اظلموني وكذبوني وبشقاهم عذبوني
مادروا أن المشاعر تحترق فيني جفوني
اظلموني وكذبوني وبشقاهم عذبوني
مادروا أن المشاعر تحترق فيني جفوني
اجحودوني وماارحموا قلبي الوافي ونسوا
كل غالي لجلهم انرخص فيني قسوا
خانوا العشره وعساي اتناسا كل عنايا
ماقدرت أنسى غلاهم طيفهم كل الزوايا
ياسنين الجرح هدي كل حياتي ولاتردي
عينك ربي المواجع ارحلي عني وصدي
اظلموني وكذبوني وبشقاهم عذبوني
مادروا أن المشاعر تحترق فيني جفوني
"""البارت الخامس والعشرين """"
مر هذا اليوم ب مافيه من أحزان وهموووم
ببيت أبو الوليد الساعه 9 الصبح
من أمس مجافيهم النوم كلهم كانوا
جالسين بالصاله وكلهم ملتزمين الصمت
الكل حزين ام الوليد بس تبكي وتتحسر على بنتها
وطلال وزايد ماهم مستوعبين الي جالس يصير
وأبو الوليد ملتزم الصمت و ماتكلم من بعد مافهد أخذ أروى وراح
وزياد من أمس طلع من البيت ومارجع
وافنان رجعت بيتهم مالها جلسه وأختها حبيبتها راحت هي واثقة أن في خطا بالموضوع مستحيل أروى تسوي كذا
كان زايد جالس معاهم وهو تعبان قلبه يوجعه حيييل مو سهل الي مروا به أمس
حاول يخفي تعبه لكن ماقدر
تنفسه بدا يضيق
فتح ازارير ثوبه وهو موقادر يتنفس
انتبه له طلال وقام له وهمس له
:زايد انت بخير
زايد بهمس وظاغط على شفته :لا مو بخير
طلال مسك يده :طيب قوم معي
قومه طلال معاه قبل لأحد ينتبه له ووداه غرفته أعطاه علاجه
وسدحه وغطاه وانتظر حتى نام
وجلس يفكر بحالهم الي انقلب
مو مصدق أن أروى تسوي كذا
تذكر ملاك أخذ جواله ودق عليها هو محتاج لها وهي الوحيده الي تزيل كل الهم من على قلبه
رن كم رنه
وردت ملاك بعد تردد ماطاوعها قلبها انها ماترد عليه مع أنها زعلانه منه أنه ماقال لها انه خوي عبد العزيز
لحظات وجاء طلال صوتها الناعم
:الوو
طلال طلع من عند زايد وقفل الباب بهدوء
ورد عليها :هلا ملاك
ملاك :اهلين طلال اخبارك
طلال بهم :ااه اخباري ماتسر الحال
ملاك كانت تبي تعاتبه بس من قال كذا خافت :طلال عسى ماشر وش فيك
طلال :مافيني شي بس شوي مشاكل بالبيت
ملاك بخوف :طلال متأكد مافيك شي
طلال بحب :خايفه علي
ملاك بحيا:هاه
طلال ابتسم :من قال هاه سمع
ملاك :اممم... اااا... لاا .....
قاطعها طلال :قوليها بصراحه تخافين علي
ملاك بخجل :ايه أخاف عليك ارتحت الحين
طلال ابتسم :لبى الي تخاف علي
""""""""""""""""""""
رن جواله حتى وقف وهو ملتزم الصمت
ورجع رن مره ثانيه
ورفعه ورد من دون نفس
أبو الوليد:نعم
:السلام عليكم
أبو الوليد بإستغراب:وعليكم السلام ورحمة الله وبركاته ....من معي
:الأخ عبد العزيز آل. ......
ابو الوليد :ايه نعم
:نعتذر بسبب تخربط تحاليل بنتك أروى عبد العزيز مع وحده ثانيه بنفس الاسم
بنتك عندها فقر دم فقط
أبو الوليد وقف وصرخ :وشلون يعني بنتي ماهي حامل
:نعتذر يااخوي عن الخطأ الفادح
أبو الوليد طاح الجوال من يده وجلس ونزل رأسه بين يدينه
:وشلون يعني انا ظلمت بنتي واهنتها وزوجتها
وهي بريئه
حسبي الله ونعم الوكيل على من كان السبب
حسبي الله ونعم الوكيل. ......
