اشلونكم بنات رجعت وياكم ابقصة امنية اعمى
ما مشكول الذمة الي ايقراء وما ايصوت
الكاتبة عاشقة الشتاء
البارت 35والاخيرة
......................................................................
امنية
صرت ادفع ابهمام واني اشوف اشلون علي وكع وبعد ما كام اتخبلت نزلت ادموعي
همام : هههه شفتي اشلون كتلتة الج كدام عيونج لا اتزعلين اني راح اخيلج دوم فرحانة وياية
امنية صرت ابجي ابقهر واني اباوع على حبيبي وعمري وأبو ابني وما الة أي نفس
فهد نزل يم علي وصار ايحرك ابعلي : علي علي ليش كتلتة اشسوة الك يا حقير
همام : وانتة هم راح اتلحكة بس لزم اخيلك تتعلم اشلون اتزوج اختك الغيري اشر للرجال ورسول وصاروا ايضربون بيه وهوة ما يكدر وهمة اثنين اشكد حاول ايوخر بس ما يكدر
امنية
وكعت بالكاع يم رجلين همام وهية تبجي على اخوهة الي ايضربونة ابوحشية وعلى حبيبهة الي راح بعد ما يرجع نزلت ادموعهة ورجع شريط حياتهة من يوم الي ماتت امهة وحادثة ابوهة واستهاد فهد والي صار وياهة وية همام وتركيا والبنات وداليين وتهديدات همام ورسول ختفائهة من البنات وعلي من صار اعمى وهية صارت ممرضة الة واشلون طلع ايحبهة وطلع ايشوف ولحضاتهم وفرحهم ويوم زواجهم واليخت والقضية ومن اجوا وبرائيهة والحد ما اخذهة من حضن اخوهة وزوجهة ما حست غير جرهة من شعرهة
همام : بس اتخلصون منة اكتلوا وذبوا هوة والثاني ابمنطقة مهجورة وخليهم اكل للجلاب وسحب امنية من شعرهة وصعدهة فوك للغرفة وشمرهة على الجرباية وخلة المسدس على الميز وشال اللصق من حلكهة
همام : وهسة اجة وكت اخذ حقي منج وهاي المرة محد يكدر ايساعدج كلهم راحوا
امنية نزلت ادموعي كلت خلص راح يكدر ايسوي الي ما كدر من اسنين ايسوي لزم اسوي شيء بعد عني ونزع تشيرتة واني ابسرعة كمت وضربتة ابجتفي وخرت اجيت اطلع ما حسيت غير لزمني من شعري ورجعني وكعني بالكاع
همام : وين وين ماكوا أي طلعة من هاي الغرفة غير واني ماخذ الي اريدة لحضة وسمعت صوت طلقتين
همام / سمعتي خلص اخوج راح هوة وزوجج العزيز ههههههههههههههه
امنية نزلت ادموعي وهوة أتقدم علية وشك ملابسي من فوك واني اصرخ واحس ابيدة اشلون اتجر ملابسي بيدة
امنية ابجي وصراخ وهية التريدة يبعد عتهة : لك عوفني اكرهك الله ياخذك ويحركك ابنار جهنم يا رب يا رب فدوة الك ما اريد هذا الجلب يلزم شعرة مني وصدك الله استجاب دعائي ما حسيت غير انسحب همام من فوكاية اباوع هاذا علي اشلون واني شفتة ابعيني وكع بالكاع لحضات وشفت علي وهمام واحد يضرب الثاني ابقوة وعلي يغلط عليهة ويفشر ويضرب بيه ابقوة واني من الخوف صرت يم الحايط ودموعي تنزل وعلي دفعة على الميز وكع المسدس وصار قريب مني فتحت ادية من الحبل لان صار راخي واخذ المسدس ورفعتة ابيد ترجف واني اشوف اشلون همام ضرب علي بوكس رجعة لورة
امنية : وخر عنة همام
همام التفت مصدوم لان شاف امنية لزمة المسدس: نزلي امنية
امنية : لا ما انزلة واسوي شيء الي اني غلطت من اسنين وما سويتة جنت لزم اتموت ابيوم الي ردت تعتدي علية وهسة اجتني الفرصة لو بيهة اعدامي اعرف كلش زين انتة الي كتلت ابوي وضربت فهد قبل وهسة لزم اخذ حقهم منك ما كملت كلامهة وشافت همام واكع بالكاع
باوعت مصدومة العلي يتنفس ابحدة ومسح خشمة من الدم فتح اديهة ابسرعة شمرت المسدس وركضت حضنتة وشديت على خصرة ابقوة وهوة حضني ويبوس ابراسي ومن كثر الي صار وياية وما حسيت بعد اباي شيء
.
