الارهابي وذات النقاب
ام غايب
البارت ٢٤
ودّعتها والشوق بيني وبينها بحور، ودّعتها رغم خوفي والوله مجبور، الحزن في يديها بيأسٍ يشدني، كل دربٍ عنها بعيد يصدني، ولا أدري المحبة هي التي ضيعتني أم أنا من ضيعتها؟
لو عرفت أنّ الغدر هو من صفاتك، لو عرفت إنك في لحظاتٍ تخون، لنسيت وانسحبت من حياتك قبل ما قلبي تعذبه الظّنون، أغراني كلامك الحنون، وأشكي من جرح يعاني بالعيون، ما تغير حبي إلّا منكَ وانتهت قصة غرامي والفتون
فزيت مخترعه جان صوت عمو عامر ....كلش قريب على صوت بابا ويصيح واني اعرف بابا مستحيل يكوم بقيت واكفه يم الدرج خايفه وعلي طلع يركض هو وسلمان
بس سبقه علي نزل وسلمان بقه واكف
ليش هالخوف ....عمج من حقه لازم يعرف بيج تزوجتي .. والي خطفج أنبه ضميره وتزوجج
باوعت علي يعني هو كال ال عمو شوصله ال عمو عامر ....
كتله .....انت كلت ال عمووووو مووووو
رجع وتقرب عليه ....
سلمان-اي .....اني كتله ....ميمونه ....اذا عبرت على خالد وخضره اني انغل منهم .......وكام يفر باصبعه كبال وجهي ....
اعرف الواحد من شكله
قبل لا حتى يحجي ....اولاً اعرف السالفه كلهه
.....
والحد الان محاجي بيهه نهائي ....بس تنبهي مني
مو احنه على اخر وكتنه وحده مثلج تخوط سمعتنا
....ممبقيه واحد ممطفرته من السطح ......تصير بيناتنا
تخبلتي انت ....من كل عقلج ...واختج الثانيه هم ماشاء الله سيارات حديثه وتجي للمنطقه ويه الي مستكعدهه
ميمونه- ...ااختتتتي مووووو هيج
مكلف روحه ودار وجهه نزلت ورا ولزمت قميصه من ايده. دار عليه جان هو بالدرجه الي انصه بس هم اطول مني من دار عليه باوع على ايدي وخرتهه
فلك مو هيج والله .....ليش تحجي على اختي .....مااقبل تحجي على سمعة اختي .....ولا على سمعتي
احنه مو هيج مثل متحجي انت ...شتريد مني هسه
جانت هوسه جوه بس اني مركزه بكلامه ....حيل يأذي ويوجع ......نزل بدون ميجاوب ...مسحت وجهي بيدي بتوتر .....وكعدت عل بايه صعدت رسل
رسل-لج هذا يكول عمج سمعته ....وجاي هداد
ميمونه-بخوف ....اي ....وغطيت وجهي بيدي ...يارب ....يارب عطفك عليه اعرف اني غلطت بس ماعندي غيرك
رسل-لتخافين هسه خالد يتفق ويا ويحلهه اكيد
ميمونه-يا. رب يا رب ...احس كل جسمي يرجف من الخوف
شويه ووراهه هدئت اصواتهم واني من الخوف رجلي ميتحركن ثبتن ....نزلت رسل تركض
تريد تسمع للان صار هدوء .....
احس بديت انهار ومااتحمل الي كاعد يصير اطلع من شغله تصير شغله ....ومن جهه كلبي مفرفح على بابا
وصورته ابد متروح من بالي
نزلت كوه ....جانو يحجون بهدوء....وعمو كل شويه يعلي صوته ويكول يخطفهه ويتزوجهه شنر و ماعدهه اهل ومنو كال ننطي وحده من بناتنه اله
اريدهه ....هسه اريدهه بت اخويه امانه منه
وابنكم ميفكر بعرضنا .....يتطفر بالسطوح الحد ماخرب سمعتهه
جان خالد يسمع الى ان انفجررر بي
خالد-وووووانت وووووين جنت من هووووو يتطفر هاااااا
انت عم ااااانت وجاي تهد بياااااا عين هو لو انت مووووجود احد يتجرء يطفر عليهن
وبعدين عيب هالكلمه حتى بحق بت اخوووووك شكبراتك بعد ومتعرف تحجي
عامر-لتصيح
خالد-لا اصيح والحد الان محترررررمك اني
شتريد المطلوب شنو جاي هداد ...تزوجهه وهيه هسه زوجته ....المطلوب شنو ....وبعدين انت من تاخذهه
تخرب سمعتهه فوك خرابهه الي علساس تفكر بسمعتهه
عامر-اني اعرف شلون اتصرف الحجي وياكم مامنه فايده
خالد-شتسوووي سوي مااتهدد اني
وبعدين لو انت عم صدك اخليك على عيني وعلى راسي
