تدري أمس من القهر قاعد أبكي وتدري جرحك عن البال ماغاب
أبكي وأتذكرك وأرجع أبكي ينزاح هم البكا وينفتح للعنا باب حرام تجرحني وتخون وأنا اللي ماقدرت أشكي وش جاك مني حتى غدينا مثل الأغراب
"""البارت الخامس والثلاثين """"
بالمستشفى
راح يصلي صلاة الظهر بالمسجد الي بالمستشفى وهو باله مشغول عليها من أمس ماصحت ولا تدري وش ألي صاير خايف من ردت فعلها اذا درت أن الجنين مات
خلص صلاته ورفع يده يدعي الله انه يرحم حالهم وييسر أمرهم
طلع من المسجد ومر الكوفي اخذ له قهوه
يبي يصحصح شوي مايبي ينام وهي مابعد صحت يبيها تقوم وتلاقيه قباله
وصل لغرفتها وخاف من سمع صراخها طاح الكوب منه ودخل ركض شاف الممرضه تهديها وهي تصرخ باسمه
جمانه بانهيار :اااااههههي اتركيييني انا أبييي فيصل فييييصل
فيصل قرب منها :لبببيه ياعيون فيصل
جمانه ناظرت له وبدت تمسح دموعها مثل الطفل وتأشر على الممرضه :فيصل شوف هاذي تقول البيبي مات فيصل هي كذابه صح كذابه
فيصل ماتحمل شكلها وهي تكلمه كذا قرب منها وضمها وهو يمسح شعرها بحنان :الله يعوضنا خير منه يا حبيبتي
صرخت جمانه :لااااا فيصل انا ابي البيبي ليش رحت وخليتني لييييش ماحميتني منها هي دفتني والله دفتني من على الدرج هي السبب
فيييييصل
قربت الممرضه ودقتها الابره من غير ماتحس
وفيصل مازال ضامها ويسمع كلامها
:مين الي دفتك جمانه حبيبتي احكي
جمانه بدأ مفعول الابره :هي ذبحت ولدي هي فيصل شوفهاااا فيييص.....
وارتخت بين يدينه وهي تهذي بكلام مافهمه
سدحها وغطاها
:مين ياجمانه مين الي سوا فيك كذا وربي مااسامحه وربي
جلس قبالها وهو يشوف وجهها الشاحب ودموعها الي مغرقه وجهها مرر اصابع يده على خدها الناعم ومسح دموعها بطرف اصبعه
:راح أخذ حقك ياقلبي
"""""""""""""""
رجعوا الكل من الجامع
وجلسوا ببيت الشعر كالعاده حتى يجهز الغداء كانوا الي يسولف والي يضحك
ألا هو كان ملتزم الصمت يحس حياته كلها متخربطه ومعقده الى متى راح تظل كذا إلى متى
وقف وطلع وهو متجاهل مناداة زياد له
زياد :الوليد وين رايح
زايد ضحك :ههههه ماهو يمك شكله اشتاق لزوجته
زياد ابتسم وهمس لاخوه :حتى انا اشتقت لزوجتي
زايد ضحك :وانا بعد
اقول غير السالفه لااتهور واروح اتغدى ببيت عمي
زياد :اقول تلايط انت لازمك راحه ولا ماسمعت الدكتور وش يقول
والله لو ماأنك من زمان ما صليت جمعه بالجاامع كان ماخليتك تروح
زايد ضحك بخفه :شكلي بقوم اجلس عند الوالد خلاص الحين تبدأ محاظراتك اشرب علاجك انتبه على نفسك لا تطلع ولا تروح
ابتسم زياد بحب :هذي جزاتي اني خايف عليك
زايد :امزح معك لا تزعل علينا الحين
ضحك زياد وناظر لطلال الي ملتزم الصمت
:هذا وش بلاه اليوم
زايد باستغراب :اقولك من يوم
ماجانا أمس يهذر على روسنا ومن شفته الصبح عرفت انه مو خالي الولد
زياد ناداه :طلال
طلال :........
