#صاحب_الظل_الطويل
10
👑 استغفر الله العظيم واتوب اليه 👑
رجع مهيب من الشركه .. ليجد يجي في انتظاره وشويكار
مهيب : خير
يحي : مين اللي اسمه عمر ده. وازاي تسمح لحور تخرج معاه
مهيب : هي حره. انا مش واصي عليها
شويكار : احنا اتفقنا انك هتتجوز حور.
مهيب : احنا مين. انا قولت هتجوزها
شويكار : انا بحب حور. وهي الوحيده اللي اتخيلتها مراتك وعايزاك تتجوزها.
مهيب : انتي اكيد بتهزري يا امي . هو انا بنت هتختارولي العريس.
يحي : مش عايز تتجوزها. عاملها كاخت. يرضيك اختك تخرج مع واحد يتغدو
مهيب : فيها ايه .
يحي : لا انت اتهبلت. العيشه بره خليتك تنسي التقليد
مهيب : بابا حور من حقها تخرج وتتعامل مع الناس. مش هتفضل خايف عليها كده ع طول
يحي : افرض الولد ده مش كويس وهيآذيها
مهيب : وقتها انا هتصرف . اكيد مش هسمح ان حد ياذيها.
شويكار بسعاده : ليه بتحبها وبتخاف عليها
خبط علي جبينه : يا امي يا حبيبتي . حور عندي زي اختي. او صديقتي. غير كده لا.
يحي: مفيش فايده فيك . يا بني انت كنت بتعمل ايه بره. عايش ازي. مفيش مره حبيت
مهيب : محبتش قبل كده. وبره احسن حاجه فيهم الصراحه . يعني ممكن تقول لوحده انا مش بحبك وتستمر العلاقه بينكم.
شويكار: هو الواد ده طالع لمين
يحي: معرفش والله. انا اما شوفت امك تاني يوم اتخطبنا
ضحك مهيب : ايه السرعه في المشاعر دي
يحي: حور عايزه تقابله وتخرج معاه
مهيب: تمام. خليها تعمل اللي هي عايزاه. ثقو فيها هي مش هتعمل حاجه غلط . حور متربيه وانا واثق فيها
كشر الاسنان علي انيابهم بغيظ من هذا البارد الذي امامهم
.....
في اليوم التالي استعدت حور وارتدت فستان جميل باللون الاسود قصير .. وتزينت. فهي قليلا ما تضع مساحيق التجميل لتبدو رائعه الجمال
اتصل بها عمر ليخبرها انه بالاسفل. اغلقت الهاتف وارتدت الحذاء وخرجت من الغرفه لتجد شويكار ويحي امامها
شويكار : قمر يا حور.
يحي باعتراض : ايه القرف ده .
حور: في ايه يا بابا. ماله الفستان. انا لسه شاريه انهارده والبنات في المحل قالولي تحفه عليكي
يحي : ده مسخره وقصير فين البنطلون يا بنت
شويكار: اهدا يا يحي ..
دخل مهيب علي صوتهم : مالكم. صوتكم عالي ليه
نظر الي حور من اعلي لاسفل : فين العيوطه
لتزمجر بغضب وهي تضرب قدمها بالارض كاعتراض علي كلامه
حور: عيوطه في عينك .
ضحك مهيب: برضو هتفضلي طفله مهما عملتي
نظرت له من اعلي لاسفل : ميهمنيش رايك .
يحي: مفيش نزول غير اما تغيري المسخره دي
حور: يا بابا هو الفستان كده.
يحي: البسي بنطلون او حاجه طويله
حور: يا ماما. اتكلمي. اتاخرت علي عمر
شويكار: مليش دعوه
يحي: هي كلمه واحده ادخلي غيري
اقترب مهيب منها : لو انا منك. هدخل اغير بسرعه. اصلا شكلك مش حلو. بشعه
حور: الفستان وحش
مهيب : مش حلو . ورجلك وحشه
كشرت ودخلت الي الغرفه لتتصل بعمر: معلش يا عمر .هتاخر شويه . الفستان باظ . عشر دقايق وهنزل
اغلقت الهاتف . وابدلت بفستان اخر ابيض وبكم واسع وطوله مناسب تحت الركبه ورفعت شعرها علي جانب واحد
خرجت من الغرفه سريعا ..
نظرو لها الثلاثه .. يحي: اه ده كويس ومحترم
حور: الحمد لله . هنزل انا بسرعه لعمر
يحي: خلي بالك من نفسك و لو عمل حاجه اضربيه وقوليلي انا هطلع عينه وعين اهله
حور: حاضر. سلام بقي
اعطتهم ظهرها. لتسمع صريخ يحي عليها
مهيب رفع حاجبيه . شويكار شهقت
كانت ستبكي: ايه تاني
. يحي: يعني تغطي رجلك تعري ظهرك. ايه الهبل ده . من امتي وانتي بتلبسي كده جبتي الهدوم دي منين
ادمعت عينها : اشتريتهم انهارده.
