طريقنا صعب

البارت ٢٩

ي َتربيتي تعالي وصيري عيديتي
تَعالي وخَل اشوفج گاعدة ببيتي
واجي يمج َركض متروس حنيةْ

وشرط مثل الاطفال انطيج عيدية
شجنيت وما يحقق ربج امنيتي

يَ تربيتي ..
ي َمو يمي ولكن ضاله بنفسي
البسج بدلة ويزفونج بعرسي

واتطشر ورد و التم
واحضرلج غزل مكتوب
ما ينگال خاف لساني يتلعثم ْ

حبيتج لحدما دمعي گام بحضني يتبدّه
وشميتج لحدما غارت الوردةْ

انة يسموني مجنونج
صباح الخير مايكمل اذا ما اگابل عيونج..🖤

•••••••••••••••••••••
رزان : راح يجي قسورا بعد شـويَ واحس نفسي مرتبكة وخجلانة وشعور متضارب بية ..

ماعرف شِـنو السالفة .. على بالك مثل اول لقاء النة .. بَـس بالبداية جنت اكرهة .. هسة اعشقة ..

صعدت لغرفتي كاعدة ويا البنات ديحجن بسالفة العرس مِـن هسة تكول مشايفات ..
نرجس : اي ولج واذا يعني غير فرحانين الكم ..!

رزان : اي اي حُبي افرحن هسة شحجيت أني

نرجس : ههههه اي كُلش ماحجيتي شي

رزان : ضلن يحجن واني مااشارك بَـس اباوعلهن وفرحانة لفرحهن ..

خابرني قسورا مرة ثانية .. طلعت واخذت التليفون وياي ..

قسورة : شلونة حبيبي

رزان : مو قبل شـويَ خابرتني ش سالفة !

قسورة : اي عادي واذا مرتي واخابرها بكيفي

رزان : شيفضج ياطلابة صرت مرتة لاهاي هي رحنا بيها

قسورة : ههههههههه العوبة هَـاي فوكاها

رزان : يمتى تجي ماطلع شغل هـذآ

قسورة : مو اكلج تشتاقيلي تنكرين ليش هِـيچ ؟

رزان : لاواثق مِـن نفسة بعد ..

قسورة : شي اكيد

رزان : هسة غير يحجي !!

قسورة : مااجي منا واطلع ل َ هلي

رزان : لعد واختك وابوك هنا شِـنو ؟ يرجعون بحدهم ؟

قسورة : عادي اكدر ادزلهم واحد لَـو هم يجون بتكسي

رزان : وليش انـتَ مليت مني يعني ؟

قسورة : اي الحَمـدلله عرفتي وحسيتي شـَوية

رزان : صُـدك دتحجي

قسورة : اي يارزان يعني ابرد منج ماكو .. لاتعرفين تحجين لاتسولفين يعني برأيج منو يريد هِـيچ بنية ؟
مو تزعلين عفية بَـس غير تردين الصراحة .. هي َ هَـاي

رزان : اول مابديت اخابرة جنت مبتسمة بَـس مِـن احجي عود احجي بثكل وهيج يعني بالشقة ..
بَـس مِـن حجة هِـيچ راحت كُل ابتسامتي واختفت .. ! كلتلة ..

رزان : اوكي يلا أني مشغولة شـَوية

قسورة : اوكي براحتج

رزان : هو كلي هِـيچ .. واني ودي اركع التليفون براسة مو بالكاع .. مِـن كُل عقلة .. ! جانت عندة شـويَ امل يطلع مقلب .. كلت اكلة باي حتى يكلي لا تعاي شو هـذآ يكلي براحتج !! شِـنو هَـاي ؟

رزان :مِـن كلي براحتج .. سديت الخط بسرعة .. رحت لغرفة هبة .. لِأن البنات بغرفتي .. كعدت ع جرباية واحس گَـلبي ح يطلع مِـن مكانة !! يعني بعدنا ببدايتها وهو نگلب هِـيچ !!

شِـنو شسالفة شديصير !!

بساع فتحت الباب اريد اطلع دزلي مسج ..

قسورة : اطلعي للحديقة

رزان : شفتها وكتلة ..