زياد :طلالووووه
طلال رفع رأسه وبهدوء:هلا
زايد :لاااااااا مو هذا طلال حقنا
طلال ابتسم :ليش شايفني بضاعة وضاعت منك
زايد ضحك :ههههه ايه اضحك ترى مانقوى على زعلك
طلال ناظرهم وكتف يدينه وسوا نفسه زعلان
:زعلان منكم الاثنين أمس سحبتوا علي و رحتوا حتى محد منكم حن علي وقال تعال يااخوي ونام عندنا
قاموا زايد وزياد وجلسوا عنده وكل واحد يحاول يفك يده الي مكتفها طلال وهو يضحك عليهم ويشد على يده بقوه
وفكوه زايد وزياد بالقوة وهم يضحكون
ناظرهم أبو الوليد بحب وهو يشوفهم يضحكون
ركز نظره على طلال
"""ياليتك بقيت حي ياخالد وشفت امانتك وشلون كبر وصار رجال ياالله يامسرع الأيام """
هز رأسه وهو مصمم من الخطوه الي يبي يخطيها
ووقف و ناظرهم :يلا ياشباب امكم تقول الغداء جاهز
قاموا كلهم ورجع طلال كلعاده ب سواليفه الي تبهج النفس
"""""""""""""""
سلم على أمه واروى الي كانوا بالصاله يحظرون السفره وسأل عن غلا قالت له أمه انها توها طلعت
طلع لجناحه ودخل الغرفه مالقاها عرف انها بالحمام طلع الصاله وجلس على الكنبه
وهو يفكر بحياتهم
انتبه لجوال غلا جنبه جاه فضول انه يفتحه
فتحه وجلس يطقطق فيه
ضغط اللمس بالصدفه على الرسايل وفتح على الرسائل النصية
استغرب الرقم الغريب الي راسله له غلا رسايل فتحها واستغرب زود من محتواها كانت كلها حب وعشق وغرام
شاف التاريخ كان أمس يعني قريب
رفع رأسه وهو مقهور منها مين هذا الي ترسل له رسايل زي كذا
غلا كانت بالحمام وسمعت صوت الباب عرفت ان الوليد رجع
وقفت لحظات قدام المرايه وهي تاخذ نفس وتفكر وشلون تقوله
ابتسمت وهي تتخيل لو تقول له وتشوف وشلون ردت فعل الوليد يمكن انه مانسيها يمكن تكون هي محبوبته
أخذت نفس عميق ورسمت أحلى ابتسامه على شفاتها وطلعت وقفت عند باب الغرفه وترددت تطلع بس سمت بلله
وطلعت اول ماطلعت شافته جالس وبيده جوالها زااادت دقااات قلبها ورفعت يدها و حطتها على قلبها وابتسمت وهي تناظر له بحب
رفع الوليد راسه شافها واقفه تناظر له وهي مبتسمه قام وقرب منها بهدووء
ورفع الجوال بوجهها :مين هذا
غلا رفعت نظرها له ونزلتها على الجوال الي بيده و تلاشت ابتسامتها عقدت حواجبها سحبت الجوال منه تبي تشوف مين :ماادري اول مره اشوفه
الوليد رفع حاجبه باستهزاء:لاااياشيخه اول مره تشوفينه أجل مين الي راسل يمكن انا وانا ماأدري
غلا بإرتباك :الوليد والله من جد ماأدري توني اشوفها
الوليد طلع ورقه من جيبه العلوي وسجل الرقم ورمى جوالها عليها
وضحك باستهزاء وهو يقرب منها :هه راح نشوف مين هذا الي ميته عليه ياغلا
غلا نزلت دموعها يشك فيها آخر شي كانت تتوقعه منه همست بصوت باكي :الوليد
الوليد صرخ ورفع يده وغلا غمضت عيونها تنتظر الكف تنتظره يمد يده الي ياما مسكت يدها ولعبت معاها وتعاهدوا هي وياه فيها
عقدت حواجبها وهي ماتحس ولا بشي
فتحت عيونها وشافته يكلم قفل
ورفع يده بتهديد :والله والله لو ما ابوي دق علي وقال انزل كان وريتك كذبك
مر من جنبها وقفل الباب بقوه لدرجة أنها غمضت عيونها وصكت على اذنها من صوت الباب
فتحت عيونها بعد ماراح وجلست بالأرض بأنهيار :لاااا لاااا يالوليد إلا أنك تشك
فيني لا تسويهااا تكفى تكفى لاتسويهااااا
رفعت رجلها وضمتها ونزلت راسها بنكسار قتل
سعادتها كانت مستانسه انها بتقوله انها دانه
ظنت انها راح تتغير حياتها من هاللحظه وتعيش معه بسعاااده لكن
صار الي ماكانت تتوقعه بيوم من الأيام
الوليد يشك فيها ياااماقسى شعورهاااا ياااماااقساه
""""""""""""""""""
جالسه بغرفتها وتحرك خصل شعرها وهي تكلمه :ايه ياقلبي سويت الي قلت لي عليه أمس
فواز :قولي لي وش سويتي بالضبط
ضحكت ريم بخبث :بسيطه سحبت جوال غلا من غير ماتدري وقلت فكري فكري ياريم
فتحت جوالي ودورت رقم من جوالي ولقيت رقم طلال ولد عمي قبالي كتبته بجوالها وأرسلت له كذا رسايل حب وغرام ههههههه
فواز :طيب وش راح نستفيد انا قلت ابي شي يكسر الوليد
ابتسمت ريم بخبث :وهذا الشي بيكسر الوليد
اذا عرف أن زوجته تخونه مع ولد عمه اكيد بيكسره
فواز ضحك بشر :ههههههه والله انك داهيه
ضحكت ريم :لعيونك أسير داهيه
وسكتت شوي وبعدها تكلمت
:بس إلى وين تبي توصل يافواز
فواز بقهر :كذا .........