بس انت متستحق الاحترام
وراهه انركع الباب حيل
سلمان-خالد تررره عمهه
خالد-اسكت انت متعرف هذا النموذج شنوووووو
علي-والله كوه لزمت نفسي شكله مهتلف ومو راحه
سلمان-هو منو من هاي العائله راحه ...خضر ماادري من يا زباله جابهم
خالد-سلمان احتررررررم نفسك لا تعرف شسوي بيك
سلمان-جذب الي احجي
خالد-جذب او مو جذب مااسمحلك تحجي هيج
لا كدامي ولا ورايه ....كلت هاي المواضيع تنسد
علي-انت شبيك سلمان ويه البنيه من جتي لليوم مشايفين عنهه شي وبعدين خالد مو يريد يعوف ثاره خضر ميمونه يحبهه بلكت من يصير عنده طفل يعوف هاي السالفه
ميمونه-جنت اسمع واكفه اني ورسل وتباوع عليه مقهوره عليه مبينه من ملامحهه واني ابجي
تعبت من هالكلام بسمعتنا ... مااحس اله فتح الباب خالد بوجهنا رسل كبل راحت ....واني بقيت واكفه مصدومه شلون انفتح الباب ....خزرني خالد وصاح ب رسل
خالد-ررررررسل ....وينج تعالي بسرعه وصعد كبل اني بقيت مثل الخبله حتى من فتح الباب محاولت اوخر
شفتهه واكفه ويبين اني اتسنط
صدك صعد قبلهه وهيه طلعت من المطبخ مثل التخرمش بوجهه
علي-ولا تكعدن راحه
باوع عليه سلمان .... ووهز راسه واخذ نفس وطلع من الاستقبال
علي-شكو تتسنطن
وراهه كمنه بس نسمع صياح خالد .....وتركع ....التركع بيهه بالاغراض ماادري .....
ميمونه-كاعد يضرب بيهه علي ...اصعد جنت احجي بصوت محنوك من كثر مبجيت خلصت دموعي بس عيني مورمه
علي-لا يمعوده ديركع بالغرفه ميضربهه وهيه راح تخلي يحجي يحجي وتنرفزه بسكوتهه ويبقه يكلهه متحترمينيلان تسكت واذا جاوبته يكلهه متحترميني وهاي المسرحيه دوم نسمعهه ..
علي-هسه اله تسمعن مترتاحن اوف منجن يالنسوان
بقه يباوع عليه
شنو السالفه يمعوده كولي يالله تره عمج مبين جبان بس عله صوته خالد طفر
سكتت وعفته وصعدت همزين ام خالد جانت مموجوده ماخذه حبوبه ورايحات يسيرن كالو على بيت اخو حبوبه
ماكو نص ساعه وسمعت صوت خضر ....جان شويه بي علو ركضت عل باب فتحته ووكفت يمه سمعته يصيح
خضر-وليش مخاااابرتوني من اجه هذااااا
خالد-يابه شلووون يريدني اتجاوز علي لك اسلوبك بطله مال عفطيه ماخذ بتهم انت ناهبهه تعتبر وشلون تحجي
بلله خابر على رئيس عشيرتنا وطشت السالفه عندك عادي
خضر-هو يا يوم صار عمهم
خالد-هووو عمهه خير مو خير هو عمهه مو بكيفك تريد تستثني
ام خالد-عفيه اني ولدي اخاف عليهم شنو ذنبي انحرم من واحد منهم بسبب طيشك
خضر-عممممممه شنووو. السالفه
مااحس اله صوت كلاص نركع
خالد-لك جاوووب مثل البشرررر
خضر-خالدددددد لتخلبلني الهنا وبس ابن عمي الجبير على عيني وراسي بس مااقبل
خالد-انت منوووو حتى متقبل ومبين هجم علي ام خالد كامت تصرخ وعلي يصيح وخضر وحبوبه من جهه صارت هوسه اخر شي سمعت الباب اندك ومدري منو فتح الباب ....دخل شاهين نم بنصهم
شاهين-صددددك تحجون يمعووودين شصاير
وصلت مرحله مااكدر بعد اسمع اي شي
اريد اصرخ اريد ابجي دخلت للغرفه تمددت وسديت اذني وكمت ارجف ماادري بردانه لو شديصير بيه
اااااااخ لو بس يرجع الوكت ....اخ لو بس يرجع
وووينك يا بابا تباوع عليه مختنك ....وضايج مني ....بس اريدك شلون بيه ....اريد بابا .....اريد انام بحضنك جنت بس انام على صدرك انسى كل الهموم .....
بقيت يمكن بالنص ساعه مخليه ايدي على اذني ومغمضه .....ماعندي طاقة تحمل بعد
انفتح الباب خضرر جان ضايج حيل ركعه للباب ونزع تشيرته كبل وشمره بالكاع
باوعت علي ....وهو هم بادلني النظره وتقرب عليه .....
