من أنت .. وميمو .. ولفى بيا يا دنيا

إقتباس

إقتباس صغنتوت أهو عشان خاطر الا مقدرنى وبيقدرو تعبى .. والله انا بكتب فى الحلقات هى مش جاهزه لو جاهزه ها انزل لكم على طول مش ها أستخسر حلقه فيكو يعنى
***********
لولو واقفه صعبان عليها نفسها وفى نفس الوقت نفسها تترمى فى حضن جوزها وتقوله على خبر حملها الا كان منتظره حاسه إنها فى موقف صعب ياترى ها يتنازل على كبريائه ويسمعها ويفهم الموقف والا ها يرفض .. وباسل قام وقف وحاسس بمشاعر غريبه بتغلبه .. هى لولو اشدها واخدها فى حضنى مشتاق لكلامها وهزارها معاه ومش قادر يقرب ولا عارف لو نطقت وطلعت هى بجد مش مجرد تهيئات ها يعمل إيه ..
لولو بصوت محشرج ودموع بتمنعها بالعافيه من النزول : باسل وحشتنى
باسل غمض عيونه ولولو قربت لفت إيديها حوالين راقبته ولسا ها تضمه مسك إيديها جااامد واتحول وهو بيجز على سنانه
باسل : إيه جابك هنااا .. مش حذرتك وقولتك مش عايز أشوف وشك وميل راسه والا انتى مأضيها من دا لدا ومصلحه على كل لون
لولو عيطت : أنت بتقول إيه .. الكلام دا من قلبك يعنى انت شايفنى بالسوء دا
باسل زقها : بلا شايفك بلا زفت .. غورى من هنااا عشان ما أشربش من دمك سبحان من خلانى امسك أعصابى وما ارتكبش جنايه ولعلمك انا ها اخليكى زى البيت الوقف لا تنفعينى ولا تنفعى غيرى وها أتجوز وأعيش حياتى هنااا وبيشاور على الشقه ومش ها يبقى ليكى لا مكان ولا لازمه