احيانا نحتاج الى الامان الى الحنان الي نفقدة بأحد افراد العائلة لكن لو كانت العائلة كلهة عبارة عن قسوة عدم امان دمااار بهلحالة شراح نسوي شنكول شنتصرف معقولة نبحث عن الي فقدنا بشخص ثاني او نمشي بطريق غلط
بس لازم نفكر انو اكو رب الي يعوض ومنتسرع كون لان هوة ياخذ شي ويعوض بشي ثاني
اني وخواتي جنة هيج
اسمي دنيا عمري ٢٠ سنة واخت اصغر مني عمرهة ١٨ سنة اسمهة دانية ووحدة عمرهة ١٦ سنة اسمهة ديانا وواخ واحد اسمه سجاد عمرة ٢٥ سنة مزوج وعندة اطفال اثنين زوجتة اسمهة نور واطفال
جود وجمانة توم امي وابوية اثنينهم بيناتهم ممصافين كضينة عمرنة نحل مشاكلهم بابا يسمينة اني وخواتي العار يكرهنة لانو يكول البنت عار شفنة انواع العذاب على ايدهم امي قاسية وابوية اقسة من عدهة بس جان سجاد حنين علينة وزوجتة هم حبابة هية غريبة البنية
شكلي طويلة بيضة كلش بيضة خواتي يصيحلي الفاهية من كد بياضي وهلشي اكتسبنا من امي بيضة وعيوني شهل شعري طويل لحد ركبي دوم اخليلة حنة
ملامح وجهي عادية ومتناسقة وجمالي هم عادي خواتي هم حلوات احلانة ديانا عيونهة سمائي صافي والبياض اثلاثتنة متساويات جنة وحدة صندوق الثانية منضم شي على بعض
عندي صديقة اسمهة نيزك اموت عليهة صديقة طفولتي وهم خواتي يحبنهة عفوية وخبلة شوية سوالفهة اموت عليهة
اني سنة ثانية جامعة كلية علوم كيمياء
ودانية صف سادس وديانا صف رابع اعدادي شاطرات
طبعا اني سافرة مالبس حجاب لبسي بناطير
كعدت الصبح اليوم عندي امتحان باوعت بل٦ ونص كمت دخلت سبحت وطلعت لكيت خواتي هم منتضراتني اطلع دخلن سبحن وحدة ورة الثانية وكفنة انحضر رواحتنة للدوام وكفت دانية تشسورلي بشعري طبعا شعري غجري مو ناعم نوبات اشسورة ونوبات لا اعوفة المهم شسورتليا وخليت مكياج خفيف بعد ماتأكد بابا طلع وسجاد ملتحق لان هوة بلحشد عشرة يلتحق وعشرة يمنة
نزلت اركض من سمعت الباب يندك اكيد نيزك لبست حذاء فلات اسود وية بنطرون اسود وقميص زهري فاتح شعري فتحتة وشسوررتة دانية مكياج كحل مسكارة حمرة فاتح لونهة بوست
نيزك وطلعت وخواتي طلعن وياية راحن هنة للمدرسة واني صعدت وية اخو نيزك عمار
هذة اخوهة عينة علية 😑 ويذب حجي مرات ارد عليه ومرات اسكت ومرات اعوف السيارة وانزل هوة مخلي خط الية خلاليا سجاد لان لو تبقى على امي وابوية هه عادي عدهم لو رحت مشي ورجعت مشي للجامعة
ال سلام عليكم
وعليكم السلام هلا بهلصباح
حجاهة وهوة يغمزلي ويبتسملي
تأفأفت بضوجة وكلبت عيونة
حجة هوة
لج عيني نضرة من هلشمسين مالتج الصبح تسوة عمر عندي دقبلي بيه صدكي لخلي ابو سفيان خدام عندج
اشلون يعني تسكت لو انزل
لا يابة شتنزلين ماسمح لزوجتي المستقبلية تروح وحدهة
باعتلة بعصبية وفتحت الباب ونزلت نزل هوة علسريع وراية ولزم ايدي وحجة
كافي دنيا اصعدي سكتت
نترت ايدي منة وردت امشي رجع سحبني وخزرني
داكولج اصعدي بسرعة فتحت الباب وصعدت حجت نيزك
