سنموت معا

٣٠

شلت الصور ومشيت تحت لأمو وأختو قلت ليهم انتو قاصدين تخلونا نجي هنا عشان تخربو البيناتنا صاح؟والله وسيم كلامو كان صاح أمو قالت لي الصور دي لقيتيها وين؟قلت ليها هه لقيتها وين؟في المحل الانتو ختيتوها فيه أمو قالت لي نحنا الصور دي ما ختيناها افهمي الصور دي قاعده في دولابو من زمان وبعدين انتي في زول قال ليك اتزوجي هو اصلا كدا ودا الماضي بتاعو والبنت الفي الصوره دي آية بنت أختي عشان كدا انا من زمان كنت مصره انهم يتزوجو عشان كلنا عارفين هم عملو شنو لكن انتي فكرتي اننا ما عايزنكم تكونو مع بعض وفي النهايه انتي اكتشفتي الحقيقه براك☹انا من غير ما أحس دموعي بقت تجري انا في اللحظه كرهت نفسي كرهت حياتي كرهت وسيم كرهت اي شي ما قادره افهم ولا اصدق ولا ما اصدق ما فاهمه انا ما فاهمه😭بس لقيت نفسي طالعه قلت ليهم مش وسيم دا اشبعو بيه انا البيت وحخلي ليكم لقيت ميادة خاشه قالت لي مآب في شنو طلعت من غير ما ارد ليها لقيت نفسي بس ماشه في الشارع وماشه ضربت لأمي قلت ليها سامحيني وبقيت ابكي قالت لي في شنو قلت ليها بس سامحيني يا أمي وقفلت الخط😭انا بقيت ماشه قريب ساعه ما فاهمه شي وسيم ضرب لي ما رديت ليه مياده تضرب ما برد ليها ملاذ ورهام وأمي اي زول يضرب لي ما برد ليه ما عرفت نفسي اصلا ماشه وين😭بس ماشه فجأه عربيه وسيم تقيف قدامي وينزل منها جاء جراني من يدي وركبني في العربيه قلت ليه خليني قلت ليك اداني كف👋🏻أنا بقيت مصدومه بعاين ليه أول مره وسيم يرفع يدو علي وهو الغلطان هو الخاين قلت ليه ترفع يدك علي أنا؟يا بتاع آيه يا تافه تاني اداني كف👋🏻قال لي تخونيني أنا؟طلعتي بتحبي الولد المعاك في الجامعه القام رسل لي الناس الفي المواتر عشان يضربوني يا خاينه انا حبيتك اديتك اي شي بتتمني طلعتي ما بتستاهلي حبي كلو يا تافهه تف عليك💦وبقى سايق العربية وجاري بيها انا فهمت انو دي لعبة من أمو وأختو عملو كدا عشان يفرقونا بقيت اوقف فيه قلت ليه وسيم دي لعبة والله لعبة انا ما عملت شي انا حبيتك انت وبس وما حصل يوم فكرت اخونك والله ما حصل يوم فكرت اخونك وسيم انا بحبك عليك الله ما تعمل كدا صدقني والله بحبك انت اي شي بالنسبه لي انت حياتي كلها والله يا وسيم هم بس عايزين يفرقونا عايزين يخلونا نزعل من بعض ونفهم بعض غلط😭وسيم عليك الله أقيف هو بقى ماشي بأقصى سرعه ليه قال لي انا حبيتك يا مآب جنيت فيك بقيت ما شايف غيرك ياخ ليه بحصل معانا كدا ليه تعملي فيني كدا قولي لي ليه انا حبيتك أكتر من نفسي خاصمت أمي وأختي عشانك انتي عشان بضايقوك قولي لي تعملي كدا ليه بقيت أصرخ فيه بصوت عالي قلت ليه انت ما بتثق فيني ولا بتحبني دا ياهو حبك لي تفهم اني بخونك تفهم كدا ي وسيم؟