وتمدد عل جربايه
بقه يباوع على السكف . واني اباوع علي وابجي اريد تخلص شلون تخلص مااعرف فجئه دار كل جسمه عليه وجهه صار كبال وجهي
خضر-ليش انت مو بنيه
ميمونه-غمضت عيني وبجيت
خضر-جاوووبيني ...ليش ....تعبت حيل مكاعد اكدر اتحمل ...كل الي كاعد يصير ميهمني ....بس الي كاعد يأذيني هو انت مو بنيه ....ميهمني كل العالم
شيحجون عنج لان انهزمتي وياي
بس هذا الجوووواب اريده
اريد اعرف ليش ....ليييييييش لتكليلي ماكو جواب ريحيني كليلي الحقيقه خليتىني اتقبلج بالحقيقه
ميمونه-درت وجهي عنه ونمت بالجهه الثانيه رأساً عتني ورجع دارني
خضر-جاووووبي
ميمونه-جاوبتك هواي
خضر-وووين جوابج
ميمونه-سحبت ايدي منه قوي ودرت وجهي
رجع دارني حيل .....باوعت علي ....عيونه حمره مثل الي يريد يبجي
راح اموت ميمونه .....احبج والله تعررررفين شنووووووو احبج ....تعرفين يعني شنو .....اريد حضنج محتاجه حيل ....اريد انسه كل العادات والتقاليد ..الي لازم اتخذهن ...اريد حضنج هسه الدرجة حتى موضوعج المس رجولتي دايره وره ظهري. بهاللحظه اريدج ميمونه
وخله. راسه على صدري وغمض
ياريت لو مصايره هاي الشغله ...تخيلي وياي جان اسعد اثنين
ميمونه -لا ....مو اسعد اثنين بالحالتين اني اتعس وحده
لان عفت ورايه ابويه واختي .. وسمعتي ..
رفع راسه وباوع عليه ......
خضر-وعدتج مااخذلج ....بس انت خذلتيني
ميمونه-ابتسمت باستهزاء ووياهن دمعه
مسحهه بطرف اصبعه وعله نفسه شويه باس عيني ورحع الخدي الى ان وصل الشفتي درت وجهي عنه
رجع داره بهدوء .....وقرب شفته ووخر فجأه
جنت بساعتهه لو بايسني جان تفلت ....كد ما كارهتهه
ميمونه-اريد اخابر فلك ....مااكدر بعد روحي طككت على بابا ...طلع موبايل خاله الي انطته الي
خضر-اي خابريهه اني اريدج تخابريهه وكليلهه عل تقرير اررريد التقرير ميمونه ....اريد اثبات لان صدك بعد مااتحمل
ميمونه-قبل شويه ردت .....بعدني ممكمله صاح
خضر-ديررررر بالج تكمليهه
درت وجهي للجهه الثانيه...... يارب شيجيب باجر واخابرهم اتوسل بفلك بس اشوفه من يعيد حتى وبسرعه بس اشوفه انطبعت بعيوني شوفته بالحلم من هو مخنوك
كعدت من النوم عركانه كلش كمت كعدت روحي رايحه
....وين جنت وين صرت ....اول ماافتح عيني هسه صدري يختنك ...والضياع والتشتت ياكل دماغي
راحة بالي كلشي خسرت بالدنيا ماعندي شي بعد
جردت روحي بيدي من هواي نعم جانت عندي ...باوعت على خضر
علموده .....باوعت علي بحقد وكره بس لكيت روحي اسأل نفسي ...اني المذنب الاول ... اني عندي عقل وجبيره واعرف اميز ...بس انت معرفت اميز الصح والغلط وياك
كبل اختفت ملامح الحقد ....بس مو حب
لا هو كره ولا هو حب ....فقط ضياع
ميمونه-خضر ....خضر كوم
فتح عينه ....خيرج
ميمونه-مو كتلي عل يوم اخابر فلك
خضر-الموبايل بالمحل
ميمونه-ليش مودي بالمحل
خضر -شنووو ليش بكيفي .....استغفر الله ....وكام
بيش الساعه هاي
ميمونه-بالتسعه
خضر-يايابه لازم اروح للمحل ...تأخر الوكت ....
ميمونه-كام بسرعه دخل للحمام غسل وبدل
خضر-شنو متنزلين تسوين ريوك
ميمونه-كمت بدون مااحجي نزلت ...اول متلكتني حبوبه حجت لان متأخره
سويتله ريوك تريكت ويا بس قليل اكلت لان حبوبه لحت عليه اله اكل ....هو هم اكل شويه وكام باس حبوبه وطلع
رتبت ونظفت الي عليه وصعدت ارتب الغرفه ...جان محد من الولد موجود ماعده سلمان ويتأخر بالكعده همزين
للظهر اجه خضر صبيتله غده تغده توه ديصعد كعد سلمان جانن عليه مواعين الغده
جنت اغسل بيهن وكل واحد طش المكانه
مدرتله بال من دخل المطبخ صب جاي وطلع بس من ارفع راسي الكا يباوع واغمه بكلبي
صعدت ...لكيت خضر يخابر
خضر-اي اكيد اطلع ماعولتك تجي من السفر وهم رجعت اختفيت اليوم
شاهين-لك غير كاعد امشي بالمعامله هسه اتغده واني اطلع للمحل وهم اريدك بموضوع كل مااريد احجي وياك تصير سالفه
خضر-ديلله بليل نلتقي لعد
ميمونه-اول مسد الخط كتله ...جبت الموبايل
خضر-اي جبته
ميمونه-ابتسمت رأساً بس ماادري ليش حسيت قبضة كلبي زادت
ميمومنه- ردت اخذه هو دك لتفتح سبيكر
خضر-اسأليهه عل تقرير ...غير اريد اسمع
ميمونه-خلصت الدكه وهيه ممجاوبه ....كتله دك بعد خاف مسمعت رجع دك
.............
