الارهابي وذات النقاب
ام غايب
ميمونه _احس كلبي كام يوجعني من سمعت حبوبه كالت اسمه
شلقضيه حبوبه يا خضر اني سلمان معرفتيني هيج صارت.
حبوبه-سليووه يا يمه ولا عرفتك والله شمدريني رديت الادري بي انت بببلاد الغربه جا شمدريني انت وصوتك جنه صوت خضيره
ميمونه-احس النفس ردلي اختنكت وروحي رادت تطلع من سمعت حبوبه بفيت بمكاني مسويه روحي نايمه
نايمه اسمعه يكلهه منو هاي حبوبه
مروره-على ساس امك مكايلتلك ام العلوم
هاي مرت خضيره
سلمان - لا والله توني سمعت منج وبعدين انت وحده بذاته ام البلاوي جيت كبل الغرفتج وانت تكليلي اول شي خضر مشيتهه هسه تحجين عليه هو هذا استفبالج الي
حبوبه-خايب سليةه لا تفنتك عليه وتسوي روحك مظلوم خايب عويناتي ماشوف بيهن وانت اعرفك ببلاد الغرب كتلك تعال خل اشمنك ولك
بفه يتشاقه وياهه ويبوس بيهه صح حسيت صوته يشبه صوت خضر خاصه من كال شلقضيه متحركت من مكاني ولا حركت روحي اله من حسيته طلع بقيت افكر بآي لحظه يطلع خضر من السجن شسوي اني احس التفكير بهذا الشي اذاني
حبوبه_ يمه ميمونه يم لونين كومي شجاج الهذا الوكت نايمه وج يمه ميمونه..... ميمونه
ميمونه_كمت حبوبه كاعده
حبوبه_المره اازادره كاشه بيتهه بهذا الوكت وجدريتهه عل طباخ نسوان هالوكت للظهاري
يوميه حبوبه تكعدني من غبشه وتحجيلي بطولاتهه وتحجي عليه لان اتآخر من تندهني
كمت سويت ريوك بعدني بالمطبخ كاعد اسوي صينيه دخل سلمان
سلمان_السلام عليكم
ميومنه_عليكم السلام الحمدلله على سلامتك
ابتسم.......... الله يسلمج مبروك الزواج بس والله تفاجئت محد كلي
باوعت علي كتله احسب حسابك بالريوك
بعدني احجي دخلت ام خالد حتى مكالت صباح الخير
ام خالد_ها سلمان يمه اكيد جوعان اخوك علاوي وين مو كلت هو جابك
هسه راح يدخل بالسياره كاعد
طول هالوكت شيسوي
شمدريني يمه
بقيت اباوع عليهم جهزت صينيه اكبر شويه شويه زاد العدد اخذت الصينيه الجبيره وخليتهه ونقلت الريوك بيهه
بعدني ممكمله نزلت رسل اول مشافتني ابتسمت
صباح الخير
ابتسمت الهه وكتلها صباح الخير باوعت عليهه باست سلمان عادي عدهه مو نغسنه همه ويمكن لان بت عمهم
لان رسل تصير اخت شاهين وشاهين ابن عمهم
تريكنه كعدت بين حبوبه ورسل استحي منهم رغم ماصارلي شهرين بس استحي من الولد
خاصه خالد مو بس استحي ماادري من اباوعله ويباوعلي اخاف بس يخزر بيه ساعات اشك كايله خضر لو شاهين
سلمان-شخبار خضر خالد وشوكت تطلعه
ميمونه - كبل باوعت على خالد وانتظر جوابه بقه ساكت ومجاوب ابد ولا اهتم السؤال سلمان
شلقضيه متجاوب
والله العظيم اذا سمعت بعد تكول شلقضيه اله اكلب الصينيه عليك
شنو القصه خالد
خضر وسيرته كلهه مااريد اسمعهه بالبيت
حبوبه_خويلد كاغي اكسر الشر حبوبه وطلع آخيك من السجن عبر الشهرين يمه تإدب هسه
مو طلعت ازوز طلع اخيك ميعيدهه بعد
ميمونه ...مرن يرمين على جية سلمان من السفر ....روحي احسهه تريد تطلع صابني توتر من عبالي طلع خضر والحد هاللحظه افكر بلله طلع خاصه حبوبه تلح هواي
خضر-مرن شهرين ونص تقريباً على سجني احس نفسي راح اتخبل .....ماكو شاهين وولا واحد من الولد يجيني
وخالد مره وحده التقيت بي قبل شهرين تقريباً
تفاجئت من طلعوني دخلوني للمكتب مال صابط حاتم واني مكلبشه ايدي ورجلي
