رواية امآل ..❤
الحلقة 2
"ملاحظة"/ اقرو قبل وبعدين علقو😍
مريم قامت تليفونها اللي كان علي سريرها وركبت للسطح واتصلت ب روبين
مريم / الو
روبين / اهلين مريومه شن الجوو!
مريم / تمام وانتي شن اخبارك
روبين / الحمدلله فرحانه كملنا امتحانات😍
مريم / بالتوفيق ان شاء الله
روبين / تسلميلي يارب🤗
مريم / بنطلب منك خدمة
روبين / عيوني ليك
مريم / لكن سألتك بالله ورحمة وبيك ما تجيبي سيرة ل رتاج
روبين / حاضر والله ما ح نجيبلها سيرة
مريم / نبي اليوم شن صار بالضبط والموعظ اللي داراته رتاج مع منووو
روبين خافت / كيف عرفتي قصدك عمي علي شدها؟؟؟
مريم / لا ما شدها حدد يا ودي لكن هكي اختي ونبي نطمن عليها
روبين / اااه خوفتيني .. اي هذا يا حنه بعد ما طلعنا من المدرسة ..... وبدت تحكيلها
مريم سكرت من روبين وقعدت تفكر / اووف زعما توا كيف بنبعدها عليه كيف؟! بأي طريقة لازم نبعدها عليه واحد زي هدا شيطان مينقربش .. بس كيف ح نبعدها عليه؟! 🤔
ناضت رتاج العشية فايقة ورايقة من النوم
حنان / رتوجه درت قهوة تجي تشربي معانا
رتاج / جايا هي😍
حنان استغربت الفرحه اللي فيها رتاج طلعت وسكرت الباب وشوية ولحقتها رتاج وحنان صبتلها فنجال
مريم / قعمزي اشربي معانا وين ماشية
رتاج / بنكسد ع النت ف داري .. بابا وين
حنان / ماشي مشوار وجاي ، قالي المغرب وتو روحكم نطلعو
رتاج / باه ، وخشت لدراها وسكرتها طلعت الشكلاطة وبدت تصور فيها مع القهوة والوردة وحطتها ستوري🙄
واتصل بيها سراج
رتاج / كيف بنتصل بيك تصدق😍
سراج / القلوب عند بعضها حبي
رتاج / اااي
سراج / شني صوتك كنتي راقدة شكلك
رتاج / ااي كيف نضت😌
سراج / اخخ امتى بس امتى
رتاج ضحكت / امتى شنو 😍
سراج / اللي هو قتلك حبي..
رتاج / عيونها
سراج / مزلتي مش واثقة فيا
رتاج / العفو سراج علاش تقول هكي
سراج / قصدي مرتي انتي را مرتي الاسبوع جاي بنجيب امي ومزال اديري عليا ف الجو تحسابيني نلعب وعيل
رتاج / لا حشاك سراج مقلتش هكي خلاص به تو نبعتلك تمام
سراج / عندك نت توا!
رتاج / اي عندي
سراج / خلاص ابعتيلي ع الواتساااب هيا مستاحشك مع اني مبكري شفتك لكن معش قادر نعيش من غيرك حتى لحظة
رتاج / 😍😍😍 هي هي لحظة ونبعتلك
رتاج فتحت النت وبعتتله كم صورة عندها وهي ف الحوش و بلبس الحوش..!
سراج / 😂😂 طررررف يا ولاد شدت ف وحده
صحابه جو جنبه / ترا وري
سراج / وحده وحده بالشوية زيد غادي
صحابه / تي هيا يا خرا ضليت امنا الزح
سراج / شوفو ها
صحابه / اوباااااا😐 عليك جسم
سراج / مش تعرفو صاحبكم ميدورش الا الحاجة الصح😉 مش المصعلكات اللي تجيبو فيهم😏
صحابه / ورينا شطارتك وجيبها لهنايا
سراج / نجيبها اي لكن نشبع بيها انا قبل وبعدين خودو راحتكم😉
صحابه / وااطي من يومك😂😂
روح المغرب وعلي قال لحنان وتو روحكم
وحنان قالتلهم ووتو روحهم وطلعو وقعدو يدورو كل مرة ف مكان لين بعد صلاة العشاء خشو لمطعم وطلبو عشاء ، جا العشاء وبدو ياكلو
علي / بنتي شن جو امتحاناتك مشو كويس
رتاج / والله كويس يا بابا ماشي الحمدلله
علي / شن تتوقعي روحك تنجحي
رتاج / امتياز طبعا😍
علي / علي خير ان شاء الله.. وقعد يشوف لحنان وحنان تشوفله
علي / رتاج بنتي انا بنقولك ان في واحد طلبك مني
رتاج انصدمت / ك كيف!