فلك-دفنو بابا واجه عمي العارررر بعدين مع العلم هو حسين خابره ....يابه يا وجعة كلبي ...شكد جنت مشتهيه اكله بلساني
جنت كاعده بالهول بس تدموعي تنزل
دخل حسين وويا عمي عامر. ....باوعت علي من الباب ....سوه روحه يبجي واجه عليه
رأساً كمت ....اني رحت علي
اررررررتاحيت .....ارتااااااحيت كبل صار كبالي حسين
ارتاحيت مااااااااات مات اخووووك المستثكله
ماااااات هسه ارتاحيت لو لا طمني .....طمني
عامر-اكو وحده مؤ دبه هيج تحجي طايحة الحظ
فلك-دكيت على صدري انننني مووووو مؤدبه ....منو كلك موووودبه جااااوبني هسه خف الحمل عليك يا ناقص
راد يضربني .....حسين وكف بوجهه وعاط بيه اسكت وخزر عمو .... الهنا وحدك عامر خيرك بوجودي تمد ايدك عليهه
عامر-اريد اربيهه الطايحة حظ
فلك-تعال ....تعال ربيني اريد اشوف تربيتك شلون ....اتوقع تربيتك للبارتات كبل
حسين-فلك ....اسكتي شددددتحجين انت
عامر-بسيطه فلك بسيطه وانت ابو علي اظاهر متعرف تربي انطيتهه الك صغيره يعني تكدر الخد متجيب تربيهه واذا متكدر انطيهه الي اعلمهه الادب
حسين-انت منو حتى تحجي وياي هيج ....امشي اطلع بره ....ببيتي وتعلي صوتك
عامر-هيج صارت ابو علي تطردني
حسين-اي اطردك ....اعرفك تعرفني هو كلك واحد باع عرضه .....
تعصب عامر ومعرف شيحجي وكام مثل الثور الهايج يحجي بدون معنا ...طرده حسين وطبك الباب واجه عليه
حسين-فلك شلون هيج تحجين فهميني
فلك-شلون احجي ....احجي مثل مااريد بعد ابووويه ومات ميهمني احد الي يريد يمووووتني خل يموتني وذكيت على صدري
هو الغالي وراح ....هو الي بعتلك نفسي علموده ومااااااات .....
مات ابويه والله مكاعد اكدر ..استوعب ...هو مجان لازم ايدي ....ليش احس ايدي انبترت ....ليش احس نفسي ضايعه
حسين-كولي يا الله فلك
فلك-باوعت علي
حسين-كلشي بالبدايه صعب تقبله البارحه اول يوم الابوج فلك اكيد مراح تتقبلين ويجيج يوم تتقبلين الواقع لان ماكو احد يموت وره احد
فلك-هاي انت موووو اني لان انت متعرف شنو ابويه انت عادي عندك تخسر ميهمك اذا انت ابنك
كبل سكتني وحجه هو
مجنت سكران بذاك اليوووووووم ....بس ورود مصره اني جنت سكران .....جنت بس تعبان منايم ابد ....وعندي مشاكل بشغلي .......ومتقتنع والتقرزرررير الطبي يثبت كلامي
اني لو جنت سكران بذاك اليوم جان كتلت رووووووحي
وراهم ....والي صار مو اني هيه لو ي طلعت مدري منين موووو ذنبي
باوعت علي تعصب كلش .....احسه يضبط اعصابه كدامي يقدر وضعي بس جانت فرصه احجي الي بكلبي لان مختنكه ممتعوده اسكت ...على شي مأذيني
سكتت اخر شي شسويله بس جنت منهاره كل مااتذكر بايعه نفسي علمود راحة بابا وتالي اخسره اتدمر لو ....مقدر تضحيتي وبقه يمي ....يقويني عل اقل
خلص اليوم وحسين معافني ابد حتى مقبل اصعد فوك
نمت على القنفه وهو نام على الثانيه
فزيت ثاني يوم حلمانه بي الدرجة حبيت هو ميت
لان طول ماهو عايش ابد محلمانه بي
من مات شبكني وبجيت بحضنه وهو جان واكف بحيث تمنيت ابقه بهذا الحلم فتحت عيني رجعت للراقع هو ماكو
حسين-يلله كومي نتريك
فلك-مااريد
حسين-الخاطر روح ابوج ويعدين راح اجيب ثواب اله منو يطبخه ....كومي شغلي قرآن فلك وسويله ثواب
ابوج هسه محتاجج بالقرآن
تعرفين اوما زواجي منج مو الكل يعرفه ماعدا اخويه واخويه مسافر من رجعت بته كبل سافر للخارج جان سويت فاتحه الابوج
باوعت علي...
