بين الأوراق و الملفات كانت تجلس فتاه ثلاثنية فائقة الجمال بشعرها المموج الداكن و لونها الخمري الجميل كانت تبدو عليها ملامح الحزم ، كانت مشغولة في عملها إلى أن طرق الباب
_ إتفضل
_ جيت أسلمك الملفات دي
_ ختيها هنا ( و واصلت شغلها )
_ فصال ممكن أسألك سؤال ( قعدت في الكرسي )
_ قولي لو ليهو علاقة بالشغل ، أما لو ما ليهو علاقة فأنصحك خليهو لي بعدين يا نور
_ كويس
نور مرقت من المكتب و لقت شاب طويل القامة وسيم لابس نظارات
_أها برضو المرة دي رفضت العريس
نور : ما عارفة يا حسام قالت لي بعد الشغل بتقول لينا
حسام : غايتو فصال دي غريبة أول مرة أشوف لي بت ما دايرة تعرس
_ خلينا نمشي نشوف شغلنا و بعد داك نمشي نسألها
بعد الدوام فصال كانت بتلملم في حاجاتا لما نور و حسام جوها داخلين
نور: أها علمتي شنو مع الزول الإتقدم ليك ؟ 😕
فصال : و لا حاجة رفضتو
حسام : طيب المرة دي عيبو شنو ؟
_ و لا شي
_ كيف يعني 😐
_ ما عندو عيب
_ طيب رافضاهو مالك
_ ما إرتحت ليهو
حسام : هسى من بين كل العرسان الإتقدمو ليك مافي زول إرتحتي ليهو
_ لا
نور : ( قعدت في الكرسي منهاره ) حسام والله أنا ما قادرة على البرود دا
فصال : أنا أتأخرت لازم أمشي البيت ، و طلعت ، وصلت بيت كبير كلو حيشان و شجر ، فصال من عايلة وضعها متوسط عايشة مع حبوبتها و جدها ، رقدت في السرير المفرش في الحوش و بقت تتأمل في السماء و الهوا المنعش ، لحدي ما جات حبوبتها قطعت جلست تأملها
_ يا بت إنتي دايرة تجلطيني دا العريس الكم الترفضيهو
_ حبوبة أنا جيت من الشغل هسى و تعبانة ممكن نتكلم بعدين
_ إنتي قايلة عمرك كم يا فصال آاااه ما تردي أنا يا يمة عرست جدك دا وعمري خمسطاشر سنة و إنتي تميتي التلتين و ما دايرة العرس ، يا بتي القدرك بي عيالهم 👶
_ حبوبه إنتو من جيل و نحنا من جيل ، نحنا كان ما حققنا طموحنا و أحلامنا ما بنعرس
_ ياتو طموح ما حققتيهو جامعة و تميتها سفر و سافرتيهو شغل و إشتغلتيهو مالك دايرة تجلطيني
_ حبوبة أنا جعانة ممكن تختي لي الغدا
_ سمح 😒
حبوبتا مشت المطبخ و هي خشت أوضتا و فتحت الدولاب وبقت تختار ليها في بجامة تلبسها سمعت تلفونا ضرب شالتو و استغربت لما شافت الإسم
كان مديرها
_ ألو فصال كيفك
_ الحمدلله يا أستاذ جمال بس في حاجة
جمال : يعني إلا أضرب ليك في حاجة
_ أيوا مش إنت مديري و العلاقة بين المدير و الموظف الشغل
_ بس حبيت أطمن عليك و على إنك و صلتي البيت لأنك مرقتي متأخر.
_ شكرا على الإهتمام الزايد دا بس أنا لازم أقفل يلا سلام
_ سلام 😔
مشت إستحمت وقعدت تتغدا مع حبوتا و جدها
الجد : الشغل الليلة كيف
_ و الله تمام
الحبوبة : شفت يا أحمد البت دي مغلباني العرسان يجوها بالكوم و الردوم و هي ما دايرة و لا واحد فيهم 😒
أحمد : فصال إنتي قصتك شنو بالظبط
فصال : و الله يا جدو أنا ما بعرس إلا الزول البرتاح ليهو و بحبو يعني أنا ما دايرة أتزوج زواج تقليدي و لا عاوزة أتزوج الزول البس عاجبو شكلي أنا دايرة أتزوج الزول البفهمني العندو نفس طموحي البقدرني و ما كلو زواج قايم على الحب ناجح لازم يكون فيهو أحترام و تقدير و ثقة وطبعا الصفات دي مافي أي زواج عشان كدا أعرس لشنو ولا ما كدا يا حبوبة مريم .
