تبـــــــاً ..
لذلك الوجــع الذي يغيرنـــا ولا يتغيــــر ...
البارت ح يكون طويل 💜✨...
______________________________________🦋
حنان بابتسامة:خلاص يا بتي جمعنا ادلة برائة ابوك وح يطلع بإذن الله 😊.
نور بفرحة:أن شاء الله يا مدام أن شاء الله.
حنان:تاني يا نور مش قلنا بلاش مدام دي.
نور ضحكت:آسفة يا خالتو....اممممم خالتو..
حنان:ايوة حبيبتي في شنو؟!!
نور:بخصوص القروش انـ.........................
حنان قاطعتها بعتاب:عيييب يا نور والله عيب عليك انا بزعل منك 😔.
نور:لالا يا خالتو خيرك سابق...بس ما بقدر..................................
حنان قاطعتها تاتي:نوووور انا قلت شنو 😒.
نور:خلاص اوكي بس بالجد ما عارفة اشكرك كيف وقفتك معاي عمري ما ح انساها بالجد شكراً شدييييييييد يا خالتو حنان 💙.
حنان:لا حبيبتي دا الواجب واشكريني لمن تترمي في حضن ابوك بكل فرحة.....بعدها كملت بحزن:وانا عندي بتي قدرك او بتكون اصغر منك بسنة وانا يشهد الله بعتبرك زيها واحد.
نور سكتت وهي حزنانة عليها شافتها قدر شنو هي مشتاقة لتارا في بالها تقول ليها بس تارا حلفتها ما تكلمها...كم مرة لقتها فاتحة صورتها في التلفون ودموعها نازلة منها...نفسها تقول ليها بس تارا ح تزعل منها...
____________________________________🦋
آسر كان قاعد في الكنبة وهو ماسك راسو وبيتنفس بسرعة....تارا كانت مصدومة من الحصل دا...قطع صمتهم دا صوت جاغوار وهو بمسح راسو برجل آسر...آسر شالو وقعدو جمبو وبقا بمسح يدو في راس جاغوار...
تارا:آســ...........................
للمرة الرابعة آسر طنشها ودخل غرفتو وهو شايل حيوانو...بلعت ريقها وكورت يدها بغضب...قعدت في الكنبة وهي بتهز رجلها بتوتر...قعدت زي عشرة دقايق كدا وبعدها الموضوع حرقها يعني ما ممكن معاهو بس عشان الموضوع داك هو ما بتكلم معاها وبطنشها كدا...
وقفت على حيلها ومشت ليهو في الغرفة..دخلت بدون ما تدق الباب..لقتو راقد في السرير وجاغوار راقد جنبو...كان بحضر في التلفزيون لمن جات عاين ليها بطرف عينو ورجع ببصرو للتلفزيون...
تارا عاينت ليهو وقالت:انت لازم تسمعني.
آسر:……………………………………………….
تارا:آسر انا بتكلم معاك.
آسر:……………………………………………….
تارا بصراخ:آآآآآآآآسسسسسسسررررررر 🔊🔊🔊🔊🔊🔊.
عاين ليها ببرود وقال ليها:انتي معاي انا؟!!
تارا فتحت عيونها بصدمة وقالت ليهو:لا مع السرير الراقد فيهو 😡😡.
آسر:اها سوري قاطعتكم 😊.
تارا دي قربت تموت (شفتيها حارة كيف 😏😏 والله حاجة حلوة لمن تتسدى حقك 😂😂❤️)...عضت على شفتها بقهر وخنقتها العبرة وقالت ليهو:آسر انت ليه بتعاملني كدا 😢.
آسر وعينو لسة في التلفزيون:بعاملك كيف؟!
تارا بنفس الصوت المخنوق:ليه بتعاملني بإستحقار كدا 😢.
آسر ضحك بصدمة:انا بعاملك بإستحقار 😳 ههههه غايتو دنيا والله.
تارا:آسر بليز ما تعاملني كدا انا عملت شنو 😢.
آسر في لمح البصر كان واقف قدامها ومقرب منها لدرجة انها كانت لازقة في الحيطة وهو شوية ويلزق فيها...همس ليها:ما عملتي شي يا تارا ما عملتي اي شي.