رزان : ماريد مشغولة

قسورة : كلتلج اطلعي للحديقة

رزان : اوهو شلون بي هـذآ .. طلعت مِـن الغرفة .. رحت للدرج وضليت انزل .. عبالك اتعارك ويا الدرج ..

حيل ختنكت وضجت مِـن كلامة ..! اريد واحد يحاجيني او يتعارك ويايَ حتى ارتاح .. ماكو

نزلت الدرج طلعت للحديقة .. وباوع ماكو احد

ادري هي شِـنو ديضحك علية ؟

دزيتلة مسج ..

رزان : اكلك بطل هَـاي سوالفك شِـنو تضحك علية ؟

قسورة : اصبر ولك شـويَ

رزان : يلا بالله نوب كاعد يحاجيني بصيغة ولد مايبطل هـذآ طبعة ..

بَـس لحضة هو يحاجيني هِـيچ لما يريد يتغزل بية .. يعني شِـنو هسة. !

خرب نلاصت عندي السالفة هسة عقلي وكف كام ميستوعب شي ..

ضليت واكفة انتظرة ماكو مموجود .. رحت كعدت ع مرجوحتي واتمرجح .. راح يصير دنيا ليل ..

اريد ادخل مليت .. ردت اكوم ودك الباب ..

رحت فتحتة ..

قسورة : مساء الخير على وجه الخير

رزان : باوعتلة .. ردت اضحك بلكوة لزمت ضحكتي ..
كتلة ..

رزان : اي اي هو انـتَ جفصت مساع وضليت تحجي حجي ماصخ وهسة تريد تلزكها مو ؟

قسورة : جا أِنتـي شكد غبية يعني مامبين جنت اتشاقة مساع ؟

رزان : هَـاي شلك بيها .. لَـو تشاقة جان ماكتلي براحتج ..!

قسورة : ولج غبرة بلاخير سديت التليفون وانة اضحك عليج كلت ماكو داعي اوضح اكيد فهمتي جاي اتشاقة معقولة مصدكة ؟ هههههههه

رزان : ولله ولا اصدكك ولااصدك انو جنت تتشاقة .. جذاب ولله

قسورة : ها انة جذاب ؟

رزان : جنت احجي ويا وبس اباوع لوجهة مامنتبهة على اي شي ..

رزان : اي جذاب لِأن مِـن حجيت كلامك صَـح انو أنــي باردة وشي .. فَ شي اكيد ماجنت تتشاقة

قسورة : ولج وداعة جدي جنت اتشاقة هههه زين كلتلج راح ارجع لهلي واني هسة جاي احجي وياج !! هَـاي شِـنو

رزان : مادري شِـنو بَـس انـتَ رزلتني بدون سبب مساع .. ومااكلك ماضجت . لا ضجت ونقهرت وها خلي احجي الي جنت افكر بي ..

قسورة : اي بالله

رزان : كلت هَـاي بالبداية وهيج انكلب بعدين شيسوي

قسورة : اخ ؟ هههههه ها علية هِـيچ تفكرين ؟
زعلتني منك ولله

رزان : باوعتلة يضحك ومامهتم .. نقهرت بزايد ودي اضربة مِـن قهرتي .. باوعتلة بطرف عيني ودرت وجهي ومشيت ..

نزلت دمعتي واني امشي .. ردت ادخل باب المطبخ وسحبني مِـن ايدي ..

قسورة : ولج يلثوولة ماشفتي الهدية بأيدي ؟ لَـو على المشاكل تعمى عيونج بَـس تردين مشكلة وتحجين وتراددين

رزان : باوعتلة وكلت ..

رزان : ها ياهدية ؟

قسورة : لاماكو هدية بطلت

رزان : لالا شبيك دنطينياها

قسورة : بوسيني

رزان : خاب دروح

قسورة : ولج ولله مو صديقتج أنة شِـنو تكليلي خاب دروح

رزان : ههههه اي عادي .. بَـس تعال كلي مِـن الاخير عفية .. انـتَ جنت تتشاقة لَـو لا

قسورة : ولكم الله اكبر ماشايف هِـيچ ثول

اي ابوية أِنتـي جنت اتشاقة وحق الكعبة الشريفة جنت اتشاقة .. وهاج هَـاي هديتج طاحظج خربتي اللحضة

رزان : ههههه اسفة بَـس انـتَ شقاك ثكيل شسويلك يعني اكو واحد هِـيچ يحجي ويكول اتشاقة ..

