ما قلت لك قد الغياب اشتقت لك

٤٠

فوق الجروح اللي بقلبي من سنين ..؟ يكفي دخيل الله لا تجرحوني .. مادامكم منتم لجرحي مداوين .. أنسو وجودي بينكم وأتركوني .. وش من عذابي والعنا مستفيدين .. وش مصلحتكم يوم تبكي عيوني .. ؟؟

""""البارت الاربعووون""""

دخل وبيده باااقة ورد كبيره ابتسم وهو بعده يشوفها نايمه نزل الباقة على الكومدينه
وأخذ منها ورده وقرب من حبيبته انحنى وطبع بوسه على خدها وأخذ الورده وبدأ يحركها يمين ويسار على خشمها
فتحت عين وحده وهي عاقده حواجبها ومن شافته واقف قبالها ويحرك الورده على خشمها
وجهها صار احمر وخجلت مسكت يده الي يحرك فيها الورده وناظرت له

توسعت ابتسامة زايد وهو يشوف وجهها وشلون صار وتكلم بصوت كله هياااام :يااااااصبااااح الورد ياااحلى أفناني

جلست أفنان وهي خجلانه حيييل وترجع شعرها ورا اذنها :صباح الخير

ابتسم بهدوء وهو يجلس جنبها :ماودك تقومين
ورفع يده يشوف ساعته :الساعه صارت 11 شوي و يأذن الظهر

نزلت راسها بحيا :نمت ماحسيت والله

ضحك بخفه على خجلها الي واضح من صوتها وملامحها وقام وجاب باقة الورد وحطها بحظنها :وهذا الورد لاااحلى ورده بحياتي

ناظرت للورد ورفعتها واخذت تستنشق ريحة نزلت الباقه وناظرت له بحب :تسلم حبيبي
ناظر لها بحب :الله يسلمك فني

مرت لحظات وهم يتبادلون النظرات الي كلها حب وعشق وهيييام

تذكر زايد الفطور وضحك :هههههه نسيت
الفطور برد على الطاوله يلا قومي حبي عشان نفطر ونمشي للمطار

أفنان بهمس :المطار

ضحك زايد :هههه ايه وش فيك المطار بنروح شهر العسل بباريس

ابتسمت بفرح :من جدك زيود بنروح باريس

زايد وهو يقوم :ايه بنروح باريس يلا ياحبي قومي مابقى إلا ساعتين على الرحله مادريت انك كسوله كذا

نزلت أفنان رأسها بحيا :زيود

ضحك زايد وهو يحط يده على قلبه :اااه يالبى هالصوت وهالبحه ناويه انتي تجلطيني يابنت

أفنان في هاللحظه ودها الأرض تنشق وتبلعها حيييل يخجلها بكلامه رفعت رأسها بسرعه و بخجل :بسم الله عليك من الجلطة زيود طلبتك اذا ماعليك أمر اطلع برا

ابتسم على خجلها الزايد ولف عارف انه زودها معها
:اوكيه قلبي انتظرك بالصاله

وطلع ونظراتها كانت تتبعه وهو يمشي و معطيها ظهره قد ايش تعشق هالطله
تنفست براحه بعد ماطلع وهي تبتسم على وجود هالانسان بحياتها حبه متمكن داخل روحها ماينمحي حتى لو جاه نزاع الارواح حبه مايبي له شرح ووضوح حبه حقيقي دون تمثيل أو تزيف تعشقه عشق ماله مثيل
شالت اللحاف عنها ووقفت متوجهه للحمام بسرعه وهي حدها مستانسه لأنها بتروح باريس ومع حبيبها ياالله تحس من فرحتها ماراح تشيلها الأرض

"""""""""""""""

ضمت يدينها على نفسها ودمعتها على خدها
وهي تمشي بخطوات هاديه إلى أن وقفت قدام إسطبل الخيول وقفت لحظااات وهي تمرر انظارها على الفرس
تذكرت يوم جت هنا وكان الوليد واقف عند فرسه
ابتسمت بحزن والم :ياترى بعده اسمك الدانه ولاحتى اسمك غيره

فكت يدينها عن نفسها وحركت باب الاسطبل
ودخلت

الفرس من شافتها تحركت حركات خفيفه

خافت غلا ورجعت كم خطوه للخلف وبعدها شجعت نفسها وقربت منها زوود مدت يدينها بتردد وصارت تمسح على رأس الفرس

هدت الفرس فجاءه و كأنها ارتاحت لغلا

ابتسمت غلا من شافت الفرس هدت معاها
وبدأت تتكلم
:من زمان كنت اتمنى اشوفك اشوف الفرس الي اسمها على اسمي

ابتسمت بحزن وهي تتذكر يوم سموها هي والوليد وبدت تكلم الفرس وهي تمسح على رأسها
:تدرين ان صاحبك جرحني مع الوقت قصدي ذبحني بس الي واجعني اني بصمت اشتقت له واشتقت له كتم مشاعري ذبحتني حييل

ورجعت دموعها تعلن عن نزولها : انا ذبحني شخص فاقدته وكنت ارتجي قربه لكن من قربت منه تغير حيييل حيييل ظلمني وكذبني
قولي لي ليش تغير حبيبي فارقت عنه وهو شخص حنون ورجعت له وهو شخص قاسي
حب غيري ونساني جرحني
بنسيانه وصده عني
ياليت قلبي عصاني وماعاش على ذكراه

صهلت الفرس كأنها تفهم موعاناة غلا

كملت غلا وهي تمسح دموعها بقوه :لكن يبشر بصدي دانه راح تتتغير وتتبدل يالوليد يكفي عذاب يكفي كبت مشاعر خلاص كل شي انتهى يادانه الوليد القديم لازم يختفي من حياتك

