طريقنا صعب

البارت ٣٠

‏يڪول :
‏لمعة العين وصبغ اظفر اديها
‏وعڪَدة الحاجب اذا ضوجه تجيها
‏و نبرة الصوت بحچيها
‏ااخ منهن
‏-اخ من ذيچ التفاصيل التشد ڪَلبي عليها..🖤

*****..*****..*****..*****..*****..*****..*****..*****..
دتشوفون هـذآ البارت ؟ دوسوا ع شاشة وسووا لايك .. من هسة ..حتى متكولون نسيت 🙂🖤😹.
*****..*****..*****..*****..*****..*****..*****..*****..

بعد شهر ..

نرجس : رزان رزان خلصينا المعازيم موجودين عيييب

رزان : اصبري عفية بَـس شـويَ ولله

هبة : شو تعالي

رزان : وكفت كبالها وسدت الي السحابة مال فستان ..

هبة : ديلا هاج .. شكد فاهية

رزان : اسكتي عني أِنتـي معليج

هبة : جرتني نرجس ع جهة وكالت ..
نرجس : عوفيها هبة ماتشوفيها خايفة المفروض ماتخاف لِأن هَـاي خطوبتها مو راح يودوها للاعدام. بَـس هَـاي طبعها شنسوي ..

فَ عوفيها براحتها لتضغطين عليها

هبة : عمي امرنة لله .. سكتنا

رزان : خطوبتنا قررنا نسويها ببيت جدو مو ببيتنا هم البيت اكبر بهواية .. وهم كُل كرايبهم يكدرون يجون ببساطة .. وهم بيبي رادت هِـيچ وعمامي فوراً قبلوا انو تصير الخطوبة ببيت جدو ..

محمد : خوية صادق شسالفتك انـتَ مو متفقين الخطوبة ببيتي شلون بالله

صادق : محمد فدوة اسكت اعرفك ذكي وتلكفها هسة شبيك ؟

يعني امي كاعد تدور زلة عليكم حتى تسوي مشكلة وماتمر الخطوبة على خير .. شتكول. كللها اي بَـس خلي تسكت

محمد : بَـس خوية

صادق : لاخوية ولا شي اسكت اسمع كلامي انة اعرفهة ل امي اكثر

محمد : خوش نشوف

رزان : وصارت الخطوبة ببيت جدو ..

اجن هوايـةَ بنات مِـن صالون بالبصرة قسورا كال احسن نجيبهن للبيت يشتغلن براحتهن ..

جان بودي أنـي اسوي مكياج لنفسي .. بَـس ماردت اخاطر خاف يطلع مو مثل الي ببالي واتورط ..

طلبت منهن يسون الي مكياج يرهم على هوايـةَ الوان ..

لِأن راح البس اكثر مِـن فستان .. اضل اغير

بعد ماكملن كُلشي والمكياج صار يجنن .. داالبس بالفستان ومااكدر اسد السحابة .. اجتي هبة وسوتها الي ..

احس متوترة .. خايفة .. بمكان ماافرح ضليت اصيح واعصب على اقل شي مااعرف شبية ..

قسورا ماشايفتة مِـن البارحة. ..

احس لما يكون يمي اصير هادئة ومااضوج ابد ..

مِـن يروح اصير بالعكس .. ماانجرع

اخذني البنات انزل وياهن الدرج .. احس ايدية ضلت ترجف ..

هسة اكيد كل النسوان والبنات منتظراتني واول ماانزل يباعلي ..

ننزل الدرج أنــي والبنات واحس الانظار كُلها علية .. حتى الاطفال دتباوعلي ..

البيت زينوا تزيين مو طبيييعي حييل عجبني .. هو أصـلاً بدون زينة.. حلو خفت يضيفون الة ورد والوان ويطلع ماحلو .. بَـس الحَمـدلله اخذوا الوان فاتحة وصار حيل حلو ..

كُلشي تمام .. أني والمكان والفساتين والمكياج ..

بَـس احس ضايجة لِأن قسورا مو يمي ..

