وهو لسه بتكلم معاها وانا محروقه شديد عايزه اعرف دي منو😭😭بعد ما خلص مكالمتو اتلفت علي🙄لقاني ببكي😭بقى مخلوع جاء مسكني موبي مالك بتبكي ليه ي بنت في شنو قمت شلت يدو وزحيتها مني قلت ليه ما تتكلم معي قال لي ي مجنونه مالك وفتحت باب العربيه عايزه انزل قام مسكني من يدي قال لي موبي والله تنزلي بلحقك لحدي بيتكم برجليني قولي لي في شنو طبعا انا كنت فاكراه حيديني كف😹😹قلت ليه ما بخصني لو مشيت برجلينك ولا بيدينك بقى يضحك قال لي ي زفته وريني في شنو سريع قلت ليه دي منو الكنت بتتكلم معاها دي قال لي موبي انتي ما جاده دي مياده🙄طبعا انا عارفه مياده دي منو لكن ما كنت فاكراه بتكلم معاها هي🤭طبعا مياده بنت خالة وسيم واصلا هي عايشه في تركيا مع أمها ووسيم طوالي بحكي لي عنها هي ما حصل نزلت السودان لكن ناس وسيم بمشو ليهم مرات في الإجازات وهي زي اختو وهم قريبين من بعض شديد🤭وهو بديني اتكلم معاها وكدا يلا هي العربي بتاعها مكسر شويه لأنها عاشت عمرها كلو في تركيا لكن جات تقرا الجامعه هنا✌🏻😇يلا انا ما قاعده اخد فيها حاجه نهائي وما بغير منها لأنها زي اختو وغير كدا انا ما عندي الغيره دي كتير كدا زي وسيم🙄المهم قلت ليه معليش ما كنت عارفه انو دي هي قال لي انتي بس طبيعي ظالماني🙄قلت ليه خلاص اسفه حقك علي👋🏻😔قال لي انتي عارفه اني ما بزعل منك صاح؟قلت ليه اي🤭
أنا:سمسم نحنا حانعيش عمرنا كلو مع بعض صاح؟سمسم:حانعيش سوا وحانموت سوا ومافي شي حايفرقنا..قلت ليه ان شاء الله وانا في قلبي انو سمسم دا يكون معي لحدي ما أموت لأني بحبو شديد والله ما نفسي شي يفرفنا😔
قال لي يلا خلينا ناخد سيلفي🤭طبعا نحنا طبيعي بنتصور تلفونو بس عباره عن صور لينا😹😹قمنا اخدنا صوره سمحه خلاص😇🤤طبعا هو ما بستنى دقيقه مشى ختاهاstatus🤤وكتب فيها في الحب يلغي المنطق ويترك القلب لينطق في الحب ننسى من نكون نجهل زاتنا تقف عقولنا مكبلة أما جنون قلوبنا!في الحب يصبح للبكاء لذه وللشهقات فن في الحب كل خطيئه تقتفر وكل عيب لا نراه أوليس الحب أعمى!نزار قباني..🤤🤤
جيت خاشه البيت لقيت أختي واقفه جني الباب هي شافتني لما نزلت من العربية بتاعة وسيم وعرفت انو دا هو قالت لي ماب دي حتستفيدي شنو لما تحبي الولد دا يعني فاكراه بعدين حايعرسك؟يا بنت اصحي الولد دا الناس زيو ما بحبو بلعبو بس قلت ليها انا بحبو ومقتنعه انو بحبني ونحنا اسي بس همنا نكون سوا والعرس دا بنفكر فيه بعدين قالت ليه هه هو الغشى عليك كدا ولا شنو قلت لو قعدت اتكلم معاها في الموضوع دا للصباح ما بنخلص مشيت خليتها بتتلكم😹😹طبعا اختي دي بتكره وسيم شديد ما عارفه ليه لكن احتمال عشان هو بتشاف بتاع لعب وكدا وهي ما عايزه تقتنع مني🙄المهم اصلا ما اشتغلت بيها مشيت نممممت الصباح صحيت متأخره خفت خوف قلت خلاص المحاضرة فاتتني لقيت من ملاذ مكالمتين ومن وسيم ٢٠ مكالمه😱لما احترت قلت وسيم دا مالو قمت رجعت ليه قال لي ي زفت انا واقف ليك هنا من قبيل وانتي نايمه قلت ليه اوبس معليش والله ما حسيت على نفسي قال لي البسي سريع وانزلي😤وانا من الاستعجال بس شلت لي عباية ونزلت سريع سريع😄كنت خايفه يصرخ مني😭😭جيت ساكته براحه براحه ركبت ما اتكلمت معاه هو شكلو كان عايز يصرخ فيني لما شافني خايفه كدا سكت😹😹بقى يتكلم معي براحه قال لي انتي ليه بتخافي مني كدا؟قلت ليه عشان بتصرخ فيني قال لي انا يصرخ فيك بس لما تغلطي حصل يوم صرخت فيك ساي؟قلت ليه لا قال لي انتي ما تغلطي عشان انا ما أصرخ فيك طيب؟قلت ليه حاضر😔طبعا انا عندي حساسية مع الصوت العالي ما بحب زول يصرخ فيني بحس بالخوف طوالي ما ادري المهم بخاف😹😹قلت لوسيم المحاضرة بتكون فاتتني ياخ😭قال لي الليله ماتمشي الجامعه قلت ليهو ليه قال لي عشان ماشين المطار🙂قلت ليه ماشين المطار عشان شنو قال لي انا امس ما قلت ليك انو مياده جاية الليله انا طبعا نسيت عديل🤕قلت ليه اي صاح لكن وصلني الجامعه وانت امشي ليها طيب قال لي لالا نمشي سوا وبعدين انا قلت ليها انو انا حجيب معي ماب قلت ليه طيب مادام كدا🙂المهم مشينا وبقينا منتظرنها🙂
انتظرناها كتير شوية كدا شايفين ليك بنت من بعيد جايه علينا وسيم قال لي الجاية دي مياده🙂أول شي البنت صراحه تخلع شعرها اشقر قصير كدا شكلها قاصاه عيونها لبنية كدا على اخضر ما ادري😹😹وطبعا دي بيضاااء كدا شديد لابسة بنطلون كدا ضابي بشكل انا زاتي ما عارفاه بكون خشى كيف😹😹معاه تنكا كدا ولا طوب ما عارفه المهم البنت دي جسمها كلو ظاهر انا لمن بقيت اعاين ليها كدا🤤🤤لا هي بالجد تخلع😹😹قام وسيم مشى ليها وانا بقيت قاعده في الكرسي مشى حضنها ليك وهي ماسكاه ويسلمو على بعض وبتكلمو كلام كدا انا ما فهمتو غايتو وهي تبوس فيه وتشيل وتحضنو قمت انا من الكرسي ومشيت وقفت قريب ليهم وهم لسه بسلمو على بعض وما منتبهين لي اساسا😤بالجد انا فجأه كدا جاني شعور الغيره يعني انا واقفه ووسيم ما شايفني وواقف بسلم عليها بالساعات وكأني ما موجوده🤕قعدت انبذ في نفسي قلت اسي بدل العباية اللابساها دي لو كان لبست لي اسكريت ولا بنطلون مالو😤ماعارفه لكن بالجد البنت دي حسستني انو ماعندي قيمه وانا واقفه وبعاين ليهم😭😭