ام الوليد من سمعته قامت تبكي :شفت انا قلت بنتي ماتسوي كذا هذي تربيتنا ياعبد العزيز
بنتنا ماتسوي الشين
.
أبو الوليد قام ونادا مع الدرج بكل صوته
طلال ...زايد اختكم طاهرة اختكم شريفة كل الي صار بسبب خطا طبي
ياعياااااال
طلال سمع عمه ينادي وسمع كلامه
وبعجله :ملاك حبي بعدين اكلمك
ملاك :اوكيه ...في أمان الله
طلال :في أمان الله
قفل ونزل ركض شاف عمه واقف عند الدرج
ويوم شافه بدأ يتكلم
:كلم اخوانك كلهم وخلينا نروح لأختك
""""""""""""""""""""
رجع البيت هلكان من أمس وهو يدور في الشوارع عقله مو قادر يتقبل فكرة أن أخته خانت ثقتهم فيها
تنهد بتعب وناظر ساعته كانت 10 الصبح
فتح باب الشقه ودخل وهو ماله خلق أحد
اسيل كانت جالسه بالصاله ومن سمعت صوت الباب قامت شوي شوي حتى وصلت لجهة الباب
وبهمس:زياد
زياد مر من جنبها
اسيل شمت ريحة عطره وحست فيه يوم يمر من عندها درت انه ماهو على بعضه
لحقته وهي تناديه :زياد ...زياااد
زياد لف جهتها وبعصبيه :خير وش تبين خليييني في حاااالي اوووف حتى الواحد مايقدر يرتاح في بيته
ودخل غرفة النوم وصك الباب بكل قوته
وقفت اسيل مكانها وبدت دموعها من غير انذار تنزل اول مره زياد يكلمها بهذا الأسلوب
:لا لا هذا مو زياد اول مره يكلمني كذا
سحبت نفسها بهدوء وراحت الصاله وهي تبكي
زياد اول مادخل الغرفه رمى نفسه على السرير وغمض عيونه بتعب
سمع جواله يرن :اوووف شكلهم المستشفى
شاف المتصل ابوه رد على طول
:هلا يبه ...ايه في الشغل
جلس بسرعه :ايش تقول يبه ...متأكد
يلا كلها ساعه واكون عندكم
قفل وحط يده على راسه ومسح عليه بندم :يالله ليش كذا الحين وين نودي وجيهنا من اختي يعني احنى اهناها وظلمناها
يارب رحمتك
قام بسرعه وفتح الباب وطلع سمع شهقاتها بالصاله عوره قلبه
""وش ذنب هالمسكينه اصارخ عليها ""
راح لجهتها وجلس جنبها بهدوء مد يدينه ومسح دموعها الي تنزل
وبحنان:اششششش
اسيل حست فيه وهو يمسح دموعها
:زياااد
زياد بحب :قلبه ودنيته ....
سكت شوي وبعدها تكلم :اسوله انا اسف
اسيل تبكي :.............
زياد كمل كلامه :آسيل اعذريني انا كنت تعبان
وقال لها كل شي
أسيل انصدمت من كلامه سكتت وهي تمسح دموعها وبصوت باكي :زياد وش تقول انت معقوله تصدق في اختك
زياد نزل رأسه :الشيطان شاطر في هالامور
وانا الحين بروح لابوي وبنروح ل أروى مع أن مالي وجه اقابلها
وقام باس خدها :الحين سامحتيني
اسيل ابتسمت :ايه
زياد :يالبى ام العيون الرماديه يلا حبي انا رايح
ابتسمت اسيل :في حفظ الله
طلع زياد من عندها متوجه لبيت أهله
""""""""""""""""
بالفندق الساعه 11 الصبح .