اول مدخلت ابتسمت
خضر-يا اهلاً وسهلاً مشتاقين وكمت اتقرب عل مكتب وكفت كباله وابتسم ابن العم مقصرت
طبعاً جنت مزين اكرع .....واجباري هم مو اختياري بس ارحم حر وكمل شسوي بي باوعت علي وكعدت عل كرسي لكباله وطلع الجندي الي دخلني للغرفه
خالد-كوووووم اوكف
خضر-معبرته كتله ......مرتي لكيتهه كلت تلكاهه انت بطريقتك
خالد-اذا تحبهه وكاتل روحك هيج عليهه ليش طردتهه لو اكو شي
خضر-خالد مرتي لكيتهه لو لا عوفك من كل هذا الكلام
وجاوبني ...حتى نوم مثل البشرررر مكاعد اكدر انام هم المكان هم ميمونه مااعرف وينهه
خالد-خليت مراقبه على بيتهم مأجتي شسويلهه لعد
بس عوفك من هاي السالفه هسه ...اني ممقتنع بدون سبب تطردهه مثلاً نكول لكيتهه مو بنيه وطردتهه
خضر-ليش مو تعرف بيه نذل واغدر غدرتك قبل بـ محمد وهسه غدرت ميمونه ...اطمئن ماكو شي بيهه البنيه صاغ سليم مابيني وبينهه شي اخذت الي اريده منهه وشمرتهه لان جنت اريدهه ....غدرت بيه وتعرف اني كاعد اتدرب عل النذاله فتدربت بيهه وهسه صحه ضميري اريد تلكاهه وادفعلهه ثمن الي سويته بيهه
خالد-شكد زباله انت فرحان بروحك ....وتفل عليه
معقوله انت خضر الي تربيت بينا ....شلون اني هيج مخدوع ماادري ....تحجي بسقوطك كدامي وتتبلهى بي
ماااشي يا خضررررر ماشي
خضر-خالددددد لو تدورهه لو تخلي واحددددد من الولد اشوفه
خالد-لا ادور عليهه ولا تشوووف واحد من الولد
خضر-خالدددددد
خالد-صووووووتك لتعلي بوووووجهي
طلع عصبي خالد واني زهكت حيل ووووووين وليتي وووووين فهميني رجعوني للسجن جان عزوز متمدد وراشد كاعد يم ولد ......كعدت يم عزوز
عزوز-ها بشر اخو اخبار زينه
خضر-خالد مناوي عل خير
عزوز-شراد منك هسه
خضر-استفسارررررات ااااني مااكدر لازم اطلع منا
وصلت حدهه
بهاللحظه..تقرب راشد وضحك
راشد-ابووو الوصخ ولا يكعد كل شويه وراكعنه لازم اطلع
خضر-راشد واصله مرحله وياي زهكان كلش مالي خلك سوالفك
راشد-اني أيست اطلع منا بعد
هسه لا هو الي مخلينه ننحكم ومتحولين من هذا السجن الاكشر ولا هو الي مطلعنا
سمعت صوت الباب ينفتح وصاحني خضر تعال
عزوز-اذا خالد لتستفزززه خضر
خضر-كمت طلعت عبالي خالد. دخلوني غرفه وكامو يعذبون بيه ويحققون بقضية خطف محمد وكل ما يحجي يكلي تاليتك مؤبد ....طلعوني سكاطه مااكدر حتى امشي على رجلي ومن رجعت لا لكيت راشد ولا عزوز هسه يجون هسه يرجعوهم خلص اليوم والي ويانه كالو وره مطلعت هم صاحوهم مااعرف يعذبوهم شيسوولهم خلص يوم الثاني الثالث ماكو
بعدين كلت خالد يجوز طلعهم ....لو خاف من التعذيب ماكو ....لو الف تفكير صار عندي
جنت افكر ب ميمونه هسه ب راشد وعزوز
ميمونه- فجأه صارت هوسات ورمي ....بالمنطقه
اني اخترعت شكووو
رسل-ماادري هاي شديصير وراحت للباب مال شارع
اني خفت اخاف من الرمي اتخايل تجيني طلقه ...بقيت واكفه بمكاني واباوع عليهه من بعيد مااحس اله ام خالد صاحت بـ رسل
ام خالد-ولج رسل ستري علينه هسه متحسين غير خالد جافتج ويشوفج تباوعين من الباب
رسل-تعالي عمه دتعالي يمكن عزوز وراشد وخضر طلعهم خالد
اني هيه كالت هيج وخرطت من طولي ...بس لا ياربي
ياربي يوميه هالهبطه والهوسات والرمي تبين طالع
متت من حرب الاعصاب
دخل سلمان صاح بـ رسل
سلمان-ولج متبطلين سالفتج رسل