كاعدة على التخم والبنات يمي ياخذن صور ..

شـويَ وصاحوا راح يجي العريس ..

احس گَـلبي راح يوكف متوترة مو شلون ماجان ..

مستحية مِـن قسورا اي .. بَـس مستحية اكثر لِأن راح نتشاوف كبال الناس ..

لابسة فستان وردي فاتح مِـن فوك مخصر ومن جوة كلوشة .. التسريحة حييل عجبتني البنات عرفن يختارن كُلشي عدل وحلو ..

دخل قسورا والكُل ستر نفسة ولبسن حجابات ..

أنــي رفعت راسي واجتي عيني بعينة ..

ابتسمت تلقائياً مِـن شفت وجهة ..

تقدم علية ووكفنا ثنينا .. لبسني الحلقة واني ايدية ترجف ماعرف شسالفة .. اريد اهدأ مااكدر ..

اجتي ماما ولبستني كلادة كرستال حيييل نازكة وحلوة .. أنــي وصيتها عليها لِأن مو هِواي احب الذهب ..

قسورا اشرلي البسج الذهب ..

رزان : ماقبلت لِأن يصير مو حلو وهوسة بركبتي .. كلتلة خليه بعدين البسة ويا غير فستان ..

سمعتة بلكوة مِـن هوسة البنات .. يكول

قسورة : ها ولك ليش ترجف

رزان : باوعتلة وكتلة .. ليش تحسسني كل يوم انخطب أنــي ؟ شي اكيد اتوتر

قسورة : عمي اسف اسف تردين اطلع ، اروح عنج ؟ يلا باي

رزان : تعاااال

قسورة : هههههههه

رزان : بلكوة اقنع نفسي انو عادي وماكو داعي اتوتر .. خلي اهدأ .. ضليت شـويَ شـويَ ابتسم واحجي ويا

قسورة : اي ابوية شِـنو هلجمال شـَوية شـَوية على گَـلبي

رزان : المفروض ابتسم لكلامة بَـس ضليت اضحك مِـن كد مافرحانة بهليوم وبكلامة .

قسورة : خير ؟ حجيتيلج جم كلمة وبعدها القط اكل لسانج مو ؟

رزان : استاذ غثة ليش ماتسكت عني

قسورة : احب اضوجج شسوي

رزان : ومالكيت غير هـذآ الوكت. تضوجني بي ؟

قسورة : اي اي هِـيچ بكل وقت وبكل يوم احب اضوجج تصيرين احلى مِـن تعصبين

رزان : لابالله هَـاي وين لكيتها

قسورة : اي ولله هههههه

رزان : كُل كلامنا هـذآ نحجي بثواني بساع بساع .. قطعنا الكيك وواحد وكل الثاني .. ماحب اسوي هذني السوالف احسهن مالهن داعي .. بَـس البنات ضلن يلحن .. وباجر عكبة تتندمين وتكولين ليش ماسوينا هِـيچ .. خلني حتى ماافكر اعوف هذني النقاط ..

سويت مثل ماكالن ووكلتة قطعة مِـن الكيك وهو هم ..

مامشتهية حتى اشرب قطرة مي .. مااعرف ليش

مِـن البارحة مماكلة مااشتهي كُلشي .. بَـس بلكوة اكلت شـويَ كيكة ..

شـويَ واجتي نرجس يمي ..

نرجس : رزان ماالمفروض اكلج .. بَـس مااكدر ولله ههههه لج حبابة شوفي نور شلون ميتة قهر ..

رزان : وينها وينها

نرجس : هذيج كاعدة ع الدرج . .

رزان : باوعتلها .. يا هَـاي صُـدك دتحجي !!

شامرة الشال على راسها وشعرها كلة مفتوح !!

وفستانها طويل بَـس حييل مخصر على جسمها ..

زين شِـنو موقع الحجاب بالموضوع !!

مااريد قسورا يباوعلها بَـس هي كاعدة كبالنا يعني شيسموها ها !!

