*بسم الله*
.
.
.
.
.
.
.
.
.
.
جواد::
سطاسيونيت قدام دارهم وبعتلها ميساج تهبط شويا جات وركبت
جواد: صباح الخير
سنيتها ترجع مريبونداتش دورت راسي لقيتها رافدة شنايفها
جواد: وشبيک؟
ميار: معليش متحكيش معايا
جواد: علاه
ميار: تساالنيي متحكيش معايا
هذاک مخص غير فرحة تعيط في وجهي حكمت روحي كي راهي مريضة sinon نفورماطيلها وجها
وصلنا لعند جاسر هبطت وهي مورايا .. لقيت جاسر يسنا فيا برا
روحت خمست معاه.. شفتها تمد في يدها باش تخمس هي مكسرة اصلا تحب نكسرلها ثانية
دنيتها وعاودت خمست في بلاصتها
جاسر: ههه وشبيک مع صباح
جواد: والو
دخل وانا خزرت فيها بخزرة تفهم روحها شويا
جواد: لخطرة لجاية نكسرلک يدک كون تعاوديها
ميار: مدرت والو
جواد: امشيي
دخلنا .. مدت اقوالها سينيات واش يلزم وخرجنا
سبقتني هي لولى وانا موراها لواحد كي يعول يهدر معاها ترفد شنايفها حتى انا خليتها على راحتها
ركبت وديماريت بساكت .. سمعتها تنسف وحدها دورت راسي ليها
جواد: وشبيک
ميار: والو وشبيني زعما؟
جواد: ملي ركبتي ونتي زعفانة خير
ميار: حبس شووف حبس
سطاسيونيت على جنب ودارت بلكور ديالها كامل ليا
ميار: معلبالكش واش درت
جواد: وشنووو مصباااح
ميار: متعيطش على قسامي
طلعت حاجبي فيها ودربتها لفمها بظهر يدي
جواد: عاودييها
حكمت فمها ودارت
ديماريت نوصلها اصلا تقلقت وكون نكمل لهدرة معاها نقتلها واش هاذ تمسخيير
وصلتها قدام دار
جواد: اهبطيي
ميار: نهبط ومنزيدش نجي معاک لحتى پلاصة
خرجت تحري وخبطت لباب .. تنهدت وروحت لدار طلعت لبيتي دوشت وريحت نكالمي في روحي رفدت تيليفون نعيطلها لقيت لالة رماتني فلاليست نوااغ مليييح
خرجت روحت لبيت اسراء لقيتها تتفرج غير شافتني ناضت
اسراء: واش كاين خويا
جواد: نسحق تيليفونک
اسراء: علاه؟
جواد: نهدر مع ميار دقيقة
اسراء: ؤؤک
مدتهولي وانا وليت لبيتي .. عيطتلها شحال من خطرة مترفدش لخرة رفدت وسمعتها تبكي
ميار: واش تسحقي نتي تاني مكفانيش خوک كملي عليا نتي
حكيت لحيتي وضحكت سيلونص
جواد: واش دارلک خوها
ميار: هذااا نتا متحكيش معايا
جواد: تكوبي متلومي غير روحک
سمعتها سكتت وتبكي مفهمتش علاه هذا كامل جواد: علاش راكي تبكي
ميار: رايحة نرقد باي
جيت نهدر كوباات تنهدت ورجعت تيليفون لاسراء.. خرجت حتى لقاتني يما
رحمة: وليدي وصلني في طريقک لعند آسينات
جواد: علاه؟
رحمة: طيبتلها شويا حلوة تشهاتها
هزيتلها براسي ؤؤک و روحت اصلا لازم نهدر مع لموصيبة لي بلاني بيها ربي
انا خرجت سنيتها برا حتى تلبس وجي مجة جات وصلتها وقعدت نخمم كيفاه ندخل ونهدر معاها .. هبطت يما وانا ريحت فطونوبيل
دورت راسي لقيتها فلجنان مريحة وعاطيتني بظهرها.. هبطت وروحت ليها طلعت شعري وحمحمت
