#صاحب_الظل_الطويل
21
👑 اللهم اغفر لي واهدني وارحمني وارض عني 👑
بعد قضاء شهر العسل قررو ان يعود الي البيت
.
في مفاجاه .. وهم في السياره
حور بفرحه : بابا وماما وحشني اوي
ليلثم عنقها بقبله: وانتي وحشاني
لتنطق بخجل: مهيب . السواق
ليعود لبروده : عادي
حور: بس بقي . انسي الكلمه دي
لينظر له 😏
بجد كلمه مستفزه "" اكملت كلامها ليبتسم باستفزاز
عادي .
وضعت يدها علي خدها بقله حيله فهو ملازم لهذه الكلمه كظله .
ضمها اليه لتسند راسها علي صدره ..
وصلو الي البيت واخذو الحقائب وصعدو الي شقه ابيه
ليرن الجرس
حور: افتح بالمفتاح اللي معاك
مهيب: افرضي مش عاملين حسابهم اننا جاين . ويكونو بيتشاقو مع بعض.
لتضحك 😊☺ انت فظيع.
ترك الحقائب من يده ليقربها منه : فظيع ازاي
تعلقت في رقابته ونطقت بدلال: افكارك فظيعه .
ليقرب انفه من انفها ويحركهم وهي تبتسم لهم
كاد ان يقبلها ليسمع صوت خلفه : مهيب
احمر وجهها بخجل . ليلف هو وينظر لابيه وامه
احم . احنا ليه وصلين وكنا بنخبط . يعني عادي
ضحك بحي : وحشتوني يا ولاد
شويكار: حور عامله ايه .
حاولت ان تداري خجلها. وعانقت شويكار : ماما وحشاني
لتبادلها شويكار العناق: حبيبه قلبي واحشاني
يحي ضم ابنه وبعدها ضم حور. وفعلت شويكار كذلك
.
جلسو معا. يحي: مفتحتش الباب ودخلت ليه ..
مهيب: انا كنت عايز اعملها مفاجاه .
شويكار: اصلا روحنا نتغدا بره علي البحر ولسه رجعين
. يحي؛ الشقه خلصت وكل حاجه تمام
حور : تسلم ايدك يا بابا
مهيب: ربنا يخليك لينا
يحي: ربنا يخليكم انتم لينا و يسعد قلبكم
شويكار: اجهزلكم الاكل.
حور: الحمد لله احنا كلنا في الطريق
بعد وقت اعطاهم مهيب الهدايا اللتي احضروها لهم
وحور: انا هبات هنا انهارده
ليصيح باعتراض: لا
.
نظرو له جميعا.. يحي: في الاوض هنا. نام في اوضه حور القديمه
مهيب: هنام فوق يوم تاني ننام هنا
ليحرك راسه بتفاهم
كانت تضحك من داخلها عليه .
شويكار كانت تنظر له وتبتسم .
نظر بغيظ لها لتنظر له ببراءه: هنطلع نرتاح
حور : انا عايزه اقعد مع بابا وماما
: هنطلع يا حور. قدامي
جلست بجانب شويكار لتضمها الي صدرها : سيبها يا مهيب
مهيب : ماشي يا حور.
اخرجت لسانها له . مهيب : عن اذنكم يا جماعه .
حملها لتشهق وهي تعترض ولكنه لم يبالي وسط ضحكات يحي و شويكار
صعد بها الي الشقه . " كسفتني يا مهيب.
" تستاهلي . قولتلك اطلعي بمزاجك انتي اللي كنتي بتدلعي
...
كانت تضحك من قلبها.
يحي : ابنك رجع مراهق مره تانيه
شويكار وهي تتنهد بسعاده" ربنا يسعده دايما. ده انا قلبي فرحان عشانه. شفت الفرحه باينه عليه ازاي.