علي / اي كلمني عليك وقالي انا نبي بنتك رتاج
رتاج توقعاته بيكون سراج / من هو هدا يا بابا ؟؟
علي / مدير الشركة متاعي
رتاج شافت ل حنان / حمممزة خووووك😳؟
علي / اي حمزة خوها
رتاج / كبير عليا يااا بااابااا
حنان / مش هلبا الفرق بيناتكم 11 سنه بس
رتاج بدت تعلي ف صوتها / انتي اسكتي انتي كله من راسك اصلا كله من تحت راسك
اللي ف المطعم كلهم تلفتو
علي يتكلم من بين سنونه / رتاج صكري فمك ونقصي صوتك 😡 وبعدين خيره حمزة من شن يشكي؟؟
رتاج / اكببر مني بهلباااا يا باباااا بهلباااااا
علي / اهوو انا اكبر من حنان بهلبا وين المشكلة
رتاج / حنان خذاتك لانها متجيبش ف الصغاااار بس ولا مفيش من ياخدها😡
حنان انصدمت من كلام رتاج وعيونها ولو حمر / انا بنمشي للحمام ، ومشت بسرعه
علي / اقسم بأيات الله لما نوريك عليها الكلمة اهيا ف الحووووش ، وناض وراها
رتاج / اي وراها وراها ناقص غير تلزني علي خاطرها
مريم / رتاااج سكككري فمممك شن الكلام اللي تقوولي فيييه
رتاج / قلت حاجة غللللط انااا
مريم / كلام كله غلط ف غلللللللط ريحي روووحك
علي جي / نوضي انتي وياها برو للسيارة امشوو
مريم ناضت ورتاج مقعمزة ومتلفتة للجيهة التانية
علي / نككككلم فيك انا نوضي😡
رتاج ناضت تخبط وتنفتر ومشت مع اختهت ركبو للسيارة ولقو حنان مقعمزة القدام وتبكي
مريم نخصتها بمعنى اعتذري منها / 🤨
رتاج / منيش حولي عليا🙄
روحو الحوش وهما ولا كلمة خشو كل واحد لداره
علي / خلاص يا حنان!
حنان / انا تصدق .. والله وجعتني كيف رفضت خوي اكتر من وجعتني كلمتها
علي / علاش ترفض فيه خوك مترفضااش
حنان / لا يا علي لا دام انها متبيشي خلاص متغصبهاش
علي / كيف منغصبهاش .. خوك مديري وانا منقدرش نقوله لا الصراحة ليه فضل كبير عليااا
حنان / بس شكله البنت في حد ف حياتها😐
علي / تي نقتلها ونشرب من دمها كان هداااا غدوة بنعطي علم لخوك ان انا موافق
حنان / لكن ضروري يكون عنده علم ان هي رفضت ف البداية
علي / لا متقوليلاش خلي تو فترة وتتعود عليه وتمشي معاه عالكيف
حنان / زعما هكي رايك!
علي / متأكد 100%
حنان / خلاض تمام دير رايك
ناض تاني يوم علي ومشي لخدمته وقال ل حمزة انه موافق ولما روح قال لمريم قوليلها
مريم خشت عليها / شن ديري
رتاج / شي نهدرز علي سراج ع النت
مريم قعمزت جنبها / بابا قالي قوليلها وافقت والعشية بيجو اماليه را والبيان الاسبوع الجاي
رتاج / شنووووو 😡 شنن يخرطوو هادم شن يخرطوو منبيشي انا منبيشي الشااايب اللي جاااااايبينه .. وطلعت تجري
رتاج / باااابااااا شن الكلام اللي تقووولو فيه شن تخررررطووو اههه
علي فنص فيها / نخرطو ؟ انا نخرط ؟؟؟ وقدم عليها شدها وذنها انااااا نخرط ؟؟؟
رتاج / ااااي ياااا بااباااا😭😭😭
علي شدها من شعرها / قسماااا بأيات الله تعالى يجو الناس ونسمع من مريم انك درتي حركة هكككي ولا هكككي ما نبدا الا قااتلك يا فرخه الفروووخ انتي طالعه لااامك
رتاج / حووول علياا باهي خلااااص
علي يكر فيها لدارها / هاتي تليفووونك هااتي
رتاج / لا يااا بااابا تليفوووني دخخخله خليه بالله عليك
علي / سككككري فمممك ونسمع بيك طلعتي برا الحوش نقصلك مكاصيرك ، وخدي تليفونها وطلع ورتاج انهارت
العشية جو اهل حنان امها ومرت خوها واختها
مريم / الناس جو را تعالي
رتاج تبكي / منيش طالعه 😢
مريم / سمعتي بوي شن قالك ولا؟!