قامت دانه من النوم وهي تلتفت يمين ويسار وبعدها استوعبت الي صار امس
دارت انظارها بالغرفه ماشافته وقامت بسرعه قبل لايجي الوليد أخذت شور
وصلت وبعدها لبست فستان ناعم موف ولمة شعرها ذيل حصان وحطت لها كحل وقلوس ورشت من عطرها
وقفت عند الباب وهي متردده تطلع ولا لا
سمت بلله وفتحت
الباب
اول ماطلعت شافته جالس بالصاله
الوليد سمع صوت الباب ورفع رأسه شافها واقفه وكان شكلها خياااااال ماقدر ينزل عيونه من عليها كان فيها شي يجذبه بس هو ينفيه
اول ما شافها لام نفسه وشلون قدر يقرب منها وهو مو متقبلها بس في شي بداخله يجذبه لها
هز رأسه ينفي الشعور الي يحس فيه
وتنحنح :احم ..احم
غلا رفعت نظرها له وهي خجلانه منه ومن الي صار امس
:هلا
الوليد قام ومشى عنها وهو معطيها ظهره :المطبخ يستناك ابي بعد ساعه الغدا يكون جاهز
غلا فتحت عيونها :ايييش الغدا
............
الوليد لف لجهتها وبسخريه :هههههه ايه الغدا مو تصدقين نفسك وتضنين انك عروسه
ههههههههههههه
غلا نزلت راسها وهي ساكته تمنع دموعها ماتبيها تنزل ماتبيه يشوف ضعفها
الوليد يناظرها من فوق لتحت و تكلم بستهزاء : تدرين ان محد يبيك لو يبونك أهلك مازوجوك بالهسرعه ورموك علي وانا اخذتك بلغصب صدقيني محد يبيك
هذي الكلمات جلست تردد برأسها
انصدمت ورفعت راسها وغرقت عيونهاxبالدموع الي كانت تمنعها
الوليد كمل : واول دليل اني اخذتك بلوقت الي ابيه وهم مايبون الا فرقاك لان ابوك ماعارض وكنه يقول ابركها من ساعه ههههههه
ورموك علي
وكمل كلامه بحقد:ترا كلهم يحسونك حمل ثقيل ورمووك علي .. وانا المسكين الي لازم يتحملك ..لو لاحظتي من الكل نظرات الشفقه ..ههههه الشفقه..... مالاحضتيx
ههههههههههههههه...................
اصلا بإختصار هم مايبونك
انصدمت وانشل لسانها من الصدمهx
مايبونــــــــــــــــك..
مايبونــــــــــك..x
مايبونـــــــــك ..
تردد صداها باذنها هالكلمات كانت طعنات .. تشق صدرها بكل عنف وتحسسها بالنقصx
تحسسها أن مالها أهل ولا سند ولا عزوه صحيح أن أبو غلا وام غلا من أخذوها ماحسسوها بالنقص بس مهما كان كلامه يجرح
الوليد ناظرها و على وجه ابتسامة خبث وكأنه استانس لما جرحها بكلماتهx
وهي تطالع فيه مصدومه وعيونها تدمع ........ودموعها تحرق خدها كأنها تقول له اسكت بس جروحx
الوليد اختفت إبتسامته من شافها منهاره ودموعها مغرقه وجهها ركز بعيونها عيونها الي تذكره بعيون دانه
ماتوقع ان كلامه بيأثر عليها لهدرجه x
صرخت غلا بأعلى صوت . : بسسسس اسكت كاااااافي على بالك بصدقك ياحقــير ياسافل يا........
الوليد ماتحمل كلامها ولا نظرة عيونها الي تحسسه بالذنب
.......طرااااااااااااااااخ........
قاطعها كف انطبع على خدهاx
غلا تألمت وبقوه :.. ااه حسبي الله عليكx...............