.
.
.
.
.
علي
جنت كاعد بالطوارىء وممرضة اتسوي اجروح وجهي اباوع على امنية الي امخلين الهة مغذي كمل الممرض وكمت ورحت كعدت يمهة شلت ايدهة وبستهة وخرت شعرهة من وجهة الي صاير اصفر وجوة عيونهة اسود وامبين التعب بيهة رجعت ابذاكرتي من ضربني همام طلقة
فلاش باك
فهد : هاك اللبس هذا
علي : هذا شنو
فهد : همام يغدر واكيد ايريد ايكتلك وهاي سترة ضد الرصاص اللبسهة جوة ملابسك
علي اخذتهة منة ولبستهة ولبست فوكاهة ملابسي ومن طلعنة وصلنة وصدك وضربني طلقة واغمة علية ومن كعدت جان اكوا وجع قوي ابصدري باوعت رسول وهاذا الرجال ايضربون ابفهد وهوة ما يكدر ايكوم من سحب رسول المسدس وراد ايكتلة اني كمت وضربتة واخذت المسدس وضربتة ابرجليه طلقتين والثاني ابصدرة ابسرعة صعدت فوك من سمعت عياط امنية ومن دخلت وشفتة ايريد يعتدي عليهة ابسرعة سحبتة وصرت اضربة ابقوة وحقد وأنواع الغلط والاقشار ودميتة بس ضربني وما شفت غير امنية لزمة مسدس وجهتة على همام ومن شفت لمحة الإصرار بعونهة انوا اتكتلة صرت ورة همام ولزمت راسة وكسرت ركبتة وكع بالكاع مسحت خشمي من الدم وباوعت الأمنية وفتحت ادية وهية اجت ركض حضنتهة واني ردت ادخلهة ابصدري من قوة حضني الهة بس ما حسيت غير وكعت ابسرعة شلتهة ونزلت واني اباوع فهد رابط رسول الي يصرخ
فهد : اشبيهة امنية علي
علي : اغمى عليهة اتصل على صديقك خل يجي هسة ويتصل بالاسعاف
فهد : أي طلع تلفونة واتصل واجوا خليت امنية بالاسعاف واني وياهة وفهد ورسول اخذوا هم
وصلنة لامستشفىء واخذوا امنية للطوراء
اند باك
صحت من صفنتي على ايد فهد
فهد : اشبيك علي خلص هاي ما بيهة شيء لا تبقى اتفكر
علي : بس جنت خايف عليهة لا اتروح من ايدي
فهد : اشسويت الهمام
علي اشرت ابيدية الة ابمعنى كسرت ركبتة
فهد : يستاهل بس جان ابودي اعذبة علمود الي سواه بيهة
علي : لا هذا قذر خل رب العالمين هوة الي يأخذ حقنة منة
فهد : ونعم بالله كلت الزهرة وهية كالت للبقية
علي : زين سويت شنو رائيك ناخذهة البغداد احسن
فهد : خليهة تكعد ونشوف حالتهة يلة انروح
الممرضة : أستاذ فهد
فهد : نعم
الممرضة : طلعت تحاليل المدام امنية
فهد : وينهة
الممرضة : هاي اتفضل انطتة الملف
فهد فتحت الملف وقريتة : ما فهمت
الممرضة : المدام امنية حامل ابشهر بس هية تعبانة ويراد راحة الهة وخصوصا اباول الأشهر من الحمل والطفل مهدد بالاسقاط لزم تبقة نايمة على ظهرهة
علي : اشوكت تكع دهية
الممرضة : تقريبا بعد ساعة
بعد مرور ساعة
امنية فتحت عيوني واني احس ابراحة ما اعرف ليش اباوع اني ابغرفة لونهة عرفت اني بالمستشفىء بس ليش رجعت ابذاكرتي من كتل همام علي والي صار الحد ما حضنت علي وكعت حسيت ابعطش اشوية وانفتح الباب ودخلت ممرضة من شافتني فاتحة عيوني ابتسمت