ريم بتسأل :فواز ودي أفهم وش بينك وبينه
فواز :كل شي بوقته حلو ياحلو
ريم :طيب متى ناوي تتقدم لي
فواز :قريب ياقلبي
ريم :اوكيه بسوي أي شي لعيونك
فواز :تسلم عيونك يا احلى ريم
ريم أبتسمت بحب :طيب اخليك الحين انا بروح اتغدى
فواز ابتسم بخبث :اوكيه ياقلبي بالعافيه على قلبك
ريم : الله يعافيك
وقفلت وهي تضحك
:هههههههه خليه يطلع غرورك ياالوليد والله بتنكسر اذا عرفت ان زوجتك تخونك
هههههه اصلنا معاد تعني لي شي مدام فواز حبيبي معي
""""""""""""""""""
ببيت عبد العزيز
بعد الغداء كانوا جالسين بالصاله ويتقهون ويسولفون
ملاك وهي تاكل من صحن الحلا الي بيدها :يمه أمس أرسلوا لي البنات بالقروب انهم بيطلعون السوق ابي اروح معهم
ام ملاك : يايمه توك رايحه السوق من كم يوم
ملاك برجاء :يمه ابي اروح مع البنات واستانس
عبد العزيز ضحك :خليها يمه تروح تتونس مع البنات
ملاك ابتسمت :يالبى اخوي حبيبي
ام ملاك :بس اليوم جارتنا ام ماجد تبي تجي عندنا وشلون تروحين والحرمة جايه عندنا
ملاك :يمه وش علي من الحرمه هي جايه عندي ولا عندك وبعدين لو عندها بنات كان جلست معهم بس ماعندها
ام ملاك اقتنعت:خلاص الي يريحك يمه
ملاك قامت وهي تضحك وباست رأس أمها :الله يخليك لنا يمه
ام ملاك وعبد العزيز :اميين
ابتسمت ملاك وهي تنقز :ونااااااسه برووح السوق مع البنات
وطلعت ركض لغرفتها وعبد العزيز وامها يضحكون عليها
"""""""""""""
رجع لجناحه وهو متضايق حتى من نفسه وشلون تسوي كذا غلا الرسايل الي راسلتها جريئه جدا
شد على يده بقهر كان هذا اخر شي يتوقعه من انسانه هاديه مثل غلا
وقف بالصاله وشافها جالسه على الكنبه باانكسار
ناظر لها بقهر وكتف يدينه :ماتبين تقولين مين هذا الي ترسلين له
غلا رجعت دموعها تاخذ مجراها وهي ترفع نظرها له:والله ماأدري ماأدري
الوليد ضحك بسخريه :هههههه لا بلله صدقتك
غلا :الوليد والله ماأدري عنها انا مو فاهمه شي من الي يصير وشلون انرسلت ماادري
الوليد صفق بيدينه :ههههههه مسويه فيها البريئه لا مو الوليد الي تلعبين عليه
غلا وقفت وقربت منه وصرخت :يكفي يكفي الي تسويييييه انا تعبت تعبت
ركزت عيونها بعيونه وبعتاب ونبرة حزينه :ليش تغيرت يالوليد ماكنت كذا كنت انسان غير غييير
الوليد تملكه البرود وطلع له سيجاره وشغلها سحب منها وقرب من غلا ونفثها بوجهها وهي رجعت لورى وهي تبكي وهو يقرب ويكرر نفس الحركه
حتى طاحت غلا على الكنبه الي وراها وهي تكح من الدخان
انحنى الوليد وقرب منها زود وحط يده عند كتفها وهو يبتسم :هههه اصلنا من متى كنت غير وانتي توك تعرفيني من كم شهر
مد السيجاره وكان ناوي يطفيها بكتفها بكل برووود
صرخت غلا بخوف :لاآآآآآ
""إلا الحرق """
رفعت يدها بخوف ودفته عنها بقوه ووقفت قباله
ورفعت يدينها وبدت تضربته على صدره وهي تبكي