يحي: ربنا يحفظهم
شويكار " يارب
احتضن زوجته وجلسو يشربون الشاي وهم يتحدثون
.***
في اليوم الثاني بدات حور و مهيب الاستعداد للذهاب الي الشركه
مهيب " ممكن ترتاحي انتي . وانا هروح
حور" انا مش تعبانه. هنزل معاك
مهيب " كنت عايزك بس ترتاحي
حور" متقلقش عليا. انا تمام
قبلها " ماشي يا تمام ..قدامي
نزل الاثنان ليفطرون مع شويكار ويحي وبعدها توجههو الي الشركه. ليدخلو وسط مباركات الجميع. برجوعهم بالسلامه من شهر العسل
كل منهم توجهه الي مكتبه ليتابعو العمل.
ليدخل مراد : حمد لله علي السلامه
مهيب : الله يسلمك .. اخبار الشغل ايه
.
مراد : كل حاجه ماشيه زي ما انت عايز.
مهيب : انا واثق فيك يا مراد . عشان كده سلمتك كل حاجه وعارف انك هتمشي الشغل اكني موجود بالظبط
مراد: اتمني اكون دايما قد ثقتك فيا.
مهيب : واكتر يا مراد. المهم ندخل في الشغل. عملت ايه مع شركه الشهاوي
مراد : الشغل ماشي كويس و بعتنا الخامات وبدا المصنع في الشغل. وسلمنا اول طلبيه. بس عمر الشهاوي رفض اي فلوس لحد اما انت ومدام ترجعو من السفر
نفخ مهيب. فهو يعلم ان عمر لن يترك فرصه العمل معه.
مراد : ممكن اتكلم معاك بعيد عن الشغل
مهيب : اتكلم
مراد : انا معرفش عمر ده انسان كويس وله لا. بس بحس اوقات تصرفاته غريبه
مهيب : وله انا عارف برضو هو انسان كويس وله لا. بس لحد دلوقتي معملش تصرف اقلق منه. بالعكس تصرفاته كلها كويسه
مراد: مش مرتاح للراجل ده
ضحك مهيب. وهو ينظر بغموض الي مراد
مراد : في حاجه قولتها غلط
مهيب : لا . قولي ايه اخبار ندا
توتر مراد : ندا. ندا مين
. لتصدع ضحكه مهيب في المكتب حك شعره بتوتر
مراد : اه. قصدك ندا عدنان
حرك مهيب راسه بنعم. مراد: مفيش كويسه
مهيب : تمام . قوم علي شغلك وعايزك تهتم بيها
مراد : علي فكره مفيش حاجه بيني وبينها
مهيب ببرود : عادي
نظر له مراد ليفهم مهيب ولكن لم يستطيع ان يفهم شئ
خرج من المكتب وبدا مهيب في مراجعه الملفات.
******
في هذا الوقت دخلت ندا الي مكتب مراد ومعاها ورق تريده ان يرجعه.
طرقت الباب ليسمح لها بالدخول. كان ينظر الي الاوراق التي في يده. ولكن توقف عندما شم رائحه عطرها الذي يعرفه جيدا . ليرفع راسه ينظر لها
ندا برقه : كنت جايبه الفاكسات اللي ترجمتها تراجع عليها
ابتسم مراد : خلصتيهم
ندا: اها.
مراد: تعالي اقعدي
جلست. . و احمر وجهها من طريقته التي ينظر بها اليها
ندا : احم. هو في حاجه
مراد لم يجيب كان شارد بها
ندا: مراد .. مراد
مراد: نعمممم
ضحكت بخفه : في ايه .
مراد : مش عارف . حاسس بحاجه غريبه
نظرت له باستفهام : ازاي
مراد: شكلي تعبان . متشغليش بالك
ندا: الف سلامه عليك. حاسس بايه
مراد : مش عارف.