غمضت عيونها بمرارة وهي تذكر وشلون كان يعاملها بحب وتذكر وعوده لها انه ماراح ينساها ولو فرقهم الزمن والحين وبكل بساطة عرفت انه حب وحده غيرها وماتت شعورها جدا قاااسي

صرخت ورفعت يدينها وحطتها على رأسها :والله كذاب كذاب نساني وحب غيري .......
اااااههههي آآآه قلبي يوجعني والله يوجعني حييييل يالوليد

جلست على الأرض بنهيار وبدت تبكي من جديد وتردد: انتي كذابه كذابه يادانه مستحيل تنسينه مستحيييل

قربت الفرس منها ومسحت برأسها على رأس
دانه كأنها تواسيها ودانه زادت شهقاتها ونحيبها
الي فيها ماتتحمله جبال شعورها بالخُذلان مُؤلم لحد الوجع في هالوقت بذات تبي تكون وحيده محتاجه للهدوء والرااااااحه فقط
كان يمشي و يدور لها بالمزرعه عارف انها متضايقه واكيد طلعت تشم شوية هواء توجهه لجهة الاسطبلات وبدأ يسمع صوت بكاها حس قلبه انعصر الم قرب من مصدر الصوت وشاف باب فرسه مفتوح أيقن أنها جوا
دخل ووقف مكانه وهو يشوفها تبكي بأنهيار والفرس قريبه منها يدري انه اخطى بحقها وهو ماهو من الخطأ معصوم لكن قلبه حيييل مكسور عارف ان قلبها طيب و حنون واكيد انها راح تسامحه شد على يده وهو يشوفها بهالمنظر الي حييل اوجعه
تكلم بهدوء :غلا

غلا سمعت صوته سمعت صوت الإنسان الي خذلها سمعت صوته الي سبب لها جرعات قاتله من الألم داخلها رفعت رأسها و وجهها احمر ومليان دموع
ناظرت له وعيونها ترتجي منه أنه يقول لها أناا مصدق انك ماخنتيني ولا راح تخونيني لاني اعرفك زين

قرب الوليد منها وجلس على ركبه قبالها يحس بالذنب تجاااهها مد يدينه لها يبي يسحبها ويضمها يبي يخفف عنها حتى لو كان هو سبب بكاها

لكن وقفته صرختها:لاااااااا تقرب

رجعت شعرها ورا اذانها ووقفت وهي تمسح دموعها وبصوت باكي :لااااتقرب مااابيك تقرب مني كفايه الي فيني منك

وقف الوليد ونظراته لها كلها ندم :غلا

غلا صرخت بألم :لاتقول غلا لا تقول غلا ماااحب هالاسم مااحببببببـــــــــــــه

قرب منها الوليد يبي يهديها خاف عليها من شافها منهاره كذا رفع يدينه يأشر لها :طيب طيب اهدي اهدي

شدت على اسنانها ورفعت يدها وهي تشوفه يقرب منها :الوليد لاتقرب منييي

قرب الوليد منها متجاهل كلامها وهي ترجع بخطواتها للخلف
مد يدينه ومسكها مع كتوفها وبحركه سريعه سحبها لحتى ضربت بصدره ورفع يدينه وحاوطها بقوه وهو يهمس لها :غلا انا اسف فهمت كل شي فهمت أن كل شي كانت مخططته ريم الرسايل وكل شي كله عشان تكرهني فيك وأظن انك خاينه

زادت شهقاتها وهي تحاول تفك نفسها منه
ماتنكر انها محتاجه هالصدر حيييل لكن قربه حيييل يوجعها ردت بصوت باكي :اصلنا انت تكرهني مايحتاج لعبة ريم

الوليد شدها لصدره زود عشان ماتفك نفسها منه :مين قال أني أكرهك

صرخت غلا :انت قلت انت يالوليد بتصرفاتك قلي ليش تغيرت وتبدلت معادك الوليد الأولي

الوليد أبعدها عنه وهو مازال ماسكها مع كتوفها وصار يناظر بعيونها الي مع الدموع كأنها بحر هايج باامواجه عارف ان هالعيون فيها غموض وأسرار تمام مثل البحر ابتسم بألم وعيونه مثبتها بعيونها :ليش دايما تقولين كذا قولي لي انتي كنتي تعرفين الوليد الأولي

ابتسمت بحزن ودمعتها تحرق خدها وهي تناظر ل عيونه العسليه الناعسه ""تبيني اقولك أعرفه وشلون تبيني اقول ايه يالوليد وانت طويت اسم دانه من حياتك الأفضل اني امحي الماضي دانه والوليد القديم مالهم وجود """

: لا مااعرفه بس حسيت انه شخص غير

ابتسم لها وبعد عنها ورفع يدينه وصار يمسح دموعها بطرف اصبعه الإبهام وبحنان :صحيح كلامك انا كنت شخص ثاني كنت شخص حنون بس اوعدك اني ارجع هذاك الشخص الحنون ومااقسى عليك ابد

بعدت غلا يدينه عنها بقوه وبجفا :ماأبي منك ولا حنان خلي حنانك لك

وطلعت تاركته وراااها

تنهد بااالم ونظراته تلاحقها لحتى طلعت من الاسطبل هو عارف انه جرحها ومستحيل انها تسامحه بهالسرعه
لف للفرس وابتسم بحنين لصاحبة الاسم هذا
وطلع عنها مايبي يرجع يعيد ذكرياته مع دانه
من راحت وهو عايش بهالدنيا تااااايه و وحيد لا له حب ولا له ونيس مايدري ليش دوم الطيب بالدنيا ماله نصيب ليش دوم قلبه يمشي بدربة وحيد