صدك.جذب تأخرنة علجامعة يلا عمار فدوة وبعدين تعاركوا
اني التزمت الصمت ماحجيت بعد
اخذت الملازم مالتي وكمت واني احجي وية نيزك
كومي فدوة متت خلي نروح للكافتريا ناكل شي جوعانة
طلعنة نتمشى اني ونيزك ونسولف علمحاضرات نضربت بجتف ولد رجعت ليورة اسفة اسفة ومجان قصدي
تعذرت منة واني دموعي تجمعت بعيوني يربي شجاني وين جان بالي
اشرلي وهوة يباوع بعيوني
لا لا ولا يهمج مصار شي طلعت كلينس وانطيتة يمسح الجاي الي نكلب على بنطرونة
حجة خلاص خلاص مصار شي هسة اغسلة ابتسمت بوجهة ودموعي بعيوني
مجان قصدي خوية بس شوية سهيت عن الطريق اسفة
ماحجة بس ابتسم تركتة وكملنة الطريق واني اغم غم بنفسي
كبر كبر طمني يربي وين جان عقلي شكد عيب هسة يكول هاي ثولة
يمعودة عادي تصير بأرقة العوائل الا شفتي هوة شلون كيكة
اوو نيزك ويني اوينج لج انحطيت بموقف زبالة وانتي تدورين حلو لو لا
كبر ضلي ضلي هيج بهذة تفكيرج لج باعي الجمال باعي الله شخالق الله يخلق حلوين وعيوني تبتلي انوب كل دقيقة عشرة يكعدون بكلبي كمت احبهم بلجملة
اباوعلهة صفح وهية تحجي بعمري ماحبيت ولافكرت اسوي علاقة هاي ثاني سنة الية بلجامعة يجون يحجون وياية ويصارحون بس اعرف الولد يردون علاقة ويعوفون
دخلنة للكافتريا لكينة زبيدة ورشا كاعدات وياكلن لفات تقدمنة يمهن وحجت نيزك
عمة بعينجن كون ليش مانتضرتنة شبسرعة جيتن تعلفن
شسويلج متت جوع وجبت زبيدة واجيت عاد كلت اصبر روحي بلفة علما تجن حجت رشا وهية الكمة بحلكهة
كفختهة على راسهة
ولج اضعفي كبر صايرة جنج عجل شسمنج منو يزوجج اذا انتي تضلين بس تعلفين
والله يا دندن لو اضل اهتم لهاذة وذاك جان تعبت خليني اداري كرشي اهم منهم الوحيد الي ميخذلني هوة كرشي مو صح؟؟،
هم صدك حجيج ولج رفعت ايدي وصحت للنادل
طلبنة اكل ومقبلات بلكافتريا وضلينة نسولف وناكل
غصت زبيدة وضلت تكح ضليت ادك على ضهرهة
ونيزك تكولهة
وسم وسم قصدي اسم الله شبيج ولج شجاج ملكوفة ماطاير الاكل علكيفج
ولجن باوعن حجت زبيدة وهية تجر نفسهة كوة وتأشر بعيونهة على طاولة
درنة وجهنة باوعنة ولد كاعد جمال جمال جمال بحيث عيونة صارت كلوب مثل هذة👈😍 طول وعضلات والعيون وساع سود وكأنما مكحلات ابيض وشعرة اسود لحية سودة محددة يدوخ حجت نيزك
وروح امي الا ارقمة ولكم لو اعرف اصير راقصة وبلملهى حتى اعجبة اصير بوياااااااي شوف العيون
احس مادري شنو صار بعقلي كأنما واحد وضربني على راسي ضليت صافنة عليه وفصلت عن البنات مركزة بعيونة حسيت كأنما كلبي اول مرة ينبض فجئة رفع عينة وباوعلي صارت عيونة بعيوني احس حرارة صعدت براسي بسرعة نزلت عيوني عنة وسويت نفسي ملتهية اكل ندستني رشا باعتلهة
ها
غمزتلي عجبج ؟؟
انجبي بلة
دكولي عجبج ترة يستاهل الاعجاب من هلعيون
اوو انجبي اصلا مو عليه صفنت بس هيج حسبة ابالي جنت افكر بيهة
