الناس في بسمتي بالحيل منخدعه.. ياكم وراها طفيت النار بانفاسي.. بعض المواجع لها ماتنفع الفزعه.. كلما جرعت الحزن رد امتلا كاسي.. عودت نفسي اساير هزة الفجعه.. وان دست جمر الزمن ماينحني راسي..
"""البارت الواحد والعشرووون"""
بباريس
فيصل كان يركض ويدور ولده كأنه مجنون ويتلفت يمين ويسار ويصرخ بكل صوته
:نواااف ....نوااااافي
نوووووواف حبيبي
وقف شوي وهو يلتقط انفآسه ونزل رأسه وبخوف على ولده
... نواف وين رحت يالله انك تحفظه يااارب. ........
المطر صار يهطل بغزاره وفيصل زاد خوفه على نواف
جاه صوت من وراها :باباااااا
لف فيصل بلهفه :نوافي
و راح له وضمه :حبيبي ليش رحت
نواف يضحك وبيده بالونات كثيره
:ههههه بابا رحت أجيب لك ولمامتي بالونه هديه عسان نسوي حفله لك
ويتكلم بحماس :أنا وماما اتفقنا نشتري لك هديه لعيد ميلادك بكرا
و يناظر ابوه :بابا انا مالحت بعيد لحت هنا
ويأشر على محل قريب من مكانهم الي كانوا جالسين فيه
فيصل سكت مو عارف وش يقول بعد الي سمعه يعني انا ظلمت البنت وهزاءتها وهي مالها دخل
نواف يناظر ابوه بستغراب :بابا وين ماما
فيصل وقف توه يتذكر انه تركها شد على يده بقوه من القهر
وبنفسه ""يا الله انا وشلون قلت لها كذا وين رحتي ياجمانه الحين""
نواف رجع يسأل فيصل وباقي شوي ويبكي :بااباا وين ماااماااا
""""""""""""""""""""
غلا طلعت السياره و قلبها يوجعها بقوه ماتعرف ايش ينتظرها طلعت بعد ماسلمت على امها وام الوليد والبنات وركبت معاه وراء وكان زياد الي يسوق
الوليد كان راكب قبلها وساكت حس بانفساها المتسارعه بس وريحة عطرها بس كل هذا ماحرك بالوليد شي لانه كارهها وكاره كل البنات بعد دانه
غلا ركبت ولفت بعيونها بشويش عليه كانت تتمنى انها تركب جنب الوليد الوليد حبيبها الي تمنته طول عمرها بس هذا الوليد ثاني
ناظرته كانت مرتبكه وخايفه اول مرة تركب جنب رجال غريب
لصقت بالباب علشان تبعد عن الوليد و حست انه معصب
سكتت تنتظره يكلمها بس ماقال شي عم الصمت بينهم حتى
وقفت سيارتهم جنب الفندق
زياد :يلا ياعريس انزل
الوليد:ههههه تعال افتح لي الباب خليني اتدلع عليك ولا مايحق لي
غلا ناظرت له وهو يضحك كان شكله يجنن ابتسمت بس ماتدري ليش
زياد:ههههه الا يحق لك ونص
ونزل فتح له الباب :تفضل يا العريس
نزل الوليد وهو مبتسم
زياد تكلم بهمس :افتح لزوجتك ولا تبيني انا افتح لها
الوليد ابتسم وبعدها ضحك :كان اذبحك الحين ههههههه
زياد :ههههههه اذا فيها ذبح ماراح نقرب صوب الباب ههههههه
ووخر عنه
الوليد ابتسم وتوجهه لباب غلا وفتحه ومد يده لها وهي خايفه مدت يدها له بتردد وهو مسكها وساعدها تنزل من السياره ولما نزلت
قرب منها وهمس لها :لاتحسبيني فتحت لك الباب عشان سواد عيونك لا ياماما بس عشان اخوي احرجني الا انتي ماتسوين شي عندي ويلا امشي قدامي
غلا انصدمت من كلامه هذا دليل انه كارهها دمعت عيونها حمدت ربها انها متغطيه الا كان شاف ضعفها وهي ماتبيه يشوفها ضعيفه
زياد صفر :صصصصصص
اقول اطلع فوق وتغزل فيها مو بشارع
ههههههههه
الوليد شد على يدها لدرجت حس انها بتتكسر بين يدينه وسحبها وضحك
:ههههههه يلا في امان الله زيود انا طالع
ومشى عن اخوه وهو مازال ماسك يدها
وصل لباب الجناح وفتحه ودخلوا
اول مادخلوا
غلا فكت يدها منه بقوه :خلاص كااااافي كسرت يدي
الوليد ابتسم بقهر وهو يناظرها :احسن خليها تنكسر
يا ......وسكت
غلا :يا ايش تكلم
