الارهابي وذات النقاب
ام غايب
البارت١٢
في عينيكِ وجدتُ وطنًا
لطالما بحثتُ عنه!
فلك-يعني بعدج مصررره خوش عدكم علاقه وين كاعد هو يعني تكدرين توصليله
ميمونه-مااعرف
فلك-شلون لعد شنو الخلاج توثقين بي
ميمونه-باوعت عليهه ونزلت دمعتي كتلهه
ميسويهه .....اني متأكده والله .....لو يريد ابسط شغله موبايلاتنه وصورنا كلهه يمه ....جان سوه شي بيهن لو جان هددني بيهن بس هو مو هيج ...وانت متعرفين قصته ....لتحكمين علي
فلك-خطف طفل
ميمونه-الطفل هو يصير عمه يعني ميأذي ....وابن عمه الي يدور علي ....مو لان خطف ابنه ...لان خايف علي يرتكب شي
كمت واني محترك دمي ردت اهرب من عيونهه ...والخوف سيطر عليه وبين بعيوني ....بس جنت انكره كبالهه ....كمت من يمهه طلعت بالحوش وكعدت اتصل علي كله مغلق
كمت ابجي واباوع على السما ...يارب لتخلي يغدر بيه
هو مو هيج ...مااريد انصدم بي والله اموت ومااتحمل
بقيت اتصل الحد ما دك ممصدكه جاوبني
خضر-الوووو
ميمونه-ليش غلقت موبايلك خضر
خضر-كاعد تبجين ام تك وتك ...شبيج
ميمونه-ليش غلقت الموبايل خضر
خضر-مغلقته .....طفه شحن وايدي جانت توجعني انجرحت جنت اعقم بيهه ...وجوعان ...شنو دتبجين خفتي عليه ...لو شنو القصه ام تك وتك
ميمونه-ابتسمت وحسيت نفسي رجعتلي الروح
التصوير يمك مو
خضر-يمي ...وحذفته تدرين يا ميمونه لو ما كايلتلي جان حتى انت سحبنج عن طريق فلك ...ذني خطرات
اختج هاي شوداهه الهم ....والله لو ما امج وابوج كاسر خاطري لان مو بيده ...نايم ومواكف فوك راسجن ....هيج تجازي اختج ....اااخ يا ميمونه اخ
لو اختي اله اكسر ظهرهه واصلاً لو اختي فلا اخليهه تطلع تشتغل .
ميمونه-والله مو هيج هيه ومظلومه
خضر-شعليه اني ...بيهه المهم عندي انتِ دير بالج تشتغلين هاي الشغله ميمونه دير بالج
اذا ماعدجن فلوس تكدرن تسون راتب ابوج نايم بالفراش واخوج مو كلتي مذبوح شعجب ممسوين
ميمونه-امي راجعت هواي وحتى اذا ينطونه راتب شعبالك يكفي بس علاج امي جان يرادلة حفنة فلوس
خيطي سوي كبه والله وحده بمنطقتنا جانت حبوبتي توصيهه تسوي كبه وكليجه واني اروح اوديهن بت الاوادم جانت جنهه كزازه شابه تخبل الطول والجسم والعيون ....رجلهه هجرهه الطايح الحظ وبقت هيه تعيش جهالهه بلكمه حلال
ميمونه-انت هيج ياهيه الي تشوفهه تركز بيهه
ماعندك شغل وعمل ...
خضر-لا والله مااركز بس بالحلوات اركز ...شلقضيه قابل اغمض عيني عن خلقة الله
ميمونه-صدك متستحي انت
خضر-هسه الي فهمتي من كلامي كله بس مااستحي كاعد اكلج تكدرين انت لو هاي الفلك غضب الله على راسهه تشتغل اي شي غير هاي الشغله ....اخذتي منهه اباوع على البنيه اي باوعت ....الله كايل اول نظره حلال
واني بس مره باوعت عليهه
ميمونه-وهيج تفصلهه
خضر-اي من اول نظره اقره البنيه كلهه
ميمونه-جان قريت فلك صدك ومحكمت عليهه من شغلهه الي اني هم اشتغله
خضر-استغفر الله