تارا بنفس همسو:طيب ليه بتعمل لي كدا 😢.
آسر همس بضحك:هههه ودايراني اعاملك كيف...انا ما عايش حياة زي الناس...لا محسوب مع المتزوجين ولا مع العذابين...حيرتيني زاتو ما قادر اخد راحتي رغم انك مرتي وحلالي بس في كل كلمة وكل تصرف انا لازم اعمل حسابي...تفتكري واحد غيري كان ح يستحمل حركاتك دي ويسكت ليك؟!!
تارا:بس انت عارف الظروف الاتزوجـ................
قاطعها وهو بقرب منها زيادة وضرب الحيطة الوراها بيدو:الظروف؟!!الظروف دي الشماعة اللي الناس بتركب فيها مصايبها وغلطاتها...وبعدين مهما كان نحنا بعد دا متزوجين..وما ح نقدر نغير الواقع دا.
تارا:بس انت...
آسر:بس انا شنو اتكلمي...انتي مفتكرة انو أنا الرسلت الصور والحاجات دي..هه لو كنت دا انا مستحيل كان اخليك على راحتك الوقت دا كلو واسكت ليك.
تارا:انا انا...
قرب منها لدرجة انفاسو اختلطت بأنفساها وهمس:انتي شنو يا تارا...كملي انتي شنو.
كانت متوترة ومرتبكة شديييد من قربو همست ليهو:انت ابعد شوية عشان اقدر اتكلم 😿.
قرب لدرجة شدييييييدة وقال ليها:اذا ابيت؟؟!
تارا ضعفت وكانت ح تستسلم ليهو بس قاطعهم صوت جاغوار الله ياخدو 😑...آسر بعد منها وهو بمسح في شعرو بارتباك...تارا مسحت وشها بيدها وصلحت بلوزتها بارتباك واحراج ما قدرت تعاين لآسر وطوالي طلعت من غرفتو ومشت غرفتها...
_____________________________________🦋
مر باقي اليوم عادي...واليوم التاني...
زي العصر كدا سمعت صوت الباب فتح...طلعت برا وكان آسر طالع...مشت المطبخ وانتظرت نور لغاية ما جات طالعة من الحمام وسألتها:آسر ماشي وين؟!!
نور:قال لي ماشي المسبح.
تارا باستنكار:مسبح في البرد دا؟؟!!!!
نور:والله نفس سؤالي بس قال ما بتحصل ليهو حاجة.
تارا وهي بتدعى اللا مبالاة:بجازو.
نور بخبث:من قلبك؟!
تارا:شنو.
نور:خلاص ولا شئ..انا زهجانة.
تارا:ما اكتر مني والله...ارح البلكونة.
طلعوا البلكونة وقعدو في المرجيحة...تارا قالت ليها:امممم شال الحيوان حقو دا معاهو؟!!
نور:اي كان ماشي جنبو..ما شفتيهو؟!
تارا:ما لاحظت ليهو...اها اخبار ابوك شنو؟!!
نور بابتسامة:كويس وقرب يطلع..والله من غيركم انا ما عارفة كنت ح اعمل شنو ❤️.
تارا:بزعل منك انا وبعدين عادي انتي زي اختي او اقول ليك اختي عديل 😂😂💙.
نور ابتسمت:هههه تسلمي لي يا قلبي انتي.
تارا بتوتر:اممممممم هي كيفها كويسة؟
نور ابتسمت ليها:ماشي حالها بتحاول تبين قوية بس هي مشتاااااقة ليك شدييييد على فكرة وكل مرة بتجيب لي سيرتك.
تارا نزلت راسها بحزن:حتى انا مشتاقة ليها والله.
نور:طيب اتكلمي معاها.
تارا بسرعة:لالا مستحيل.
نور:انتي ليه ما دايرة تتكلمي معاها.
تارا نزلت راسها:هي ما سألت عني طول الشهرين ديل اكيد ارتاحت مني.
نور بشوية عصبية:تارا انتي هبلة...اقول ليك كل يووووم كل يووووم امك دي انا بلقاها شايلة صورتك وبتبكي كل مرة هي بتتذكرك لي وتقولي لي ما سألت منك وما دايراك انتي هبلة 😾.
