لقيتوOPPO F11 pro ياسلاااام ياخ انا فرحت فرح😻💜ما مصدقه قلت ليه وسسسسيم😻قال لي عارف عارف قام فتح يدينو قال لي يلا خليتهم ليك جاهزين😹😹قلت ليه انت اصلا ما بتخلي حركاتك دي😹😹بس بالجد لوووف كبيير ليك حبيبي انا😻😻قال لي بكره ورانا سفرة وانا متأكد حاتختي التلفون قدامك في السرير وتحضني😹قلت ليه اصلا✌🏻وانا نايمه خاته التلفون قدامي وسيم زهج منو كل شويه يشيلو انا برجعو😹😹بس شغالين كدا للصباح قال لي انتي الزول ما يجيب ليك حاجه نهائ🙄الصباح ودعنا البلد السمحه😭ورجعنا السودان من المطار طوالي مشينا لناس أمي في بيتهم ياخ انا كنت مشتاقه ليهم كيف كأني غبت منهم سنه😭أمي دي لما شافتني لمن بكت قالت لي خليتي لينا البيت شين😭قلت ليها أمي ما تبكي والله شويه بتبكيني معاك😭وسيم قال لينا يا جماعه الله!عايزين تقلبوها لينا بكاء يعني😹شوية كدا جو حبيباتي وبقو يصرخوو مآااااب وانا جريت ليهم وحضنتهم بالجد اشتقت ليهم ياخ😭😭واشتغلت لتشغيلاتهم😹واحمد كمان جاء هو ووسيم اتحاضنو وسلمو على بعض سلام حاار😻كانو آخر مره يشوفو فيها بعض☹قعدنا نتونس وطلعت ليهم حاجاتهم الجبناها ليهم وفرحو بيها شديد😻بقيت أكاوي فيهم بتلفوني الجديد😹😹أي وحده تقول لي عقبال الرجال العندنا يبقو زي وسيم🙄طبعا أي زول عرف اننا جينا طوالي يجينا ليك في البيت ورهام حبيبتي جات ومعاها كيمو طبعا اشتقت للبيبي ياخ😭بقيت أهبش ليها في بطنها واقول ليه حبيب خالتو ياخ اطلع سريع😭وهم بضحكو فيني😹😹أحمد قال لوسيم مآب دي عايزه بيبي عشان كدا استعجلو😹الونسه والضحك😹 أبو وسيم جاء لكن أمو وأختو مافي واحد فيهم جاء☹وسيم كان متضايق لكن ما عايز يحسسني قعد يتكلم مع أبو قال ليه بكره بنمشي نرحل في الشقة وأبو بحنس فيه عشان نمشي نقعد معاهم في البيت وسيم قال ليه ناس ما عايزين مرتي مافي شي بقعدني معاهم🙄وانا شايفه وسيم ما غلطان بالجد هم كتروها المهم شوية الناس مشو ودعت صحباتي حسيت بشي غريب مسكتهن شديد وحضنتهم علي😭بعدين انا ووسيم مشينا غرفتي نمنا الصباح شلنا حاجاتنا عشان نمشي أبوي قال لينا اقعدو معانا كم يوم وسيم قال ليه والله يا حاج ما عايزين نتعبكم ونحنا جايين من سفره وماشين ننضف الشقة ولو فيها حاجه ناقصه نجيبها عشان كدا احسن نمشي أبوي قال ليه خلاص درب السلامه وخلي بالك من أميرتي دي وسيم قال لي والله بختها في عيوني🙂💜أمي جات ودعتنا وبقت تبكي قلت ليها يا أمي في شنو تاني انا معاكي وكل يوم بجيكم مافي شي حيتغير يا ماما🙂قالت لي انا بس حاسه انك حاتفارقيني وبقت تبكي😭قلت ليها أمي انتي أحاسيسك دي ما بتخليها اسي انا هدا واقفه جنبك🙂رهام قالت لي خليها انتو أمشو حضنت رهام شديد قلت ليها خلي بالك من البيبي👼🏻قالت لي حاضر المهم مشينا لكن انا ما مطمنه لبكاء أمي دا حاسه بحاجه☹وسيم قال لي ما تشيلي هم هي عشان ليها زمن منك حركات الأمهات دي لسه ما عرفتيها😹قلت ليه ماعارفه بس المره دي في شي غريب قال لي موبي خلاص ما تتضايقي اسي نحنا ماشين بيتنا وحنبدا حياتنا الجديده💙🌅عايزين نبداها بفرح🙂قلت ليه طيب حاضر🙂وصلنا الشقة لقيناها وسخانه وحالتها حالة وسيم قال لي نشوف لينا وحده تجي تنضفها قلت ليهو ليه تشوف وانا قاعده هنا بعمل في شنو مشيت جبت المكنسه غيرت ملابسي وبقيت أنظف ووسيم بساعد فيني بالجد شكلو كيوت شديد وهو بنظف معي😹😹قعدنا نشتغل مسافه طويله لمن تعبنا ياخ☹وسيم مشى جاب موية اداني أشرب بقى يعاين لي مسافه قلت ليهو في شنو قال لي خلينا ناخد فاصل ونرجع نواصل🙂✌🏻قلت ليه لا خلينا نخلص اصلا قربنا قال لي انتي عنيده بشكل قام شالني وانا شغاله وضربو في ظهرو قلت ليه وسيم انت بتعطلنا ياخ😤نزلني ياخ😭قال لي أبييت خشينا غرفتنا وقفلها وشال المفتاح ختاهو في الدولاب قال لي يلا قولي لي حتطلعي كيف😹😹فجأه سمعت صوت الباب قلت ليهو وسيم في زول في الباب قال لي شوفي فكرة تانيه🙄قلت ليهو والله في زول هو حلف كان يصدقني😤 بعد شوية الباب اتدق بصوت عااالي وسيم قال لي الباب دا شكلو بدق بالجد قلت ليه ما انا مافي زول بصدقني🙄قال لي خلاص خليك هنا اوعى تطلعي بشوف دا منو وبجيك🙂
وسيم مشى فتح الباب لقاهم أمو وأختو.