اصفن عليها لَـو على عماتي .. باركن الي مِـن ورا خشمهن .. وطول الحفلة هنَ يباعلي على بالك طالباتني بطلابة ..

اجتي عيني بعينها هزت ايدها وكامت ..

بالله هَـاي شتحس شسالفتها !!

بساع بعدت كل الافكار عن بالي مااريد اضوج بهيج ايام ..

اجن البنات اصعد وياهن ابدل غير فستان .. حتى ناخذ صور اكثر ..

كمت وياهن وشفت قسورا طلع ..

صعدنا للدرج وشفت حوراء صعدت ورانا ..

دخلنا للغرفة .. وطلعن الفستان الثاني الي ..

جان كُلة منفوش ابد مو مخصر ولا شي .. بَـس حييل شكلة لطيف وكيوت ..

جاي البس بَـي ودخلت حوراء ..

رزان : حوراء قسورا وين راح

حوراء : صاحوا جماعتة شـويَ وراجع كال

رزان : ضليت احوس .. ليش طلع .. مدري ليش افكر انو نور تروح تحاجي .. مدري منين اجيب هَـاي الافكار ببالي . .

خلصت وضبطت المكياج شـويَ .. ونزلنا

كعدت بمكاني وشوي واجة قسورا ..

قسورة : تأخرت عليج ؟

رزان : اي تأخرت واكعد بعد ماكو طلعة ماتروح

قسورة : هههه ليش

رزان : بكيفي عندك اعتراض ؟

قسورة : لايابوي ماعندي اعتراض . هَـاي هيَ راح احبس روحي على مودج ..

رزان : اي عفيية ..
كلتلة هِـيچ ودار وجهة وضل يضحك ..

دققت بملابسة اكثر .. لابس كُلة نيلي اي الحمدلله مو اسود ..

مغير قصة شعرة ..

لحيتة كلي اخففها وماقبلت اني .. هِـيچ احلى علي

الصالة حييل جبيرة .. وكومة نسوان وبنات واطفال بيها .. وانواع العطور ممزوجة بالهوة ..

بَـس عطرة طاغي على كُل العطور ..

اكدر اميز اي عطر مِـن عطورة الي يخليهن ..

تقربت يمة وكتلة ..

رزان : قسورا

قسورة : گِـول

رزان : انـتَ مكسر علية اليوم ، طالع احلى مني ليش هِـيچ

قسورة : مايتقارن الرجال بالمرة مِـن ناحية الجمال

رزان : اي اعرف بَـس ولله طالع تموت الييووم .. ماشاء الله خاف احسدك ..

تقربت اكثر منة ..

رزان : اللله شِـنو هـذآ العُطر جديد ؟

قسورة : رزان هسة منو جاي يتحارش ؟ ها ! ها

رزان : ههههههههههههه

عفتة وضلينا ناخذ صور أنــي والبنات ..

كلساع اباوعلة والكاه يأشرلي ويكول بسيطة ..

صُـدك سالفة حلوة مِـن تضوج الواحد هههههه

ومثل اول مرة بدلت الفستان الثالث .. جان مِـن اختيار قسورا حيل عجبني.. صُـدك ذَواق بأختيار كُل الملابس مو بَـس ملابسة ..

وخلصت الحفلة بعد ساعات مِـن التعب والفرح والهوسة والدك والركص ..

خو البنات ماقصرن .. خاصة نرجس اريدها تكعد ماكو ..

رزان : ولج ماتتعبين أِنتـي ؟

نرجس : غير خطوبة اخوية شلون بالله

رزان : بكيفج انة علمودج

نرجس : ها ضليتي تحجين مثلنا هههههه

خلصنا .. وصار الليل كُلش ..

كُل المعازيم راحت بقوا بَـس القريبين علينا .. ناس ضلت تبات وناس شـويَ وتروح ..

رجعت لبست فستان مخصر على الجسم بَـس مابي تفاصيل هِواي .. وشـويَ مُريح ..

بعد ماتعشينا كُلنا ..