طرررررررررررررراخ
وجاها كف اقوا من الثاني وطاحت بلأرض
الوليد غمض عيونه و بعصبيه وهو شاد على أسنانه : ولا كلمه ماأبي اسمع ولا نفسx
وطلع من الفندق بكبره وترك وراه قلب مجروح وينزف آلآﻵم
ركب سيارته وسمع جواله يرن شاف المتصل
فهد
رمى الجوال على المقعد الي جنبه وحرك السياره ماله خلق يكلم ولااحد
جلس يفرفر بالشوارع إلى صلاة العصر
وراح صلى العصر وراح للبحرx
جلس على الشاطي
وهو يفكر ومتضايق
" لحول وش سويت يالوليد بالبنت افففف "x
وحط يده ورا راسه وانسدح على الرمل
وبدأ ينشد بصوته العذاب
كل دمعه كل عبره من مواعيد العمر والليالي فرقتنا بعد ماطاب السمر
كل لحظه وكل ساعه صايره ذكراى وشوق
وكل خلن في وداعه هز وجدان الخفوق
شوفوا لحظات الوداع وشلون تقتلنا قهر
والعيون الي ترقب صار يضميها السهر
تذبل الازهار تذوي حايره بين الفصول
والحزن عن ويش يروي ضايعن بين الضلوع
شوفوا لحظات الوداع اشلون تقتلنا قهر
والعيون الي ترقب صار يضميها السهر
مثل شوف في القفا ومثل امواج الضياع
شفتوا هذا بإختصار
""هذي لحظااااات الوداااااااع""
خلص ومسح الدمعه الي خانته
:اااااخ هذي لحظااات الوداع
سمع جواله يرن
رفعه ورد من دونك مايناظر مين المتصل
الوليد بتعب : الـوx
فهد : الـو هلا الوليد
الوليد : هلا فهد بغيت شي
فهد : لا لا وش هالكلام وش هالاخلاق التجاريه
شكل الحرمه غيرتك علينا
الوليد تنهد :تخسى مابقى إلا هي
فهد لاحظ صوته وكلامه يدل انه فيه شي
:الوليد فيك شي
الوليد :اااااخ يافهد احس اني بموت من القهر
فهد :تعوذ من الشيطان ....وش صاير
الوليد جلس :أعوذ بلله من الشيطان الرجيم
فهد اليوم طقيت البنت
فهد بقلق :أييييش وش قلت
الوليد :طقيتها وطاحت على الأرض وطلعت وماادري وش صار فيها
فهد :وش تقول لا انت شكلك انجنيت
معقوله يالوليد انت تسوي كذا
الوليد بهم :فهد وش اسوي مو قادر اتقبلها مو قادر تعبت يااخوي
فهد بهم :طيب وينك انت
الوليد: عند البحر
وتوه يلاحظ صوت فهد:الا انت الي قلي وش فيه صوتك ماهو عاجبني
فهد تحول صوته لنبرة حزن وهم
:شكلك ماتدري وش الي صاير امس
الوليد عدل جلسته وبقلق:وش صاير
بدأ فهد يحكي له كل الي صار
وقف الوليد بصدمه :فهد وش تقول انت وشلون يصدقون
فهد :هذا الي صار والحين تونا راجعين من المستشفى لبيتي
الوليد اروى حالتها النفسيه تعبانه حيل
الوليد توجه لسيارته وهو يكلم فهد وركب وشغل السياره
:دقايق وأنا عندك
فهد :تمام انتظرك
قفل الوليد وحرك على طول لبيت فهد
~~~~~~~
دانه بعد ماطلع الوليد من عندها تكورت على نفسها مثل الطفل وزادت شهقاتها
:اااااهي اااهههيييه معقوله ...مايبوني... لا لا ماراح ..يااثر علي ...كلامه ماراح يأثر علي
قامت وهي تمسح دموعها كلامه جرحها حيل
دخلت الحمام وناظرت لوجهها كان وجهها مورم ومكان الكف احمر غسلت وجهها وهي تهدي نفسها
:اهدي يادانه اهدي تحملتي أكثر من كذا تحملتي اكثثر راح تنفرج راح ينحل كل شي
ضغطت على شفتها والدموع مااخذه مجراها
وتوضت وطلعت صلت صلاة العصر ورفعت يدها تدعي الله بأن يفرج همها ويسخر زوجها لها
"""""""""""""""
نرووح باريس بلاد العشااااق
كان جالس جنبها مشتاق لها من أمس ماشافها
مد يده الصغيره وصار يهزها :ماما
جمانه حست بيد صغيره تهزها وسمعت صوته ابتسمت وهي مغمضه عيونها
نواف بطفوله :مااامااا...مااامي
رفعت رأسها وشافته ابتسمت وسحبته لها وصارت تبوسه
نواف وهو يضحك بطفوله :ليش رحتوا وخليتوني
جمانه جلست وهو بحظنها :اسئل بابا
نواف وهو يناظر ابوه بزعل :بابا ليش رحتوا وخليتوني
فيصل وهو واقف ومكتف يدينه ضحك :هههه اسئل ماما
نواف رجع ناظر جمانه :أنا زعلان كل واحد يقول اسثئل الثاني وقام وهو ماد فمه بزعل
جمانه نادته :نوافي تعال
نواف بزعل :مااابي
وطلع وهو باقي شوي ويبكي
جمانه ناظرت فيصل :عاجبك الحين نوافي زعل
فيصل ابتسم وهو يقرب منها ويجلس جنبها :ولاتزعلين الحين نراضيه ونوديه الملاهي
جمانه ابتسمت .....