تارا:نور خليني براحتي.
نور:اوكي خليك براحتك.
قعدوا اتونسوا مسافة وبعدها نور استأذنت ومشت...المهم تارا دخلت غرفتها وبقت قاعدة منتظرة آسر ولغاية الليل هو ما جا وغفت اثناء ما هي منتظراهو...
_____________________________________🦋
تارا صحت الصباح
طلعت ما لقت اي حس ضربت لنور ونور قالت انها ما ح تجي لأنو الليلة الجلسة الاولى لمحاكمة ابوها...قالت ليها انها بتجي بس نور قالت لها ماف داعي لانو امها اكيد ح تكون هناك...
قعدت لحدي الضهر كدا آسر ما طلع من غرفتو قلقت عليهو شوية لانو ما كان عندو حس من الصباح...دخلت غرفتو وهاجمتها برودة الغرفة...ضمت كتفينها عشان تدفي نفسها شوية...الغرفة كانت ضلااااام شديد..بقت بتهبش في الحيطة لغاية ما لقت زر الانارة فتحتو وولع نور اصفر خفييييف بس احسن من الظلام...عاينت ليهو وكان راقد في السرير ومتغطي وما باين منو شي غير شعرو...مشت عليهو وحاولت تصحيهو بس ما قدرت هبشت راسو وكان مسخخخخن ومعرق شديد...مشت قفلت المكيف وحاولت تقومو عشان يصحصح وياخد ليهو شاور عشان حرارتو كانت ما طبيعية...بس هو كان ثقيل عليها وما كان قادر يفتح عيونو حتى....
بقت تفكر وتفكر في النهاية قالت:اممم ما ح اقدر اوديهو الحمام مافي حل غير اني اجيب ليهو الحمام هنا.
مشت جابت ليها جردل كبيت فيهو موية وختت فيها مكعبات تلج عشان تبرد شوية وبعدها جابت ليها قطعة وختتها في الموية...حاولت تقومو عشان تطلع ليهو البلوفر اللابسو...
تارا:اوووف آسر قوم شوية خليني اطلع البلوفر...آسر ااااه.
بعد جهد جهيد قدرت تطلع ليهو البلوفر اللابسو...غمشت عيونها باحراج وخجل لمن شافت عضلاتو...همست في نفسها:اوووف دا م وقتك الولد ح يموت..
شالت القطعة وبدت تمشيها في صدرو وبطنو ورقبتو وبعدها جابت واحدة تانية صغيرة ختتها ليهو في جبهتو...كان بهذي بكلام نصو فهمتو ونصو ما فهمتو...بعد ساعة حست بانفاسو انتظمت معناها نام....غمضت عيونها بتعب وغفت هي التانية...
الساعة ٧ مساء...
آسر فتح عيونو بتعب حس بحاجة في راسو مد يدو وشال القطعة الكانت في راسو...جا عشان يقوم بس حس بحاجة في كتفو...عاين ليها وكانت تارا نايمة بعمق في كتفو...استغرب وبعدها ابتسم وهمس:ههه شكلي كنت عيان وهي مارضتني سبحان الله.
عاين لنفسو بصدمة لمن لقى صدرو عاري...وجه نظرو ليها وهو لسة مصدوم...بعدها ابتسم وقال:ههههه وبعدها تجي تقول لي قليل ادب.
سرح في معالم وجهها البريئة والملائكية...كانت ملاك وهي نايمة...ابتسم بخبث وهو بقرب منها:ههههه ما بضر اذا استغليتها شوية وهي نايمة..
قرب وجهه ليها وركز على شفايفها وطبع فيها قبلة طويلة...بعدها مرر شفتو لخدها وعمل نفس الشئ...وهي نايمة ما حاسة بالدنيا...عاين لرقبتها البيضاء...نزل وجهه لرقبتها...بعد مسافة رفع راسو وهو بعاين ليها...ابتسم كانت نايمة بعمق...
نزل من السرير بعد ما لبس البلوفر بتاعو وشال الجردل وداهو الحمام ولما باقي الحاجات...وشال جاغوار ونزل السوبر ماركت يجيب شوية حاجات..