:ليييش لييييييش يالوليييييد ااااهههيههه آآآآه
الوليد ابتسم لانه قدر يخوفها اصلنا ماكان ناوي يحرقها كان كل الي يبيه أنه يخوفها قرب فمه من اذنها وهمس لها بهدوء :تبين تعرفين ليش عشان ماتكذبين علي مره ثانيه
ابتعدت عنه غلا وتركته ودخلت الغرفه وهي تبكي ماتوقعت انها بتوصل حياتها معه لهدرجه
اما الوليد فجلس على الكنبه بكل برود ولا كأنه سوا شي
"""""""""""""""""""
ملاك اول ماطلعت غرفتها أخذت جوالها وفتحته
وهي تطقطق فيه انتبهت أن فيه رساله من طلال ابتسمت بحب و انسدحت على سريرها وفتحتها وهي تتأمل رسالته
""مساء الخير يادنيتي ""
ابتسمت : يعني مو راضي يتركني كل يوم يرسل ويدق وانا ماارد له خليني ارد عليه حرام ابتسمت وأرسلت
""مساء النور ""
طلال من جته رساله منها بغى يطير من الفرح جلس على سريره وأرسل لها
""تو مانور الجوال ""
ملاك شافت رسالته وارسلت له وهي متردده
""منور بوجودك اخبارك طلال ""
طلال ارسل لها ""اااه اخباري ماهي زينه ببعادك اشتقت لك ""
ملاك وقلبها يدق ""اذا اشتقت لي تعال اخطبني من بيت اهلي """
طلال ابتسم ""وهذا الي بيصير قريب ""
ملاك ابتسمت وحبت تنهي الرسايل ""انتظرك في أمان الله """
طلال بحب ""طيب ياقلبي انتبهي على نفسك في أمان الله ""
رمت جوالها ووقفت على سريرها وجلست تنقز
:وربي أحبه احبببببه ههههههه
ونقزت ل التسريحه وهي تناظر نفسها وتلعب بشعرها وتغني وترقص
:صدفة ومن بين كل الناس علّقنيx
من يوم شفته وعيني جت في عنيهx
حسيت شيء في عيونه حيل يجذبنيx
ولما ابتسم بانت بوجهي تلاوينهx
ابتسمت لنفسها وأخذت جوالها الي كان يرن
ردت من شافت رقم أروى
ملاك :الوووو
أروى من غير تفاهم :ملوكه بتجين معانا السوق انا وافنان ومنار وغلا
ملاك ضحكت :ههههه مافي تفاهم .....ايه بروح معاكم توني كلمت امي ووافقت كلها نص ساعه واكون جاهزه نتلاقى بالمول
أروى : اوكيه بكلم البنات وأكد عليهم يلا نتلاقى بالمول
ملاك :اوكيه
وقفلت من أروى وراحت تتجهز
""""""""""""""""
طلال بعد ما ارسل لملاك وقف وهو حده مستانس وتنفس براااحه يحس انه ارتاح يوم ردت عليه ملاك حتى ولو برساله
توجه لدولابه وطلع له بنطلون اسود وتيشيرت رصاصي ولبسه ومشط شعره لورى وغرق نفسه بالعطر وهو يدندن ومبسوط
رن جواله وأخذه من على التسريحه
وتافف من شاف الرقم
رد بزهق:وش تبين
:طلال تكفى ابي اشوفك
طلال :ياليل مااطولك يابنت الناس انا قلت لك اتركيني في حالي انا انسان تبت من هالحركات وقطعت علاقتي بكل البنات
كلمته بدلع :بس هالمره بعطيك امانه
طلال بملل:اوكيه نتلاقى بالمول
بصوت مايع :اوكيه حبي
قفل منها طلال وهو يتااافف
وطلع لازم يقطع علاقته مع البنت الي زاعجته هو لقى الي سكنت قلبه
تذكر ملاك وهو يبتسم مايدري وشلون دخلت قلبه بدون إستأذن يعشقها يموت فيها