فيصل بحب :يلا قلبي قومي كفايه نوم ياكسوله
جمانه ضحكت بخفه وهي تقوم :تعلمت الكسل منك
ياكسول وراحت للحمام
فيصل وقف وراح ورها وهو يضحك :لاااا انا اوريك يعني أنا كسلان ياكسوله
وقفت جمانه عند باب الحمام وقبل لاتدخل مدت لسانها له قبل
:ايه كسول ودب بعد
ودخلت وقفلت باب الحمام وهي تضحك
وفيصل يضحك :ههههه طيب لك اذا انا دب انتي سنفوره
وطلع لنواف يراضيه
""""""""""""""""""""
دخل بهدوء وبيده صينيه أكل
وشافها سادحه ومعطيته ظهرها حط الاكل على الطاوله وجلس جنبها بهدوء
:أروى
أروى مغمضه عيونها وعيونها ماجفت من الدموع
فهد عارف أنها صاحيه وتبكي
حط يده على رأسها ومسح عليه بحنان :أروتي لاتسوين بنفسك كذا ...ويلا قومي اكلي لك لقمة على الأقل شوفي جهزت لك الأكل
اروى لفت لجهة فهد دموعها تسيل جات بتقوم بس كانت ضلوعها تألمها بقوه
ساعدها فهد تقوم وعدل جلستها
أروى بعد ما جلست بصوت مبحوح من البكا :مااابي أكل
فهد قلي وشلون ماااااسوي... بنفسي كذا ..
..وشلون يافهد ...صعب جدا انك تشوف أهلك ...بلحظه يصدقون.... فيك الشين ...انا بنتهم كيف... طاوعهم قلبهم يسون فيني كذا حتى أنهم زوجوني عشان يتخلصون مني
فهد قلبه يتقطع عليها
:أروى تكفين خلاص ...راح يعرفون انهم غلطوا بحقك يلا كلي لك لقمة
أروى ببكا :حتى انت اكيد مثلهم صدقت اني حامل صح
فهد نزل رأسه
أروى تهز راسها وتصرخ :قلي صدقت كلامهم صح
فهد :بالبداية ايه بس بعد التحاليل عرفت انك انسانه شريفة وطاهره
أروى :طيب ليش تزوجتني وانت عارف اني حامل على قولتهم
فهد سكت شوي وبعدها ابتسم وهو يضم يدين أروى ويرفعها ويحطها على قلبه
:اسئلي هذا........
وكمل كلامه :أروى انا ماقدرت اتحمل اشوفهم يضربونك بلا رحمه
أروى :يعني أخذتني لأنك شفقان علي
فهد قاطعها بسرعه :لا
أروى :أجل ليش
فهد :لأن هذا القلب عشقك من أول مره شافك
ابتسم :تذكرين يوم دخلتي المجلس علي
ههههه هذي اول مره اشوفك واول مره تدخل وحده قلبي على طول
وبعد يوم ........
