هنالك اشخاص كالنجــــوم ..
حتى بعد فنائـــهم يظل نورهم يصل الينا ...
_________________________________🦋
# بعد _ ستة _ سنوات ..
- ميييروووو بيييكووو يلا تعالوا هنا سريييع.
بيكو:نو مامي انا ما دايل آخد ساور 😭.
ميرو:مامي الwatel (هي water بس لغة الاطفال 😂💔) بااالدة.
رفعت اصبعها بتهديد وقالت ليهم:ميرو بيكو اقسم بالله بعد لغاية عشرة اذا ما جيتو ما ح اخليكم.
ميرو وبيكو:نوووووو مامي.
جرو وهي جرت وراهم...حسوا بانهم اصتدموا بجسم صلب...رفعوا رأسهم وكان ابوهم..
بيكو:دااادي سوف مامي سريرة دايلة تضلبنا (ماما شريرة دايرة تضربنا).
شال اي واحد فيهم بجهة وقال ليهم:انتو عملتو ليها شنو؟!
بيكو هز راسو ببرائة:انا ما عملت ليها سي.
ميرو:هي دالت لينا تعالوا اخدوا ساور بس الموية بااالدة وانت دلت لينا الموية البالدة ما كويثة ثاح. (الموية باردة وانت قلت لينا الموية الباردة ما كويسة)
ضحك على لغة اولادو الركيكة وقال ليهم:ايوة صاح.
قاطعتو امهم وهي بتقول ليهم بغضب:نزلهم لي سريييع.
حضنوا ابوهم وهو ضحك وقال ليها:مُزتي مالك مع الاولاد ديل عاملة ليهم رعب كدا.
ردت بزهج:ياخ كرهوووني ياخي ما دايرين يستحموا.
قال ليهم يا حلوين اذا استحميتوا انا ح اوديكم المول.
ميرو:بالذد. (بالجد)
هز راسو وقال ليهم:انا حصل كذبت عليكم.
بيكو ببرائة:ايوة تتيييييير. (كتييير)
ضحكت على وش راجلها المصدوم من ردة فعل ولدو وقالت ليهو:معليش my man تكبر تنسى.
نزلهم وقال ليهم:يلا امشو استحموا عشان نطلع المول.
نزلوا منو وهم بصرخوا بفرحة وامهم وراهم وهي بتحذرهم من الصوت العالي..
رفع راسو للسماء وقال:ااااه يا بكري ربنا يرحمك ويغفر ليك.
{ مرت ست سنوات ولا زلت اتخيل أن وفاتك كانت حلم وانك على قيد الحياة ... اتذكرك فابتسم مرة وأبكي الف مرة ... تفاصيل وجههك ، ضحكاتك ، ايامك ، اقوالك ، افعالك ، خفة الوقت معك ، توسدت التراب وقلبي معك ، اخي سأظل احاورك بالدعاء لأرسم ابتسامتك وانت في السماء ... ااه ليتك كنت خالداً او أن قدرك في الحياة دام لمدة اطول اشتقت لك بشكل لا يوصف ... نفس الالم الذي كان بحنجرتي وقت موتك لا زال يؤلمني الا الآن ... رحمك الله يا من اوجعني فراقه ... اللهم ارحمه واغفر له واسكنه فسيح جناتك واجمعني به في الفردوس الاعلى يا رب 💙 }
_________________________________🦋
- حبيبي يا ناس فووودي حبيب قلبي.
- ما ملاحظة انك بتحبي فهد اكتر من ابو فهد؟!
ضحكت وهي بتقول ليهو:اعمل شنو يا ناس اذا كان فهد احلى من ابو فهد.
- اسي ولد الفعصون دا احلى مني؟!!
- ايوووة احلى بكتيييير بكتيييير شدييد في عيني.
- لالا تمام يا مرتي تمام شديد.
قامت وباستو في خدو وقالت ليهو:حبيبي زعلت انت ولا شنو؟!
- اي يلا راضيني.
ضحكت وهي بتقرص في خدو...عشان تبعد صورة بكري من ذهنها...
{ رحلت وتركتني مع آلام تكفيني لآخر العمر ... ظننت انني سأكمل حياتي بدونك لكنني لا اجد الا دموعي وآهاتي ... ااه سيبقى الحنين لك متقداً لأنني قفدت جزءاً كبيراً من فؤادي ... رحمك الله 💕 }
_________________________________🦋
- ابو بكر سااامي تعااال هنا سرييع.
- ابييييييييت.
فتحت فمها بصدمة: ابييت يا حيوان تقول لي انا ابيت دا آخر ما اتوصلت ليهو.
- باااباااا تعال شوف مرتك دي.
جا طالع من الغرفة وهو بضحك:,مالك يا مرتي مع ولدي دا.
- شوفو قال لي ابيت.
- خليهو ياخي لسة صغير.
- اي انا لسة صغير.
قالت بغضب:صغير شنو عمرو خمسة سنين انت بتخربو بدلعك دا يت سامي.
بكري:انت يا ماما بتغيري ما اكتر.
نططت عيونها بصدمة وسامي قعد يضحك على ولدو ولسانو الطويل...
{ ااه يا اخي ليتك ترى ابن اختك ... وهو يشبهك في التصرفات والشكل ... فضولي ، مشاكس ، مستفز ، ولا يرضى بالظلم تلك صفات ابو بكر ابني نفس صفاتك ... هذا هو الشخص الذي كنت تتحرق شوقاً لرؤيته قد بلغ الآن عامه الخامس ... كم هو شاق الفراق الابدي ولكن علينا أن نتدرب عليه فهذه سنة الحياة ... رحمك الله يا اخي وجمعني بك في ساعة خير 💜 }
________________________________🦋
ااه عدنا بعد سبع سنين...
بكري انتقل الى رحمه الله 💔 ...
نور اتزوجت حسب وصية بكري ليها...هي اسي ليها سنتين متزوجة وعندها ولد واحد اسمو فهد وعمرو كم شهر يادوب...كتير حاولت تزح بكري من تفكيرها عشان ما تحس انها بتخون محمد راجلها...بس غصباً عنها تلقى نفسها بتفكر فيهو...
جنى اتزوجت سامي وعندها ابو بكر وبشبه بكري في الخلقة والأخلاق...
آسر وتارا عندهم ميرال وابو بكر تؤام عمرهم سنتين...
عبير بعد وفاة بكري مشت تابعت دراستها برا وما جات السودان...
رزان وماهر اتزوجوا حديثاً...
روان ومحمد برضو اتزوجوا وعندهم هَيَا وهمام...
رفاء طبعاً اتشوهت كلهااا...بس تابت وجات اعتذرت لآسر وتارا وسامحوها طبعاً...
امممممم تاني في منو نسيناهو...امممم ايوااا ناس ميرال وفاطمة وديل اتزوجوا وعايشين حياتهم طبيعي...
كلهم عايشين حياتهم طبيعي بس تظل في فجوة وفي فراغ في قلوبهم مهما حاولوا يتناسوهو ح يلقوهو قاعد...فرااغ كبيير من بكري 💔...
___________________________________🦋
# النهايــــة ....
