#صاحب_الظل_الطويل
13
👑 اللهم صل وسلم علي نبينا محمد 👑
ذهب مهيب الي بيت عمر وهو في قمه غضبه.
عمر : مهيب في ايه
مهيب : هي فين
عمر : مين هي
مهيب: حور
عمر : انا موصلها للبيت بايدي. انت متاكد انها مش هناك
امسكه مهيب في تلاليب قميصه بقوه : اكيد جتلك
عمر : مجتش . نزل ايدك ويلا ندور عليها
مهيب : انا بحذرك ملكش دعوه بيها ومتقربش منها
عمر : وانت مالك اصلا. انا بحب حور من زمان وهتجوزها
مهيب : مش هيحصل.
عمر : هيحصل وهتشوف.
خرج عمر من البيت ليذهب الي بيت حسين عمها حتي بطمان عليها . وذهب خلفه مهيب فهو يشك به انها معه
دخل عمر البيت ومهيب خلفه
لينظر اليه عمر بغيظ.. مهيب : بيت مين ده
عمر : عمها حسين.
مهيب : ابو كنان
نزلت ندا بفرحه : عمر. عامل ايه
عمر : الحمد لله
نظرت بجانبه : مين ده
كنان كان داخل هو وزوجته مها من الخارج : مهيب
نظر مهيب خلفه وسكت
. كنان : خير في ايه . الوقت متاخر جاين ليه
مهيب : حور هنا
كنان باستغراب : حور . هي مش في البيت
مهيب : لا. مرجعتش البيت
ندا لعمر : وانت مالك ومال حور
عمر : هخطبها وهتجوزها. اظن انك عارفه اني بحبها
. نفخ مهيب وهو ينظر الي كنان : عايز عنوان نازلي .اكيد هناك
كنان : حتي لو هناك. هديك العنوان ليه
مهيب : ومش هتديهولي ليه .
كنان : اعرف الاول انت عملت ليها ايه خلاها تسيب البيت وتمشي. او حتي مترجعش
مهيب : والله ده مش شغلك. انت اخر واحد ممكن تسال السؤال ده .
كنان : انا ابن عمها انت مين
مهيب : ابن عمها اللي طردها من البيت.
كنان : الموضوع مش كده. وبعدين انت مالك بتحاسبني ليه
مهيب : هات العنوان انا لازم اطمن عليها
كنان : مش هديك حاجه غير اما اعرف ايه اللي حصل بينكم
فقد مهيب السيطره علي نفسه فهو مرعوب عليها وهذا متحجر القلب هذا يبتزه.
امسكه من ملابسه بقوه : هو ده وقت كلام يابني ادم انت. انت معندكش نخوه بقولك بنت عمك خرجت بليل. وانت عمال ترغي
صرخت مها بخوف علي زوحها وندا علي اخيها
. ليسرع عمر ويمسك يد مهيب ليفك الاشتباك
عمير كان بالخارج ولم يكن موجود بالبيت في هذا الوقت
عمر : كنان لو سمحت. احنا عايزين نطمن علي حور . ونتكلم بعض كده
كنان : حور عند نازلي.
مهيب : عرفت منين.
كنان : حور بنت عمي وانا عارف عنها كل حاجه.. وعارف كمان ان عمر بقاله كام يوم بيجري وراها.
( كنان كان بيخلي واحد بيراقب حور عشان يطمن عليها لانها في الاول والاخير ابنه عمه )
. مهيب : هات العنوان.
كنان : لا
مهيب : هات العنوان احسنلك
كنان : اعرف ايه اللي حصل
مها : كنان. لو سمحت اديله العنوان شكله خايف عليها
كنان : خايف عليها ليه. تقربله ايه
مهيب : مراتي
عمر : كداب
كنان : مراتك امتي وازاي
مهيب : ملكش دعوه.
ندا نظرت لهم بغضب. من هي حور. حتي يحبها هذان الاثنان . كل واحد منهم احسن من الاخر.