في الاثناء دي تارا صحت واستغربت انها في غرفة آسر واستغرابها زاد لمن شافتو مافي...مشت غرفتها اخدت شاور وغيرت ملابسها لاحظت للعلامة الحمرا الفي رقبتها...مشت يدها فيها باستغراب...بعدها همست بضجر:اوووف كلو من الاولاد وغرفهم يا ريت دي ما تكون حشرة بتمص الدم بس 😿. (ما تشتغلوا بيها معاقة 🤦)..
طلعت برا ولقت آسر جا...عاين ليها وركز على العلامة الفي رقبتها...كانت منتظراهو يقول ليها حاجة بس آمالها تحطمت لمن اتعداها ودخل المطبخ...نزلت راسها بحزن ودمعة وحيدة تسللت لخدها مسحتها لمن آسر مر بعندها وهمس ليها:شكراً ❤️.
ابتسمت في الوقت اللي آسر دخل فيهو غرفتو وقفل الباب...
____________________________________🦋
مر باقي اليوم بدون احداث...مر اسبوع واسبوعين مافي جديد..غير انو تارا بقت تحاول تتحاشى آسر قدر الامكان...لغاية ما جا اليوم داك..
كانت قاعدة مع نور في المطبخ كالعادة وآسر كان في غرفتو كان معاهو بكري...قاعدين مستكينين بس فجأة صوت الجرس العالي والضرب المتواصل في الباب خلعهم كلهم...نور وتارا طلعوا من المطبخ وهم خايفين...آسر وبكري طلعوا من الغرفة وهم مستغربين ومقلقين من صوت الضرب العالي في نفس الوقت...
آسر مشى فتح الباب وقبل ما يفتحوا كويس زاتو جاهو ليك كف لمن اضانو صنت...عاين عشان يشوف الاداهو كف منو...اتفاجئ بأبوهو واقف وعيونو بتطلع نااااار عديل...
بكري كان واقف بعاين ليهو بصدمة...وتارا ونور خاتين يدينهم في خشومهم وبعاينوا بصدمة ودهشة وخوووف..
عاين ليهو وقال ببرود:نعم خير أن شاء الله.
سمير بصراخ:ياااا حيووووان آخر ما اتوصلت ليهو تطرد مرتي من شقتك أنت فاكر نفسك منوووو...عادي نفسك زول مع النااااس جااااوب 😡😡😡😡😡😡😡😡😡😡😡😡.
آسر ببرود:دا بيتي وانا بخلي فيهو العايزو وبطرد العايزو.
سمير:يا وووووسخ...فالح تخلي لي ال&$#٪\#¥€ وتفتح لي الشقة بيت دعارة 😡😡😡😡😡😡😡😡😡😡😡.
آسر:والله افتحها بيت دعارة افتحها مسجد افتحها بار افتحها خلوة ما اظن عندك دخل في الموضوع دا...الشقة ومسجلة بأسمي انا..يعني ما عندك فيني اي دخل.
سمير بعصبية:انا ابوووووك يا كللللب كم مرة اقول ليك كدا.
آسر:وانت ما ابوي كم مرة انا اقول ليك كدا...انت انسان اسمي ارتبط مع اسمو وبس ما اكتر وما اقل...ما بتمثل اي دور في حياتي.
سمير بتهديد:والله يا حيوان حسنت اسلوبك معاي حسنتو ما حسنتو عندي معاك تصرف تاني 😠.
- انت اقدر ومد يدك عليهو ولا اعمل ليهو حاجة 😡😡😡😡.
اتلفتوا لمصدر الصوت...وآسر اتصدم لمن لقى دا جدو...
سمير بصدمة:حضرة السفير 😳😳😳😳...الجابك شنو؟؟؟!
عاين ليهو بنظرة حادة وقال ليهو:ما جيتك انت ولمن اجيك انت اتكلم...وتابع بحنية:انا جيت لولدي والباقي لي من ريحة الغالية بتي.
طبعاً تارا ونور زي الاطرش في الزفة...وبكري دا ساكت ساي ومتابع الوضع بصمت...
سمير:انا آسف ياخ ما قصدت.
جد آسر (احمد):ولا آسف ولا يحزنون....ووجه كلامو لآسر:يلا يا ولد لم حاجاتك انت ومرتك وتعال معاي.