ندا: اتصل بدكتور يجي يشوفك
تنه علي طريقتها التي تتكلم بها معه . رقيقه جدا كفراشه جميله هي
ندا : مراد مالك
مراد : شكلي داخل علي منعطف تاريخي
انفلتت منها ضحكه رنانه علي طريقته في التعبير . ليتنهد اكثر ..
مراد : احم. انتي كده بتضيعي هيبتي بضحكتك دي .
ندا: احم. اسفه يا مستر مراد . هقوم انا علي مكتبي. ولو في اي حاجه. كلمني
مراد بحب : هكلمك حاضر
خرجت وهي تشعر بالخجل من حركاته وطريقته معها. فهي تحب اهتمامه بها والطريقه التي ينظر بها اليها .
لتشعر بدقات قلبها. هل فعلا اهتمام مراد بها جعلها تتعلق به . وتنسي عمر . ذهبت لمكتبها وهي تجلس شارده التفكير في مراد
...............
في شركه كنان وعمير.
كان يتابع العمل لتدخل عليه فتاه غريبه بثوابها الغريب بالنسبه له
عمير : انتي مين ودخله هنا ليه
لتنطق البنت ببراءه : انا ايه. السكرتيره الجديده
عمير : انتي السكرتيره
(( مرام امجد .. فتاه رقيقه جدا ومحترمه محجبه وملابسها واسعه سمراء وعيونها واسعه سودا. ملامحها بريئه العمر ٢١ عام ))
مرام : انا يافندم
عمير : فين نانا
مرام: حضرتك معرفش هي فين. لسه انهارده حصلت حركه التنقالات وجيت انا هنا
عمير وقف بغضب : هو كنان اللي ورا الموضوع ده.
فتح الباب بغضب وخرج ليذهب الي مكتب كنان. ويفتحه بغيظ
لم يرفع راسه فهو يعلم انه عمير : عايز ايه
. عمير : مين قالك تمشي نانا
كنان : انا قولت
عمير : اشمعانه انا . انت سكرتيرتك زي ماهي. وجايبلي واحده واحده
كنان : واحده محترمه. كمل.
عمير : مالها نانا يعني.
ترك ما بيده وطقطق اصابعه : اقولك انا مالها نانا . الهانم بترسم عليك. عشان تتجوزها عرفي. وانت اجرت شقه عشان مزاجك. بس انسي مش هسمح بكده.
عمير: انا مش صغير
كنان: باللي بتعمله ده. تكون صغير ولازم اللي يوجههك في تصرفاتك.
مرام بنت كويس ومحترمه. وانا واثق انك مش هتعرف تضحك عليها.
اما بقي نانا هانم كانت متجوزه ٤ مرات قبل كده. ده غير انها مش بتقعد مع اللي بتتجوزهم اكتر من سنه وبتزهق منهم . اكبر منك ب ١٠ سنين. غير ان اسلوبها
بلاش اكمل . اظن انت عارف اسلوبها كويس
عمير : انا اعمل اللي انا عايزه . انا وهي بنحب بعض
كنان : وانا مش هغصب عليك . روح اتجوزها. بس مفيش شغل هنا. وحساباتك كلها هتتوقف
عمير: انا مش صغير ..دي فلوس بابا . مش فلوسك انت.
كنان : بس انا اخوك واما اشوفك بتقع في قخ لازم احظرك ..
عمير : هو حبي من نانا فخ
كنان : طبعا .. ( لتاتي علي باله فكره ) مش انت بتقول انها بتحبك
عمير : اه
كنان : انا عايز اتاكد من الحب ده .
عمير : ازاي بقي
كنان: روح قولها ان ابوك سحب كل حاجه منك عشان هتتجوزها. . وشوف رد فعلها . لو وافقت هتكون بتحبك
عمير: وانا موافق. هتشوف هي هتتختارني .
خرج من المكتب بغضب. رجع مكتبه واخذ اشيائه
واتصل بنانا ليتقابلون ف الشقه
**********
يتبع