عمر الذي تعشقه .. وهذا الاخر يبدو انه ليس بشئ قليل. فهو ملهوف عليها بطريقه غريبه
. كنان : حور. لا هتتجوزك وله هتتجوزه.
مهيب : انا هعرف ازاي اجيب عنوانها.
خرج بغضب من البيت وهو يشعر انه سينفجر
اتصل بابيه الذي اسرع بالرد
يحي : لاقيتها
مهيب: كنان قالي انها راحت لنازلي
يحي : روح هاتها
مهيب : تعرف العنوان
يحي : شويكار تعرفه. استني
يحي لشويكار : حور عند نازلي . قولي العنوان فين ياروح يرجعها
شويكار : في ال""". شارع """"
يحي : سمعت. روحت هاتها ومترجعش من غيرها
مهيب : حاضر
جلس في سيارته بصمت دقائق وهو يستعيد هدوءه حتي يتحكم في نفسه
انطلق في طريقه الي القاهره
.....
في بيت كنان. كانت ندا تنظر الي عمر بغيظ
ندا: رجعت تجري وراها تاني
عمر: انتي عارفه اني بحبها من زمان
.
ندا: بس هي مش بتحبك.
عمر : هتحبني. انا متاكد
كنان : ندا بس اسكتي . وانت اخرج من هنا. واتاكد ان حور مش هتكون ليك. ابدا
عمر : وانت مالك اصلا . ملكش حكم عليها.
كنان : هتشوف يا عمر.
ضعدت ندا الي غرفتها تبكي من رفض عمر لها. فهي كانت تظن انه قادم ليصلحها
.............
في بيت نازلي .
كانت حور تنام علي صدر نعمات بعد وقت طويل من البكاء سمحت لها نازلي ان تظل بالبيت
...
وصل الي القاهره ووقف خارج البيت الساعه الان السادسه صباحا . سينتظر الوقت المناسب
اتصل عليه ابيه وعلم انه وصل بعد وقت طويل لانه تاهه في الطريق اكثر من مره. حتي وصل اخيرا
وضع راسه علي المقود بتعب .
لتغمض عينه بارهاق استيقظ بعد ساعتين علي صوت سيارات
ليخرج من السياره. ويقف بتعب .
طرق الباب وانتظر. لتفتح نعمات بعد وقت.
نظرت له نعمات ..
مهيب : احم. حور هنا
نعمات : انت مين
مهيب : قوليلها مهيب
نعمات : انت اللي زعلتها وخليتها تعيط
مهيب : هي فهمت غلط . لو سمحتي خليني اقابلها . انا تعبت لحد اما وصلت للبيت
خرجت نازلي علي صوته : ادخلي يا نعمات جوه . اتفضل ادخل
دخل مهيب. لينظر الي الفيلا من الداخل . كان هناك اطفال صغار يجلسون يرسمون او يكتبون شئ. واخرين يلعبون بمكعبات
نظر لهم. ليسمع صوت نازلي : اتفضل في المكتب
دخل امامها وجلس علي المقعد
نازلي :تشرب ايه
مهيب : شكرا لحضرتك
نازلي : لازم تشرب حاجه. انت في بيتي
مهيب : ممكن قهوه مظبوط
. نازلي : ماشي .
طلبت من نعمات اتنين قهوه مظبوط . ونظرت له
مهيب : حضرتك انا عايز اقابل حور.
نازلي : انت زعلتها صح
. مهيب : هي فهمت غلط.
نازلي: احكيلي ايه اللي حصل بينكم
. مهيب حكي لها ما حدث وانه شعر بغضب
نازلي : انت عايز منها ايه
مهيب : بحبها.
نازلي : وبعدين
مهيب : هتجوزها.