ميار: بسم الله
غير دارت وشافتني .. دورت وجها وجات رايحة .. جازت من قدامي زربت رميت يدي وين مسي لپلاط ورجعتها عندي
وقفتها قبالتي وهي هبطت راسها وحكمت يدها لي مكسرة
جواد: علاش كنتي تبكي مقبيل
ميار: ميهمكش فيااا
مسحت وجهي راني بديت نتقلق انا راني نساعف فيها وهي هاک دير
خرجت نفس بلقاوي وكالميت روحي
ميار: وعلاه جيت
جواد: جبت يما لهنا
ميار: تسما مجيتش على جالي .. ؤؤک روووح ومتزيدش جي كامل
والله مبقالي عقل انا... مزدتش هدرة معاها حكمتها من يدها ومشيتها لطونوبيل دخلتها وروحت ركبت ديماريت وهي تهدر
ميار: آآآآييي وشبيييک هبطني منجييش معاک ... قتلک منزيدش نهدر معاااک
سطاسيونيت وتكيت راسي على لكوسانة كي بدا راسي يوجع لثم ديكوفريت بلي غلطت كي جبت قفة حس معايا
جواد: معليش تسكتي نهدرو كي ناس
ميار: ايييه
جواد: وشبيکي زعفانة؟
ميار: معلبالكش زعماا .. منهار خرجت من سبيطار مخممتش حتى جي تسقسي عليا وشنوو جبدت سبة بلخدمة وانا علبالي خدمتک منااال
جواد: واش دخل منال
ميار: اووه واش دخلها مسكينة جبدتها غلااط
جواد: مدخليش منال فالوسط قتلک كنت مع لخدمة على جالک سمانتين مخدمتش
ميار: ؤؤک بدل لهدرة
جواد: مبدلتش وانا مفهمتش منين جيبي هاذ تخمام
دورت راسها وتكات على لكارو .. جبدت قرعة ما شربت ريقي شاح منها
ميار: وصلني لدار
جواد: اسمحيلي
ميار: منسمحش وحتى صباح مننساش واش درت
جواد: هذيک هدرة تقوليها قدامي انا مقلتهاش زيدي عاوديها شوفي
ميار: ساامط
جواد: ايه ؤؤک
ميار: سماح
طلعت شعري وتبسمت .. واقيل راح نتزوج طفلة صغيرة انا اصلا منعرف ايذا قبلت ولا نو
ديماريت وصلتها قدام لباب جات هابطة اومبعد دارت ليا
ميار: متهبطش
جواد: لالا رايح نجيب منال
عاودت دخلت وغلقت لباب .. حكمت ضحكة بسيف كي خزرت فيا مقلقة
ميار: والله متصرا كيفااه هاذي جيبهاا
جواد: روحي روحي راني هابط موراک
ميار: تتمسخر
ضربتني لكتفي وخرجت .. تنهدت وسطاسيونيت طونوبيل
شفتها دخلت وانا موراها لقيناهم فصالون كامل .. خزرت في يما تع نوضي نروحو مي هكا يحصلوني دايمن
آسينات: ريح جواد تفطرو
جواد: لالا نروحو
قاسم: هادي لخطرة لولى لي جي وراک حاب تروح ريح
تنهدت وريحت .. اكره حاجة عندي كي يجتمعو كامل وكل واحد يبدا يهدر
*******************
**منال**
كنت قاعدة في آمان الله حتى عيطولي من نميرو منعرفوش رفدت
منال: وي شكون
هو: انا خو عادل لي باصيتيه
نضت من پلاصتي وقعدت ندور غير فلبيت
منال: مباصيتووش هو ميعرفش يخدم خدمة
هو: ومنبعد؟ راح تخلصيها غالية ونوريلک كيفاه توصلي خويا للحبس
منال: مخلعتنييش
كوبيت وريحت نخمم حتى حنان ضوک راحت وخلاتني حاصلة وحدي اووف