ديلا عاد المن تسألين بلعجاب مالكيتي غير دندن تأفأفت بضوجة وحجيت بسرعة خلصن مابقة للمحاضرة ربع ساعةة ويخلص الريست
كمت اني والبنات وطلعنة واني احس عفت كلبي يم الولد امشي واني اصلا عقلي مو وياي البنات يسولفن بيناتهن علمحاضرة دخلنة وكعدنة دقايق ودخل الدكتور ضل يشرح ملل المحاضرة والدكتور امل منهة ندستني نيزك
ولج دندن نعست
حتى اني مليت كلش ونعست ياربي والله لعبت نفسي
اووف بنات شوكت نطلع جعت اني
عمة بعينج كون ولج توج ضربتي لفة همبركر وفلافل وبطل بيبسي
كفختهة على راسهة
اكلج نيزك شكد للمحاضرة
مو عندج ساعة شوفي بيهة
كبر الا اكلج بس منضر هاي
عابت الساعة بل٢ ونص
ايباخ نص ساعة بعد ونطلع اريد انام نعست كلش بس ها اذا اخوج الخبل حجة كلمة ابتلي بي وصي معلي بية ماشي؟
عشتو تحصلين مثل عمار لج والله اطيب منة ماشفت وكلبة ثلج وموضف ويشتغل خط ويحبج شتردين بعد ؟؟ امداج
شو دنجبي
دنيا ونيزك
سكتنة اثنينة من صاح الدكتور بينة
دفرتني برجلهة رجعتلهة الدفرة
طلعنة نمشي وصلنة للبوابة ضلينة ننتضر اني ونيزك اخوهة يجي
ياربي وين صار لج متت حر
اوي فديت الثلجاية لج شوف الوجه صار طماطة خلي اخابرة لتموعين رفعت الملزمة وضليت اهفي على وجهي
ونيزك طلعت تلفونهة تخابر عمار
ثواني وصف كدامنة صعدتت واني ميتة تعب وحر
صدك جذب عمار متنة حر ليش هلتأخير
باوعلي بلمراية وهوة يجاوب على اختة
صارت عندي شغلة هنا قريبة وتأخرت
درت وجهي عنة
يوصلج هوة لو اعلي
لا لا اصلا السيارة باردة
جاوبتة ورجعت اباوع علشارع
البيت يبعد عن الجامعة نص ساعة
وصلوني للبيت وطلعو همة بلفرع الورانة
فتحت الباب ودخلت للبيت امي بلمطبخ تعجن والبنات ماكو ونور واكفة تحضر اكل الضاهر سجاد نزل من الدوام
سلمت وكلعادة امي تجاوب بس
بهلا وتسكت عكس من تتلكة سجاد حتى بجي تبجي صاحت وراية نور
تعالي تغدي وية سجاد
لا حبيبتي بلعافية تغديت بلجامعة
فتحت الغرفة خواتي نايمات سبحت وبدلت وطلعت نمت بجربايتي وتغطيت
غفيت ماحسيت الا على صوت ديانا تصحيني
باوعتلهة ها شبيج
كومي ولج شوفي منو هنا
باوعت علساعة بل٦ ونص رجعت باوعتلهة منو اجة
لج بيت عمي زياد اجو من بغداد
لا بربج
اي والله لج كومي شوفي بناتة
كمت واني اتوجه للحمام غسلت وجهي وطلعت مشطت شعري وضفرتة ونزلنة اني وديانا للمطبخ واكفات نور ودانية
ها ولجن
ها عيوني صحي النوم بابا سأل عليج
هاه خير ياستار ميسأل اذا ماعندة مصيبة بكد راسة
انجبي ولج ليسمعج ويجي شيخلصنة منة
اوو ميهمني غمزتلهة منو هنا ؟؟
بيت عمي زياد حجت بخجل
ووجع شبيج سحتي سؤال سئلت امداج
طبعا هاي تحب ابن عمي زياد بس اني اشوفة مكروه يعني رافع خشمة كأنما الله خلقة ومخلق غيرة هوة دكتور شكلة يعني متوسط لاحلو يخبل ولا يلعب النفس
وهاي ساحلة روحهة عليه وييع
دخلت سلمت عليهم وعلى البنات سلمن بس شنو وحدتهن تنفخ عليهة اتطير المكياج والصبغ الشعر اباوعلهن شلون يحجن بتعالي اي شدعوة عيني سندوسات الله الخلقجن خلق غيرجن