فلك-مشكور ابو علي على كلشي
حسين-مكتلج هيج علمود تشكريني
فلك-لا والله من كل كلبي كاعد اشكرك لان لو مو انت بابا يمكن الحد الان ممدفون مرات الامور السيئه تصير النه جانب ايجابي
حسين-دكومي صيري سباعيه وسوي ثواب الابوج
فلك-جنت تعبانه وحيلي مهدود بس مادام ال بابا كمت صدك طبخت وحسين وزعه كم ماعون للجيران ....ساعدني جنت اصب اني وهو يسلفن البلم
وطول ما اني اطبخ احس نفسي لعبانه واريد اتقيء
اخر شي ...من كملنه اجه حسين وكف يمي فتح الجدر وكال خل اضوك بلله اكل لكمه
حسين-اااااااه اول مره اعرف بيج طباخه
فلك-بكلبي-"..وانت اول مره تتعامل وياي هيج جنت افكر مااحس اله خله لكمه بحلكي اني هو خلاهه وابد متحملت ماعولت الوح المغسله
تقيئت وجنت مماكله شي بس هوى كام يطلع
باوع عليه حسين اعرف عيونه كامت تسأل هذا السؤال
البارحه ممتغطيه وبطني توجعني
حسين-مو وقت كلامي اعرف بس يمكن موووووو
فلك-باوعت بخوف كتله لا ...والله
حسين-خل اروح اوزع للجيران ارتاحي انت
رحت جنت عركانه غسلت وجهي وكعدت عل قنفه
لا ياربي اخذت ابويه لتخليني انصدم اليوم ....ماريد يا رب ماريد والله
باوعت عل باب اطلع انهزم ...بابا ومات بعد شعندي
كمت باوعت عادي اطلع بدون كلشي بس اشرد بروحي العزيزه معقوله حامل
بس هو كاعد يوزع بالمنطقه
تأخر ....توني ردت اوصل باب المطبخ فتح الباب
وفرحان
حسين-فلك اعرف مو وكتهه بس كلبي راح يوكف
مااتحمل الباجر والتقيء خلاني اتأمل
باوعت جايب خمسه اشرطه مال اختبار اخذتهن واني مثل المخروعه دخلت للحمام اخاف اسوي الاختبار
اعرفله لان كل مره يجيبه
كمت ابجي وامسح دموعي ....يارب مااريد يارب
شيوي هيه اني
سويت اختبار طلع خطين شهكت وسديت حلكي بيدي وكمت ابجي .....لا يالله ....لا والله مااكدر ....عضيت اصبعي وابجي دك الباب هو
حسين-ها فلك بشري
فلك-بلعت ريك ...بعدني كاعد اسوي
جربت بالي طلع خط خفيف كلش ممبين ورجعت الثاني هم خليت مي مبين اي شي ورجعت الاربعه سويتهن ....بيهن طلع خط خفيف وبيهن لا والي طلع خطين خامس خفت خاف ينتبه ....ماادري وين اخلي
باوعت وين اخلي يا ربي
اخر شي فتحت العلبه مال شامبو وذبيته بي
اول مفتحت الباب كال ها بشري
شوفته الاختبارات ضاج كلش همزين منبه مااعرف ليش متوقعتهه تعبر علي
حيل ضاج بوقتهه ....وبين علي لان من شك الفرحه ملت وجهه ...ومن كتله لا بهت وجهه
حسين-ددخلي سبحي وارتاحي مبين عليج تعبانه
فلك-ماعولت اصعد
اول مرحت للغرفه طبكت الباب ووكفت ورا وخليت ايدي على كلبي
وكمت اركع على كيف وابجي
مو وكتك والله مو وكتك
ولزمت بطني ....ليش ليش صرت ببطني ليش تريد تحرمني منك ...اصبر راح انهزم والله
بقيت ابجي الحد ما تعبت ونمت
فزيت .....لكيتني نايمه على صدر حسين
شوكت اجه شوكت نمت على صدره ماادري بس تحركت فز
حسين-ها فلك ...شتحسين
فلك-ها ي شوكت
حسين-شنو
فلك-باوعت علي ماادري احلم لو شنو لان من نمت هو ماكو ...اني نمت وحدي
حسين-انت فاصله هيفاء كبت وكوه انطيتهه علاج وجيت اشوفج لكيتج شويه حاره كلت خاف ترتفع حرارتج
فلك-باوعت علي اول مره هيج يسوي بس جنت محتاجه هذا الشي عل اقل باول ايام وفاة بابا اذا ابقه وحدي انفجر رجعت نمت على ايده
حاوطت ايده خصري
باوعت علي يباوع عليه ويبتسم ....خجلت بس حضنه جان دافي من فزيت ...ضميت راسي بصدره
باسني براسي انصدمت بس متحركت غمضت عيني تذكرت بابا كمت ابجي بهدوء بدون مااحجي مااحس اله مد ايده على عيني تلمسهه ومسح دموعي
حسين-لتبجين
فلك-مو بيدي اشتاقيتله
حسين-صدكيني مرتاح هو هسه
فلك-من حسيت اسلوبه غير صارله يومين بغباء ردت اكله اني حامل بس الحمدلله دك موبايله
وهو بعده يحجي .. وكام كعد على حيله
وراد يطلع بس سمعته كال
حسين-ها حبيبتي
كمت وكفت هو يم الباب واكف
حسين-فلك مصخنه وتعرفين ابوهه اليوم توفى
شوكت ترجعين ورود تره طولت السالفه كلش وبعد مااتحمل
فلك- ابتسمت باستهزاء ورجعت المكاني ...هذا الانسان شيطان ...الشيطان ميلحكه