خليتنـي للهم والحـزن والـنـوحx
وأقفيت ماتدري وش اللـي جرالـيx
تركت لي قلب من الهجـر مذبـوحx
شوف الغياب اشلـون أثـر بحالـيx
أبطيت ياخللي وانا منـك مجـروحx
تعال داو الجـرح وارفـق بحالـي
ابطيت ياخلـي وانـا اون وانـوحx
ماغبت لحظه عايـش فـي خيالـيx
إلمين ابي اشكي همي اليـوم وأبـوح
مادام عقبك صارهالكـون خالـيx
تخطي علي دايم وانا اقول مسمـوحx
انت الامل ياشـوق وانـت المنالـيx
انا بدونك صرت جسـم بـلاروحx
ومن عقب شوفك هالعمر ماهنالـيx
وشلون احبك وانت بتقول لـي روحx
ماهو بحـق كـل هـذا جـزالـيx
عقب الغلا كل الغلا ليـه بتـروحx
ويـن الخفوق اللـي بحبـه صفالـيx
عقب المحبة تجزي القلـب بجـروحx
وهدمت قصر كان بالحـب عالـيx
ماعاد لي فـي دنيتـي أي مصلـوحx
وكل البشر صاروا سراب وخيالـيx
ماغيرك احد يسكن القلب والـروحx
صار الحزن في غيبتـك راس مالـيx
ماغيرك احد يااروع النـاس مملـوحx
يشهـد علـي الله مانـي بسالـيx
حبك بقلبي شوف يبني له صـروحx
طـول غيابـك يابعـد كل غـالـيx
ابكي ودمعي فوق الاوجان مسفوحx
حملتنـي ياصـاح فـوق احتمالـيx
بين المآسي والحزن صرت مطـروحx
وانعا زمانن مـن جانبـك مضالـيx
صرحت لك حب من القلب بوضوحx
انا اسيـرك وانـت دالـه وسالـيx
ياما خذ حبـي خرافـات ومـزوح
وانت الذي قلبك من الـود خالـيx
فاض دموعي واصبح السد مفضوحx
بحكم القـدر والله مالـك ولا لـيx
هذا نصيبي وانكتب لي علـى لـوحx
أقاسـي الحرمـان وابقـى لحالـيx

""""""""""""
ألقت نظره أخيرة لنفسها وهي لابسه بنطلون جنز وبلوفر وردي ورافعه شعرها ذيل حصان رفعت يدها تعدل روجها وابتسمت كل الي تمنته صار
رغم الظروف ورغم المشاكل الي مرت فيها هو الوحيد الي وقف معاها بضيقتها تحبه وتعشقه لحد الجنون ابتسمت وهي تذكر مواقفها البايخه الي مع فهد قبل وضحكت من غير شعور

ابتسم وهو واقف وراها :جعله دوم الضحكة حبي

لفت له ووجها صار احمر وهي تناظر له ببنطلونه البني وتيشيرته البيج :من متى وانت واقف هنا

ضحك فهد بخفه :اوووه من زمان وانتي تتبوسمين لنفسك

نزلت راسها بااحراج وش كثر تستحي من هالانسان قرب منها ورفع رأسها وبحنان :يازينك بس
مرر نظراته عليه ورجع تكلم :أروى تدرين انك أجمل مافي قدري

ناظرت له بخجل :ادري

فهد ابتسم على خجلها الواضح وهو يوزع نظراته الهايمه عليها يالله الحكي وياها مايمله والنظر لها يروي عيونه الي افتقدتها يحس انها له وطن تنتمي له وينتمي لها لو ينطق لها بكل لغات العالم احبك
مايساااوي الحب الي يحمله لها بقلبه

بعدت عنه أروى وهي حدها خجلانه من حركاته ونظراته الجريئه :اااا..فهد ..تراني جهزت

انتبه لها فهد وضحك وغمز لها :تصرفين
ابتسمت بخجل :لا بس مو طيارتنا بعد ساعتين
أخاف مايمدينا

فهد :اوكيه يلا حبي ننزل نفطر
وبعدها نمشي للمطار هناك بنلاقي زايد وزوجته

أروى بتسأل:بنسافر سوا

ابتسم فهد :ايه بنسااافر مع بعض

ابتسمت وأخذت عبايتها و لبستها ماكانت تتوقع كل هذا يصير لها تحس انها ب تطير من الفرح
هي وافنان تزوجوا بنفس اليوم وبيسافرون سوا لشهر العسل كل الي تتمناه أن ربي يوفقهم بحياتهم الجديده

""""""""""""""

انتشر خبر زواج زياد بالمزرعه والكل عرف
ومر الوقت بسرعه وجاء وقت رجعتهم من المزرعه زياد سبقهم يبي يوصل قبلهم يأخذ آسيل ويروح بيت أهله
والباقي مشوا بعده كلهم معاد باقي إلا حمد ومنار والوليد وغلا

ركب حمد سيارته وناظر للوليد الي متسند على سيارته و يدخن طلع رأسه من الشباك :الوليد ماودك نمشي

لف له الوليد وعدل وقفته :إلا أنت اسبقني وانا جاي وراك

ومشى متوجه لداخل المزرعه وترك حمد وراه

لف حمد على منار وباستغراب :وش فيه اخوك
أمس وش زينه اليوم احس انه متضايق

تنهدت منار وهي عارفه أن الوليد وغلا بينهم مشاكل :ماادري عنه يلا خلينا نمشي وهم بيلحقونا اكيد

حرك حمد السياره والابتسامه مافارقت وجهه رفع يده وشغل المسجل على اغنيه ولف لمنار وبكل حب :مناري هاذي اهداء لك

