چنت اريد بروحچ انطش .
طشة العطر بهوى اللّٰـه ،
و چــان عندج غير راي
شما اجي لـ روحج هوى تلاگيني ماي ..🖤
*****..*****..*****..*****..*****..*****..*****
رزان : بعد ماحجيت ويا ماما وبابا ضليت بصدمة !! شنو هلحجي !! على أي اساس يتصرف بكيفة ؟! شنو هوَ الزواج لعبة !!حتى بساع خطوبة زواج اطفال ..
منو كال الة اني حاضرة لهيج اشياء حيل ضجت من تصرفة بشكل مو طبيعي .. ناهيك عن انو شلون راح اتصرف ش كول ؟!!
اي .. لا !!
شنو اكول ؟! يعني شكد صايرة مواقف بحياتي محرجة بس هذا مو موقف محرج لا .. هذا موقف قاتل .. الواحد شنو يتصرف !!احبة ويحبني .. اريد اكمل دراستي ويستحيل بهذا عمري اتزوج اريد اعيش حياتي طبة طلعة بكيفي .. وهذا حقي .. شنو اتزوج وعمري ١٧ س بعدني حتى مداخلة ب ١٨ ..
واصلاً شلون مياخذ رأيي وين صايرة هاي يخطبني بدون ميكلي !! اريد اشوف شنو العذر مالتة انو سوة هلتصرف ...
ريمة: جاي يحجي وياج ابوج متردين !!
رزان: ها بابا اسفة .. بس يعني انت ً مقتنع بهذا الشي ؟
محمد : بابا طبعاً ممقتنع وبعدج صغيرة انتي وينج وين الزواج .. شوفي بنتي خلي احجيلج الصراحة ..
رزان : بابا يحجي واني ابعد عيني عنة واصفن .. وبساع اتذكر خاف يحجي كلام مُهم .. وارجع انتبه ويا ..
محمد : قبل فترة ابن صديقة امج شايفج والمرة مخابرة امج اكثر من مرة وضلت تلح .. انو رايدتج لابنها .. طبعاً اني رفضت لان اولاً الولد مانعرفة ثانياً انتي بعدج صغيرة .. بس هسة
رزان : بس هسة شنو بابا !!
محمد : لاتخافين هسة بعدني على رأيي ماانطيج طبعاً بس لان ابن عمج ..بعد قسورة وعندج الحساب كرايبنة كلهن يردنة لبناتهن ترة
رزان : اي معلية بيهن اني
محمد :اي بابا جاي احجيلج هسة افتهمي لتضلين كلساع وكمزتي بوجهي .. باعي مثل مكتلج اني ممغير رأيي بس كلت مادام احنة نعرفة لقسورة وهو ابن عمج گلت اخذ رأيج خاف كُلشي يصير وتكولين ماكلتلي وانتَ وكفت بطريقي .. ابري ذمتي اني .. هذا الصار اني اعرفج مراح تقبلين ..بس ردتج تعرفين شنو الي جاي يصير .. لان اعرف طبعج باجر عكبة تكليلي ها انتَ مكتلي
رزان : هاا لابابا
محمد : هو شنو ال لا بابا
رزان : ماما ماحجت ولاكلمة تعرف بابا هسة يضل يصيح .. تباوع الي ولبابا كلساع .. منتظرة مني حجاية .. بس حقها تعرفني مراح اتوالم ويا عماتي وويا هذا الجو وبعدني صغيرة يعني راح ادبرها اني ؟ طبعاً لا ..
كتلة ..
رزان : هو قصدي حجيك صح واني مااقبل طبعا ً
محمد : هذا هو كيفج
