شنسى منهن!
حدة الصوت و سمارك ،
طولك ، و نبرة ضحكتك
و الحچايات الحنينه
الـ منها صرت اعشگ لهجتك
شنسى منهن؟ ..🖤
*****..*****..*****..*****..*****..*****..*****
رزان : نصدمت .. هو مو كال راح اوصلكم ؟!!
شديصير !...
شوي وطلعنا .... ضليت صافنة وعيوني على التليفون عود اكلب بي ... بس جذب دافكر وراح يكتلني التفكير ليش ماهوَ وصلنا !
خاف اسأل ماما مرا ثانية وتشك بشي ...
سكتت ..حيل ضجت شنو معنى هذا التصرف يعني !
خليت الهيتفون وضليت اسمع اغاني ..مانمت ولادقيقة بالسيارة .. بس صافنة واسمع اغاني ...
وصلنا لبيتنا ..
اني اخذت جنطتي بساع وصعدت ليفوك ..لغرفتي ..
شمرت الجنطة وكعدت على جربايتي ..
وكلعادة سيطر على عقلي هوَ... بالتفكير
رحت سبحت وبدلت ...
وكاعدة على اعصابي اريد توضيح .. !
خابرت نوران حجيتلها كُلشي هيَ بس تسمع معدها شي تكولة ماتعرف شنو السبب .. اذا اني مااعرف شنو السبب شي اكيد هيَ متعرف ..
صار الظهر وماما مسوية الغدة هيَ وهبة ..اني منزلت ..
كمل الغدة نزلت ..
كعدت وياهم على السفرة واكل بدون كلام ..
محمد:شبيج ليش ضايجة ..
رزان : مابية شي ...
باوعلي بابا وسكت يعرفني مااحجي لأن جنت كلما اضوج اهدأ وبعدين اروح احجي الة الي ضوجني ...
هسة مااكدر ...
ريمة : بنات ماضل شي للدوام .. نروح للسوك باجر علمود تاخذن ملابس المدرسة والدفاتر وهلسوالف ..
اريد اخلص من هوستجن من هسة وديربالجن تكللي بعد كم يوم تردن شي ثاني وماعرف شنو... نروح باجر تشترن كُلشي تحتاجنة وخلص بعد مانطلع ببراها .. متفقين ؟
هبة : اي يوم متفقين ... يلا رزان المواعين عليج ..
رزان : عفية ولله مابية
هبة: بس كليلي يايوم كلتي اوكي وسويتي الي اكولة بساع ..!
رزان : اوكي اوكي كايمة ...
هبة: لالا كُعدي سويتي نفسج زعلانة هسة ..يابة اني اغسلهن روحي انتي ..
رزان : هاج هاي بوسة الج .. والله انتي احلى اخت
هبة:اي اي صبغي بية ...
رزان :هههه
رحت غسلت وصعدت لغرفتي ..