نازلي: هي تعرف
مهيب: لا
نازلي : هتقولها
مهيب : اكيد . بس الاول تفهم اني مكنش قصدي اغلط فيها
نازلي: هخليك تقابلها . بس لو هي مرتضتش ترجع معاك
مهيب : هترجع. اديني فرصه اتكلم معاها
نازلي : اوكي
طلبت من نعمات ان تصعد وتخبر حور انها تريد ان تتكلم معاها ولا تخبرها يوجود مهيب
نزلت حور ودخلت المكتب وهي تبدو حزينه لتتفاجا بوجوده
نظرت له بغضب: انت هنا ليه
مهيب : عشان ترجعي معايا
حور : مش هرجع. فسن ماما نازلي
مهيب : خرجت.
حور : اتفضل اطلع بره
مهيب : بتطرديني
حور : اه
نفخ بغضب : اوك انا همشي بس قبلها عايز اقولك اني كنت بقول كده علي عمر. مش عليكي انتي. فهمتي غلط.
حور : لا مفهمتش غلط. انت اصلا بتكرهني وبتكره وجودي في البيت.
مهيب : غلطانه. حور انا كنت غيران اما شوفت عمر بيبوس ايدك . وانتي جنينتي انا قولتي انك هتتخطبي ليه
حور : وده يهمك في ايه
مهيب : كنت غيران عليكي .
حور : غيران عليا انا
مهيب : اه انا بحبك
حور: بتحبني انا
مهيب : اه يا حور. بحبك وعايز نتجوز
لم تصدق هل فعلا مهيب ببروده يعترف الان بحبها.
جلست بصدمه وهي تنظر له باندهاش
مهيب: حور انا عمري ما اغلط فيكي . كنت غيران والملام خرج مني كده باندفاع. كان قصدي علي عمر. لاني مكنتش هسمح انك تتخطبي ليه. وله لاي حد تاني
وضعت يدها علي وجهها وبكت
مهيب : اسف لو كنت زعلتك. مش هتكرر تاني. تعالي معابا نرجع لبابا وماما هما زعلانين مني. انا كمان زعلان من نفسي . سامحيني بقي
حور : عرفت مكاني ازاي
مهيب : انا كنت هتجنن عليكي. فضلت ادور عليكي ..ورحت اتخنقت مع عمر ومع كنان. وعرفت منه انك هنا . ومرضيش يديني العنوان . وخدته من ماما .
حور : هو عرف منين مكاني
مهيب : معرفش.
حور : مهيب انا عايزه اقولك علي حاجه
. مهيب : قولي
حور : انا مش مستعده اني اتجوز دلوقتي .
نظر لها بحزن : اوك. خدي وقتك
حور : انا كمان كنت بحب واحد تاني
نظر لها بغضب : ولسه بتحبيه
حور : لا .
مهيب: هو مين
حور : واحد وخلاص. بس ده كان حب من طرف واحد
مهيب: وانا
حور: انت زعلانه منك
امسك يدها : مش كفايه العقاب اللي عملتيه ومشيتي .
حور: انت عارف ليه
مهيب' : طيب ممكن ترجعي معايا . بابا وماما عايزينك وقالولي مرجعش من غيرك وانا منمتش من امبارح غير ساعتين في العربيه اللي بره
حور : افكر
مهيب : هجبلك ايس كريم
حور: مش انا اللي تعرف ترشيني
مهيب : سندوتشات شاورما وتوميه
حور وقفت سريعا : ماما وبابا واحشوني اوي
ضحك هو عليه . ليخرج من المكتب معها. وجدت نازلي امامها ونعمات
مهيب : شكرا لحضرتك .
ضمتها حور بحب وقبلت جبينها : ماما انا بحبك اوي
نازلي : هتتجوزو امتي
مهيب : اما توافق
حور : اما اسامحك الاول
مهيب : هتسامحيني قريب .
حور : بعينك. متتعشمش اوي
ضحكت نعمات وضمتها : خلي بالك من نفسك ..وانت يا بني خلي بالك منها دي حور مفيش زيها
مهيب : عارف والله.
خرجو بعد ان ودعو الجميع .
............
يتبع