ام خالد -شنو خالد طلع الولد
سلمان-اي
ام خالد-حتى خضر
سلمان-لا بس خضر بقى
ام خالد -عبالي والله ولا استغرب يسويهه خالد
سلمان-يوم بعدج على هاي السالفه ودخل للمطبخ اني جنت اباوع عليهم ابتسم بوجهي
سلمان-اكيد ضجتي لان خضر مو وياهم لتخافين خالد ميعوفه بالسجن هسه اكيد يطلعه مستحيل يحكمه
ميمونه-ليش ميحكمه خالد لازم يحكمه غير خطف
سلمان-ليش تريدي ينحكم انتِ
ميموونه-ارتبكت اني شحجيت ...كتله لا طبعاً بس علموده لان خضر بس يفكر بالثار والكتل
حسيته بقه يباوع عليه ممقتنع بالسبب
وحبوبه من درت بس مطلعين راشد وعزوز وخضر باقي ماتت قهر .....وحتى مقبلت تتغده ....مااعرف اني انعدم الاحساس عندي بس ادعي عكس دعاء بيبي هيه تدعيله الله يفرح عنه واني ادعي يارب ينحكم ويطول بالسجن
تغدينه وكل واحد طش بمكانه ......بقيت كاعده بالمطبخ لان حبوبه نايمه ومطفيه الكلوب واني كنت مطلعه ثلج واكرط بي ......احب اكرط ثلج
نزل سلمان كاشخ ....مباوعت علي اكيد ديطلع فمكمت شو هاذا اجه كبالي
سلمان-شعجب بعدج كاعده هنا
ميمونه-رأساً كمت ....توني كاعد اكوم
سلمان-امي كالت انت بعد اسبوعين تفريباً من جية خضر يالله اجيتي وين جنتي
ميمونه-باوعت هذا شعلي بيه حسسني هو الضابط
كتله خالد يعرف
سلمان-واني هم اريد اعرف ....غير اعرف مرت احويه وين راحت
ميمونه-ببيت اهلي
سلمان-يلله هانت اليوم احجي ويه خالد علمود يطلع خضر بلكت الله يهدي
ميمونه-ارتبكت ....وابتسمت جذب ....بكلبي
انت منين رجعت وشعليك يطلعه لو لا
طلع من يمي بعد موترني بقيت اكل بالثلج اريد كلبي يبرد ماكو .....رحت يم حبوبه حانت نايمه تقربت عليهه
ميمونه-حبوبه ....حبوبه
حبوبه-ها يمه
ميمونه-حبوبه خل اصبلج غده خاف مو زين عليج
حبوبه-عساني بالموزين ان شاء الله ادري بيج هم تكدر خاطرج جيف مطلع ....صبري حبوبه صبري بلكت الله يهدي ل..خويلد ويطلعه
ميمونه-حبوبه وسكتت راح افضح روحي
يارب ارجمني تعبت من الشد اعصاب العايشته
ولتفرجهه على خضر ويطلع وين انطي وجهي اني تمددت بمكاني شويه واندكت الباب مال غرفه وواحد يصيح يالله ...اهل الدار ....كمت بسرعه لبست حجابي وعدلت روحي
حبوبه-ياهووووو
ميمونه-صحت تفضل وكمت رأساً باوعت شلهين من شفته ابتسمت وهم ابتسملي هم
شاهين-شلونج خويه
ميمونه-الحمدلله انت شلونك
ودنك على حبوبه بوسهه دخل ورا واحد مشايفته
هم بوس حبوبه عرفته من خلال حجي حبوبه عزوز
من كام سلم عليه هو هم كلي هلو خيه سلمت واباوع على شاهين ....مااعرف بس الوحيد الي اكدر احجي ويا رحت قدمتلهم مي وسويت جاي .....جان يطمن بيبي على خضر وكللهه ميكدر يطلعهه هسه خالد موبيده لان شافهه تبجي حيل وطمنهه يطلع مثلهم يجوز بعد شهرين هيج
جنت اريد احجي ويا واخاف من خالد يجي لو واحد يكعد من النوم وهو مفهمهه او مااعرف الحد ما كام راح للحمام .....اني رحت للمطبخ اباوع علي من طلع رأساً رحت علي
شاهين-محتاجه شي خويه
ميمونه-شاهين ماعندي غيرك يساعدني واحجي ويا بدون مااشيل هم
شاهين-صاير شي
ميمونه-خالد يطلع خضر من السجن شاهين والله اني مظلوومه وخضر ضحك عليه هسه اكيد من يطلع هم يشمرني بالشارع
شاهين-ميمونه لتخافين اني الخلاني اتأكد من كلامج هو اصرار خضر الكاج لذلك صدكتج ومحجيت حتى تفاصيل وله اني مااعرفج
