يا مرحبا يا مرحبا ومن اليوم تبدي رحلتنه ويه الارهابي
ارجع واكول بيهه جرئه الي ميحب يكدر يطلع مادام بالبدايه
والي ميحب ينتظر الاحداث ويصبر ينتظر الى ان تكمل القصه
الانسان معرض للظروف خاف يصير ظرف وتكولون منتحمل
النشر مثل العاده يومين نشر يوم استراحه
الساعه 10 ليلاً او 11اذا صار ظرف واذا عبر التوقيت فمعناهه عندي ظرف يؤجل البارت
اما الان فأشكر المصممه سوزان على هذا التصميم الجميل وهذا التصميم راح يكون بديل عن القديم التصميم فوك مكدرت انزله هنا يأخر البارت ☝🏻☝🏻☝🏻
SozanaAlogadi
الارهابي وذات النقاب
بقلــــمي ام غايب
لكل انسان وسيلته في الهرب
بعضنا يهرب من نفسه
والبعض يهرب من العالم
وانا اهرب الى الانتقام
لليل طلعوهه واني وراهم ....بدون ميحسون ....
وكفو كبال البيت ....بقيت اترقبهم
نزلت من السياره وحاولو يشيلوهه هيه وامهه
بقيت اترقب اترقب الى ان انطفت الاضاءه مال بيتهم اتسلقت على الحايط جان الباب مردود ..... طفرت عليهم
بعدني توني طفرت طلعت امهم كبل وجهت عليهه المسدس
خضر-اذا طلعتي صوت اذبحج انتي وبناتج
.......توقعتهه راح تصرخ بس هيه بقت....مفلكحه عينهه وحلكهه .......والرجفه بجسمهه واضحه ....مثل الي تنازع
مااسويلكم شي.....اهدئي مااحس اله وكعت من طولهه .....حرت مااعرف شسوي....دكيت الشباك حيل
وعلى نفس حركتي طفرت.....كلت حتى يطلعن يشوفن امهن واني اعبر من السياج
سمعت شهكه وصرخه .....كملت طفرتي بسرعه مبين شافتني .....ركضت مو وقتهه ابد .....راح تلم الناس اكيد .......اكيد تخربطت امهه .....كمت اسمعهه تصرخ
اركض فحطان ....وبنفس الوقتبالي شصار ماتت لو تخربطت .....ركضت الدنيا ظلمه كلش.....والجلاب تارسه المنطقه ....ومن افوك من يمهن يهوهون
لكيتلي هيكل.....فتت بي
احسن شي بهاي المنطقه اكثرالبيوت هياكل وقليل ....الي كاعدين بيهه ....بعدهي توهه جديده
بقيت خاتل بالهيكل ......طلعت جكاير ادخن ....باكيت كامل جنت توني مشتري كملته......توترت حيل كمت اضرب راسي بالحايط ...من وره .....رجعت كعدت وانتجيت على الحايط واني ماد رجلي....شسوي ...هسه عكست وياي .....من وراهه كلشي مخططله خرب....
........................
ميمونه-كلشي فجأه صار ...مجنت متوقعه يصير هيج
جنت امشي طبيعي ....شفت من بعيد سياره بطحت وكومت الترابه ....بقيت اباوع عليهه ....فجأه وكفت كمت اخاف ....لان لمحت شباب اثنين بيهه ....منطقتنا مو راحه وخوف جديده....وهواي يدخلون بيهه منعرفهم من كل المناطق يشترون حتى بعدهي مو هواي بناء