خرجت ملبيت ملقيت حتى واحد آباغ اسراء كي سقسيتها قاتلي راحو لعند آسينات
احسن لوما لواحد يخدم خدمتو .. رفدت تليفوني بعت لهذاگ ميساج باش نتلقاو ونتفاهمو شويا بعتلي لادراس
خرجت نجري حتى لطريق لكبيرة حبست طاكسي ومديتلو لادراس مدة وصلني خلصتو ومشيت .. يعني بانلي هاذ لوزين لي جابني ليه مهجور كي هو يعطيه غماا
لقيت لباب مشقوقة .. غير فتحتها سمعت حاجة طير قلبي قفز ملخلعة
منال: هييييي نتاا وين رااک
شفو مريح فوق وحد لماشينة وداير كاسكيطة ميبانش مي غير طلع راسو حبس قلبي
جيت مولية باش نخرج لقيت زوج رجال فلباب
جاسر: ويين هاربة ريحي لوزين لوزينک
منال: غلطت مكانش لازم نجي لهنا
جاسر: مجوزيهاش عليا مدموزال منال
حكيت يدي متقلاق واش داني راني باصيت روحي وحدي .. قعدت نخمم
جاسر: واش كنتي تسناي عادل مراحش يقول عليک؟
منال: شكون عادل منعرفوش
خبط يدو على لحيط وعيط
جاسر: منيش نلعب معااک .. اتعلمي تكذبي كي ناااس ومكنتش متوقع توصل معاک تقتلي طفلة
بديت نرجع للور باش نهرب مي دارو كامل بياا حكموني زوج نسا من يديا ودارولي ليمينوت
جاسر: نتناقشو فلمركز .. تبعووني
منال: مدخلنييش انا مدررت والووو
بديت نزغد روحي باش يطلقوني مي والو داوني مور لوزين لقيت 3 طونوبيلات
شفت فطونوبيل لولى اسراء متكية عليها ومربعة يديها
دخلوني وانا مزالني غايسة فيها .. تسما كانت تعرف وعلبالها بيا
مدة وصلنا وانا كلمة مقلتها مزالني نخمم واش ندير باش نخرج من هاذ لموصيبة
دخلوني للمركز .. وداوني لوحد لبيت مضلمة غير دخلت قابلني عادل قاعد على لكورسي
ووجهو كامل مضروب .. قعدوني انا تاني وقابلنا جاسر
جاسر: ايهيه يا ثنائي شكون يبدا يهدر
منال: وانا وااش دخلني باش جبتوني لهنا
جاسر: نتي بذاات لي لازم تهدري وانا منحبش نستقوى على مراة ايمالا اهدري خير منتعامل معاک تعامل وحدوخر
عادل: والله هي .. هي عيطتلي وقاتلي على طفلة وبعتتلي تصاور وشفت تيليفوني
منال: كذاااب مجييش تحصل فناس ونتا خاربهاا
جاسر: وهاذي ثاني كذب
طلع يدو وورالي فيديو كي كنت نهدر مع حنان هذاک نهار اووووف مالا حصلة وباينة اسراء الكلبة
جاسر: رااااني نحكيييي معاااک جاااوبيي
************
**جاسر**
Flash back..
كنت قاعد فلبيرو نخدم كي لعادة حتى شفت تيليفوني يصوني رفدت مي معرفتش شكون شويا جاني صوت طفلة
جاسر: شكون معايا
اسراء: انا اسرااء خت جواد
كانت تهدر وترجف قلت كاشما صرا لا قدر الله
جاسر: واااش كايين
اسراء: عرفت شكون بعت باش يقتلو ميار
جاسر: كيييفاااه ... هادي مشي هدرة تع تيليفون ضوک نبعت شكون يجيبک لهنا
اسراء: ؤؤک
شويا جابوها دخلت وريحت مقابلتني ..