الممرضة : الحمد الله على سلامتج مدام امنية
امنية : الله ايسلمج بس اريد مي
الممرضة : حاضر جابت كلاص مي وشربتني ورجعتة اورح اصيح الدكتورة علمود اتشوف وضعج
امنية : اوكي بس لحضة زوجي واخوي
الممرضة : برة واكفين هسة اخليهم ايدخلون
طلعت المرضة واشوية ودخل علي وفهد من شفتهم ابتسمت الهم وهمة حضنوني واني نزلت ادموعي هاي المرة من فرحتي وخروا مني وعلي مسح ادموعي
علي / على شنوا لبجي قلبي مو زين عليج
امنية : فرحانة لان شفتكم مرة ثانية
فهد : باس ايدهة احنة الي ما تدرين هسة اشكد فرحانين من شفناج ابخير وسلامة
امنية كعدوا وصاروا يحجون وياية واشوية ودخل واحد اني شايفتة بس ما اذكر وين والثاني النقيب الي من طلعت من المحكمة
احمد : الحمد الله على سلامتج مدام امنية
امنية : الله ايسلمك
النقيب: الحمد الله على سلامتج
امنية : الله ايسلمك
النقيب: صح م وكتة وسوتج يلة كعدتي بس احنة انريد ناخذ اقوالج من انخطفتي الحد هاي اللحضة
امنية : حاضر ووووووو وجيت الة كل الي صار واني لزمة ايد علي الي من اكول اشلون جان يضربني يضغط عليه ابقوة
النقيب: احنة خلصنة وراح ناخذ حقج من الي اذاج
امنية : بس اكوا شيء ثاني
النقيب: شنو
امنية : الي كتل ابوي وضرب فهد قبل هوة همام
النقيب: اشلون عرفتي
امنية : سمعت رسول يحجي وية همام
النقيب: هسة احنة ما نكدر نحكم على همام لان هوة خلص
امنية : اشلون يعني
فهد : علي كسر ركبتة
امنية : شنو ليش كتلتة اني كل ضني ضربة بس اغمة عليهة
علي : اني كتلج اذا لزمتة اطلع روحة ابيدي
امنية : بس اكيد راح ايسجنوك
النقيب: لا ما راح يسحنوا لان هوة دفاع عن النفس و هوة خاطفج ورسول اعترف ابكل شيء وهسة اني طالع اخذوا راحتكم
طلع النقيب واني اباوع على علي
احمد : اشعجب ما عرفتيني امنية
امنية : اني احس شايفتك بس ما اذكر وين
فهد : هذا صديقي احمد الي جان جوارينة الي جاب خبر استشهدي وهوة الي ضمني من صارت عندي الغيبوبة
امنية : ها أي اذكرت اهل بيك اسفة بس صار اسنين ناسية اني
احمد : لا ولا ايهمج يلة فهد اني اروح
فهد : اخذني وياك اريد اجيب ملابس الي والعلي وامنية
احمد : يلة امشي
طلعوا وبقينة بس اني وعلي الي ايباوع علية
امنية خليت ايدي على خدة : اشبيك حبيبي
علي اخذت ايدهة وبستهة وكعدت يمهة : ما بية أي شيء بس ما امصدك انتي هسة كدامي واحس روحي جنت ابكابوس
امنية اتقدمت عليهة وحضنتة : خلص راح الكابوس وراح نبقة سوة اني وانتة وما راح ايفرقنة أي شيء
علي : صحيح بس ويانة ابنة هم وهوة ايخلي ايدة على بطنهة بعدهي رفع راسي وخلة شفة على شفتي وباسني ابشوق وحب