بس الي منغص عليه إحساسه الي يراوده من يشوف غلا او يسمع صوتها
استغفر الله انه مايجوز يفكر بالبنت وهي متزوجة
وطلع وهو مقرر خلاص بيكلم عمه يخطب له ملاك
""""""""""""""""
نزلت تحت وشافت أمها جالسه تسولف بس ماتدري مع مين
وقفت شوي وانتبهت ان ام غلا هي الي جالسه مع امها قربت منها وسلمت عليها :هلا خالتي
أم غلا :هلا حبيبتي كيفك
أروى جلست :الحمد لله بخير
ام غلا بتسأل :وين غلا من جيت وانا أدق عليها ماترد
أم الوليد ناظرت أروى :يمه أروى روحي نادي غلا
أروى رفعت ساعتها :ايه تاخرنا الحين منار على وصول نبي نروح السوق
ام الوليد ضحكت :هههه حتى انا وخالتك نبي نروح السوق
أم غلا ببتسامه :ايه ماتقدرين تستغنين عن خدماتي
ضحكة ام الوليد :ايوا والله اني اشتقت لروحة السوق معك
وبدأ يحكون عن أيام زمان
قامت أروى وتركتهم عارف انهم الحين ماراح يسكتون طلعت فوق وتوجهة لجناح الوليد طقت الباب كم مره محد فتح انتظرت شوي عند الباب ورجعت طقته مره ثانيه ..............
قام الوليد للباب وهو يدق
:مين
أروى :أنا
الوليد فتح الباب وابتسم لاخته غصب عنه :هلا اروتي تفضلي
أروى دخلت وبتسأل :وين غلا
غلا كانت بالغرفه تحاول تخفي علامات الدموع من وجهها من سمعت الباب راحت غسلت وجهها وحطت لها روج وكحل يخفي شوي
وطلعت وهي راسمه احلى ابتسامه على وجهها الانوثي
:هلا اروتي اليوم عندنا حياااك
أروى :اممم جيت ابي اقولك بنروح السوق منار على وصول
غلا رفعت نظرها للوليد وكأنها تبي تشوف رأيه الوليد قرب من غلا ومسك يدها وسحبها لحظنه حتى ظربت بصدره
وحط يده على كتفها :نو نو ماراح تروح وتتركني
أروى يوم شافته استحت :يلا أجل اخليكم
الوليد :الله معاك
لفت أروى قبل لا تطلع :غلا نسيت مااقولك أمك هنا تقول تدق عليك ماتردين
ابتسمت غلا غصب عنها :اوكيه شوي وانزل لها
طلعت أروى وغلا لفت بسرعه للوليد و قلبها يدق ماهي فاهمته مره يكون حنون ومره قاسي
حاولت تبعد عنه وهو مازال ماسكها
غلا بإرتباك :الوليد
الوليد ناظر ل عيونها وضاع فيها يحس هالعيون الوحيده اذا شافها يتبخر كل الغضب منه رغم أنه يكره هالشعور إلا أنه يحس بشي مو طبيعي يجذبه لهالبنت
:هلا
غلا نزلت راسها :ممكن تتركني مافي احد مايحتاج تمثل الشخص الحنون
الوليد انتبه لنفسه ودفها عنه وراح للغرفه ودخل وصك الباب بقوه
وتسند على الباب وهو يطلع من جيبه دخان ويأخذ له سيجاره ثانيه ويولعها والأفكااار متزااحمه برراسه
"" أنا احبها ولا اكرهها عمري ماكنت محتار كذا بس هي تخونني لازم اتأكد من هذا الرقم """
ضرب بيده بالجدار بقهر ورجع يكلم نفسه
"" اذا قربت منها احس انها دانه
ضحك على نفسه هههههه دانه انت غبي يالوليد
معقوله الميت يرجع لااا وله اسم ثاني ""
ابتسم على تفكيره بحزن وهو ماهو فااهم حتى نفسه
غلا بعد مادخل مسحت دموعها الي تنزل غصب عنها وبهمس