جاسر: ايهيه
بدات تحكيلي من كي سمعت واش هدرت وحتى صورتها يعني مزية فدقيقة لخرى خمت فيها وراتلي لفيديو
اسراء: صورت لي نقدر عليه اصلا كنت مشوكيا من واش سمعت منها
جاسر: مكاش مشكل
عيطت لمراد درنا نسخة منو ... وولات لدار
يعني منال يخرج منها هذاا كامل
دخلت عند عادل .. ضربت معاه ساعة باش هدر وقال كلش
Back
خزرت فيها نسنا فيها تهدر وانا مخاصنيش وجع راس منهااا
جاسر: نسناا بزااف
منال: اول حاجة انا كنت مبعوتة باش نريح في دار جواد .. حنان موسى هي لي بعتتني باسكو كانت سلكتني في عملية اغتصاب منها ولات تخدمني
جاسر: حنان موسى؟... مراااد شوفلي شكون
فتح لبيسي وخزرنا فليدوسي وقبل منهدر هدرت
منال: بنت يزيد موسى لي حاب يدمر عائلة رشيد كامل
جاسر: ويييين تعرفيييها
بدات تحكيلي منهار لول .. ونلقاها خبات حاجة متفرااش عليها
جاسر: وعلاه واش عندهم مع رشيد
منال: معلباليش مقاتليش
سمعت ضحک من جيهت عادل .. بزق دم وكمل يضحک
عادل: هههه صحاا منااال معرفتكش هكا
جاسر: بللللععع.. ونتي وين تعرفي هذا
منال: كان يخدم شوفور عند حنان ولثم تعرفت عليه وكانت قاتلي تع حباس
عادل: تهدرو عليا كشفكم ربي هههههه
متقلاق رفدت كورسي ورميتو عليه.. جيت نكمل على جدو حتى حكمني مراد
مراد: وشبييک صحبي اتهدن
جاسر: كمليييي
منال: مكان واش نكمل مي حنان هي لي كانت تهدد فيا
جاسر: ويين راهي
منال: عندها وحد سمانة ملي طلعت لروس
خرجت ملثم طالعلي تقلاق للخر يعني فوق ما ولات تقتل ضوک دخلت حنان بنت يزيد ثاني ولازم نلقاوها
طلعت للبيرو تع جنيرال دخلت بلا منطبطب شافني طلع حاجبو
صهيب: خير جاسر وااش كاين
جاسر: لاازم نعرف ويين راه يزييد موسى لاازم
صهيب: اتهدن ضوک نحكو بلعقل
جاسر: كلللب هارب لرووس ويبعت فنااس لهناا
صهيب: وااش كاين فهمني
بديت نحكيلو واش هدرت منال وكلش واش عرفت
صهيب: وحد 12 ساعة نجيبلک بلاصتهم متخممش
جاسر: ؤؤک لازم نروح انا ضوک
صهيب: ربي معاک
خرجت .. ونخمم كيفاه نقول لجواد علبالي بيه ميعرفش لعربية وكبابل يقتلها
لقيت اسراء قاعدة نسيتها كامل روحت ليها
جاسر: نوضي لازم نديک لدار باش نهدر مع جواد
اسراء: ؤؤک
روحت وهي جات مورايا وصلتها لدار لقيت طونوبيل ديالوو برا عرفتو ولا
دخلت موراها شافتني خالتو رحمة سلمت عليها ودخلتني لصالون دخل جواد يخزر فيا مستغرب
جواد: خير ياک
جاسر: ريح مي كالمي روحک
جواد: اهدر
زدت حكيتلو ملول حتى للخر .. تمتم شفتو ناض وحمار
جواد: وشنوووو كيفااه هاذي
اسراء: كيما قالک انا سمعتها
خالتي رحمة قعدت وحاكمة راسها وجواد رايح جاي
جواد: ويين راهييي ليووم متفراش عليييها
جاسر: مجيتش نقولک باش تروح تباصي روحک بيها
جواد: قرييب قتلت طفلة وتقولي هكااا نباصي على جالها ليووم
خرج وانا تبعتو .. وصلت لعندو
جاسر: ؤؤک .. تبعني
خرج نفس وركب .. ركبت فطونوبيل ديالي ووصلنا للمركز
دخلت انا وين كانو وهو دخل مورايا غير شافتو شعلت عينيها
منال: جوا...