قاطعته أروى وهي تمسح دموعها :أفهم من كلامك انك
قاطعها فهد بإبتسامه :اني احبك يا أروى
احبببك
هدت أروى بعد كلام فهد
وقطع حديثهم جوال فهد وكان الوليد
استاذن فهد من أروى وراح عشان يجيب الوليد
بعد ماطلع فهد
أروى بنفسها ""يعني فهد يحبني مثل ماانا أحبه وماقدر يشوفهم يضربوني """
نزلت راسها ورجعت دموعها تسيل من جديد
صعب جدا تشوف عدم ثقة أهلك فيك
انفتح الباب ودخل الوليد بهدوء قرب منها وجلس جنبها :دلوعتي
رفعت رأسها أروى من سمعة صوت أخوها
وارتفعت صوت شهقاتها :الوليييييد
الوليد قرب منها وضمها بهدوء:اششششش حبيبتي كل شي راح ينحل كل شي
أروى تتكلم من بين شهقاتها :الوليد انا
الوليد قاطعها :لا تتكلمين انا عارف كل شي وواثق فيك
اروى ببكا :ااابي امي انا محتاجه لها
الوليد بإبتسامه :وانا وين رحت ولا مامليت عينك
أروى مسحت دموعها من شافت ابتسامة أخوها الحنونه :إلا بس
الوليد بإبتسامه :لا بس ولا شي ويلا امسحي دموعك واسمعي كلام زوجك
وهو يناظر فهد :من اليوم يقول يحاول فيك تاكلين وانتي مو راضيه
أروى ناظرت لفهد كلمة زوجك صارت تردد ببالبها معقوله فهد خلاص صار زوجها هدت شوي وهي تمسح دموعها :طيب
الوليد :يلا حبيبتي تبين شي قبل لا اروح
أروى :سلامتك
قام الوليد وباس راسها :في أمان الله
وهو طالع من الغرفه حط يده على كتف فهد وهمس له :انتبه عليها وانا اخوك و خليها ترتاح فترة وبعدها نحل كل شي
ابتسم فهد :أروى بعيوني لا توصي حريص يااخوي أن شاء الله تنحل
رد له الوليد الابتسامه وطلع ورفض أن فهد يجي معاه
بعد ماطلع الوليد قرب فهد من أروى وابتسم
:هاه اسخن لك الأكل
أروى هزت رأسها :ايه
أخذ فهد الصينية وطلع وهو مبسوط انه قدر الوليد يهديها على الأقل
""""""""""""""""""""""
وقف عند باب بيتهم ولف لجهتها وهو يمسك يدينها :هذا بيتنا يا قلبي يلا سمي بلله وانزلي تلاقين امي منتظرتنا الحين
سمت بلله منار ونزلت
وصلوا عند باب البيت وهم ماسكين يدين بعض
فتح حمد الباب ودخلوا وكانت أمه منتظرته واول مادخلوا راحت لهم
:ياهلا ياهلا والله بولدي
سلم عليها حمد بابتسامه :ياهلا فيك يالغاليه
وقربت منار تبي تسلم على رأسها
رفضت ام حمد :لا لا اسمحي لي ماأحب أحد يسلم على راسي إلا ولدي
استحت منار وسلمت عليها عادي
اما حمد كان يناظر أمه بنظرة عتاب
ام حمد طنشته :حمد خذ مرتك خليها تشوف جناحكم وبعدها تعالوا مجهزة لك الأكل الي تحبه
ومشت من عندهم بغرور
حمد ناظر ل منار وابتسم:تعالي حبي اوريك جناحنا
مشت معاه منار وهي باقي شوي وتبكي من الموقف الي صار لها
دخلوا جناحهم كان عباره عن غرفة نوم رئيسيه وصاله صغيره ومطبخ صغير وديكوره يجنن
وكله موحد لونه موف وبيج....
