس بالحب ولوعه
كنان : بتحبيه ياندا
ندا: هو مين
كنان : انتي عارفه هو مين.
ندا : مش فاهمه قصدك علي مين
كنان : علي اللي انتي مش راضيه تسيبي الشركه عشانه
ادمعت عينها : تفتكر الحل اني اسيب الشركه.
ضمها بحنان : انتي بتعيطي ليه
ندا: عشان كل اما احب حد. يطلع مش بيحبني. حبيت عمر وطلع بيحب حور. حتي اما اتخطبنا كان عاملني طريق عشان يوصل ليها ويكون قريب منها ...
وكمان مراد مش فاهمه هو ليه بيعمل معايا كده . اوقات بحس انه بيحبني واوقات لا
كنان: بيحبك
. رفعت راسها ونظرت له
كنان : حور كلمتني وقالتلي ان مراد بيحبك بس خايف يتقدم ليترفض . بس عشانك انتي يا ندا هسال عليه لو طلع كويس هوافق بيه. انا مش مهم عندي حاجه غير ساعدتك
ابستمت بدموع وهي تنظر له بفرحه : بجد . يعني مراد بيحبني
كنان : اه. هو في حد يقدر يقاوم القمر ده. انتي احلي بنت في العالم
قبلته من خده بقوه وهي تشعر بقلبها يرقص بفرح
ليضحك هو. وقفت سريعا
كنان: رايحه فين
. ندا : الشركه طبعا.
كنان: انتي مش قولتي مليش مزاج
ندا : مزاجي رجع تاني. مينفعش اتاخر علي شغلي.
. ********
يتبع
.