قبل متكمل آسمو شفتو ضربها بكف .. تشوكيت مجاست ديالو
جواد: رجعتينا طنوها قدااامک؟؟ مكنتش نسناا منک ديري هكاا .. انا جامي نرفد يدي على مراة مي تستاهلييي هاذي مشي تربيت خالتي صبرينة حشومة عليک
جاسر: جوااد امشي نخرجو
خزر فيا وعاود خزر فيها
جواد: منحبش نزيد نشوف وجهک
خرج وانا معاه ديتو لبيرويا .. ريح وحكم راسو بين يديه
جاسر: خلاص شغلي معاها
******************
**ميار**
شفت يدي لي بلپلاط ونفست بلقاوي مزيااا بقالو نهار ويطير .. دخلت لعندي سلسبيل
ميار: وااش
سلسبيل: اسمعي راهو جا هذاک زل تع هذاک
نهار
ميار: علاه
جات جاوبني وثلني ميساج لقيتو من عند اسراء .. غير قريتو تشوكييت منااال لكلبة متسوااش هي سبة في واش راني
نضت من بلاصتي وهبطت نجري فدروج دخلت لصالون
ميار: صح واش سمعت
مراد: مالوغوزمون وي .. لازم جي
ميار: ؤؤک دقيقة
طلعت لبست جيلي ملفوق برک باسكو بدات طيح نسما باردة ووليت مشيت معايا سلسبيل و آسينات محبيتش جي اصلا لمخلوقة اونسانت وين جي
وصلنا شفت طونوبيل تع جواد mgarya براا عرفتو راهو هنا
طلعني لفوق وين راهم .. دخلت قابلني جاسر مريح وجواد تاني غير سمعو لباب تفتحت خزرو فيا لزوج ناض وجا ليا
جواد: واش جابک
جاسر: انا بعت نجيبها
مراد: انا ني خارج كاش متسحق
جاسر: جيبلي دوسيات لي وصيتک عليهم
خرج وانا ريحت .. خزر فيا جاسر وهدر
جاسر: قاتلي اسراء كنتي شاكة فيها
ميار: اييه وراني متأكدة مشي شاكة مي مكنتش علبالي توصل بيها لهنا
جاسر: واش تعرفي
بديت نحكيلو منهار لول لي شكيت فيها وقتلو على حنان كيفاه تلاقيتها ومام خوها
جاسر: وسمو خوها
ميار: آدم
جواد: ونتييي ويين تعرفيي جدو آآآ فهميني
ميار: كنت قاعدة فلوتال ديالهم
جاسر: وين جااي لازم نوصل لخوها
مديتلو لادراس وين وناض
جاسر: لازم نروح نشوف
خرج وجواد خزر فيا خزرة قريب قتلتني حسيتو كان حاكم روحو بسيف
جواد: تعرفي آدم ياااک
ميار: والله منهدر معاه هو يجي يهدر معايا ودايمن منقيموش
خبط يجو على لبيرو زوج خطرات وناض
خلات عليا
جواد: وعلاااش مجيتيش قلتيلي ملول تسنايها حتى تقتلک
ميار: علبالي متآمنيش
جا ليا وحط يدي وين لكورسي حاصرني وهبط راسو لعندي
جواد: منآمنكش؟؟ كون جيتي وقلتيلي ميصرالک هكااا
ميار: خلاص
دنا وطلع شعرو حكمني من يدي لمليحة ونوضني جينا خارجين حتى دخل راجل يبان شويا كبير
هو: شكون نتوما ووين راه جاسر
جواد: انا صاحبو و..