احس ميتة قهر لِأن ممشتهية اي شي ومسدودة نفسي هل ايام ..

ومخلين انواع الاكل ماحب كلبك واشتهة ..

واني اباوعلهم واريد آكل بَـس ماجوعانة ..

قسورا اكل يم الزلم شـويَ واجة يمنا كمل اكلة .. يعرفني مااكل ..

قسورة : لاتعاندين واكلي صارلج يومين يمكن ماكلة بَـس وجبة وحدة .. شِـنو حسدناج؟ كلنا سمنانة كمتي ماتخلين لكمة بحلكج

رزان : ليش تصيح علية ماريد اكل

قسورة : أِنتـي بَـس اكلي لكمة وهسة تكملين ببحدج ولله

رزان : ماريد

قسورة : اشو تاكلين غصباً عنج مو بكيفج

رزان : ضليت اضحك .. كتلة

رزان : هَـاي الجملة مالتي لاتاخذها

قسورة : مااخذها بَـس اكلي خلصيني . .

رزان : يلا بَـس شـويَ ..

اكلت شـويَ وكلت يلا الحَمـدلله شبعت ..

خلصت كلامي واسمعة يكول

قسورة : وانة هم الحَمـدلله شبعت

رزان : خاف ماعندك انـتَ ماكلت هوايـةَ

قسورة : اكلي وانة آكل

رزان : شلون سالفة هَـاي

قسورة : بكيفج ضلي

رزان : باوعتلة بطرف عيني .. جريت الصينية الي وكعدت اجبر روحي على الاكل ..

اكلت شـويَ بعد وصدك نفتحت نفسي على الاكل احسن مِـن قبل ..

رزان : يلا اكل مو تغلس

قسورة : هههههه خوش

كملنا الاكل ورحت غسلت ورحت ضبطت مكياجي اكثر .. كلساع اشوف نفسي بالمراية ، حيل عاجبني اللوك هـذآ .. ماادري شلون ماتجي على بالي هِـيچ الوان حلوة ودامجتها ويا بعض  البنية ..

اشوف الناس كُلها دتاكل بعدهم .. واحنة بنص ساعة كملنا اكل ..

وناس دتغسل وناس كاعدة على التليفونات تاخذ صور ..
شـويَ وصاحني قسورا

دخلت للاستقبال ..

رزان : نعم زوجي العزيز

قسورا : ههههههههههههههه

رزان : ضل يضحك اخذلة دقايق وهو يضحك ..

على ضحكتة وبواهسة ضليت اضحك ..

رزان : ههههههه شبيك

قسورا : هم مِـن الصدمة اضحك وهم طريقتج مِـن كلتيها تضحك

رزان : بعد ماكول بطلت ولااتغزل بعد هـذآ اخر يوم تسمع مني كلمة حلوة .

قسورا : لاعلى بَختج يمعودة عايشين على الله وعلى هل جم كلمة

رزان : هو كال هِـيچ .. اريد اسكت مِـن الضحك ماكو

يعني هِواي اشوف ناس حلوين بَـس غثة حيل ، ماتحب تحجي وياهم او تكعد وياهم ..

بَـس قسورا حيل دمة خفيف .. مايكدر الواحد ميضحك مِـن يحجي ويا

قسورة : اي ست رزان مااطلبج فد شي انة ؟

رزان : لا ماتطلبني ..

قسورة : دوري منا منا خاف ناسية شي

رزان : هههههه اي تذكرت

قسورة : اي يا الله اجانة الفرج

رزان : انـتَ مو عندك فلوس شكو تريد بعد

قسورة : يافلوس

رزان : مو دفعتلي هذيج المرة فلوس الحلويات وكلتلي ارجعهن منج .. معقولة لحد هسة متذكرهن .. شدعوة عليك