انا سامعة صوت بكاء طلعت أشوف لقيتهم هم شغالين يبكو ويبكو لمن حيروني🙄أمي جات جاريه لي مسكتني وحضنتني وبقت تبوس فيني حبيبتي انا اسفه انا الغلطانه سامحيني وجات ياسمين جرت براها عليك الله كلمي أخوي يجي يقعد معانا في البيت نحنا اشتقنا ليه😭وسيم ما كان عايز يتكلم معاهم خش جوه طوالي هم بقو يحنسو فيني عليك الله كلمي نحنا ما حانضايقكم تاني والله😭انا قلبي حن عليهم بالجد مشيت لوسيم اتكلمت معاه قال لي مآب انتي مهما انا شرحت ليك ما حتفهمي أمي وأختي ديل مستحيل يتغيرو اي زول في الدنيا دي ممكن يتغير الا هم☹ودي تمثيلية منهم🙄قلت ليه وسيم انت ما تظلمهم احتمال المره دي يكونو اتغيرو بالجد انت ما تظلمهم اديهم فرصه وحده بس عشاني انا حبيبي♥وسيم عاين بيجاي وبيجاي قال لي بس عشانك انتي والله لكن لو ضايقوك ولا قالو ليك أي كلمه ما ياها انا لمن القيامه تقوم ما اتكلم مع واحده فيهم قلت ليه خلاص خلاص اسي انت اديهم الفرصه دي وما حتخسر🙂قال لي طيب طلعنا ليهم بره لقيناهم لسه ببكو وسيم قال ليهم بس المره دي أمو بقت تبكي وجات مسكت فيه وباستو حبيبي انت انا مستحيل ازعلك تاني ولا ازعل مرتك وعد مني بس اسي انتو شيلو حاجاتكم وامشو معانا😭وسيم بقى يعاين لي هزيت ليه راسي يعني اي قال ليها طيب انتو أمشو نحنا بنشيل حاجاتنا وبنلحقكم🙂قالت ليه طيب ومشو.
وسيم قال لي انا حاسي اني اخدت القرار الغلط☹ قلت ليه ما اتقول كدا في النهايه دي امك والله بسألك منها ما تتضايق قال لي طيب ورتبنا حاجاتنا ومشينا وصلنا البيت قبل ما ننزل وسيم قال لي لو قالو ليك أي كلمه ولا لمحو ليك ساي بشي انتي بس كلميني تمام؟وما تخبي عني أي حاجه قلت ليه حااضر🙂نزلنا جونا من الباب استقبلونا ليك وشالو لينا حاجاتنا دلعونا دلع انا قلت ديل اكيد محمومات😹😹شالو حاجاتنا ودوها غرفة وسيم طبعا انا ووسيم الاثنين مستغربين😹😹مشيت ليهم تحت قلت اساعدهم قالو لي ما تهبشي أي حاجه انتي عروسه جديده ما تشتغلي امشي ارتاحي مشيت لمياده في غرفتها قلت ليها عليك الله ديل مالهم😹😹قالت لي مآب اوعى تثقي فيهم ديل ما منهم ضمان أخدي بالك شديد كلامها خوفني والله☹قلت بس اتوكل على الله وان شاء الله ما يحصل شي ☹مشيت لوسيم في الغرفه قال لي الله!اخيرا الزول رجع لغرفتو وكمان معاه مرتو في أحلى من كدا🤤قلت ليه وسيم انا مرتاحه قال لي ليه يا روحي في شنو قلت ليه ما عارفه بس ما مطمنه قال لي موبي انا قلت ليك ما نجي هنا لكن انتي عندتي قلت ليه انا قلت الدنيا ما معروفه أحسن تكون متصالح مع امك☹قام حضني شديد قال لي ياريت لو كل الناس كويسه زيك كدا بس انتي ما تشيلي هم انا ما حاسمح لأي زول في الدنيا دي يضايق حبيبة قلبي☹قلت ليه وسيم انا بحبك وماعايزاك تمشي من جنبي ولا لحظه قال لي حاضر يا روحي😚
الصباح وسيم ودعني عشان يمشي الشغل قال لي خلي بالك من نفسك لو في أي شي اديني تلفون تمام؟قلت ليه طيب وطلع مع اني ما كنت عايزاه يمشي يخليني😭ومياده طلعت مشت تشوف ايمن وأبو وسيم مشى الشغل بقيت قاعده انا وياسمين وخالتو كوثر وكنت خايفه وقلبي واجعني شديد😭طلعت ملابسنا انا ووسيم من الشنط عشان ارتبها في الدولاب على الأقل اعمل لي موضوع😹بقيت أرتب فيهم فجأه وقعت صور من الدولاب شلتها لقيتها صور لوسيم ومعاه بنت وهم في وضعيات ما كويسه الصوره ما كانت واضحه مطششه لكن انا عرفت انو دا وسيم