ابتسمت منار وهي تسمع الاغنيه الي اهداها حمد لها بكل حب

إلى آخر نفس بيظل غرامك يابعد عمري
ياواحد يلقي دور الكل احبك لين ماأدري

انت روحي عمري كلي انت عشقي شمسي ظلي انت بس انت حبيبي الي حبه يوازي اهلي

كل شي في الدنيا انت لأنك اول حبه عشته
وفيك حظي أيا بخته ماالومه يوم يهلي

انت روحي اااااه عمري كلي

انا بحبك سعيد الحظ وانا المنون في وجودك
يااجمل من مشى هالارض تبي تحاصرني بحدودك

قبل اعرفك عمري طااايش والهواء آخر وهامش
بس من شفتك حبيبي صرت اغني الحب عايش

يادفى عمري وسروي ياالي مستحوذ شعوري
انت في الدنيا ضروري غيرك انت انا من لي

انت روحي ااااه عمري كلي

""""""""""""""

نزل السيجاره من فمه وطفاها ووقف قبال الباب لحظاات قبل لايدخل تنهد بتعب ما يدري ليش حظه بهالدنيا بلييد الحمل الي يحمله فوق طاقته اااه ما حد يدري بالمه الي بقلبه
يبي يعيش حياة هادية يبي ينسى كل الماضي الماضي الي إلى الحين يوجعه الحنين لدانه يقتله وكااانها سهاام مثبته بوسط قلبه كل مايبي يزيحها ترفض انها تتحرك غيبتها اوجعته
حيييل من بعد روحتها والهم طاااويه أيام راااحت واثرها باااقي فيه وعارف ومتاكد ان مالها رجوع لكن وش يسوي بقلبه الي يحن للماضي من سنينه
كااافح قدر مايقدر واوهم نفسه أنه يبي يفتح صفحه جديدة مع غلا لكن قلبه مازالت مستوطنته انسانه وحدة وهي دانه دانه وبس

انتبه لنفسه وابتسم لاافكاره الي مو راضيه تتركه حرك مقبض الباب ودخل بهدوء عكس الي بقلبه قفل الباب ولف يدورها بعيونه إلى أن استقرت عينه على الانسانه الي اذاها كثير وغلط بحقها كثير
تقدم منها خطوات ووقف قبالها وهي جالسه على الكنبه وواضح انها ماأنتبهت له وحاطه يدها على خدها

من شافها حاطه يدها على خدها عرف أن خدها يوجعها لأنه كان واضح لونه أزرق على بنفسجي وكأنه كدمه مو كف الي جاها لام نفسه زود وتكلم بنبره كلها حنان :يوجعك

سمعت صوته والنبره الي يحكي فيها رفعت رأسها له وماردت عليه

ابتسم بهدوء وجلس جنبها وتكلم بمزح يبي يلطف الجو شوي :انتبهي لا تدعين علي هذيك المره قلتي الله يجعل يدك الكسر وانكسرت
اخاف هالمره تدعين علي واتكسر كلي

لفت له غلا وناظرت له بنظرات ماقدر يفسرها ابد

تجاهل نظراتها ودخل يده بجيبه وطلع مرهم للكدمات ومده لها :حطي هذا على خدك وان شاء الله يخف

شافته ماد لها المرهم و يبيها تاخذه منه ابتسمت باستهزاء:من متى مهتم الأخ
ودفت يده عنها بقوه حتى طاح المرهم من يده :خليه لك مااابيه

الوليد استغرب تصرفها وعرف انها بعدها زعلانه وبقوه رفع حاجبه و هز كتوفه يبي يوضح لها أنها ماتهمه ووقف ورد ببرود و نبرة حاده :اوكيه ماتبينه ب كيفك ايه وعلى فكره انا مو أخوك انا زوجك احترمي نفسك وقومي البسي عبايتك تاخرنا الكل مشوا

وقفت غلا متجاهله كلامه وماردت عليه رفعت عبايتها الي بحظنها ولبستها بسرعه وبهدوء
:هذاني جاهزه

مارد عليها الوليد ومشى متوجه لسيارته وهي لحقته بهدوء ركبت مكانها وهو ركب وحرك السياره وهم ملتزمين الصمت

"""""""""""""

وصلوا المطار العرسان وسلموا على بعض
وجلسوا كلهم بصالة الانتظار إلى ان يحين وقت الرحله
أروى وافنان كانوا جالسين مع بعض
وكل وحده تحكي ل الثانيه وش صار معها وكانت فرحتهم لاتوصف
وفهد وزايد جالسين مع بعض
السعاده تملي وجيههم والكل راضي عن حياااته لحظااات وسمعوا الإعلان عن رحلتهم
توجهوا ل الطيارة
وكل واحد ماسك يد زوجته
وركبوا الطيارة وبعد ساعه أقلعت طائرة ابطالي
لباااريس بلاد العشاااق

""""""""""""""""""

وقف حمد عند محطه وعبى بنزين ولف لمنار
:تبين شي ياقلبي من السوبر ماركت

ابتسمت منار :ايه ابي كندر وبيبسي

حمد :ياهذا البيبسي الي مايمر يوم الأ وانتي شاربه كم علبه اخاف يضرك منوره خليني أخذ لك شي غيره

منار ضحكت بخفه :ههههه وش اسوي أحبه
لا لا تجيب لي إلا بيبسي

ابتسم حمد :امري لله ابشري ياقلبي

نزل حمد وأخذ لهم أغراض ورجع بكيس مليان فيه كل شي مده لمنار

ومن شافته منار ضحكت :حمودي هذا كله لي قلت لك بس كندر وبيبسي

ابتسم حمد وهو يركب السياره :جبت كل شي قبالي
ضحكت :تسلم حمودي
حمد :الله يسلمك

حرك السياره وعدل المرايه
:غريبه الوليد باقي مالحقنا

منار وهي تاخذ لها كندر وتفتحه :ماأدري عنه

حمد انتبه لواحد يعطيه إشارة تحدي وبدأ يزيد من سرعة سيارته وتعدا السياره الي قدامه
وضحك:هههه مايدري مع مين يبي يتسابق