رتاج / مدخلاش بيا من ناخد .. بنمشي لامي انا نقعد عندها
مريم / وتحسابي راجل امك هوين ! وبعدين يا رتوجة والله بابا يبي مصلحتك
رتاج تبكي / مصلحتي يزوجني لواحد اكبر مني ب 11 سنه 😭 وبعدين انا منبيشي نبي سرااااج
مريم ف خاطرها " يارب تتزوجي وتتفكي من سراج " / باهي تو شن تبيهم يقولو بنات عائشوة مشفشات نوضي غيري ووريهم
رتاج مسحت دموعها وناضت بدلت
مريم / حطي شوية مكياج خيرك هكي
رتاج حطت مكياج لانها متحبش تقعد من غيره وطلعت
مريم / تعالي ارفعي العصير
رتاج / مانيش رافعه شي جيبيه انتِ
مريم / واااك بتجلطني اهيا😡
خشت رتاج سلمت من راس خشمها وعيونها تشقلب فيهم 😂 لين عرفو انها متبيش😂
شوية وناداها بوها مشتله
علي / مريم ديري قهوة
مريم / حاضر هي.. وخشت توتي ف سفرة القهوة
رتاج خشت / السلام عليكم
حمزة / وعليكم السلام .. وقعمزت بعيد عليه
حمزة / كيف حالك !
رتاج / باهي
رتاج / كم عمرك انتي! 18
حمزة / صغيرونه💓
رتاج / اي هلبااا صغيرة
حمزة / شن شروطك
رتاج شافتله🤨 /
حمزة / معندكش يعني!
رتاج ساكته
علي خش بالقهوة / تفضل هي
رتاج / عن اذنكم ، وخشت دارها
علي / شن صار
حمزة ضحك ع الجنب😏 / تفاهمنا خلاص الاسبوع الجاي بندير بيان وفضانية
علي / علي خير ان شاء الله
.
.
فاتو ايامات وبدو يوتو مريم وحنان للفضانية وجو عمات رتاج الزوز زهرة وربيعه ببناتهم وباتو بحكم انهم يسكنو بعيد وبدو يطلعو معاهم ويوتو ويشرو لين جي يوم البيان
ربيعة / نوضي يا بنت اكسري الشر وبري للمزين
رتاج / منيش ماشية انا قتلكم منيش ماشية
زهرة / هادي تبي يجيها بوها يكصرلها رقبتها
عائشة خشت / وعلاش يجيها بوها يكصرلهل رقبتها احبيبه ؟ هادي معاملة تعاملوها لوحده عروس!
زهرة / غير قولي السلام عليكم وبعدين خشي عاركي وفتفتي ، اصلا انتِ هدا اللي فالحه فيه غير اللسان وقلت الاحسان
عائشة / خليته ليك الاحسان يا ماما .. من يوم يومب معروفة احبيبه انا😌
زهرة / واضح من جيانك لحوش طليقك وانتِ اصلا متزوجه ، اعتقد ان راجلك معنداش علم
عائشة / لا عنده علم حبيبتي وانا جاية بنحظر فرحة بنتي حبيبتي منبيش نسيبها ف يوم زي هدا
زهرة / مرحبتين بيك يا حنه
رتاج / تعالي ماما نمشو دارنا
عائشة / هي .. ومشو لدار رتاج
حنان متوترة طول الوقت /
ربيعه / متعدليش عليها يا حنان هادي ديما هكي را
حنان / اي مش معدلة حتى انا🤗
.
.
عائشة / قوليلي خيرك متبيش تمشب للمزين
رتاج بدت تبكي / يا ماااامااا انا منبيشي وبابا بيزوجني بالسييييف 😭
عائشة / كييف شن تقولي انتي😡 علاش مقلتليييش
رتاج / ااي كنت بنقولك لكن خذي مني تليفوني وبيزوججججني لخو حنان😭
عائشة / ااه قووولي هككي يعني بوك ماشي بأوامر حنااان باااهي باااهي انا تو نوريهم ، وناضت فتحت الباب لقت مريم كيف خاشة
عائشة / حوولي خ نمشيلهم بيزوجوو بنتي بالسيييف
مريم / ماما غر نقصي صوتك تربحي تعالي نبيك ف موضووع
عائشة / شن في ؟
مريم / تعالي للجنان التالاني!