ميمونه-اذا طلع خضر ميعوفني والله ويفضحني خسرت اهلي علموده عيرني بطلعتي ويا
شاهين-دخل يطلع هسه والله كريم واطمئني مااعوفج
ميمونه-عافني ودخل للغرفه ماادري احس نفسي ضايعه وبعدين لسوكت ابقه اخاف من طلعة خضر
اني بريئه هسه من يطلع اكله ويصدكني بس اني كل خوفي هو يتبله عليه حتى ماابقه ويا دخلت للمطبخ شهكت من شفت خالد واكف بالباب شجابه منين اجه ماادري شدخله من المطبخ ببدلته العسكريه
ليش شهكتي
ميمونه-بخوف باوعت علي مستحيل مسمعني مبين سامعني ....كلبي وجعني وبين من ملامحي كبل كال
خالد-شاهين هنا هو ومنو
ميمونه-بخوف هو وعزوز
خالد-وامي ورسل وين نايمين
ميمونه-اي .....ماادري احسه سمع وكاعد يغلس معقوله بالمرتين ....دخل وعافني اسمعه يسولف ويه الولد بصوت عالي ولا يمه واني اكول سمع لو لا سمع لو لا تعبت احس نفسي راح اتخربط من كثر الصراعات الي بداخلي شويه وكام صعد بقيت بالمطبخ اني الحد مانزلت رسل دتحميله الاكل ...سألتني شبيج جاوبتهه مابيه شي ودت الاكل اله وهمه كاعدين كلهم بغرفة حبوبه يسولفون ويضحكون .....الحد ما جابت الصينيه رسل
رسل-متجين هناك شكو كاعده بالحر هنا هو شاهين وعزوز لتستحين منهم
ميمونه-لا ممحتره
رسل-دتعالي ولج حتى حبوبه سألت عليج
ميمونه-رحت وياهه من سوت جاي كعدت على صفحه باوعت خالد يباوع عليه ورافع حاجبه اني ارتبكت ياربي شنو هاي لا هو اليحجي ولا هو العايفني كانما يستصغرني من يباوع عليه هيج
شاهين-خالد حتى نحجي
خالد-اعرف بموضوع خضر نعسان وتعبان اختصرلكم هاي الايام يطلع ويباوع عليه
اني دنكت رأساً ....مبين سامع وعلمود يشوف ردة فعلي هيج كال حبوبه كيفت وكامت تدعيله مبقت دعاء مدعته ال خالد وردتلهه روحهه
اني متحملت خاصه هو بس يباوع انشدت اعصابي كلش كمت ماعولت اطلع من الغرفه
رحت للحمام كمت ابجي ....شسوي شيصير خل يصير اذا طردني ومصدكني خضر وفلك متقبل تصدكني اكتل روحي واخلص
................
فلك-جنت متوتره حيل ......الحبوب ماكو وموعدهه لازم اشربهن ....انهارت اعصابي ....ماعندي حل ثاني جنت عبالي اروح للدكتوره بس ام ورود مريضه بالمستشفى وورود راحت الهه وحسين أجل الدكتوره كلت احاول من الصيدليه بدون متحس بلكت ترهم ومرهمت
جنت متمدده بالغرفه سمعت الباب من انفتح الخارجي واول مدخل اتصل عليه
حسين-الو
فلك-ها ابو علي
حسين-تعالي نزلي جوه
كمت نزلت اكيد يريد غده ....جنت لابسه من دشاديش الي حابتهن ورود ابد ملبست من الي جايهن هو وهو هم ولا يحجي ....نزلت جان بالغرفه دكيت الباب علي
حسين-تعالي
فلك-ذخلت جان يبدل بالتشيرت مال تراكسود
الله يساعدك
حسين-اهلاً ....ليش فوك مو تعرفين راح اجي وورود مموجوده حتى تستقبلني
فلك-باوعت علي كتله مااعرف لان ورود متقبل
حسين-ام علي مو ورود بكدج هيه
فلك-جوعان اسويلك غده
حسين-طبعاً لعد ليش صحتج مثلاً
فلك-ماشي رحت حميت الاكل صبيتله عل ميز اجه هو كعد ردت اروح اكعد بالهول كلي
حسين- وين
فلك-هنا
حسين-تعالي كعدي اريد احجي وياج
فلك-كعدت وهو بقه يباوع عليه
حسين-ليش مكاعد تحبلين فلك
فلك-بيد الله
حسين-بيد الله لو كاعد تستعملين حبوب
فلك-باوعت علي بصدمه معرفت شحجي
حسين-شو سكتي
فلك-كلت خل انكر يجوز كاعد يستدرجني كتله