مرت السياره من جنبه وسبقته
وحمد زاد من سرعته

منار خافت من شافت الوضع فيه سباق :حموودي حبيبي خفف السرعه خليه يولي

حمد ضحك :هههههههه ماكنت ادري انك تخافين من السرعه

منار بقلق:حموودي بليز ماأحب السرعه
ياما أخذت ناس تكفى هدي

حمد :مدامك مع حمودك أن شاء الله مايسير شي ياقلبي لازم اسبقه

منار ابتسمت بخوف وسكتت شوي وبعدها تكلمت: .....حمد
حمد وهو يناظر للطريق :لبيييييه
منار :منهو فينا ياحمد اكثر يموت بصاحبه

التفت لها حمد وابتسم حتى بانت غمازاته
وتكلم بصوته العذاب
:ماتدرين مين أكثر اكيد انا يا مناااار
إنـــتي الـذي بالقلــب سكنـــــاك
وإنــتي تــرى أحلامــي وطموحــي
مـاشفــــت أنا مــثلك وشــــــرواك
ولاشــــفت أنـا مثــــلك سموحـــي
وأبيـــك تعـــرفي شــي عـن غلاكx
وأرجــــوك بســــري لاتبوحـــــي
أحبك
وأحبـــك حيـــل وأفــــداك
وأرخص لك الغالـــي وروحـــي

ضحكت منار بدلع :صح لسانك

والتفت للجهة الطريق .............

"""""""""""""""

قامت من النوم تحس انها نشيطة اليوم
لبست بنطلون ابيض وبلوزه سماويه ورفعت شعرها كعكه وبعض الخصل طايحه وبخت من عطرها ناظرت لوجهها كان شاحب حييل أخذت لها كريم ودهنت وجهها وحطت لها كحل خفيف وقلوس شفاف
ابتسمت وهي تحاول تخفي احزانها
ونزلت تبي تفرح أمها لأنها حاسه أن أمها متضايقه من ضيقتها مالقتها بالصاله عرفت انها بالمطبخ دخلت المطبخ

ومن شافتها أم عبد العزيز تهلل وجهها :مساء الخير يابنتي

ابتسمت ملاك وهي تقرب من امها وتبوس رأسها :مساء النور يالغاليه

ناظرت لها أمها :هاه يمه وشلونك اليوم
أن شاء الله بخير

ابتسمت ملاك بهدوء :الحمدلله يمه اليوم احسن

ام عبد العزيز :الحمدلله يمه يلا تعالي حظري معي الغداء خلينا نحطه اخوك حده جوعان قبل شوي وهو هنا يعجلني

ملاك :اوكيه
وبدت تحظر مع أمها الصحون وحطوا الأكل ورتبوه على الطاوله بغرفة الطعام بطريقه حلوه

جاء عبد العزيز وهم يحطونه غمض عيونه وهو يستنشق ريحة الأكل :الله ريحة الأكل يشهي

ابتسمت ملاك من حركته باين انه جوعان :اكيد مدام طابخته ام عبد العزيز

ضحك بخفه وهو يقرب منها ويبوس خدها :وشلونك اليوم ملاكي

هزت رأسها ملاك :الحمدلله تمام
عبد العزيز :الحمدلله
وناظر السفره :كل شي جاهز

هزت رأسها :ايه كل شي
ابتسم :طيب روحي عشان طلول بيجي يتغدا معااااي

صــــــــــــــــــدمــــــــــــــه
رمشت بعيونها كم مره تبي تمنع الدمعه لاتطيح من عيونها ""طلال هنا ""

ناظر لها عبد العزيز وهي واقفه بمكانها
:ملاااااك

ملاك ساكته

اشر بيده على وجهها :ياااهوه

ناظرت له :هلا
عبد العزيز :اقول روحي الولد بيجي

لفت و أعطته ظهرها ومشت عنه وهي قلبها يوجعها وكل الي ببالها وش جاب طلال عندهم

""""""""""""""
بسيارة الوليد الصمت كان سيد الموقف غلا كانت بس تناظر من الشباك والوليد شوي يناظرها وشوي يرجع يناظر للطريق طفش من صمتها وتكلم بهدوء:غلا

لفت له غلا وبكل برود:نعم وش تبي

حس الوليد بكلامها جفاف ماعمره كلمته بهذي الطريقه إلا اليوم :وش فيك ساكته

ابتسمت بسخريه:هه وش تبيني احكي

لف الوليد للطريق وكل الي بباله انه يعرف مين الي كان يحرقها لأن ظهرها كان كله علامات وواضح انه كوي لكن وش سببه مايدري :قولي أي شي يعني مثلا عن حياتك قبل كيف كنتي عايشه

ابتسمت بحزن ""وش تبيني اقول حياتي كلها هم بهم كلها حزن بحزن خليني ساااكته يالوليد احسن كنت أظن اذا لقيتك حياتي راح تتتغير بس الي واضح انها زادت سوء """

وتكلمت ببرود :تبي تعرف كيف كانت حياتي
غريبه اول مره تسألني

ابتسم ابتسامه جانبيه :مجرد فضول

هزت رأسها :تطمن حياتي كلها كانت سعيده مع امي وابوي

لف لها وعقد حواجبه :كاااانت والحين

ضحكت بسخريه :ههههههه الحين مااادري الجواب عندك تشوف اني سعيده معك
تشوف أن حياتنا كاأي زوجين يالوليد

لفت لجهة الشباك وهي ماتبي تسمع منه أي شي اتعبها الهم والحزن ومااكبرها اذا كان جاييك من أقرب الناس على قلبك

مارد عليها اصلنا ماهو عارف وش يرد عليها معها حق حياتهم ماهي مثل أي زوجين علاقتهم معقدة بس لازم تتصلح مهما يكون لازم تتصلح
ناظر لها وهي تناظر ل شباك ورجعت التزمت الصمت عرف انها مجروحة ومجروحه جرح كبير منه صعب انه يكذبها ويظلمها من غير مايسمعها