عائشة / خوفتيني يا بنت شن في .. وطلعو قعمزو برا
مريم / خليها تتزوج
عائشة / نعممم؟ ولمني خو حناان ؟
مريم / يا مااما افهميني خو حنان ولا اديرلك كارثة كبر راسها!
عائشة / كيف مفهمتش اشرحيلي كارثة شنو!
مريم / يا بابا اهو بنحكيلك من لاول نعرغ بنية زمان كانت تكلم ف واحد اسمه سراج واحد صايع لا عنده شهادة ولا خدمه لا شي فالح يكدب ع البنات ويستدرج فيهم لين يبعتوله صورهم ويبدا يهدد فيهم يا يطلعو معاه يا ينشر صورهم
عائشة / وباه وانا شن دخلي فيها البنت هادي
مريم / ما توا يكلم ف بنتك
عائشة / شنووو😳
مريم / وح يلعب بيها زي ما لعب بهلبااا بناات ، ع الاقل يا ماما خليها تزوج حمزة قنين ومدير شركة وفلوس
عائشة / مدير شركة!
مريم / اي وفلوس.. نصيحه خلاها تتزوجه خيرلها من هداكا يضحك عليها واديرلنا كارثة
عائشة / اي اي خلاص تمام..
عائشة قالت لرتاج بوك مقدرتش عليه ومصمم ان يزوجك ، المهم رفعها بوها للمزين بالسيف وهي ولا كلمة مشت ومكيجت ودارت شعرها وروحت لبست قفطانها وطلعت للناس فوق من نفسها ومخاطرهاش تشوف حد ولبستها امه وهي تبتسم بالسيف بأوامر من امها طبعا وفات البيان وفاتو الايامات ورتاج بدون تليفون وسراج سمع ان بوها واخد تليفونها لكن مسمعش انها انخطبت وبتتزوج!
حدد حمزة موعد العرس مع علي علي انه بعد 3 اسابيع لانه بيقعد اسبوع وبيسافر لامريكا بيقعد سنة وبيروح ف يبي مرته معاه .. ووافق عليه
مرو التلات اسابيع ورتاج ف الحوش لا طلعه لا خشة او بالاحرى ما خاطرهاش تطلع
وكل شي تشريلها فيه مريم وحنان .. وامها تطلع من جيهة وتاخدلها لين جي اسبوع العرس وبدو يوتو ف الحلاوات وحاجات الرشدة والغدي والحنة وجي يوم الحنة دارو الغدي رشدة والعشية قرو الفاتحه وهذا كله وحمزة ورتاج متكلموش بكل لين جت يوم الحفله ورتاج طول فترة العرس لا تضحك لا تبكي ساكته وخلاص وترد ع الكل من راس خشمها روحت مع حمزة للفندق وهي وياه ولا كلمة خشو وطول الوقت وهي متوترة
رتاج / خيرك تشبحلي😡
حمزة ضحك / 😂
رتاج / اسمع هما كلمتين! بتفوتلي شهر وبطلقني غير هكي معنديش كلام
حمزة وقف وقرب منها وقعد يضحك بالصوت / شن رايك نطلقك اليوم😉 زعما شن بيقولو عليك الناس🤔
رتاج انصدمت / 😳
حمزة / مش بيقولو فيها حاجة!
رتاج / 😳
حمزة يضحك / مديريش روحك فالحه😉 ومتلعبيش معاي لاني عارف شن في ف راسك😂 .. بدلي حوايجك والبسي حاجة مستورة كان عندك لان ولا ف يوم نفكر ان ح تكوني مرتي بجديات! .. وطلع وسيبها
رتاج قعمزت ع الكرسي ومصدومة من اللي كان تسمع! ومعرفتش تفرح! ولا تحزن ع اللي صار ؟! قعمزت فترة لين خش حمزة
حمزة بعياط / مش قتلك غيري حوايجك!
رتاج انخلعت وشافتله يفنص خافت / ب باهي باهي حاضر
حمزة طلع تاني .. وهي ناضت بسرعه فتحت شنطتها طلعت بيجامه حرير لبستها وطلعت صلت العشي شوية وخش حمزة
نحى جاكته وحذفها ع السرير وقعمز ع الكرسي الثاني وبدي يدخن
رتاج بدت تكح / اهو اهو
حمزة نفخ الدخان / حساسة ع اساس 😂
رتاج / علاش واخدني!
حمزة قام عيونه وشافلها / امم سؤال وجيه ويبي تعديل دماغ قبل .. كمل دخانه ووقف جي جيهتها وقرب منها وهي بدت توخر لين وصل فيها
حمزة / ....
#يتبع