خلص مكالمته جنت مغمضه رفع راسي وخله على ايده وحضني من وره
بقيت مفتحه عيني افكر يمكن يريد يحسن اسلوبه عود حتى اطمئن ...مبين شاك بيه حامل ....مكدرت انام هم افكر ب بابا وهم افكر شلون انهزم اني بعد هذا هو ماعندي فير ابني بالحالتين ياخذو خوب انهزم وميندلي مكان بس وين اروح
كلت خل افكر والكالي حل ومكان اروحله امين ....واشوف شلون انهزم
مديت ايدي جوه المغذه جنت احب اخلي ايدي جوه المخده طخيت مربايلي شلته فتحته لكيت ام قاسم
كبل بجيت ميمونه هاي كمت ابجي بحركه ...هو نايم
والوقت متأخر ....
جنت محتاجتهه كلش ....جنه مختلفات اني لسان ومحد يكدر يندك بيه وهيه عاطفيه كلش جنت من اضوج ويصير شي بيه شكد اللسان بس من تشبكني وانام بحضنهه انسه جانت حنينه جنت محتاجه بهاي اللحظه حضنهه الهه
الله لا ينطيك يا حقير لغبت بعقلهه حسبي الله عليك والله عساك متتهنى بحياتك يا نذذذل ...نذل والله جنت ابجي واحجي.
حسين-فلك شبيج
فلك-اريد امووووت احن الي مختنكه
حسين-سحبني علي وضم راسي بحضنه ردت ارفعه كلي اششش
فلك-اني مو طفله اني مختنكه
حسين-نامي فلك حاولي متفكرين
......
ميمونه-محصلت فلك مجاوبت ...متريدني بس اريد اسمع صوت بابا والله مااريد شي راح خضر للمحل
نزلت يم حبوبه بقت تسألني شبيج مابيج
ميمونه-حبوبه مشتاقه الابويه وبجيت
حبوبه-يا يمه سوده عليه كسرتي كلبي بدموعج
ميمونه-حبوبه عادي انام مثل خضر بحضنج
حبوبه-يا يمه جنج على حضني نمت شبكتهه مثل مشبكهه خضر .....تذكرت ماما هم جنت انام على رجلهه وتلعبلي بخصلات شعري
دللول دللول يا بنيتي دللول
باوعت عليهه الله جنت محتاجتهه صدك شعور حلو جان واكول خضر ميعوف حضنهه
نامي ياحلوه. الحلوات .....دللول دللول عدوج عليل وساكن الجول
بعدهي دتغني مااحس اله خضر صاح ميمونه
حبوبه-ها يمه شبسرعه رديت
خضر-نسيت شغله تعالي ميمونه
ميمونه-كمت ورا بس شكله مو طبيعي كتله شناشي مجاوب صعد فوك فتح الباب ودخل اول مدخلت اجه عل باب قفله
خضر-شلوووووون تكلين ال شاهين
ميمونه-باوعت بخوف لان عصبي كتله شنووو
خضر-لج بت الاواددددددم شلون تكليله شلووووووووووون وكام ينبت اصبعه على جتفي ويدفعني حصرني بالحايط
لج هاي الشغله مييييييييت مررررررره كتلج متنحجي
مييييييييييت مره
ميمونه-بهوف كتله لان انت مخليتلي اختيار انت طردتني
خله ايده على راسه اثنينهن ويحاول صوته ميطلعه وكال وتحجيهه وتحجيهه ميمونه تكليله تقربلي واني مو بنيه لج شلوووون فهميني
لج اني بيني وبين نفسي كوه كاعد اتقبل واحارب روحي
وانت تكلين لابن عمي. شلون تكليله شلوووون فهميني
بهاللحظه موبايل خضر بس يدك وهو محتار يرزل بيه راد يركع راسه بالحايط واني مصطكه بمكاني
ردته يساعدني انت طردتني
خنكني بركبتي لتحجيييييييين خره بيج ومره باليوم الشفتج لج شلون شلوووون
بهاللحظه اندك الباب عافني وباوع عليه جان يمكن لو مو موجودين جان فلش الدنيا بس جان يحاول يلزم نفسه فتح الباب علي
علي-خالد كعدني من النوم يكول وين خضر ليش ميجاوب جاوبه بسرعه مدري شصاير
ميمونه-طلع موبايله من حيبه وخابر ....الو هاخالد
خالد- وين انت
خضر-بالبيت
خالد-اني واصل للبيت هسه اريدك بموضوع
ميمونه-سده من خالد ورجع عليه
خضر-تدرين انت حتى اذا جنت اريد احاول نهيتي هذا الشي ....بعد لو شيصيرررررررر مااريدج
مااريدج ....مااكدر لج ابن عمي يدري بيج مو بنيه لج انت شنوووو تتباهين لو شنو فهميني ...مو كتلج مااريد لمتي روحج الي وانهزمتي. وكل ذني اغمض عيني عنهن ليش لان اني واحد بلا غيره وكواد واستاهل
ميمونه-انت طردتني بالشارع وفلك طردتي محد بيكم صدكني اني مظلومه والله مظلومه وروح امي محد لازمني ........ورحت الشاهين لو مو هو جان اني بعدني بالشارع
خضر-وتكليله وتكليله ....باقي بس تصيحين يا ناس تره خضر مكررررن مرته هيج وهيج سالفتهه ....سمعتوووو
شلوووووووون فهميني لج اني كواد تدرين ليش لان انت اختج تحجي عليج خالتج كدامي حجت عليج ....بالعرس اكتششفت انت مو بنيه ...