هو: آآآ خلاص نوغمالمو نتوما تابعين لقضية منال شريف
جواد: ايه
قعدت نخزر فيه .. جاني احساس غريب مفهمتش كيفاه تنهدت .. كملو هدرة وجبدني موراه لقيت سلسبيل مريحة فلكورسي لي برا غير شافتني جات ليا طلقني
جواد: امشو نوصلکم
راح وحنا مشينا موراه .. دورت راسي لقيت هذاک راجل واقف يهدر مع لي لثم .. جبدتني سلسبيل وفيقتني من سرحتي
سلسبيل: واش راكي شوفي
ميار: والو امشيي
ركبت قدامو وسلسبيل ملور .. وصلنا لدار هبطت سلسبيل وانا شفت فيه
ميار: راک مولي؟
جواد: اييه نشوف حكايتها كيفاه و واش نقول ليماها ضوک
ميار: اووف ايذا مريضة غير متقولش هكا وكاشما يصرالها
جواد: اومبعد نشوف .. ضوک نتي اطلعي ومتخمي في والو
ميار: اتهلا في روحک
خرجت ودخلت لدار لقيت سلسبيل حكاتلهم واش صرا كلش طلعت لبيتي نخمم في جدها هاذي هبلت مبقالهاش عقل كامل
*
*
*
*
*
*
*
*
جازو يومين على واش صرا آخر مرة وصراو بزاف حوايج
انا روحت نحيط لپلاط واخيرااا تهنيت منو وعلى حساب واش قالولي بلي جاسر راح لعند آدم يعني لقاو بلاصت حنان .. بلاک آدم يكون خير مختو وفيه لخير حتى وليدها الياس هو لي راهو غايضني فلحكاية هاذي كامل
اما منال بعد غدوة يشارعوها .. وحتى يماها مقالولهاش وحتى جواد من هذاک نهار مزدتش شفتو اصلا راهو مشغول
دوشت ولبست لكاب .. شفت روحي فلمراية لقيت لجرح برا شويا مشي كيما قبل
خرجت لبست حوايجي وهبطت لتحت كليت شويا .. شفت آسينات لقيتها صفرة مسكينة لي تاكلها تتقياها عياها لجوف
روحت لميت لماعن وبعتها لبيتها بسيف راحت وخلاتني نخمل .. عاونتني سلسبيل وطلعنا لفوق ngsro
*******************
**سيرين**
هذاک نهار لي صرات ضربة لزين دين روحنا لعند مرام علجال خطبتها
سي جاسر مزروب مقدرش يصبر قال شهر يسموه مزوجها وزيد جابولي كامل كادوات بمناسبة بلوغي 21 سنة بصحتي
موراها ولينا لدار .. وانا تخمامي كامل عند زينو وكيفاه راه حتى ماني شغول حست بيا
ماني: جميلة بنتيي
جميلة: آنعم يما
ماني: قولي لخالد في طريقو يجيب جو ولياهوغت ندخلو عند وليد خديجة قالک خرج مسبيطار
غير قالت هكاک تقعدت في بلاصتي ونخمم كيفاه نلسقلهم فرودة
جميلة: ضوک نقولو
سيرين: نجي معاكم
ماني: وين جي ريحي
سيرين: هذاک نهار كنت لثم وشافتني خالتو خديجة وتبهديلة ايذا ماروحتش
هبطت نواضرها وخزرت فيا بنص عين
ماني: ايه كيما تحبي
نضت من بلاصتي وروحت لبيتي لبست روبة فيها سبتة درت خيماري وخرجت لقيت بابا جا رفدت عليه لقضيان وديتهم لكوزينة
راحو يلبسو وانا سنيتهم حتى كملو .. وصلنا بابا قدام باب دارهم وراح طبطبنا فتحلنا راس لمشاكل
مصعب: مرحبا بيكم
ماني: وين راهي يماک
مصعب: ضوک نعيطلها .. ادخلو
دخلنا لصالون حتى جات يماه سلمنا عليها
خديجة: وعلاش تشقو في روحكم
جميلة: ياخاه زيارة لمريض لازم نجيبولو
قعدنا وبداو يحكو يحكو شغول جينا ngsro مشي نطلو على زين دين ..رفدت تيليفون نخلط فيه
ماني: حمدلله لي خرجتلو سلامات
خديجة: حمدلله والله مصعب هبلنا نهار كامل مشاكلو
جميلة: مزالو صغير سي نورمال
خديجة: هكذا ولا كثر .. سمحولي ضوک نجي
ماني: متشقييش روحک جينو نطلو عليه ونروحو
خديجة: لالا والله متخرجوش حتى تشربو كاش حاجة آخاه
جميلة: متشقيش روحک والله
خديجة: مفيهاش شقوة كامل