كلتلة هِـيچ .. سكت

اريدة يحجي ماكو .. بلاخير كتلة

رزان : خاف زعلت مني

قسورة : يعني انة هِـيچ تالي عُمري اتزوج بنية هلكد ثولة ؟

شُـكـراً ياربي

رزان : اباوعلة ومنتظرة توضيح منة .. ضليت اباوع منا ومنا .. مايحجي .. كتلة

رزان : هسة شِـنو يعني شِـنو قصدك ؟ ليش تكول ثولة شحجيت أنــي

قسورة : أِنتـي ماتفهمين الا طك بطك ؟

اي تعاي انة ماعندي مشكلة

رزان : سحبني الة وباسني .. رجعت وجهي بساع .. منصدمة

قسورة : ها شبيج ههههه

رزان : ضل وجهي متشنج كلمرة ينطيني خبر يوضحلي هسة ماكو بدون تفاهم !

قسورة : عود صُـدك لحد هسة مافهمتي كلامي ؟ انة عبالي تتشاقين ولله

رزان : ها يعني انـتَ قصدك تريد بوسة ؟

قسورة : لا اريد جبس ليز

رزان : هههههههههه اي مافهمت شسوي يعني ؟ أنــي شعلية

قسورة : لا يابوي شعليج أِنتـي

رزان : رجعت كعدت بمكاني وطلعت التليفون اكلب بي ..

قسورة : التليفون مو طاير .. عوفي شـويَة

رزان : داراسل صديقاتي
كلت هِـيچ واجة اخذ التليفون مني ..

ماردت احجي .. غيرت الموضوع بساع .. كلتلة

رزان : اكلك تعال احجيلك .. نسيت احجي وياك بهاي السالفة

رزان : كاعدة على التخم أنــي ..

اجة تمدد على التخم وخلة راسة على بحضني ..

باوعلي وكال

قسورة : ياسالفة

رزان : كوم واحجيلك

قسورة : لاعادي احجي هِـيچ

رزان : غمض عيونة .. كتلة

رزان : انـتَ نعسان شي ؟

قسورة : اي ولله هوايـةَ

رزان : روح لغرفتك نام

قسورة : يلا تعاي وياي

رزان : لاعيني لاتروح زايد .. لااعرفك ولاتعرفني

قسورة : ههههه هَـاي شِـنو

رزان : اي ولله لحد هنا وستوب .. بيباي

قسورة : عمي بطلنا ما اريد انام احجي ..

رزان : ذيج الساعة وين رحت .. صُـدك رادوك اصدقائك ؟

قسورة : اي ليش .. اخذت وياهم كم صورة ..

رزان : هاا

قسورة : شِـنو اكو شي ؟

رزان : زين نور ماباركت الك ؟

قسورة : ههههههه تردين توصلين لنور .. كولي هِـيچ من البداية ..

رزان : لاعيني مو هِـيچ قصدي .. بَـس يعني احب اعرف

قسورة : اي باركتلي

رزان : وشنو جانت لابسة

قسورة : هههه وشمدريني شِـنو جانت لابسة . ماعندي شغل وعمل اشوف الست نور شِـنو لابسة ؟

رزان : يعني مانتبهت الها ؟

قسورة : ولج ولله ماانتبهت . هههههههه

رزان : ضلينا نحجي اكثر من ساعة .. شفتة حيل نعس

واني هم نعسانة .. كملنا كلام ورحت انام .. بلكوة قنعتة يروح ينام .. لِأن يريد يكابلني ونكعد نسولف ..

صعدت لغرفتي لكيت كُل البنات موجودات .. حتى كرايبنا مِـن بعيد موجودات .. بنات بكدي واكبر مني .. بَـس ماعندي معرفة قوية وياهن ..

بدلت ملابسي ومسحت كُل المكياج الي بوجهي ..

خلي وجهي يرتاح والبشرة شـويَ تتنفس ..

كعدنا ناكل حلويات ونسولف شِـنو صار .. وشنو فلانة لبست وشنو علانة سوت ..

بين قوسين نحش. بهاي وذيج ..

شـويَ وماحسيت على نفسي وغفيت ..

كعدت على صوت شي وكع بالغرفة ..