دك موبايله مبين خالد كبل فتح الباب وركعه حيل
وطلع
خليت ايدي على كلبي ....فوكاهه فوك مطردتني تحاسبني ...خره بيه شسويت بروحي اني شسويت
مسحت دموعي ونزلت لان وقت نبلش بالعشه اني ورسل.
من نزلت سمعت خالد يحجي ويه خضر
تعرف رايح الشيخ عشيرة ........الي احنه اعداء وياهم يعني راح يلزمون علينه لزمه وهذا جاي ال عمي علوان
وانفضحوه بسببك كايل ناهبنه بعرضنا
خضر-انعل ابو لابو الخلفه رجال خل يوصل هنا
خالد-خلص اتفقنه كوه صار ساعه احلهه تطلك بتهم وكل واحد يروح الحاله لان هو يريد بت اخو واني انت ربطتني مااكدر بعد اتصرف لا اكدر الاكول هيه اوهزمت ويا لان انت متزوجهه يعني عرضنا
وانفضحنا انت خاطف بنيه ...حسبي الله عليك يا خضر دمرتنه والله دمرتنه
خضر- المطلوب شنو
خالد-اذا مطلكت بتهم ورجعناهه هذا الشيخ عشيره حيفضحنه عود الخاطر عمي علوان تستر والله اعلم شيريد من علوان وهيج صار خير ....خضر طلك البنيه وخل ترجع الاهله كافي رحمه الدينك وعمهه اني اخذ كفالات منه ميتقرب منهه وهو رايدهه كاتل روحه عليهه
وريجه يابس حقه يابه هسه اني بت واحد منكم هيج يصير بيهه غير كلهم اكتلهم
ميمونه-خطواتي بهاللحظه هيه قادتني للاستقبال وكفت يم الباب ورا باوع عليه خالد
خالد-خضر عمهه جاي هسه يريد ياخذهه
خضر-انت تريد تقنعني متكدر ال عمهه
خالد-لك لو مرايح الابو سعدون اكدرله بس احنه عشيرتنه تنفضح ...خضر الهنا وكااافي
خضر-ماشي بس اريد ضمان ميأذيهه
ميمونه-فتحت حلكي وكمت ابجي ....خضر راح تطلكني
دار عليه ... انتي طالگ ميمونه واحنه بس عقد سيد راح اطلكج هم يم السيد وادزلج الحاظر والغايب الي كاتبه بورقة السيد
ورجع ال خالد دار
اهم شي تاخذ ضمان من عمهه. خالد لان اذا طخهه وحق الله اخذ روحه بيدي
باوعت علي ....مو اول مره يخذلني ....بس هم انصدمت بكل سهوله هيج طلكني ....ولو شجنت مترقعه منه وهو كوه يريدله حجه
طلع من البيت وصعدت اني للغرفه ابجي صعدت ورايه رسل
رسل-شصار ميمونه....معقوله يعني صدك خضر طلكج
ميمونه-جنت مفتحه عيني بكل وسعهن من الصدمه
سوه سالفة شاهين عذر اله ....جان يريد بس ضميره اظاهر يأنبه
محجيت بقيت ساكته واباوع ....محد يقبل يصدك اني شريفه حتى فلك مقبلت تجاوبني ....حتى حرمتني من بابا ....صار بابا بس الهه
وهو هم ميريدني محد يريدني ومحد يصدك شريفه اني
شبكتني رسل ....واني بس صافنه على زماني
اخر شي أيست مااحجي نزلت بقيت كاعده ........مثل الجماد
الحد ما صعدتلي رسل مره....ثانيه فتحت. الباب
رسل-ميمونه......عمج اجه
ميمونه-غمضت عيني وكمت ....ياريت يصير عنده شرف
عمو وصدك يكتلني ويغسل عار اهلي .....جنت متأمله يصير هذا الشي
لان احنه الي نخسر شرف اهلنه ونجيبلهم العار مترهم بعد نعيش ابد ....لان احنه بلا حياء ....انانين ....نستحق اسوء شي ....لبست نقابي .....كلشي مأخذت من ملابسي
جنت متأمله انكتل فماكو داعي اخذ شي
نزلت ويه رسل جان علي واكف لازم اليده مال بابا ويباوعلي بحزن
ومقهور ...