لا مااخذ طبعاً اصلاً اني مااعول اصير حامل حتى متتقربلي بهاي الطريقه كل ما تتقربلي احس روحي تطلع
حسين-ليش متطيقيني
فلك-لان تحسسني اني حيوانه
حسين-فلك عوفج من هاي الافلام ....وركزي وياي اني شاك بيج تاخذين حبوب من الاخير ....تدرين الحبوب شتسوي تسوي عقم اذا وحده اخذتهه قبل لتخلف ولا طفل
فلك-ياريت ولا انطيك ابني وتحرمني منه
حسين-وتعرفين انت اذا خلفتي الاتفاق شيصير
فلك-باوعت علي انتظر يكلي
حسين-خمسين مليون ترجعيلي
فلك-باوعت علي شلون يعني
حسين-انت بيدج وقعتي اني شعليه
فلك-يعني اذا مصاررر طفل انطيك خمسين مليون
حسين-اي
فلك-باوعت بصدمه ....الاانت ليش هيج فهمني
انت مو تصلي بلله اني مااخلف شلون تخليني اوقع مو حرام عليك
حسين-سلميني ابني وخلصي
فلك-قابل بيدي غير بيد الله وبجيت
حسين- والنعم بالله اكيد بس انت هم اسعي لان مو بسالحج تطول المده واذا طولت اني اضطر اطلكج وانت تضطرين ترجعين الفلوس
فلك-انت مكلت هيج من البدايه ....انت جذبت
حسين-شنووووو جذبت دير بالج تعيديهه بعد وله متصير زينه الج
فلك-بقيت اباوع مصدومه معقوله اني شلون غبيه وقعت على الورقه منين اجيبله فلوس ضحك عليه
باوعت علي كوه كدرت احبس دمعتي
زين اني شنو اليضمنلي انت من تاخذ الطفل متستخدم هاي الورقه ...الي ديصير معقول لو شنو راح اتخبل
انت موووو طبيعي والله ضحكت عليه وين الوررررقه انطيني الورقه واخذ فلوسك من عمي
حسين-كعددددددي لتضلين تنكزين كدددامي لزمي حدج
فلك-انت خدعتني انت كاعد تستغل فقري وضعفي بابويه ....انت متخاااف الله والله
شمر الخاشوكه بعصبيه وكام لزمني من ايدي حيل
حسين-من اكلج تسكتين تسكتيييييييين فهمتي
شعبالج ماادري بيج تستخدمين حبوب اعررررف واعرف وره الكنتور ضامتهن وبمززززاجي ساكت
فلك-باوعت علي .....مااكدر احجي شحجي شمدري بيه واني معايفه الغرفه لو مكايلي وره الكنتور جان كلت يستجوبني حتى احجي
حسين-متجاووووووبين شو سكتي
فلك-مااعرف على شنو كاعد تحجي .:..نكرت رغم ما كلي وره الكنتور
مااحس اله خله ايده على ركبتي ومشاني رجعني بخطواتي ودفعني عل حايط حاولت اوخر ايده ماكوو
حسين تنكرررررين كدامي لج انت شنووووووو من صلافه شعبالج وحده مثلج تضحك عليه اني بيدي بس افعصج فعص .....:كلشي تسوي اعرفه مو عبالج اني غشيم
فلك-ماعولت يوخر ايده عن ركبتي خنكني حيل
ااااي استعملت ....لان مااكدر مااكدر لا اضحي بابويه ولا بالطفل انت مفروض تعرف شنو تنحرم من قطعه من روحك مااعرف شنو شعور الامومه بس اختنكت مجرد اتخايل راح تاخذه وتحرمني منه شخال من تصير صدك
راح تكول محد جبرج تقبلين
جبرني ابويه مااكدر اعوف عمي يموته وعلاجه والفقررررر والجوع ......وكلشي
حسين-تكدرين تروحين خلص الاتفاق بيناتنا
فلك-باوعت علي انصدمت ....والخمسين مليون
حسين-طبعاً تجهزيهن
فلك-لو عندي فلوس جان تحملت هذا ذلك اني
حسين-راح ادخل انام اكعد الكاج مموجوده
ودخل للغرفه وطبك الباب حيل
فلك-باوعت شنو يعني ميريدني بعد منين اجيبله فلوس اني رحت رأساً للغرفه فتحت الباب بدون ماادكه جان يريد ينام عل جربايه
فلك-حسين يعني شنوووووووو يعني راح تطردني
حسين-عاف الغطه وباوع عليه حسييين
منو سمحلج تكليلي بإسمي