انا لقيت صورك انت وآيه في دولابك وما عملت زيك ولا صدقت لكن معليش انت ما بتثق فيني قال لي كيف ما بثق فيك كيف بس مآب انا بحبك وبقى يصرخ بحبك انتي عارفه عارفه الكلام دا قلت ليه دا ياهو الحب البتتكلم عنو؟بتحبني؟بتحبني وبتصدق اني بخونك دا حبك يا وسيم دا هو؟ فجأه جاء دفار وخشى فينا😔
أنا لمن صحيت لقيت نفسي في سرير ووشي كلو ملفوف بشاش وما قادره اتكلم ووسيم نايم في السرير الجنبي وبرضو وشو ملفوف بشاش وجسمو كلو مجرح☹أنا عايزه أصرخ عايزه امشي ليه ما قادره اقوم بقيت ابكي بجوه وابكي😭أمي وأبوي رهام وراجلها ملاذ وأحمد فيرجن ورمانه وراجلها ميادة وأيمن أبو وسيم فجأه كلهم بقو في راسنا ويبكو علينا كأننا متنا وماعايزين يحسسوني بشي فهمت انو في شي خطير علينا انا ووسيم بقيت اسأل فيهم في شنو صوتي ما قادر يطلع بس بطلع براحه وهم ما بردو لي وسيم صحى بقى يعاين لي ويتكلم معي موبي موبي وهو برضو صوتو ما بطلع بس انا بسمعو بتكلم براحه مد يدو لي شديد أحمد وكمال شالو وسيم بسريرو وجابو قريب لي وطلعو خلونا أنا بقيت اعاين لوسيم وهو يعاين لي شال يدو ومداها لي وانا مديت يدي بصعوبه حتى وصلتها ليه بقينا ماسكين أيادي بعض☹عايزين نتكلم وما قاعدين انا ما حاسه بجسمي ما حاسه بشي فيني نهائي وسيم فتح خشمو وبقى يتمتم لكن انا فهمتو فهمت اي حرف طلعو من خشمو☹قال لي موبي انا آسف اسف عشان ما صدقتك عشان للحظة فهمت انك بتخونيني انا غبي غبي عشان شكيت فيك دي غيرتي خلتني أفهم كدا موبي انا بحبك والله بحبك انتي أول بنت أحبها وآخر بنت موبي انتي دنيتي يا موبي انا عايزه اتكلم صوتي ما قادر يطلع وسيم بقى يهز لي براسو يعني اتكلمي أنا حافهمك قلت أنا آسفه عشان فهمتك غلط آسفه حبيبي بحبك انا والله بحبك😭قال لي حاتشيلي حبي معاك ولا حاتخلي هنا في الدنيا؟قلت ليه حشيلو وما حخلي حشيلو معي قال لي موبي نحنا كنا بنقول طوالي نحنا حانعيش سوا وحانموت سوا💔وشكلو الله عايز يحقق لينا الأمنية دي🙌🏻هزيت ليه براسي اي💔لو أننا لم نفترق لبقيت بين يديك طفلا عابثا،،وتركت عمري في لهيبك يحترق،،لا تسألي العين الحزينة كيف أدمتها المقل،،لا تسألي الطير الشريد

لأي أسباب رحل،،رغم الرحيل ورغم ما فعلت بنا الأيام،،قلبي لم يزل يحيا وحيدا بالأمل،،أنا يا حبيبة كل أيامي قتيلك في الهوى،،كنا نعانق في الظلام دموعنا،،والقلب منكسر من العبرات،،هذه النهاية لم تكن أبدا لنا،،هذه النهاية قمة المأسآة،،ما كنت أعرف والرحيل يشدنا أني أودع مهجتي وحياتي💔💔💔..