علي-كملتي
ميمونه-هزيت راسي بـ اي
رسل-حبوبه تصيحج ميمونه
ميمونه-رحت بدون روح امشي دنكت عليهه شبكتني وكامت تبجي ....كلشي مسويت جنت جماد وبوستني رسل
من طلعت شفت سلمان طلع من باب الاستقبال ...جان يكول قبل ليشوفني
يلله يابه شنوالقصه وينهه ...باوعت علي بقه يباوع عليه
سلمان-يلله استعجلي ملابسج وين
ميمونه-دخلت هنا بطرك روحي ...واطلع بطرك روحي
علي-ميمونه ...صار بينج وبين خض شي ممستوعب ابد
ميمونه-محجيت كتله كملت
دخلت عمو جان كاعد كام من شافني وبجه تفاجئت
واجه عليه شبكني الاول مره بحياته ...اني متأمله يذبحني شو هذا شبكني
اااخ يا بويه....اخ انت امانة اخويه يمي
مستغربه اني هو اني شايفته قبل عود بالسنه حسنه انوب يشبكني هيج اجتني بلساني بابا شبي
عامر-ااااخ يا خويه اااخ مات وهو ممفتهم منكم شي مات وكلبه عليج يحس بيكم
هنا جنت اني بلا روح اصلاً مجرد جسد يمشي حتى الجسد انتهى
اول مااجه بعيني من هو مختنك بسببي
اللساني صار ثكيل
باااااااااااااا با مات
ماااااااااااااااات مااااااات مااعرف ركضت طلعت من الباب كبل لزمني خالد
بابا بابا مااااااات وادفع بي وخررررر ر...........وخرررررررر
بابا .....باباااااااااااااا كمت ادفع بي ماادري وين اريد اروحله كانما موجود اريد اروحله
لا لا بابا واكمز بابا بابا ماااااات وهو زعلااااااالان مني بابا مات وهو مختنك مني
كمت مااسوف احد كبالي اريد بس اطلع وين ماادري اريد اروحله
شلووون يموت وهو زعلان مني شلون اعيش بعددددد اني واني بالاساس ميته لان خذلته هسه نوب مات وهو زعلان مني
صرت مثل المخبله اذفع الحد ما شبكني خالد بحيث حلكي انسد بصدره روحي شاغت واعيط وميطلع صوتي وجنت لازمه ايد بحيث اعصابي مشدوده كلش الحد ما سكتت حتى حسي كام ميطلع وروحي حسيتهه تطلع سمعت كال شلقضيه راح توكع من طولهه جرني من خالد الي لازمه ايده سلمان
وراهه تخربطت غواش صار بعيوني ..... حبوبه فوك راسي تمسح بي وكلهم كاعدين ورسل واكفه كبالي
حبوبه-ها يمه .
ميمونه-باوعت عمو عامر هم كاعد كلي ها بابا اذا زينه خل نروح
حبوبه-لا يمه وين تروح مااكدر اخليهه تروح وياك بالي يمهه يظل
ميمونه-باوعت عليهم جانت عيني مفتوحه بكل وسعهن مابيه شي
وكمت كعدت ...يلله عمو ماعندي شي
توسلت حبوبه رادتني ابقه كالت عل اقل بس اليوم كتلهه اريد اروح الابويه
طلعت ويه عمي بدون اي تفكير بالذهن ....نهائي عقلي عباره عن فراغ مديجمع شكاعد يصير
............
فلك-ثاني يوم اجتي ورود رجعت للبيت واني قبل ليجون ذبيت الشامبو حتى ميحسون وشفت حسين قفل عليه الباب من طلع جنت مفكره انهزم بس مرهمت
اسبوع مر وشافت وضعي هيه هم مو تمام ....كالت نروح للدكتوره
اني هم كيفت واكثر شي كيفت لان تكسي
حسين حتى من اجتي ورود متقربلي يمكن فقد الامل يصيرله طفل
اتفق ويه ورود نروح تكسي وهو من يطلع من الشركه يمر ياخذنه
وصلنه للدكتوره ....على حسب الاصول هيه نزلت من يم بابهه واني نزلت من بابي ...باوعت يمنه يسره نزعت شحاطتي لان الشحاطه تبطئني وتوهه مشت السياره واطكهه بركضه
محسبت حساب .......يتبع
حال ميمونه 💔