ابتسمت وهي تشوف جناحهم:حلوو اللون والتصميم
حمد ابتسم :أهم شي انه أعجبك
ابتسمت منار :اكيد أي شي يسويه حبيبي بيعجبني
وسكتت شوي وتكلمت بتردد :حمد كلمت امي اليوم ومو عاجبني صوتها
حمد بحب وهو ماسك يدها :اكيد زعلانه لأنك رحتي من عندهم يبيلها وقت حتى تتاقلم على الوضع
منار بقلق :ماأدري احس انه صاير شي بالبيت
حمد :تعوذي من الشيطان
وقرب وطبع بوسه على جبينها :حبيبتي ابيك ما تزعلين من امي
ابتسمت منار :معقوله ازعل من امي أمك هي امي ياحمد
حمد يناظرها بحب :الله يرضى عليك ياقلبي
يلا بدلي وخلينا ننزل لامي تنتظرنا تحت وبكرا اوديك لاهلك حتى تطمنين
منار بحب :اوكيه دقايق بس
""""""""""""""
بالفندق
غلا قامت من نوم مفزوعه تعوذت من الشيطان وعدلت جلستها ناظرت الساعه شافتها 9 الليل حطت يدها على راسها تحس بصداع من البكا
:اااااه خليني اقوم تاخرت شكلي نمت وماحسيت بنفسي
قامت واخذت شاور سريع طلعت وشافت نفسها بالمرايه
: الحمد لله خف اثار الورم
حطت لوشن معطر وحطت على شعرها عطر ورشت على جسمها عطرها المفضل
و لبست بنطلون جنز وتيشيرت سماوي ناعم وخفيف يبرز جمالها
ضنت ان الوليد ماجاء من الظهر طلعت بسرعه
تبي تاكل لها شي تحس بطنها يوجعها من الجوع
بس تفاجات ان الوليد جالس بالصاله وشكله من فتره جالس بالصاله وقفت مكانها
الوليد كان طالب لهم عشا
وله ساعه جالس ينتظرها يوم طلعت دعى ربه انها نامت زين بعد الي سواه فيها
كان ضميره يأنبه عليها هو عارف انه غلط عليها وش ذنبها هي أنه مايبيها
شافها وهي طالعه بشكلها البري
الوليد بنفسه
"""يالله ياغلا ماأدري ليش مو قادر أتقبل وجودك كل ماتقرب مني احس بشي يجذبني لها ااااه من عيونها كانها عيون محبوبتي
ابتسم : ياربي انا ماني فاهم نفسي "
جلس يناظرها لحظات وهي بعدها واقفه ناداها
لاول مره باسمها وبهدوء :مساء الخير غلا
غلا ارتبكت بعد ماسمعت اسمها من فمه :مساء الورد يا.... وسكتت
الوليد ابتسم : الوليد ليه موعاجبك اسمي وماتبغين تنطقينه
دانه""اسمك ....ااااه من اسمك ......كل شي بالنسبه لي بالحياة هو الوحيد الي باقي لي من الوليد """
قربت غلا شوي وقالت بخوف
:لا ايش دعوه اسمك حلو
الوليد ابتسم :من ذوقك
غلا شافت ابتسامته وحست قلبها بيطلع من محلها
""ياحلاتك وانت مروق ومبتسم اول مره اشوفه مبتسم"""
الوليد : راح تظلين واقفه تعالي تعشي انتي من أمس مااكلتي شي
غلا استغرب تغير حاله : ان شاءالله
وجلست تاكل بهدوء بعد ماانتهو من عشاهم
الوليد قام ووقف قدام البلوكنه
وتكلم بتردد
:غلا انا اسف على الي صار اليوم غلا انا مو قادر اتقبلك بحياتي
ولي اسبابي
انا ماأبي اظلمك معايxانا انسان أناني
دانه سكتت ماهي عارفه وش تقول
كمل كلامه الوليد :ممكن ياغلا نبدأ حياتنا كااي زوجين ونعامل بعض بحترام وان شاء الله مع الوقت اتقبلك
لف جهتها الوليد وشافها ساكته عرف انها متضايقه :أكرر آسفي ياغلا
ومر من عندها :والحين جمعي اغراضك بنروح بيت اهلي انتظرك بالسياره
وتوجه لسيارته وركب ونزل رأسه على الدركسون وهو يفكر بحياته
أخذ نفس
وعدل جلسته وطلع له سيجاره وحطها بفمه سحب منها بقوه كأنه يبيها تطفي النار الموجوده بقلبه
انتظرها نص ساعه وجات غلا ركبت السياره والوليد حركها بهدوء لبيتهم
انتهى البارت. .....
توقعاتكم ........