سمير بصدمة:يجي معاك وين 😳؟!!
احمد بحدة:ما اعتقد عندك فيهو دخل صاح ولا لأ!؟!
سمير:انا ابوهو كيف ما عندي فيهو دخل.
احمد وآسر قالوا في نفس الوقت وبسخرية:ابوي/ابوهو؟!!
سمير وجه كلامو لآسر وقال بحدة:اي ابوك.
احمد:اعتقد انو الولد كبير كفاية وانت ما عندك حق فيهو بعد دا لانو +18.
سمير:يا حاج انت مفتكر انو دي امريكا ولا شنو...كيف يعني ما عندي حق فيهو 😾.
احمد طنش سمير وقال لآسر:يلا يا ولد سريع وقفنا السواق كتير...عاين لجهة تارا ونور وقال:منو فيكم مرتو؟!!
نور اشرت على تارا الكانت ساكتة...واحمد عاين ليها بحنية وقال:يلا يا بتي لمي ملابسك سريع...عشان تجو معاي.
تارا عاينت لآسر وهو هز ليها راسو بمعنى اي...احمد ابتسم في داخلو على حركتها وقال في نفسو"هههه شافعة والله"...
تارا دخلت غرفتها بعد ما سحبت معاها نور...وآسر دخل غرفتو وقفل الباب بعد ما دخل بكري...
_______________________________________🦋
غرفة تارا...
نور:حبيبتي يا توتة والله ح افقدك 😿.
تارا:هيييه شنو تفقديني انتي ما ماشة معانا ولا شنو؟؟!!!
نور:لالا طبعاً البوديني معاكم شنو انا.
تارا:لا طبعاً ح تمشي معانا.
نور:تارا خلصي ملابسك دي سريع وقفتو الراجل كتير.
تارا:ما تطنشيني 😠.
نور ضحكت:شايفة بقت عندك عقدة من التطنيش 😂😂😂💔.
تارا:اي والله عمل لي عقدة الله يسامحو 😔.
_____________________________________🦋
غرفة آسر...
آسر وهو برتب في ملابسو...بكري قال ليهو:اسي ح تعمل شنو؟!!
آسر:هههه كيف يعني ح اعمل شنو ح امشي معاهو طبعاً انت عارف طبعو...خصوصاً انو زهجان.
بكري:ههههه اكيييد هو في زول بقدر يرفض لحضرة السفير طلب وهو زهجان.
آسر ضحك وسكت وبقا يرتب في شنطتو بس فجأة بكري ضحك تاني وبصوت عالي شديييد...لمن بقا ما قادر يتنفس من الضحك...
آسر:في شنو مالك هههه.
بكري كان بحاول يتنفس من كترة الضحك...آسر ابتسم من ضحك صحبو:بتضحك مالك ههه.
بكري:ههههههههههههههه بتتذكر هههههه لمــ ههههههه لمن ولد هههههههه لمن ولد خالك ما ههههههههههههههه ما سمع كلامـــ ههههههه كلامو ههههههههه.
آسر فطس ضحك لمن اتذكر الموقف وبقا بضحك وهو ماسك بطنو...وبكري لمن عيونو دمعت...اثناء ما هم داخلين في نوبة الضحك دي جد آسر جاهم ليك في الغرفة وقال بصوت حازم:وقفو ضحك منك ليه.
بكري كان بحاول يسكت بس آسر كان ما قادر يوقف ضحك...ولمن بكري يشوفو يضحك بلقى نفسو بضحك لا ارادياً....جد آسر ابتسم من ضحكهم المفرط وقال بهمس ربنا يحفظكم ودايماً تكون الضحكة في وشوشكم.....علا صوتو شوية:يلا خلاص كفاية خلصوا باقي حاجاتكم...وانت يا آسر مرتك قبيييل خلصت باقي انت بس يلا سريع.
طلع وآسر وبكري خلصوا باقي الحاجات وهم بضحكوا...طلعوا برا ولقو ابو سسر مافيش وتارا واقفة منتظراهم...حتى نور كانت مافي...نزلوا تحت وتارا وآسر ركبوا مع بعض...والجد مع السواق...وبكري ودع صحبو ومشى....
_________________________________🦋
# لها بقيـــة...