لف للطريق و انتبه من بعيد لسياره وواضح انها مقلوبه
:أنا لله وانا اليه راااجعون هاذي السرعه وماتسوي

قرب من السياره ومن وضحت له معالمها حس أن قلبه نغزه بدا يهدى السرعه وهو يحس الخوف اجتاحه من جد

""يارب ماتكون سيارته يارب ""

غلا لاحظت انه هدى بنص الطريق لفت له :وش فيك

الوليد بأرتباك:هاذي كأنها سيارة حمد

التفت غلا وشافت السياره المقلوبة رفعة يدها وحطتها على صدرها وبخوف :اللهم اجعله خير يارب

وقف الوليد جنب السياره وتأكد انها سيارة حمد حس الدنيا تدور فيه قرب بسرعه وهو كل الي يرجيه أن حمد ومنار يكونون بخير
وقفت كم سياره معه تبي تفزع للي بالحادث ودقوا على الاسعاااف والشرطة

"""""""""""""""

نزل من فوق وشافها بالصاله وبيدها فشار وتاكل وتتابع مع نواف ضحك بخفه وهو يقرب منهم :ماتملون من أفلام كرتون

ابتسمت جمانه وهي تناظر له :اسمها أنمي
ولى زمن افلام كرتون

ضحك بخفه وهو يجلس جنبها :أنمي ولا افلام كرتون كلها واحد

وناظر للتلفزيون واخذ من الفشار الي مع جمانه :والحين هذا وشو الي تتفرجون له

ضحكت هي ونواف ولفوا له :هذا كونان مافيه أحد مايعرفه
حك رأسه :هههههه انا مااعرفه

ضحكوا نواف وجمانه على فيصل وهو بعد ضحك على نفسه
ورجع ناظر لجمانه :ايه قبل لا أنسى اليوم بعد المغرب ابيك تكونين جاااهزه نبي نروح

ابتسمت جمانه :وين

سحب فيصل خشمها :مو لازم تعرفين خليك جاهزه المغرب اوكيه

هزت رأسها جمانه : اوكيه

نواف كان يسمعهم ووقف بحماس وقرب من ابوه :وانا بابا

ضحك فيصل وهو يربت على رأس نوافي :ههههه لا انت يا بابا اجلس هنا انا وماما بس بنروح واحنى جاييين بنجيب لك هديه كبيره

نواف كان بيعارض بس من قاله فيصل أنه بيجيب له هديه ابتسم بطفوله وراح جلس مكانه يكمل الحلقه من كونان

>>>عشقي كونان ههههه

"""""""""""

جهزت كل شي هي والخادمه وصار كل شي ب الشنط وتجهزت هي بعد لبست فستان حمل اسود قصير وكان بارز بطنها الصغير وبارز بياضها وطالع عليها كيوت
و الخدامه ساعدتها تحط لها مكياج خفيف وسوت شعرها كيرلي وتعطرت وطلعت كأنها حورية

جلست وهي فرحانه حييل لأنها بتروح وتختلط مع الناس تعبت من الوحده ابتسمت وهي تتخيل وش بيسوي زياد اذا شافها كذا من زمان مالبست وتزينت زي كذا
اشتاقت له وهو ماله الا يوم من راح من عندها
مسكت جوالها وهي تنتظره يدق عليها
وابتسمت بحب يخالطه قليل من الحزن

:ياترى كيف شكلك يازياد يارب اشفيني ورد لي بصري أمنيتي بس ابي اشوف حبيبي

وقفت وهي أملها بلله كبير راح يجي هاليوم بإذن الله وتشوف فيها زوجها وطفلها ويفرجها ربي

بدأت تتحسس طريقها لحتى وصلت لصاله ونادت الخدامه وسألتها تبي تتاكد اذا اغراضهم كلها جاهزه بماأن معاد باقي على وصول زياد إلا شوي بعد ما تأكدت أن كل شي تمام توجهت
للكنبه وجلست وهي تحس بتوتر
رفعت جوالها وبدأت تمرر اصابعها عليه وتتحسه لحتى دقت على زياد رن اول رنة

ورد بهيااام:هلا بقلبي اسوله اشتقت لك حييل

ابتسمت :وانا بعد ياقلبي وينك تاخرت

زياد وهو يناظر ساعته :يلا حبي كلها ربع ساعه واكون عندك

اسيل براحه :توصل بالسلامة حبيبي انتظرك

زياد :الله يسلمك حبي يلا مع السلامه انتبهي على نفسك

آسيل: اوكيه حبيبي
قفلت منه وهي حدها مبسوطه اليوم اكيد راح تتغير حياتها بتبقى مع حبيبها وزوجها دوم وماراح يفارقها ابد وماراح تكون وحيده بعد اليوم بتختلط باامه وخواته وتحس انها متزوجه مثلها مثل أي بنت

"""""""""""""""

بدت ترتجف في مكانها وهي تشوف الناس يصرخون ويحاولون يطلعون منار وحمد والوليد رايح جاي ويصرخ على الشباب الي كانوا معه عشان يساعدونه من شافت الدخان يتصاعد من السياره تذكرت الحريق وزاد ارتجافها وشهقاتها ماتحملت تبقى زوود بالسياره تحس انها مكتومه حييل نزلت وهي تبكي

الوليد ناظر لشاب الي واقف جنبه والعرق يتصبب منه :جيب حجر بسرعه ياااخوي

راح الشاب ركض وبسرعه جاب حجر كبير وبعد محاولات قدروا يكسرون القزاز ويطلعون حمد

حمد وهو يون بألم ويصرخ :اااه .....مناااار ....آ.آ.آه منار يالوليد تكفى شوفها

جاء بيقوم بصعوبه لكن منعوه لأنه لو تحرك يمكن تسير له مضاعفات

غلا من شافتهم طلعوا حمد ومنار باقي انجنت
وصارت تصرخ
:مناااار ....مناااار راااحت راااحت مثل ماراااحوا خواتي يالوليد