مآب ووسيم فارقو الحياة وخلو حاجات كتيره وراهم لكن شالو حبهم معاهم🙂مرات كتيره الزول بتمنى يموت مع الزول البحبو عشان لو واحد فيهم بقى قاعد في الدنيا ما بقدر يعيش لكن ما أي زول ممكن تصدف ليه زي ما صدفت لوسيم ومآب♥
الناس دي كلها جرت ليهم وبقو يبكو مافي زول قدر يصبر أم مآب قعدت في الأرض وبقت تبكي وتضرب في وشها مآب حبيبتي مشت فرحتي وضحكتي مشت مآب حبيبتي ليه تمشي تخليني ليه يا بنتي الصغيره ليه يا أكبر فرحه انا عشتها😭أبوها جاء قال ليها هدى عليك الله ما تعملي كدا أدعي ليها وما تعذبيها هو بحنس في مرتو وما قادر يصبر شغال يبكي ودموعو تجري وحده ورا التانيه ويتكلم في سرو مآب حبيبي مشيتي وخليتينا انتي ي نور عيونا مشيتي وين بس خليتي أبوكي البحبك وبموت فيك خليتي تاني نلقى الفرح وين نحنا بس نفرح كيف تاني نحنا بس قولي لي😭ملاذ بجهه مآب انتي ماعارفه انك خليتي لينا الواطه شينه انتي حبيبتي وأختي انا بحبك اكتر من اخواتي دايما كنت خاتاك في أكبر محل وحافضل خاتاك في أكبر محل مآب مشيتي وين خليتيني مشيتي وين بس تاني احكي لمنو انا اشكي لمنو ابكي لمنو تاني حالقى منو بعد ما انتي مشيتي حالقى منو😭رمانه:مآب انتي الوحيده الكنتي بتقيفي جنبي وبتفرحيني وبنصحيني وما بستحملي زعلي مستعده تعملي اي شي ولا تشوفيني متضايقه بتدافعي عني تاني انا حالقى منو من بعدك بس حالقى منو😭رهام:مآب اختي حبيبتي يا مآب كيف تمشي وتخلينا انا اعيش كيف تاني أختي مافي اعيش ليه بس وتضرب في وشها وتهبش في بطنها وتقول خالتك مشت قبل ما تشوفك ماتت قبل ما تشوفك😭 كمال يجي يهدي فيها قال ليها رهام انتي حامل ما تعملي في نفسك كدا😭ميادة:تبكي لمآب وتبكي لوسيم وسيم انت الوحيد الأنا حبتك أكتر من أي زول في الدنيا دي اعتبرت انت اخوي انا ما اخوان عندي ي وسيم انت اخوي القى أخ وين بعدك😭احمد:وسيم يا صحبي يا دنيتي يا اخوي الما ولدتو أمي مشيت وين وخليت لي الدنيا شينة من بعدك يا اخوي مشيت وين بس انت الساعدتني ووقفت جنبي في الوقت الما كنت لاقي زول يقيف جنبي فيه انت وقفتني على رجليني خليتني أشوف الجزء الحلو من الدنيا وريني تاني القى السعاده وين بس يا سندي في الدنيا 😭أبو:وسيم يا ولدي انت عمرك دا كلو ما لقيت السعاده في حياتك وبعد تلقاها ما تلحق تتبسط بيها وتموت ي ولدي يا سعادتي يا ضحكتي يا ولدي يا الكنت محلي علي دنيتي دي يا يدي اليمين في الدنيا دي أكتر زول كنت بثق فيه وهو ماحصل خيب ثقتي دي انت ماكنت ولدي بس انت كنت صحبي وسندي😭مافي زول قدر يصبر على موتهم ياسمين وكوثر لما عرفو اي وحده بقت جارية براها ويبكو ويتجننو وجرو المستشفى وهم السبب في دا كلو😪
ياسيمن:وسيم اخوي يا وسيم وسيييييم مشيت وين تعال ي وسيم انا اسفه اسفه عشان ما خليتك مبسوط في يوم وما وقفت جنبك ولا دافعت معاك عن حبك انا مستحيل اسامح نفسي انا كعبه انا لاحقاك يا وسيم شالت مشرط وعايزه تقتل نفسها الا الناس مسكوها أمو بقت قاعده في الأرض وخاته يدها في راسها وتقول أنا قتلت وسيم قتلت ولدي قتلت وسيم قتلت ولدي قتلت وسيم قتلت ولدي.