ماني: سيريين نوضي عاونيها
خديجة: خلي طفلة تريح راهي ضيفة عندي
جميلة: خليها تعاونک راهي قاعدة
نضت .. خرجت وانا موراها دخلنا لكوزينة وجدت معاها لقهوة وحليب
خديجة: كملتي قراية
سيرين: بقالي عام ونكمل
خديجة: ربي يوفقک
سيرين: ان شاء الله خالتو
وجدنا سنيوة .. داتها وانا غسلت لماعن ولكاسرونة تع لحليب
غير درت لقيتو داخل للكوزينة لابس غير شورط وعلى جنبو مربوطة بلكومپراس
انا تبانيكيت في بلاصتي حمحم وراح .. وانا جريت غسلت يديا وروحت لصالون
سيرباتلي معاهم نشرب ... وقعدت نشرب كل منغيس نتفكرو .. لواحد باير وهما يكملو على جدو
خديجة:هذاک نهار مزيا كانت بنتي سيرين فلحانوت وغلقاتو
ماني: والله صح مزيا خير متروح خدمت طفل
جميلة: كيفاه راهو
خديجة: ضوک نشوفو ايلا ناض
بلعت ريقي .. علبالي ضوک جيبو لواحد مراهش حاكم روحو كامل اووه
شويا جات وهو مراها مهبط راسو كي خزرت لقيتو لبس تريكو ..ريح شويا بعيد
ماني: كيفاه راک وليدي بدا يبرا لجرح
زين دين: حمدلله
جميلة: ربي يجيب شفا ان شاء الله
زين دين: ان شاء الله
ماني: حمدلله خرجت على خير
زين دين: قدر الله ما شاء فعل
سكتو كامل .. حتى ناض قال بصحتكم وخرج انا كي شفتو راهو لباس رتاح قلبي
زدنا شويا ونضنا .. ولينا لدار .. بدلت حوايجي وخرجت للبالكون نكونيكتي بديت نحكيلها لمرام واش صرا
******************
**جواد**
جازو ليمات حتى وصل نهار تع لمحكمة روحت غير انا وجاسر وباينة اسراء باش تشهد اما ميار جابها قاسم
جوزنا سوايع لداخل وظهر كلش لحد الآن منيش قادر نآمن بلي منال دارت هذا كامل وصلت اسراء لدار وانا روحت للخدمة
دخلت لشريكة لقيت اكرم حاكم لي دوسي غير شافني جا ليا
اكرم: واش خو كيفاه جازت
جواد: والوو تثبتو تهم عليها وقالو بلي راح جوز 7 سنين حبس
اكرم: لا حول ولا قوة الا بالله وين وصلناا
جواد:منقدرش نخبي على يماها لازم تعرف
اكرم: ربي يستر وما يصرالها والو
جواد: ان شاء الله .. كيفاه لخدمة
اكرم: راني معاها وقريب تخلاص دار تع اسماعيل
جواد: ملييح .. نروح نكمل واش بقا
اكرم: آيا صحا
طلعت لبيرويا .. لقيت دنيا مخربة تنهدت وبديت نخمل جبت فيه نص ساعة وريحت نخدم جاز لوقت بلا منحش كنت نحبس غير نصلي ونولي للخدمة شفت تيليفون لقيتها ل 10 تع ليل حكيت عينيا ونضت
دخلت لدار صبت يما تسنا فيا متتهناش حتى شوفني وليت لدار
رحمة: هذاا ويين
جواد: الله غالب لخدمة واش مسهرک لضوک
رحمة: نروح نرقد ونتا مزال موليتش لدار
جواد: هلاص روحي ترقدي
رحمة: ارواح تتعشى
جواد: ؤؤک
طلعت لبيتي لبست سيرفات وهبطت لكوزينة ريحت ناكول كي كملت نضت
رحمة: وليدي راني قلت لصبرينة على بنتها
**********
- إنتهاء البارت
- رايكم؟؟؟
- الحمدلله لي كملتو بخير وعلى خيير وراهو طويل
- احم اوكي هنيتكم من منال .. صراحتا انا وحدة كرهت شغول سمطت جد بابات لكرو وكامل متحبوهاش ايبان قلت والله نخلعكم ب بارت نحاوزها فييه
- اسراء شطارت كون مشي هي ميفيقوش 😂
وانا محبيتش نطول عليكم بزاف
- شكون لي يتوقعلي دور آدم فلكرو نستعرف بيه
- تفكرت مدولي افكار لقصة ريان ايذا نديرلو رؤيا ولا سيرين
- توقعاتكم للحلقات لجاية وراني بديت احداث تع ميار وباباها
- فوطيولي 😂 و كومنت
- إلى الملتقى....
- أحبكم ♡˙︶˙♡