انهارت وجلست بالأرض وهي ترتجف تحس ان رجولها ماهي قادره تشيلها زود وبدت تضرب التراب رجعت فيها ذاكرتها لليوم الي فقدت فيه ابوها واسيل بالحريق المنظر الي شافته اليوم ذكرها بالماضي الماضي الي يوجعها حييل وباقي أثره مطبوع بصمة بقلبها وعقلها

بعد ماطلعوا حمد دقائق وطلعوا منار كانت جثه هامدة وراسها كله ينزف دم

نزل رأسه الوليد باالم وهو يحاول يصبر نفسه قلبه عوره وهو يشوف أخته كذا بالهحالة

غلا من شافتها زادت بكاء ووقفت بصعوبه تبي تروح لها
:منااااااااار

قربت منها لكن الوليد مسك يدها وسحبها
:مايصير تقربين أخاف تهزينها ويصير فيها شي

تمسكت غلا فيه بقوه وهي ترتجف ووقفتها ماهي متوازنه :وشلون يصير فيها شي وشلون مناااار راحت راحت ياالوليد مثل ماراحوا

الوليد انتبه أن وقفتها ماهي متوازنه ثبتها وسحبها لحظنه وضمها وهو مو عارف عن مين تحكي:استهدي بلله استهدي بلله

غلا بصوت باكي :لاإله إلا الله .لاإله إلا الله .........

الوليد نزلت دمعته على حال منار وزوجها مع انه حاول قد مايقدر انه يتماسك ومايضعف همس لها وهو يشوف الاسعاف يوقف عندهم : هذا الاسعاف جاء تعالي اوديك السياره

سندها وبدأ يمشيها معه إلى أن ركبها السياره ورجع بسرعه للإسعاف وبعد دقائق صاروا منار وحمد بسيارة الإسعاف

ركب سيارته وحركها وصار يمشي وراء الإسعاف وكل الي يرجيه أن الله يحميهم

""""""""""""""""""

وقف سيارته عند العماره وهو حده مستانس أن كل شي تصلح الكل عرفوا بزواجه ورضوا وهذا أهم شي حمد الله ان حياته راح تستقر وحتى اسيل راح تتحسن نفسيتها اذا اختلطت مع اهله
نزل من السياره وقفل الباب وهو يدندن ومبسوط رن جواله ورفعه شاف المتصل الوليد
رد عليه وهو رايق :هلا وغلا بالوليد

الوليد من غير سلام :زياد تعال بسرعه
المستشفى منار وحمد صار لهم حادث واحنى الحين بطريقنا للمستشفى ورا الاسعاف

زياد بخوف :وشلووووون الوليد وش تقول انت لاحول ولاقوة إلا بلله يلا دقايق واكون بالمستشفى

قفل بسرعه وركب سيارته :اللهم اجعله خير يارب
وغير وجهته للمستشفى

""""""""""""""""

رجعت المطبخ وهي ماسكه نفسها لا تبكي وقفت وهي تناظر لأمها الي تجهز لهم السفره على الطاوله الصغيره الي بالمطبخ

رفعت رأسها ام عبد العزيز :علامك يمه واقفه كذا

هزت رأسها ملاك وابتسمت ابتسامه مزيفه وهي تقرب من امها و تعدل السفره : مافيني شي يمه

ابتسمت ام عبد العزيز :طيب يمه قبل لا تجلسين روحي حطي صابون على المغاسل الحين يقومون من على الغداء العيال

ملاك بنبرة حزن :من عيوني يمه

ام عبد العزيز :تسلم عيونك ياقلب أمك شوفيه بالدولاب

توجهت ملاك لدولاب وأخذت الصابون وراحت تبي تحطه على المغاسل

"""""""""""""""""

جالس على السفره ونفسه مسدودة يبلع اللقمة بالقوه يحس انها مثل الحجر تنزل بمعدته
ماله نفس بس عشان عبد العزيز لزم عليه
ناظر لخويه وهو يأكل ب شهية ابتسم بحزن ووقف :كثر الله خيركم

ناظر له عبد العزيز :وش فيك مااكلت شي
اقول اجلس إكل زي الناس

طلال بهدوء : الحمدلله شبعت

هز رأسه عبد العزيز وهو عارف ان طلال ماله نفس ياااكل حاس فيه خويه الروح بالروح وشلون مايحس فيه :بالعافيه يااخوي

ابتسم طلال بهدوء :الله يعااافيك انا بسبقك اغسل يدي واروح المجلس

عبد العزيز :اوكيه

مشى طلال متوجه المغاسل يبي يغسل يده ويروح المجلس كان منزل رأسه
وصل المغاسل ورفع رأسه جمد من شافها واقفه عند المغاسل وتحط الصابون والمعطر وكانت تناظر نفسها بالمرايه وتتحسس ملامح وجهها
حس أن قلبه صار يدق بقوه يكذب انه لو قال إنه مو مشتاق لها مير الصحيح أن الشوق ذابحه
حيييل

ملاك رتبت الصابون والمعطر وناظرت لنفسها
وبدت تمرر يدها على ملامح وجهها
""لا ياملاك لا تخلين وجوده يأثر فيك ويعني لو كان موجود وش بيصير اصلنا معاد له مكان بقلبي كل شي راح وانتهى ""
عقدت حواجبها ""لا والله ماانتهى ماانتهى انا احبه أحبه بس هو كذب علي وخانني ""