عشتو هاي واحنة احلا منهن
هوة عمي عندة بنات ٢ وولد ٣ البنات ميقات اكبر مني بسنة ووايات بكدي والولد
محمد الي هاي ساحلة روحهة عليه عمرة ٢٩ سنة واحمد ٢٧ مازن ٢٤
كلهم جايين اني كعدت وساكتة ماحجيت كلمة بس سلمت وكعدت شوية وعفتهم وصعدت باجر وراية امتحان اروح اقرة احسنلي
كمت وطلعت لغرفتنة كعدت اقرة لحد بلوحدة بليل كملت نزلت اشرب مي سمعت بسبسة برة اخذني الفضول وطلعت سمعت صوت مازن ؟؟
مشيت على اطراف اصابيعي احاول مااطلع صوت طلعت للحديقة الخلفية
مديت راسي باوعت مازن يخابر هلا هلا مكبل
تقربت على كيف واتسمع عليه
عززة بعينك هذة شيحجي يبووو غمضت عيونني استحيت من يمي ونوب ضل ينفخ عليهة وهيج اسويلج واهيج اجيبلج هزيت ايدي غير يكعد راحة وزير المالية وهوة صالة سنتين يدرس ويرسب بكلية هندسة اهلية بلسنة الثانية غميتة امداك رجعت امشي واهز بيدي والله يالله عيش وشوف
رحت طلعت بطل مي وكلاص شربت ورجعت للغرفة نمت باجر وراية دوام انام احسلي حسيت الصبح على صوت المنبه كعدت ووقفت الساعة عن التنبيه كعدن البنات هم كمنة وهم تبديل وغسل ونحضر رواحتنة بيت عمي نامو بغرفة الضيوف والولد نامو بغرفة سجاد القديمة
بدلت تنورة ميدي رصاصي وقميص اسود وشال رصاصي فاتح حذاء رياضي اسود حطيت مسكارة وكحلة وحمرة كلعادة خفيف خاف يلكفني ابوية والله يموتني
سمعت الهورن وصلو نزلت ركض وصعدت بلسيارة
صباح الخير
ردو صباح النور
خو ماتأخرت عليكم البارحة نمت متأخرة وهم يمنة خطار دارت وجهة نيزك علية
منو يمكم؟؟
بيت عمو زياد هنا
باوعلي عمار اني درت وجهي كملت نيزك
ابنهم الصاك مازن وياهم ؟؟
باوع عمار وصاح بيهة
ادبسز متستحين ؟؟
سكتت هية واني سكتت حسيت عمار اليوم غير عن العادة عصبي من عيونة الي مخنزرة من صعدت
وصلنة نزلت نيزك واني فتحت الباب التفتت لمن استوقفني صوتة
باوعتلة عاكد حواجبة ويحجي
مو جن قميصج ضيك عيب هيج تمشين شعرج يجيب التايه وانتي فاتحتة ليش تحركين كلبي يابنت الناس اني بعد ماتحمل اليوم ادز اهلي يخطبوج
لحضة لحضة منو كلك اني موافقة اصلا حتى تدزهم لتعب نفسك ابد اصلا مامفكرة ارتبط او ازوج انتة شوف حياتك الله يسعدك ويهنيك وية الي تستاهلك وتحبك عن اذنك
نزلت بسرعة وهوة عصب اكثر طبكت الباب فزيت ورجعت ليورة من شخط السيارة كل قوتة وطلع
اباوع على دخان السيارة الي صار ورا باوعت نيزك
ولج هاي شصار بينكم اليوم هوة مدري شبي عصبي ميتحاجة حتى ماقبل يتريك وماحجة بس العيون حمر وعاكد حاجبة
مادري نيزك اني ماحبة وهوة يحبني يريد يخطبني بس اني ماكدر اتقبلة كزوج هوة معتبرتة حالة حال سجاد حرام اضلمة وياية
جنة نمشي ونسولف
يلا امشي يختي والله كريم شوف شلون تصفى وياكم ...
🌹🌹🌹🌹🌹🌹🌹🌹
متابعة شيقة .
وللحكاية بقية .
تصويت وتعلق لاتنسون انتو الي تشجعوني للاحسن اتمنى هلشي