قسورة : اي اي

رزان : اوهو نكلبت السالفة وسوة روحة زعلان ..
اخذت الهدية مِـن ايدة ..

جان بوكس جبير حييل بلكوة اخذتة ..

لونة كُلة اسود مامبين اي شي منة .. ردت افتحة .. كال

قسورة : لاتفتحي هسة بعدين شوفي بحدج

رزان : لالا حباب هسة

قسورة : لا بعدين هسة عندي شغلة وياج

رزان : اي گِـول

قسورة : طبعاً هو مو كلام يعني

رزان : لعد شِـنو ..

باوعتلة .. باوعلي ابتسم .. رجعت عشر خطوات ليورة .. دار وجهة وطكاني بضحكة ...

عبالك يصيح مو ديضحك

فهمني انو أنــي فهمتة ..

قسورة : شبيج قابل راح آكلج
رزان : اي راح تاكلني

قسورة : اي انة احب الحلوين شلون شسوي يعني ؟

رزان: انـتَ تحب الحلوين أنــي شعلية .. بعدين تعال فدوة لتجيبلي هداية هوايـةَ بعدنا مخاطبين وهيج .. هسة شيكولون

قسورة : ابد ولله بهذا الموضوع لاتتناقشين ولاتحجي أصـلاً .. جنت منتظر هللحضة حتى اجيبلج هِواي اشياء جانت ببالي وكلت خاف اجيبها ويشوفونها اهلج وتصير سالفة ..

هسة خلص صرتي الي ..

رزان : تدري شِـنو ؟

قسورة : شِـنو

رزان : أنــي مِـن باب المجاملة كلتلك ماريد .. حبيبي ايدك الك شكو شي تشوفة حلو جيبة الي لاتتردد
كلتلة هِـيچ وضل يضحك ..

نوب فضحنا بصوتة ..

رزان : يمعود صوتك

قسورة : ويلوموني بحبج

رزان : ضليت اسوي حركات مال وحدة تتباهى

قسورة : لاتنفخين بريشج ولج لايجيج راشدي يعدلج ولله

رزان : ضليت اضحك على سوالفة .. اخذت البوكس وصعدت بساع لغرفة هبة .. خليتة بالكنتور مالتها ماريد ادخلة كبال البنات غير هسة يركصلي بچفية ..

ونزلت بساع ..

لكيتة دينزل الاكل مِـن سيارتة ويخلي بالمطبخ هو وبابا .. جايب العشة ..

خرب قسورا راح ينقط قطة مو بَـس هسة لا كُل عمرة مادام راح اصير الة ..

ضليت واكفة بالمطبخ واباوعلة ويباوعلي .. كلما يشوفني يبتسم .. وكلساع يكلي ..

قسورة : مو تنسين .. تَــرة هذني لواكة علمود البوسة

رزان : ماشاء الله على صراحتك

قسورة : اي حبيبي ماغشك انة

رزان : هههههه أستغفِـر الله

ماما اجتي ترتب السفرة ونزلن البنات يمها ..

راح قسورا يغسل وجهة .. اجيت يمة وجبت المنشفة

نطيتها الة ..  رفع وجهة وباوعلي

قسورة : ايبااه متطورين اغاتي

رزان : لعد شعبالك

قسورة : ههههههههه

رزان : نشف وجهة. .. وضليت واكفة .. اريد اتقدم .. واتردد بلاخير .. بساع تقربت بستة بخدة وركضت

سمعت ضحكتة العالية وراي ..

باوعتلة قبل لاادخل شفتة يأشرلي .. يكلي

قسورة : شـويَ هَـاي ولله

رزان : صحت علي .. يااابة شكد طماع انـتَ

قسورة : ههههههههه

رزان : دخلنا ورا نص ساعة ..

كَعدنا كُلنا على السفرة ودناكل ..

خلصنا الاكل واني غسلت المواعين .. والبنات سون جاي وصبن ..

كاعدين كلهم بلاستقبال واجتي هبة ..