الوليد طنشها ورمى شماغه وبشته على الكنبه ومشى للغرفه قبل لايدخل
التفت لها :اسمعي لا اشوفك تقربين من الغرفه سامعه وصك الباب بكل قوته في وجهها
غلا من صك الباب مشت لعند الكنبه وجلست بتعب وهي تبكي :آآآآآآآه يازمن ليش كذا ليش مو راضي اني ارتاح بدنيتي
ليييييييش..... قلت يمكن لو تزوجت بلقى السعاده بس وين انا ووين السعاده
وحطت راسها على الكنبه وهي تبكي
بالغرفه بعد ماصك الوليد الباب توجه للمرايه جلس يناظر نفسه
ويضرب على صدره يحس بنار شاعله فيه :ااااااه يادانه وينك ياقلبي
من بعد مارحتي وهالقلب ميت ميت بدونك كان مجرد التفكير فيك انك عايشه يخلي قلبي يرفرف
كان وجودك حتى لو كنتي بعيده عني يغنيني عن العالم كله
احلامك كلها يالوليد اصبحت سراااااب سرااااب
ااااااااخ اااااااااخ ياقلبي يارب صبرني على هالحياه
~~~~~~
نروح عند العرسان منار وحمد
اول ماوصلوا فتح حمد باب الجناح وهو ماسك يدها
:سمي بلله
منار بحيا :بسم الله
ودخلوا سوا
حمد كان طاير من الفرحه
شالت منار عبايتها وحطتها على الكنبه وحمد باقي واقف يناظرها مو مصدق حب الطفوله خلاص صارت له صارت زوجته
تذكر اول لقاء لهم كان يلعب مع زايد وزياد
غميمه الي هي الي تربط على عيونك وتحاول تمسك الي معاك من غير ماتشوف <<اكيد عرفتوها
وكان يلحقهم ومسك بنت وهي تصرخ
شال حمد الغطاء عن عيونه وهو مستغرب وش جاب هالبنت معاهم
منار :مين انت
حمد من شافها دخلت قلبه :هااه ...انا حمد
وانتي مين
منار :أنا منار
ومن بعد هاليوم كان يجي دايما عشان يشوف منار بحجة أنه يلعب مع زايد وزياد
ابتسم على هالذكرى
منار تناظر له :حمد وين رحت
حمد راح جنبها ورفع كفوفه وحظن وجهها
:كنت أتذكر اول لقاء لنا
منار ابتسمت :يوم مسكتني تحسبني واحد من العيال
حمد:هههههه ايه
وسكت شوي وبعدها قال
:منهو فينا يامنار أكثر يموت بصاحبه
ضحكت منار بخجل :هذي كلمتي .......
اكيد انا أكثر
مسك يدها معاه وهو طاير من الفرح
نترك كنااااري الحب
""""""""""""""""
باريس
جمانه كانت تمشي بلا هدف خلاص كلن تركها اول شي خواتها والحين فيصل ونواف ماتدري وين راح لامت نفسها انها ماانتبهت له
تكلمت وهي تبكي :بس انا ماني قاصده أتركه يروح وين رحت يانواف
كانت تبكي وتمسح دموعها وتمشي ماحست بنفسها
الا على صوت السياره الي ضربت فرامل ووقفت والماء الي بالارض تناثر عليها وهي طايحه بحظنه
رفعت رأسها تبي تشوف مين سحبها عن السياره وجهها كان احمر والدموع مغرقته
:ماتشوفين كنتي راح تموتين
جمانه قامت وبعدت عنه وهي تبكي :احسن خليني اموت خليني اروح اصلنا محد يبيني كلهم راحوا وتركوني حتى انت .. .اااهههي اااااهههههي انت يافيصل قلت أني تطفلت على حياتكم خلاص اتركني امووووت
تركته وراحت تبي تمشي بالطريق والسيارات رايحه جايه وهي مغمضه عيونها
فيصل مسك يدها وصرخ :يامجنونه وين رايحه
جمانه صرخت :فييييصل اتركني ابي امووووت
فيصل سحبها بقوه وضمها بكل قوته كان وده يدخلها بين ضلوعه مستحيل يتركها تروح وتموت ماصدق وهو لقى الي تدخل قلبه مره ثانيه
وهمس لها وهو مغمض عيونه :تموتين اموت وراك
رفعت جمانه يدها وضمته بقوه وتبكي
اااااهيييي ااااااه اااااأااااء
فيصل يمسح على ظهرها :جمانه انا .......... أحبك لاتروحين وتتركيني
جمانه ببكا :ماراح اتركك ماراح اتركك فيصل أنا أحبك واحب نوافي مااقدر اروح محل إلا على قبري
رفع فيصل يده وحطها على فمها :اشششش......جعل يومي قبل يومك