فلك-انت تعرف مااكدر اروح المكان وتعرررف راح ادخل احجي وياك مااخذ بعد مانع...... ولا اجيب بس لتطردني ابويه هسه ارتاح
حسين-والله متكولين الروحج هذا الحجي انتِ عميتي على نفسج يعني اني كوه مستلطفج لان وحده بعتي ابنج بفلوس انوب اشوفج جذابه هم
فلك-باوعت علي وكمت ابجي متحملت
ردت اغلط وبودي اضربه واطلع حركة كلبي واكله لان امثالك يستغلووووووونه بس خفت مااريد انطرد وين اروح وابويه نايم حتى ميكدر يكوم وفوكاهه الورقه الوقعت عليهه اباوع علي وادعي بداخلي الله لا يوفقك ان شاء الله
فلك-اذا تعرف ليش ممنعتني ومحجيت
حسين-مزاجي مردت اعكره ردت اشوف تاليتج شنو
وهسه اذا اقتنع تقبلين انطيج مهله هذا الشهر اريدج حامل واذا لا تعرفين ماكو داعي كل شويه اعيد
فلك-باوعت علي هذا معقوله انسان مجرد من كل المشاعر ميخاف الله والله بقيت اباوع علي وابجي
نام بالجربايه وغطه روحه
انسان بليد عديم الاحساس نذل وحقير
طلعت من غرفته عفت المطبخ هوسه وصعدت اشتغل عدهم اني خل تجي مرته تعزل عود
رحت يم بابا كعدت ابجي على صدره
كووووووووم ......كوووووووم مو تعبت بابا
من يوم وانت نايم هاي النومه والناس تلعب بينا
كوووووم اوكف على رجليك واسندني ....كوم تعبت من العثرات الي اعثرهن ومحد يسندني .....كل مااكول اني ذكيه اطلع ماكو اغبه مني
رحت الغرفتي اسبوع كامل ....وهو مصاعد يمي
وهو كلي شهر اذا متحبلين اطلكج واطلعج
زين اني ادور على الورقه لو شسوي
لو ليش ميجي تعبت الله ياخذك انت وميمونه
وووووينج ميمونه ادري بيج ممرتاحه كون وين متولين مترتاحين ابد سبب دماري وتعاستي انت جنت اخاف يجيني واحسب حساب هسه اريده يجي
اسمعه هو وورود لو من انزل صدفه موجود ميباوع عليه ابد ... شيريد مني هذااااااا نزلت لكيته هو وورود بالمطبخ كاعدين يشربون جاي جنت ممتغديه كلت السلام عليكم
جاوب هو وورود .......:وعليكم السلام
رحت صبيت غده وكعدت يمهم بدون مااباوع وكل ماارفع راسي اشوف ورود تباوع عليه اخر شي حسين كام .....
حسين-حبيبتي ورود نص ساعه وكعديني اوصلج
ورود -ماشي حبيبي اني راح اصعد يم هيفاء
حسين-ماشي حبيبتي
فلك-الحد ما دخل للحمام ....دارت عليه ورود
ورود-فلك حسين تقربلج من نضفتي
فلك باوعت ماادري شكللهه
ورود-السالفه طولت والدكتوره مو كالت مابيج شي
فلك-بيد الله هذا الشي
ورود-اي اكيد بس ليش حسين مكاعد يتقربلج
وكامت وقربت روحهه ....شنو صاير الاوضاع مو طبيعيه
فلك ارجع واكلج انتبهي
فلك-على شنو انتبه
ورود-مااعرف حسين مكاعد يصعدلج شصاير
خاف حاولتي تلعبين بذيلج
فلك-شلون يعني
ورود -مااعرف بس يجوز ولو خليني اسكت هسه
عافتني وصعدت .....فوك كملت غده وغسلت ماعوني وصعدت جنت اريد احجي ويه حسين بس من سمعت يوصلهه يعني حتروح الامهه لان امهه مريضه ومقسمات الايام بينهن
صعدت الغرفتي من كاعد ادخل طلعت من يم هيفاء مااعرف هاي المره قصتهه ...ليش هيج ماادري ساعات تتخبل وتصيح واكثر الوقت خامله مااعرف شينطوهه ومحد يحجي بسيرتهه كدامي ولو همه منو موجود غير حسين وورود
بقيت بالغرفه يم الشباك ساعه اروح للجربايه وساعه يم الشباك مطلعو ابد وهو كلهه من اكعد اوصلج
رجعت نزلت لكيتهم بالهول لابسه كلبيه مطرزه من الصدر للرجل وربع ردن ومكيجه مو شكول طلعه
محجيت كبل رحت للمطبخ فتحت الثلاجه سويت روحي كاعد اطلع مي ورجعت صعدت