هزت رأسها ماتبي تفكر فيه خلاص تعبت من التفكير فيه لازم تنساااه لازم
رسمت ابتسامه باهته على وجهها تبي تقنع نفسها انها خلاص راح تنساه وترجع لحياتها الطبيعيه الي كلها رجه وحيوية
لفت تبي تطلع من المغااااسل بس جمدت مكاااانها من شافته واقف ويناظرها كان شكله تعبااان حييل ووجه كله كدمات

تلاشت ابتسامتها ورفعت يدها وحطتها على قلبها حست انه بيوقف باااي لحظه تمالكت نفسها ونزلت راسها ومرت من جنبه ولاكأنها شافته لكن

وقفتها يده الي امسكت يدها وبنبره كلها حزن وانكسااار:ملاااك

رفعت ملاك راسها له وعيونها بدت تعلن عن نزول الدموع الي كانت حابستها :نعم وش تبي وش تبي انت ماتستحي على وجهك قلي

نزل رأسه طلال وكله هم :ملاك لاتكونين ضدي وربي اني تعبااان ملاك تكفين لاتعذبيني زود الي فيني مكفيني

ضحكت باستهزاء :هههههه طلال لاتمثل دور
الي يتعذب خلاص معاد تمشي علي خلنا نفترق ولا تنسج لي أعذار ولا أرسم لك أسباب نقول نصيب ونكتفي و ياما فرق هالنصيب أحباب

فكت يدها من طلال بقوه وجات بتمشي

رفع رأسه طلال وهو يناظرها وتكلم بصوت عالي : تكفين ملاك لاتتركيني خلاص قلبي ماعاد يقوى على الصدمات بعادك عني يعني موتي تفهمين يابنت ولا ماتفهمين

ناظرت له ملاك بإنكسار:اهنيك انك قدرت تلعب فيني وتحطمني حطيتك على راسي وغليتك أكثر من أهلي وناسي وخنتهم وكلمتك وبالنهايه جازيتني بالخيانة ولا قدرت أحساسي

طلال بتعب :ملاك أنا ....انا

رفعت يدها على خشمها :اصصصصص ولاكلمه ماابي اسمع منك ولاكلمه انت ياطلال أكبر كذاب ومخادع قلي كم بنت ضحكت عليها وخدعتها بحبك من قبلي بس للأسف اني من بين هالبنات

مررت يدها على عيونها الي غرقانه بالدموع ومسحتها :لا تنزلين لاتنزلين على شخص مايستاهلك

طلال بصدق :ملاك انتي الوحيده الي قلبي هواك والله انتي الوحـــــــيـــــــ

قاطعته ببكا :يكفي روح اضحك على غيري

ورفعت نظرها لطلال وكأنها أخر مره تشوفه : روح بطريق وأنا بطريق خليني على جرحي خلاص عافك الخاطر
وابتسمت بسخريه :تدري ان طلال مااااات بنظري

كلمتها كانت كأنها خناجر تطعن بقلبه طعون مدميه حس أن انفآسه انكتمت نبرتها كانت حييييل قاااسيه جدا عليه
نزل رأسه وعيونه غرقانه دموع
وجاء ب يمشي لكن وقفه صوت الشخص الثالث الي كان يستمع لكلامهم
:ماشاء الله مادريت أن بينكم قصة حب والله........

رفع راسه طلال وملاك لفت لمصدر الصوت
: عبد العزيز

طلال عدل وقفته وغمض عيونه يبي يستوعب الي جالس يصير معه كل شي ضده والله واكملت الحين وشلون بيواجه خوييه كافي صدمات بحياته والله هالدنيا غريبه وش بقى فيها بعد مابقى غير الجراح وقلبه اللي مااستراح عادي متعود على حظه الي ياما طاح

"""""""""""""""

انتظرت تقريبا ساعه وزياد ماجاء استغربت هو قال لها انه ربع ساعه وهو عندها فركت يدينها بتوتر : يارب وش فيه تأخر

سمعت صوت الجرس وتنفست براحه
وابتسمت عرفت انه هذا هو حبيبها عند الباب لكن غريبه مافتح الباب

ضحكت بخفه :اكيد يبيني افتحه له

وقامت وهي تعدل فستانها
:ميري لاتفتحين الباب انا بفتح

الخادمه من سمعتها دخلت المطبخ
واسيل بدت تتحسس طريقها لحتى وصلت للباب وقفت قبال الباب وهي تاخذ نفس
وبعدها ابتسمت بحب وفتحت الباب بهدوء
:زيود حبيبي ليش تأخرت

:ههههههه وش هالحلاوه

عقدت حواجبها وبدا الخوف يجتاح قلبها الصغير هذا مو صوت زياد
بدت ترتجف من الخوف وترجع بخطواااتها لورى وتكلمت بخوف وبصوت متقطع :مين..انت

تكلم بخبث:أنا ..لا ..لا .. معقوله نسيتي مين أكون أنا ياحلوه انا أبو عادل

اسيل بدت دموعها تنزل :تكفى لاتقرب مني الله يخليك

أبو عادل صفر بخبث وهو يمرر أنظاره الخبيثه لها من فوق لتحت وفستانها الأسود الي يغري وسيقاانها البيضاء :والله والزواج غيرك يا بنت عمار احلويتي يابنت ههههههههههه

اسيل رجعت لورى وهي ترتجف تحس رجولها ماهي قادره تشيلها بكت وصرخت بااسم زياد :زياااد وينك زياااااد تعال ساعدني

قرب أبو عادل منها وهو يضحك بشر
وهي ترجع أكثر لورى ضربت ب الطاوله الي وراها وطاحت بالأرض رفعت رأسها وكل الي تشوفه حولها سواد تمنت بهاللحظه انها تشوف كان عرفت تتصرف وتدافع عن نفسها كملت وهي تزحف لورى ورافعها يدها تأشر له

:تكـــــــــــــــــــــــــــفى لاتقرب الله يخليك تكفـــــــــــــــــــــــــــــــى
لآآآآآآآآآآآ