جات بتتكلم حست بيد صغيره تسحبها :ماما
لفت جمانه له وهي تمسح دموعها :عيون ماما
ابتسم فيصل وسحبها وحط يده على كتفها ومسك نواف بيده ومشوا سوا وكل واحد عيونه تحكي كلام كثثير
"""""""""""""
السعوديه
الكل رجعوا من العرس متكسرين بعد تعب الزواج
بغرفة زايد
انسدح طلال على السرير الي جنب زايد : آآآآآآآآآآآآآآآه ياظهري احس اني اليوم انكرفت كرف الحمير
زايد وهو ينسدح : آآآآخخ وانا مثلك
طلال :لا والله انا انكرفت أكثر اوريه وليدوه اذا ماكرفته بعرسي
ضحك عليهم فهد اللي يغير ملابسه : من شافكم تونون يقول انكم مكسرين الدنيا
التفت له طلال : ايه بلاك ماجاك اللي جاي لنا قهوه جايه وقهوه رايحه وشاهي جاي وشاهي رايح وقم ياطلال صب وقم يا طلال شوف العشا
وقم ياطلا ..
قاطعه فهد : ياليل بتذلنا يعني شكلي بعلم الوليد عليك
طلال : علمهx
مسك فهد جواله ويسوي نفسه يدق على الوليد
طلال اول ماشافه نط لفهد وباس راسه وهو يقوله بصوت منخفض : لاتقولxله مير يكوفني اذا خربت عليه ليلته وغمز له
ضحكوا كلهم عليه زايد وفهد
طلال وهو يناظر ل فهد ورافع حاجبه :وبعدين انت وش جابك عندنا وراك مارحت بيتك
انا ماصدقت وزياد عنده مناوبه عشان انام عند زايد تجي لي انت .......
فهد وهو يمسح دمعه من الضحك : كذا مزاج ابي عندكم
زايد وهو يلف للجهه الثانيه : فهيد خلي الهذر وطفي اللمبه وخلينا ننام والا ترى بنطردك
فهد : افاااا بس وينك ياالوليد تجي وتشوف اخوانك الي ذاليني
طلال :هو صادق تعال بس نام
فهد ضحك :طيب جاي بس وسع لي بنام جنبك
طلال :ياليل أبو لمبه والله شكلي بنعجن اليوم
فهد :اقول وسع ....
طلال وسع له :امري لله يارب انك تحميني من النمر المقنع الي جنبي
ضربه فهد على رأسه :هههه اقول نام بس
النمر المقنع بعينك
ابتسم طلال ولف الجهه الثانيه وهو يتذكر ملامح الي ملكة قلبه ماظنته يجيه النوم وهو يفكر فيها
"""""""""""""""
جلست على السرير وهي تحس بألم في ظهرها انسدحت لعل وعسى يخف الالم
غمضت عيونها وهي تحس بخوف من الاتصال الي جاها اليوم ردت كانت تحسبه زياد
اسيل :الووو
:ههههه احلى ألو ياحلوه قرب لقانا يابنت عمار انتظريتني
هههههههه
قفلت بوجهه من الخوف
دقايق ودخل عليها زياد وقرب منهاx
خاف لما شاف وجهها كذا جلس على السرير بجنبها: اسيل فيك شي
فتحت عيونها وابتسمت بتعب : لا حبيبي مافيني شيx
زياد مسك يدها : أسيل ماني اهبل انتي واضح عليك تعبانه قومي نروح للمستشفىx
أسيل: لا مايحتاج زياد بس ظهري يوجعني ممكن لاني ماارتحت اليومxوانت عارف من زمان مارحت مكان
عصب زياد : وليش ماارتحتي انتي هبله انتي من الاول تعبانه بهالحمل
أسيل تخفي التعب عن وجهها وجلست :زياد تدري ان اختك أروى تكون صديقتي الروح بالروح
زياد فرح :يعني أروى تكون صديقتك
اسيل نزلت راسها :زياد متى تقول لاهلك عن زواجنا
زياد :قريب ياقلبي قريب
بس أنتي ارتاحي وان شاء الله كل شي ينحل
اسيل :طيب حبيبي بنام وان شاء الله يخف الالم بس جيب لي قميص حتى اغير هاللي علي مااحسني مرتاحهx
زياد : ابشري وراح يجيب لها قميص وساعدها حتى تبدل وسدحها على السرير حتى تنام واخذ ملابسه وراح يبدل ورجع لقاها نامت انسدح جنبها ونام
اسيل ماكانت نايمه مغمضه وهي تفكر تقول لزياد عن الي دق عليها """ اكيد هذا ابو عادل حسبي الله عليه"""
.................................................. .................................................. ......