هبة : لج يصيحوج

رزان : ها خير

هبة : مِـن هسة مااريد اكلج مااعرف .. لااعرف باعي جاي يحجون بسالفة الخطوبة ..

رزان : بَـس حجت هِـيچ احس ايدي رخت .. كتلها

رزان : هاا

هبة : فدوة فهاوتج ضميها بعدين .. تعاي بساع ..

رزان : اي اي تمام

رحت وراها للاستقبال .. لكيتهم كلهم كاعدين يحجون ومندمجين ..

دخلت واني مستحية الانظار كُلها علية .. كعدت وسمعت عمو يكول

مرتضى : بنيتي بعدج على قرارج مو ؟

رزان : هاا عمو

مرتضى : رزونة باباتي لاتستحين كولي

رزان : اي الي تشوفوا

مرتضى : زين يكول قسورة متفقين تتزوجون قبل ماتدخلين صف السادس .. والسادس تكمليه عدنا ؟ هِـيچ لَـو غلط ؟

رزان : اي صَـح

مرتضى : زين برأيج يمتى الوقت الصح تصير الخطوبة .. احنة نريد نستعجل لِأن ماكو داعي للتأخير .. مامصدك اشوف وليدي يتزوج .. وانتي ماعندج شي فَ شتكولين بعد شهر الخطوبة ؟

مكملة كُلشي لذاك الوكت مو ؟

رزان : مادري شكول خاف  اكول اي ومايكفي الوقت وخاف اكول لا ومااعرف شِـنو احجي مااعرف ..

كالت ماما ..

ريمة : هَـاي هي خوية كُلش كافي ..
نكدر نحظر كُلشي بهلوقت ..

رزان : ماما جانت مو كُلش مقتنعة بالبداية بَـس مِـن شافتني قابلة أفتهَـمت السالفة ومبين عليها هسة انو حيل فرحانة .. مادام اني اضل بعيدة عن عماتي وبيبيتي .. ماعدها مشكلة

اتفقوا على كُلشي وعلى ادق التفاصيل .. بابا وماما وعمو مرتضى .. وكلنا موجودين .. واي شي يحجون بي ياخذون رأيي خاف عندي شغلة ثانية او رأيهم ماعجبني .. فَ ياخذون رأيي . .

عمو مرتضى خابر عمامي البقية كاميرا .. وكاللهم .. هو أصـلاً مِـن وكت كايللهم بَـس هسة حجالهم بالتفصيل .. وسلمت عليهم أنــي ..

وعماتي عرفن والكُل عرف ..

بهاي اللحضات .. الكُل مشغول .. الا احنة جنة هادئين مااعرف ليش وواحد يباوع للثاني ..

قسورا كاعد. بعيد علية بَـس يصير مقابيلي ..

صافن علية ولازم جكارتة..
اشرتلة يذبها ..

بساع كام طفاها .. ابتسمتلة..

حجالي مِـن بعيد ..

قسورة : احبج

رزان : اكتفيت بالابتسامة بَـس .
استحيت لاارجعلياها واحد ينتبه ..

وضلوا عدنا ٣ ايام بعدها نتناقش بهاي التفاصيل وشوكت الخطوبة وشوكت العرس وهاي الاشياء الي متخلص ..

آخر يوم راحوا بي جان ..

نرجس : ولج راح اشتاقلج كوومة بَـس كلما اتذكر راح تصيرين مرة اخوي اكول عادي راح امل منج بعدين ..

رزان : ها ولج

نرجس : اتشاقة يمعودة

رزان : سلمنا عليهم كلهم .. بقى بَـس قسورا ادور علي ماكو .. شفتة يصعد الاغراض لسيارتة .. اشرتلة يجي ..

شـويَ واجة ..

قسورة : ها شبيك مبين زعلان

رزان : ضلوا بعد عفية

قسورة : ههههه مانكدر ولله بلكوات ضلينا هَـاي الجم يوم .. لاتخافين كم شهر وتجين يمي

رزان : لا أنــي علمود نرجس مو علمودك

قسورة : متأكدة؟

رزان : اي ههههه

قسورة : خوش بنيتي ههههه

رزان : باسني مِـن راسي وراد يروح كلتلة ..

رزان : قسورا لحضة ..