بعد شهرين من وفاة وسيم ومآب💔
أمو من زمن وفاتو جنت الا ودوها المصحه أما ياسمين بس مع امها كل يوم معاها في المصحه واتغيرت كتير بعد وفاة اخوها حتى تعاملها الكعب غيرتو وعجرفتها وأي شي بقت عباره عن جسد بس كل ما تتذكر أخوها والعملتو فيه هي وأمها تقعد تبكي وتتجنن أما أبوه يمشي الشغل يجي من الشغل عمل أعمال خيريه كتيره عشان ولدو دفع لناس محتاجين قروش عشان يتعالجو وحجج ناس كتار رهام جابت بنت وسمتها مآب وهي كانت بتشبه خالتها شديد الله يرحمها🙌🏻أمها وأبوها وأخوانها كانو بدعو ليها وصابرين كلهم سافرو عمرو لنفسهم وعمرو ليها ودعو الله يرحمها وترتاح في قبرها🙌🏻ملاذ وأحمد عملو عقد ومشو بيتهم وميادة وأيمن نفس الشي☹رمانه سافرت مع راجلها ماليزيا لأنها ما عايزه تقعد موت مآب أثر فيها شديد😔
بعد فترة ملاذ جابت بنت وسمتها مآب ميادة جابت ولد وسمتو وسيم ورمانه كمان جابت ولد سمتو وسيم بقى في وسيم اثنين ومآب اثنين وملو عليهم دنيتهم وهم لسه بتذكرو مآب ووسيم وما نسوهم كل فتره يمشو ليهم في المقبره أي واحد يكون زهجان يمشي قبل مآب ووسيم ويحكي ليهم ويبكي😔 كل سنه لما يجي اليوم الإتوفو فيه مآب ووسيم يوزعو مصاحف على الناس ويقولو ليهم اقرو قرآن وأدعو لمآب ووسيم ويوزعو أكل وقروش على المحتاجين وعملو عيادة خيرية سموها مآب ووسيم عشانهم هم عشان الأعمال الخيرية دي كلها ترجع لمآب ووسيم وهم عايشين حياتهم كأنو مآب ووسيم معاهم☹
الفترة الماتو فيها مآب ووسيم دي الناس دي كلها عرفت بقصتهم وأي مرة تجيب بنت تسميها مآب والبتجيب ولد بتسمي وسيم وقصة حبهم ما انتهت وأثرت على كل الناس وعلى أي اثنين بحبو بعض وروهم انو الدنيا ما معروفه انو لو واحد فيهم مات وخلا التاني وهم بيناتهم خلاف ولا زعلانين من بعض حيتعذبو وانو الموت ممكن يجي في أي لحظه عشان كدا نحنا لازم نحافظ على الناس البنحبهم لأنو لو ماتو تاني ما حنلقاهم😔
إني أحبك حبا♥✨لو علم به البحر لهاج اكثر🌊لو علمت به السماء لأمطرت فرحا🌨لو علمت به الحبال لعلت وتكبرت⛰لو علمت به الأشجار لرقصت وتبسمت🌲🌿لو علمت به الزهور لفاحت وأزهرت🌹🥀لو علم به الناس لقالو هذا جنون جنون الحب💗❤اني أحبك في كل يوم أكثر♥✨أحبك مثل الثائر الذي يسرع ليذهب إلى المعركة💂🏻‍♀مثل السفينة التي تبحر في بحر هايج🌊مثل شعب مظلوم يريد التحرر من رئيس ظالم💗إني أحبك حتى النخاع♥✨أحبك أحبك أحبك إني أحبك يا مآب♥✨
Nafahat mahmoud
النهاية.