يحي: الفساتين دي كلها هتترمي
شويكار: اهدا. يايحي مش كده. .. اتكلم يا مهيب
مهيب: تستاهل وانا مالي
يحي: مفيش خروج. وده اخر كلام. ادخلي جوه يلا
دخلت غرفتها وهي تبكي . هي تحترم كلمه يحي وتحبه كابيها ولن تعترض علي كلامه. هي تعرف انها اخطات عندما ارتدت هكذا ولكنها تريد ان تشعر انها ليست صغيره
(( طبعا تصرفات حور مش سويه لانها عندما نقص ثقه كبيره في نفسها ورغم نجاحها وتفوقها في دراستها وعملها ولكنها تشعر انها ليست جميله. ))
((بعثت رساله لعمر انها لن تخرج اليوم بسبب ظروف حدثت واخبرته انها ستعوضه في يوم اخر واغلقت الهاتف ))
كانت تبكي .. لتسمع طرق الباب
حور: ادخل
فتح الباب وتفاجات باخر واحد ممكن ان يخطر علي بالها ان يدخل الان
حور ببكاء: لو سمحت لو هتغلط وتقولي شكلك وحش. وبشعه. انا مش عايزه اسمع. انا عارفه كل ده
ابتسم ابتسامه بسيطه وعقد يده الي صدره
مهيب: يا بنتي كفايه عياط. ده انتي لو طفله في كي جي تو مش هتعيط بالطريقه دي
مسحت دموعها بطفوله : غصب عني . هي عيني اللي بتعيط لوحدها
ضحك بخفه عليها : عرفتي ليه بابا بيخاف عليكي بقي. عشان انتي حساسه اوي. واي حاجه بتصدقيها بسرعه وبتاثر فيكي
.
حور: لا مش اي حاجه.
مهيب: اي حاجه.
حور : محصلش.
رفع احد حاجبيه ونصف ابتسامه
حور : حاجه زي ايه يعني اللي صدقتها
مهيب: اقرب مثل اما قولتلك انك بشعه وانتي صدقتي.
بعدم فهم : ها
مهيب : بكلم بنت اختي انا. حور انتي مش بشعه بالعكس انتي بنت جميله جدا. مشكلتك بس انك خياليه اوي وحساسه جدا وبتثقي في الناس بسرعه.
حور بضحكه بلهاء : يعني انا حلوه وجميله
مهيب : اها
حور : طيب ما انت حلو اهو مش بارد
مهيب : عيوطه لمي نفسك
كشرت وحدفته بالوساده ليتفادها سريعا
مهيب : لسه بقول ايه . اعقلي واكبري
حور : ما انا كبيره يا مهيب.
وقفت علي قدمها امامه : بس انت اللي طويل اوي
ابتسم مهيب : انتي اوزعه
حور: متقوليش اوزعه . انا طولي مناسب. بس انت اللي اطول من العادي
مهيب : رايك ميهمنيش.
. حور: باااارد
. مهيب: عيوطه
. حور : بص هنعمل اتفاقين .اولا انا مش هقولك يا بارد وانت مش هتقولي يا عيوطه. ثانيا هتعلمني شويه برود وانا هعلمك شويه حياه . عشان انت جامد وقاتم في نفسك
باستغراب نظر لها : قاتم. ايه الكلمه دي
.
حور : يعني مش فريش وفرفوش . تحس انك تلاجه لا. جيل تلج
مهيب: عادي . انا كده.
حور : محدش هيحبك كده. اكيد كل البنات اللي عرفتهم سابوك بسبب كده
مهيب : انا اللي بسيب البنات. بزهق منهم.
حور : انت تجيب جلطه ثلاثيه للي تدخل معاك في غلاقه حب
رد ببرود : عادي
حور : عادي عادي . مفيش كل تاني
رد بنفس البرود : وانتي مالك
لتصرخ منه : عاااا. هتشلني
ضحك عليها : غيري الزفت اللي انتي لابساه ده . واحسنلك متخرجيش بيه عشان بابا مش بعيد يحبسك هنا عاقبا ليكي
حور: اوك. طيب انت موافق علي اتفقنا
اه موافق انتي محتاجه مساعده. حالتك مزريه
حور: انت اللي مزريه يا مهيب
. مهيب: عيب. حد يثول للمستر اسمه كده. قوليلي يا مهيب باشا
. حور : يا سلام علي الغرور
مهيب : بت انتي جبتيلي صداع. غيري واغسلي وشك وبلاش تحطي من الهباب ده تاني. اعمليلي قهوه
.
حور : وده من ايه بقي ان شاء الله
مهيب: منك
. حور : اعملك ليه. وانا مالي
. مهيب بتمثيل : بجد عندي صداع ومحتاج قهوه .
حور ببراءه ،: لا. الف سلامه عليك. هعملك حاضر
مهيب : مفيش فايده صدقتي بسرعه ازاي
حور بحزن : علشان انا واثقه فيك بتضحك عليا
. ابتسم مهيب : انا عندك ثقتك فيا. انا بس بهزر معاكي .
حور: ماشي . اخرج بقي هغير واعملك احلي قهوه
مهيب : ماشي هستناكي
قبل ما يفتح الباب كانت شويكار تركض بعيدا فهي كانت تسمعهم. لتدخل غرفتها وهي تبتسم
يحي : بتجري كده ليه
شويكار : شكل الجبل ابتدا يتحرك
يحي : جبل ايه
شويكار: ابنك . كان في اوضه حور
يحي بغضب : ابن ال*##
شويكار' : عيب يا يحي كده. مش تشتم. ده الولد كان بيتكلم معاها وبيقولها اسمعي كلام بابا عشان خايف عليكي
يحي : وقال ايه تاني
حكت شويكار
وفي هذا الوقت كان ييحي يجلس في الفرندا. وهو ينظر للبحر
لتقترب حور وتضع القهوه امامه : القهوه يا مهيب
مهيب: شكرا يا حور
.
حور: العفو
....... .... .
تفتكرو مهيب اتحرك فعلا من جواه وله بيعتبر حور كصديقه وبس ؟؟
يتبع