~~~~~~~
اول مادخلت البيت شالت عبايتها وطلعت لغرفة غلا فتحت الباب ووقفت تناظر للغرفه كانت فاضيه هي تعودت عليها بعد ماجت عندهم دانه ملت عليهم البيت بدت دموعها تنزل بصمت
وهي تناظر سريرها تسريحتها
جاء وحط يده على كتفها :اميره يكفي من ركبنا السياره وانتي تبكين
ام غلا من بين دموعها :تعودت عليها يامحمد
الحين وشلون بعيش من دونها
ابتسم أبو غلا بحزن :حتى أنا تعودت عليها بس وش نسوي مصير كل بنت تتزوج
ام غلا بحزن :صح بس مو بهالسرعه انا باقي ماشبعت فيها
قرب أبو غلا منها زود ومسح دموعها :يلا اميرتي لاعاد اشوف دموعك وادعي لها أن الله يوفقها بحياتها الجديدة
ابتسمت ام غلا :طيب
ومسك يدها أبو غلا وطفى النور وطلعوا من الغرفه وهم كل واحد يصبر الثاني
~~~~~~
بباريس
طلع من الحمام وهو لاف المنشفه على خصره وقرب من التسريحه وهو ينشف شعره ابتسم وهو يتذكر وشلون هالبنت خلت قلبه يتملكه كان دايما ينفي هالشعور بس الحين عرف وشلون كثر يحبها
راح لبس له بجامه ومشط شعره وتعطر وطلع من غرفته متوجه لغرفة جمانه ونواف
طق الباب
ودخل بهدوء شافها تمشط شعرها قرب منها وجاء من وراها ونزل رأسه على كتفها وهمس لها :احببببببك
جمانه وجهها ولع وانصبغ الوان :فيصل
فيصل بحب :عيونه وقلبه ودنيته
قامت جمانه وهي الخجل بيقطعها تحس انها بحلم هذا فيصل الي قدامها ويقول لها كلام حب ماهي مصدقه
قرب فيصل منها أكثر :ممكن انام معكم
جمانه وجهها احمر :هاااه
فيصل ضحك على تعابير وجهها :ههههه قلت بنام معاكم
جمانه :بس
فيصل راح وشال الديباج ووسع نواف وانسدح بالنص وهو يأشر لها :تعالي نامي هنا جنبي
جمانه طفت اللمبه وراحت تنسدح وهي ودها الأرض تنشق وتبلعها من الخجل
قرب فيصل منها وضمها وناموا....................
.................................................. ...................
~~~~
بيت أبو أفنان
كلن رجع وحط رأسه ونام
الا افنان من رجعت دخلت غرفتها على طول وهي تحاول تمسك نفسها ماتبي تبكي قدام أحد
اول مادخلت رمت نفسها على السرير وهي تذكر شكل زايد شافته يوم طلعوا بيروحون
كان شكله نحفان حييل وتعبان
: ااااه يازايد اشتقت لك انا متأكده انك تحبني بس وش ألي غيرك وش ألي غيرك
لا لا يا غبيه هو مايحبك لو يحبك كان ماقلك انك مثل أخته
فتحت جوالها على صورته وباستها
:أحبك حتى لو ماتحبني أحبك حتى لو تجفاني حتى لو تمر السنين ماراح يغير شي من حبك يازايد ماراح يغير شييييي ااااااهههي اااااهههههي
ونامت وهي تبكي وجوالها بيدها مفتوح على صورته
~~~~~~
انتهى البارت توقعاتكم .......