مريم : والله أنا ما فاهماك دايرة شنو بالظبط
فصال قامت منهم لأنها ما قادرة توضح ليهم وجهة نظرا مشت اوضها و رقدت لقت رساله من جمال مديرها : أسف للأني أزعجتك قبيل بس ما تكوني فهمتيني غلط
_ لا لا ياخي العفو ، أنا برضو أسفة إني إتكلمت معاك كدا بس كنت زهجانة
_ آهاااا و الزهجان بفش زهجو في خلق الله 😒
_ أسفة والله 😊
_ طيب تصبحي على خير و ما تنسي الإجتماع بكرة
_ و إنت من أهلو ، أكيد بكرة حأجي بدري
مشيت جهزتا هدومي لي بكرة وظبتا المنبة عشان اصحى بكرة بدري للاجتماع.
فجأة صحيت مخلوعة قايلة نفسي اتأخرتا لقيت الصبح بأذن صليت ومشيت سويت الشاي لناس حبوبة وعملتا لي قهوة بعدها مشيت اخدت لي دش ولبستا لقيت حبوبة صحت قلتا ليها يلا ماشة قالت لي آكلي ليك حاجة قلتا ليها شربتا قهوة ومشيت وصلتا الشركة لقيت المدير لسه ما جا مشيت قعدتا في مكتبي بجهز للاجتماع كدا جاتني السكرتيرة قالت لي المدير ع قلتا ليهاطيب مشيت علي المكتب دقيت الباب
المدير : اتفضلي ادخلي
فصال : السكرتيرة قالت انك عايزني
المدير : اي جاهزة للاجتماع
فصال : ايوا جاهزة بس عندي ورق كدا عايزة اشوفو يلا عن اذنك.
المدير : فصال ممكن بعد الاجتماع نفطر مع بعض
فصال : اسفة والله ما بقدر عندي حاجات عايزة اسويها مرة تانية
المدير : طيب ما مشكلة
بعد الاجتماع مشيت المكتب قعدتا اخلص شغلي عشان اطلع بدري حتي ما فطرتا سمعتا الباب دقا لقيتو حسام.
حسام : فطرتي ولا لسه عشان كان ما فطرتي انا عازمك
فصال :ما فطرتا يا حسام وما ح اقدر افطر
حسام : ياخ عليك الله تمي بعدين لازم تآكلي اذا ما اكلتي ما ح تقدري تنتهي سرعة حا تكون ما قادرة وبعدين دي عزيمة ما بتتفوت.
فصال : طيب انتظر اصلا قربتا اخلص
_ أمري لله 😁
قعدت أكمل شغلي و حسام قاعد في الكرسي ما عارف يسوي شنو مرة يدور بالكرسي مرة يشيل الأوراق و ينظمها : ياخ وترتني ما بتعرف تقعد ساي
قام من محلو : المسافة دي أنا ماشي أنادي نور
أصلا كان فضل لي حبة لما نور و حسام جو داخلين علي
نور : يلا نمشي ناخد البريكفاست 😜
فصال : يلا
مشينا لي كفتريا جنمب الشغل في الطريق لاقانا جمال كان بعاين لي بنظرات غريبة وصلنا و نور طلبت سندويتشات شاورما و أنا كنت بفكر لي جمال بعاين لي بنظرات كلها غيظ
حسام : بتفكري في شنو يا فيفي
_ بفكر في تصرفات مستر جمال الغريبة
نور : شكلو بحبك
_ يحبني شنو إنتي عبيطة 😑
_ والله إنتي ما شفتي في الإجتماع ما رفع عينو منك نهائي و كل مرة بسألك من حاجة مع إننا كلنا مهندسين زيك .
حسام : و الله جمال دا زول محترم من أيام الجامعة ما كان عندو حاجة للبنات .
_ عاينو خلونا ناكل و إلا أمشي منكم هسى 😡
تلفون حسام ضرب : دي أمي
فصال : سلم لي على ماما سعاد
نور : اي و أنا برضو
حسام إتكلم معاها و قفل : طبعا هي هسى قاعدة مع حبوبة
_ كويس
كملنا فطورنا و رجعنا الشركة قعدت أكمل في اوراقي الخليتا قبيل أثناء دا جمال جا داخل علي : ممكن أخش
_ إتفضل يا مستر
قعد و بقى بعاين لي : إنتي مش على أساس ما بتحبي تمرقي مع الأولاد لكن حسام شكلو غير
_ دا شنو الكلام البتقول فيهو دا حسام أخوي 😂
_ أهاااااا عاوزة تخشي علي بحنك حسام دا زي أخوي وكدا مش
_ لا لا جد جد
_ كيف الكلام دا و أسماء أبوتكم مختلفة
_ دي قصة طويلة يوما ما حأقولها ليك ممكن تخليني أخلص شغلي لو سمحت .