صرت مااعرف شريد من كل الجهات محاصره جنت اخاف على ابني هسه اخاف من يخلص الشهر واني مو حامل وين انطي وجهي منين اجيب الفلوس وابويه شيصفى وين بالشارع كاعد يذلني هذا الحقيرررر شيريد مني كتله اخلف ومااستعمل مانع شيريد مني بعد
واخاف انزل احجي ويا ورود متنطيني مجال من يجي مكابلته وكاعده كلت احسن حل اتصل علي من يطلع
بقيت اراقب الشباك الحد ما طلع وحده يعني ورود مراحت الامهه
اول مطلع اتصلت علي شفته بالباب صعد بالسياره ديشغلهه كبل صارت عينه عل شباك مبين شافني جاوب
حسين-مو تبينين من الشباك ليش واكفه هنا
فلك-لان جنت منتظرتك تطلع اريد احجي وياك
حسين-شتحجين ووخري من الشباك من كل عقلج
فلك-اذا مصرت حامل راح تطردنه وتسجني صح
حسين-شتريدين المطلوب هسه شنو
فلك-راح اسبوع من الشهر
حسين-شتقصدين
فلك-ابو علي لتذلني تعرف اني شقصد اني غلطت من سعملت مانع وكتلك مااعيدهه وكتلي شهر زين شلون وانت
حسين-قصدج مااصعد اتقربلج
فلك-خجلت موقف صعب كمت اني اطلب منه غصباً ماعليه
حسين-متحجين وبعدين كتلج وخري من الشباك
فلك احنه اتفقنه انت خليتي بالاتفاق تعرفين اني من شفتج تستعملين حبوب جنت اكول يجوز عدهه علاج
بس من شفتهن انصدمت ....انت شلون تتفقين ويايه اتفاق وبنفس وقت الاتفاق تجذبين يعني شنو تضحكين عليه وكلامج صعب .....جان اني مضربتج على ايدج انت بسرعه قبلتي فلك .....حتى معترضتي كتيلي بس شرطي ابويه كتلج الي تريدي ......
شوفي فلك اني احب مرتي هواي وجنت معارض
ورود انسانه طيبه ومااريد اخسرهه
لان احبهه ولو هيه تبقى وياي جان تزوجت واختاريت انسانه قريبه على عمري واعرفهه واخلف منهه بس اني مااكدر اخسر ورود
ماعندي غير هذا الحل هواي نسوان عرضت عليهن طفل مقابل فلوس مقبلن انتِ بسرعه وافقتي شسريلج جبرتج لزمت عليج سلاح وتلورقه لازم اخليج توقعين عليهه ....لان اني منطي فلوس مو نوه ..... وبعدين تخلين بالاتفاق ومخفتي مني ومن تهديدي
فلك-واني هسه كاعد اكلك بعد مااشرب واصلا ماعندي بس لتبهذل ابويه ..... بلله مصرت حامل بهاي الايام الباقيه
حسين-الله كريم خل اروح هسه ومن ارجع يصير خير
فلك-سديت الخط منه وكمت ابجي على حظي من امداني اني اطلب ينام يمي واحد مطايقته ساعة السوده عليج فلك
لليل جنت بالحمام طلعت فتت للغرفه لكيته موجود حتى شهكت من دخلت
حسين-شبيج
فلك-ماادري بيك هنا بقيت اباوع علي بخجل وحزن على كسراني جان شعري مبللل ومبلل دشداشتي
جنت لابسه التراكسود الي جابته ورود ارتاح بي من انام بليل لان بجامه بس كلش حلو جان بس ماالبسه غير بس بليل لان مطلع تفاصيل جسمي
شلت الخاولي من شعري جان طويل ولونه بني فاتح وجان مو كلش طويل عكس ميمونه مااحب الشعر الطويل الحد جتفي
باوعت علي يترقبني رحت للجربايه وتمددت بقه هو مسوه شي على نفس كعدته واني متمدده
هذا شبي ميتقرب مني ولا يحرك ساكن بس لا يريدني اني .........شويه وغطانه بالغطه وبده يقرب جسمه عليه صار جسمه فوكايه بس مطاخ جسمي
غمضت عيني مااتحمل اشوف هذا المنظر اكرهه اكره من يصير فوكايه مثل الحيوانه مااحس اله خله شفته علي شفتي فزيت مخترعه فتحت عيني بس متحركت بقيت مثل المصطكه