كمت باوعت .. الغرفة ضلمة .. كلت

رزان : منوو

طيبة : سوري حياتي بالغلط وكعت الشاحنة

رزان : لَـو غيرها جان كلت متقصدة تكعدنا كلنا واحنة تعبانين .. بَـس لِأن. طيبة اعرفه هَـاي البنية حيل حبابة ..

كتلها

رزان : يلا عادي

كمت فتحت تليفوني شفت الساعة ب ٤ الفجر

رزان : لعد أِنتـي شعندج كاعدة ليهسة

طيبة : نومتي مخربطة انام بالنهار واكعد بالليل ..

رزان : هههه تمام .. فتحت التليفون .. شفت مسجات مِـن قسورا ..

قسورة : تعالي للسطح منتظرج ..

قسورة : وينج تأخرتي

قسورة : تجين لَـو ارجع انام ؟

قسورة : رزان كاعدة لَـو لا ؟  جاي اشوف يوصلن المسجات ليش ماتردين ..

قسورة : راح اجيج ولله

رزان : شفت اخر مسج جان بــ ٣ ونص شي اكيد رجع لغرفتة هسة ..

طارت النومة مِـن عيني .. كمت غسلت وجهي واخذت الشال وخليتة على راسي ..

نفس ملابسي مال نوم مابية حيل ابدلهن ..

نزلت الدرج رحت للبراد اشرب مي ..

اخذت مي وياي وصعدت ..

ردت ادخل للغرفة .. وترددت.. اصعد ليفوك اشوفة بالسطح لَـو لا ؟

خاف بعدة موجود ؟

دخلت للغرفة خليت المي على الميز وطلعت ..

سديت الباب وصعدت الدرج ..

رزان : ابتسمت واني اشوف باب السطح مفتوح .. يعني بعدة موجود ؟

تقربت شـويَ شـويَ ولكيتة كاعد على الكرسي ويدخن ..

يمة كرسي ثاني فارغ ..

رزان : خطية جان منتظرني اجي ..

طلعت للسطح وصحت

رزان : صبااح الخييير

فز مِـن صوتي .. وكال

قسورة : يلعن يومج

رزان : ههههه اسفة

قسورة : خليتي بيها اسفة هيَ
شكعدج

رزان : انـتَ ليش نتظرتني غير رحت نمت

قسورة : نمت كم ساعة وكعدت علمودج .. ماحب اكون  بهـذآ اليوم كلة نايم

رزان : هو انـتَ وين نمت .. اليوم كلة مانايم بَـس كم ساعة ..

قسورة : شمدريج

رزان : كلتلة اعرف .. وكعدت بالكرسي الي يمة ..

رجع كعد يمي .. تقربت الة وخليت راسي على جتفة ..

قسورة : ها منو جاي يتحارش هسة ؟

رزان : هههه لاعفية عدا الشقة خلينا هِـيچ شـويَ .. خلي نسترجع الذكريات

قسورة : ههههه ياذكريات

رزان : ذكرياتنا مِـن اول ماشفتك ..

قسورة : ها يعني انـتَي تردين تحجين ؟ يلا احجي

رزان : هههه لاعيني ماريد احجي

قسورة : بكيفج هههه

رزان : باوعتلة وكتلة

رزان : خلي هِـيچ لانحجي شي ..

الوضع هدوووء حيل .. صافنين بالسماء والنجوم ..

الهوا بارد يخبل ..

رزان : لازمة ايدة بأيدية الثنين ومخلية راسي على جتفة وصافنة ..

اكثر مِـن نص ساعة ماحجينا شي .. غير

رزان : كافي جكاير عفية

قسورة : هَـاي طفيتها .. بعد مااشرب

رزان : باوعتلة بنظرة .. انو ابد مامصدكتة ..

ضل يضحك. ..

قسورة : ماضل اقل مِـن شهر لعرسنا

رزان : هِواي تعيدلي هَـاي الجملة

قسورة : فرحان حييل بيج شسوي

رزان : أنــي فرحانة اكثر منك ..

قسورة : احبج .

يتبع ....!