: ماتوقعت بيوم انك بتكون مصدر عذابي
ابتسمت بحزن
:حتى لو تسوي أكثر من كذا بظل احببك إلى أن امووووت
قربت من المرايه الي بالصاله وعدلت شكلها ونزلت لأمها ودها تحضنها ودها تشكي لها قلبها يوجعها على حالهم ودها تعيش معه حياة هادية يملأها الحب ولاشي غيره
"""""""""""""""
بالمستشفى
وقف برا بالسيب وهو ينتظر فهد شافه جاي ونواف جاي معه وماسك باقة ورد كبيره أكبر منه ابتسم وسلم على فهد ونواف
:تعبتك معي يااخوي
ابتسم فهد بحب :لا لا يااخوي لاتقول كذا اذا ماوقفت معك مين يوقف معك
رد له فيصل الابتسامه :ربي مايحرمني منك
فهد :ولامنك يالغالي هاه وشلون أهلك
تنهد فيصل :خليها على الله مصدومه من الي صار بس يااخوي ودي اعرف وش ألي صاير لها ماهي راضيه تحكي
فهد :خليها على راحتها راح تحكي بإذن الله
ويلا خلي نواف يدخل عندها تراه من أمس مزعجني
ضحك فيصل بخفه :ادري انه مزعجك تعلمني فيه
التفت فيصل يبي ياخذ نواف ويدخله عند جمانه ماشافه ناظر لفهد وضحك :ماقدر يصبر اكيد انه دخل لها
ضحك فهد :هههههههه
يلا يااخوي اخليك بروح السوق ناقصتني شوية أغراض للملكة
ابتسم فيصل :الله يوفقك يااخوي واعذرني ماراح احظر
فهد :معذور يالغالي
يلا في امان الله
ابتسم له فيصل :في أمان الكريم
وانتظر فهد إلين راح
ودخل غرفة جمانه وقف وهو يشوف نواف يعطيها الورد ويبوسها ويتكلم وهي ولا تكلمت
هز رأسه بأسى وراح جلس يمها وهو يحاكيها لعلها تتكلم وتحكي وش صار لها بغيابهم
""""""""""""""""
نزلت تحت وشافت أمها راحت لها وهي ماسكه نفسها لاتبكي سلمت عليها وجلست جنبها وهي تسأل عن أخبارها
ام الوليد وقفت تبيهم يجلسون مع بعض ويأخذون راحتهم
:بروح أجيب عبايتي عشان نروح
ابتسمت لها ام غلا :خلاص انتظرك
راحت ام الوليد
ولفت ام غلا لبنتها :وش فيك يمه شكلك ماهو عاجبني
غلا ابتسمت ابتسامه باهته:مافيني شي يمه بس اشتقت لك ولا ابوي من زمان عنه
ام غلا :خلاص كلمي الوليد وتعالي عندنا كم يوم
جات بتتكلم بس شافت الوليد نازل مع الدرج
وقرب منهم وسلم على ام غلا :ياهلا فيك عمتي حياااك
ام غلا :الله يحييك ياولدي
وناظرت غلا وهي ماسكه يدها :الوليد يمه ابي غلا ترجع معي البيت وتجلس كم يوم عندي
رفع الوليد نظره لغلا وكان وده ياكلها بعيونه من القهر :خلاص خليها ترجع معك
وابتسم ابتسامه مزيفه : هاه بس يومين مااقوى على بعادها
ناظرت له غلا من قال كذا
وهو ناظر ل غلا بتحدي :اشتاق لها ياعمتي بس يومين مثل ماقلت لك
ضحكت ام غلا :تمام ياولدي يومين بس ولك ارجعها زي مااخذتها
لفت لبنتها :يلا يمه قومي جهزي نفسك وانا وخالتك ام الوليد بنروح مشوار وارجع القاك جاهزه
قامت غلا من غير ماتنطق ولا بكلمه كانت ودها تصرخ بوجهه وتقول ""كذاب كذاب اصلنا يمه مايبيني ماعرفني مااشتاق لي زي ماأنا اشتقت له """