قسورة : گِـول

رزان : تقربت الة وحضنتة .. حسيتة نصدم مِـن حركتي ..
شـويَ وحضني هوَ ..

ماردت اضم هل كم كلمة بكلبي .. اكولهن الة احسن

رزان : راح اشتاقلك هوايـةَ

قسورة : اعرف

رزان : وانت شِـنو متشتاقلي

قسورة : لا ، مااصدك اطلع منا أنة. .. اريد اشرد بروحي العزيزة منج

رزان : قسوورا عوووف الشقة هسة

قسورة : هههههه حبيبي طَـبعـاً اشتاقلج .. بَـس ماضل شي وتجين يمنا ان شاء الله .

شوي وراحوا ..

احس متت قهر .. اريد يبقون ببيتنا ونعيش كُلنا سوة هنا .. ماعرف شِـنو هـذآ تفكيري بَـس المهم أنــي هِـيچ احب ..

صافنة والبيت هادئ هبة بغرفتها بابا طالع وماما دتطبخ الغدة. .. واني كاعدة يمها ماعندي شي اسوي ..

تذكرت الهدية .. عزة لحد الان أنــي مافاتحتها ..

رحت اركض بساع لغرفة هبة .. فتحت الكنتور أنــي مخليتها جوة الملابس كُلش مامبينة ..

سحبتها وكعدت على الجرباية .. فتحتها

لكيت اكثر مِـن علبة داخلها كبار وصغار ..

فتحت الصغار بالبداية ..

اكثر مِـن خاتم يجنن شكلة حييل فخم .
كُلة كرستال .. مادري هلكد ذواق استاذ غثة

وكلادة على شكل فراشة هم فضة ..

فتحت العلبة الجبيرة .. قماش !!

جريتة وفتحتة ..
فستان لونة اسود هههه هلكد يحب اللون الاسود ..

مخصر على الجسم حييل شكلة ..
مِـن فوك الصدر يصير كلة تور ومشبك حركات بسيطة مِـن فوك بَـس حيييل حلوة ..

متت علي بساع جربتة .. على قياسي فييت ..

متأكدة حييل غاليات ذني .. معقولة ذني مِـن ذوقة وماساعدتة صديقة الة بأختيار هيج اشياء؟ ..

رحت اريد ادزلة مسج اشكرة عليهن .. رجعت الفستان لل بوكس .. قبل ماسدة لكيت ورقة ملونة. .. فتحتها ..
لكيت مكتوب ..

كون تنضمين بعيوني برضاتچ
ما أريد أحد يشوفچ
مو لأن شرقي وغلاتچ
بس صفنتلها وشفتها
ماكو واحد غيري يستاهل حلاتچ .. 🖤

رزان : يمكن هـذآ الكلام احلى مِـن الهدية نفسها ..
أنــي هلكد محظوظة حتى الله انطاني قسورا ؟!

رحت ادور بالنت على شعر يناسبة .. شفت واحد يخبل ..

دزيتة الة يكول ..

- كون احط كلبي اعله ايدك ،
- واترسك حنية من دگته لوريدك
- انت يل چنك صلاتي شما أشكن بيك اعيدك
- انت ماتنراد ..بس كلش اريدك..🖤

مارد يمكن ديسوق ..

اخذت الهدية وضميتها ..

ساعة تقريباً ورد علية ..

قسورة : ههههههه هـذآ الكلام الحلو الي ؟ خاف غلطانة

رزان : عااد مو لهلدرجة أنــي عديمة احساس

قسورةً: هههههه لااتشاقة ..

رزان : شُـكـراً هوايـةَ على الهدية .. لَـو بَـس منطيني هلورقة البيها هـذآ الشعر .. هِواي كافي ولله

قسورة : اذا ماجيبلج هدايا المن اجيب

رزان : ضلينا نحجي بعدها هِواي ..

سديت الخط وراها .. وضليت افكر يعني راح نتزوج واصير الة واخيرا ً !!

يتبع....!!

دوسوا ع النجمة ؟ اوكي لَـو مو اوكي ؟
الي دتباعون على هل بارت بيكم شلل لَـو شِـنو ؟ 😹
فَ لتنسون اللايك لااطلعلكم مِـن الشاشة والكعبة 😹💛.