جان اول واحد بعمري كله يبوسني من شفتي ....وبوسته جانت هادئه مفروض اكرهه لان اكرهه بس حبيت الشعور يمكن لان اول مره احس بهذا الشعور
وابد ممتوقعتهه منه لان كل مره كانما حيوانه كبل بفرغ شهوته بيه .......بقيت ساكته وهو يتفنن برزانه بتقبيله ....الدرجة اني اكرهه بس حبيت بوسته
رجع على ركبتي كام يبوس بيهه ......واني مثل الجماد بين ايده الى ان كمل .....حسيتهه مختلفه عن كل مره
مااعرف ليش محجيت .... وهو مكام رأساً
هم اول مره .....بقه متمدد تني لبست ملابسي وطلعت من الغرفه ...... خجلانه من ايتسلامي هو اني ميتسلمه اله كل مره بس هو اكيد هالمره حس باستسلامي لان بين حبيت الي سوا
طلعت ملكيته ......رحت بفراشي غمضت عيني واني اتذكر بوسته كدرت اتقبلهه شعور حلو مدري هو شاطر خلاني رغم كرهي اله هزيت ايدي على نفسي وتفكيري
كعدت ثاني يوم الصبح ...على دكة الباب مال غرفه فتحته ورود
صباح الخير فلك راح اروح الامي واجي العصر ان شاء الله بس عينج على هيفاء لان وضع امي تعبان
فلك-ماشي من عيوني حسيت نفسي خجلت اباوع بعيونهه ....لان البارحه حسين باسني من شفتي
وحسيتهه هيه البارحه تقصدت متروح واله اليوم بوقت دوامه
كمت سويتلي ريوك ونظفت البيت هو نظيف بس ضايجه وورود متخليني انظف شي
وكعدت صارت بال٢ سمعت حسين اجه هو مو من عادته يجي هذا الوقت
رحت فتحت الباب مال مطبخ صار بوجهي كتله الله يساعدك
حسين-اهلاً ...شويه وطلع لابس غير شي ورأساً طلع ماادري اصلاً اني ماادري هو شيشتغل واني شعليه بي اصلاً لل٤اجتي ورود قبله تعبانه .... شو دخلت للغرفه وطلعت رأساً
ورود-فلك حسين اجه اليوم للبيت
فلك-اي بس بدل وطلع
ورود-هزت راسهه ب اي ودخلت للغرفه حسيت ملامحهه تغيرت لليل اجه حسين اول مره اسمع صوت ورود عالي ....بس مو واضح وبيومهه ابد مصعد حسين
وثاني يوم حسيتهه متكهربه ....من شفتهه
ورود-فلك مو طولت السالفه اني كتله اخذ وحده صغيره حتى تصير نشيطه
فلك-باوعت عليهه كتلهه بيد الله اني شعليه
ورود-ااااعرف بيد الله
فلك-من شفت ورود هيج حسيتهه كامت تغار على حسين عبالهه ابوكه منهه بقيت اباوع عليهه عصبيه حيل يعني خايفه اكسب حسين ويحبني ويعوفهه ....معناهه حسين سهل
يمكن انانيه مني استغل هاي النقطه بس اني مااريد اخسر الي ببطني بهاللحظه قررت اني كدرت اتقبل بوسته يعني اكدر اتقبله بالمستقبل
خضر-اسبوعين مرن على طلعة راشد وعزوز احس نفسي اختنكت من جانو موجودين متونس وياهم صح مقهور ومختنك ومااعرف شصاير بره ....فوجودهم مخفف عليه
وخالد اشتغلني تعذيب يوميه .... ومثل يوميه اجوي اخذوني تعودت على الضرب عباله اتأثر بي
لو يأدبني بي عايفه على راحته واصلاً مااكدر اعترض
اجوي اخذوني بس ودوني الغرفة حاتم عرفت معناهه خالد اجه د خلت ....بالفعل لكيته موجود
باوعت علي بتملل وعتب وحقد وكلشي مااعرف ليوين يريد يوصل لا مخليهم يحاكموني ولا العايفني اطلع
خالد-تعال اكعد خضر
خضر-لا حضرة الرائد عيب ميصير شلون ترهم انت رائد واني اكعد كبالك ابد ابد مترهم
خالد-تعال اكعد والصم
خضر-كعدت كباله وبيناتنه طبله وسطيه بالنص
شمر باكيته عليهه
خالد-شنو مشاريعك اذا طلعتك من السجن
خضر-ابتسمت
خالد-شنو مشاريعك خل نسولف ويه مرتك بالذات
خضر-من كال مرتك ركزت علي ....لكيتهه
خالد-لا
خضر-اول مشروع
.......يتبع