مرق و خلاني أكمل شغلي : والله الزول دا غريب خلاص .
رجعت البيت الغريبة إنو كان عندي مزاج رايق بشكل قمت فتحت أغاني مصطفى سيد أحمد و داخلة في المود ماما سعاد جات قعدت معاي و بقت تعاين لي ساي
_ خالتو مالك
سعاد : سبحان الله إنتي زي أمك الله يرحمها
_ الله يرحمها بس كيف
_ كانت بتحب تسمع لي مصطفى بتذكر للان البسمة البتكون في وشها لما يشغلو أغنية ليهو ( عيونها دمعت )
حضنتها و بقت تبكي معاي قشيت ليها الدموع الفي وشها : خلاص يا خالتو 😢
بعد ما جهزت الغدا مع حبوبة و خالتو مشيت إستحميت لما جيت فتحت تلفون لقيت رسايل كتيرة من جمال قال لي فيها إنو أختو عملت حادث و هو هسى في المستشفى 😱
لبست لي عباية بسرعة و دورت العربية لما وصلت المستشفى لقيتو قاعد في الطوارئ براهو و قاعد يبكي
_ جمال كيف أختك هسى
_ إتوفت 😢
في اللحظة دي كان لازم أقيف مع جمال لأنو إستعان بي ، بقيت أهدي فيهو : إنا لله و انا اليه راجعون إستهدى بالله وين أهلك ما شايفاهم
_ أهلي مغتربين أنا قاعد مع عمتي ضربت ليها و هسى في السكة
كان ببكي شديد لمن حنني إضطريت أحضنو في اللحظة دي عمتو جات و بقت تسكن : بتي و ينها عاوزة أشوفها أقول لي أخوي شنو بتك المسكتها لي أمانه إتوفت في حادث 💔 أحيييييييييييي
حسام مشى مع الدكاترة و أنا قعدت أهدي في عمتو : شكرا يا بتي على وقفتك معانا
_ على شنو يا خالتي دا الواجب
رجعت البيت و أنا قلبي بيتقطع على جمال أول مرة أشوف ببكي ، عدة إسبوع و جمال ما جاااا الشغل فرق معاي شديد مع إني ما عندي ليهو حاجة إتصلت عليهو و بقى بفضفض لي بقيت كل مرة برسليهو أو بضرب ليهو و هو زاتو بضرب لي بقينا أصحاب شديد و لما نزل الشغل جبت ليهو هدية ما عارفه الفكرة كانت غريبة بس قلت أفرحو شوية ♥️ في يوم ضرب لي : فيفي كيفك
_ إنت كيفك
_ و الله بخير طبعا أهلي رجعو الإمارات تاني
_ حمد لله على السلامه لكن خلوك براك 😂
_ رأيك شنو نمشي نتعشا برا عازمك في حته حلوة عشان أشكرك على وفقتك معاي
_ ما حأقدر اكسفك الصراحة موافقة خلاص رسلي اللوكيشن
و جهزت نفسي جيت عشان أشيل المكوة لقيت حسام قاعد في الصالون : إن شاء الله بعد المرقة دي ساجورك يتفكى و نخلص منك 😉
_ بالله 😑 أنا قاعدة ليك في حلقك يا حسام
_ المهم ألقي ليك عريس بسرعة 😌
حبوبة جات طالعة من المطبخ : أي حسوم كلامو صاح شوفي في شيبة في شعرك
فصال : عاجبك كدا يا حسام خليت حبوبة تفتح الموضوع تاني
_ 😏😏
المهم لبست لي إسكيرت و بلوزة وطلعت مشيت على اللوكيشن كانت الحته فظيعة كان مطعم فيهو قعدات في الحديقة و الناس قاعدة تعزف 😍 جمال أشر لي
_ إزيك شكلو المكان عجبك واقفة متنحة من قبيل
_ أي فظييييييع
_ تطلبي شنو
_ اي حاجة ما مشكلة
_ اي حاجة يعني أجيب ليك كل الحاجات الفي المنيو 😂
_ خلاص عاوزة كرسبي
قعدنا نتونس بالجد جمال دا زول ظريف شديد بعتبرو زي أخوي و اكتر بعد أكلنا : لازم نتحلى
_ لا كدا كتير عليك
_ يا بت عادي
قام نادى الجرسون و قال ليهو
يتبع.....