مشة يومين ورجعنة البغداد عن طريق المطار من نزلنة جنت لزمة ايد علي وهوة الي يسندني وصلنة للسيارة ورحنة للبيت اول ما وصلنة نزلت واني لزمة ايد علي انفتحت الباب ودخلنة وما حسيت غير نشرات ملونة وكعت علية وكل شخص احبة موجود
ام علي
وزهرة
وريام
زينب
وعلا
وسجى
واكرم
وعمار
وام عمار وبناتهة
وكلهة صرخت مفاجاء
ضحكت من شفتهم واجوا حضنوني ويتحمدون الي باللسلامة وامسوين كيكة عليهة صورتي
ام علي : اشلونج ماما امنية
امنية : الحمد الله ماما زينة
زهرة : كلش اشتاقينة الج امونة
امنية : واني هم شنو الي صار وياج
زهرة / بعدين حبيبتي هسة انتي اطلعي ارتاحي بس على كيفج
ريام : ها زهرة ها شو بس امنية اتسوين هيج وياهة
زهرة / اوففف منج ولج غير هية بعدهي بالبداية وتتعب
علي : كالت الدكتورة لزم تبقى نايمة على ظهرهة لان مهدد بالاسقاط
ام علي : وبعدين انتي اشبيج شوك لشي ما بيج مثل الصخلة كدامي
ريام : اهووو رجعت جنتهة العزيزة بعد احنة طلعنة كوخة
امنية : انتي الخير والبركة كافي راح اتجيبين اول حفيد اللهم
زهرة : شفتي اشتحجي وانتي اشتحجين
ريام : معليج انتي اني وامنية نتصافة
زهرة : ولج كومي امنية بدال ما ادوس ابطنهة واخلي الطفل يفطس
امنية : ههههه يلة كومتني زهرة وصعدت الغرفتي ومددتني على الفراش وخلت جوة رجلية مخدة وبقت يمي
امنية : اشبيج زهرة
زهرة : جنت خايفة عليج
امنية : ما بية شيء قلبي
زهرة : اني اعوفج نايمة واروح
امنية : ماشي طلعت واني ابسرعة نمت ما حسيت الة على شيء على بطني فتحت عيوني وشفت علي ايبوس ابطني
امنية : حبيبي
علي : ها قلبي كعدتي
امنية عدلت لاكعدتي وهوة اجة يمي حضني وباس راسي ونزل على خدودي وبعدهي على شفتي ونزل على ركبتي وراد ايكمل بس اندك الباب وكام فتحة
ام علي : اشجنت اتسوي ولك
علي : مثلا شسوي
ام علي : وين امنية
علي / جوة
ام علي دفعت علي ودخلت واجت يم امنية مسحت على شعرهة : اشلونهة جنتي الحلوة
امنية : زينة
ام علي : ما مشتهية شيء
امنية : لا ما مشتهية بس اريد انام ما ادري اشبية
ام علي : هاا لعد وحامج على النوم بس اريد اكول الج شيء
امنية : اتفضلي ماما
ام علي / لا اتخلين علي يتقرب منج
امنية صرت حمرة : حاضر ماما
ام علي : أي يمة بس علما ايصير الطفل زين اوكي
امني : ماشي
ام علي : أي شيء تردين كولي الي او وحدة من البنات اوكي ماما
امنية : اوكي
طلعت ام علي واني متت من الفشلة واشوية ورجع علي نزع تشيرتة واجة علية
امنية : اوكف علي ولك اوكف
علي : شكو اشبيج
امنية : ما ايصير
علي : وهوة شنو الي ما ايصير
امنية : احم تتقرب الي
علي : ليش
امنية : علمود الطفل
علي : اهووووو اشلون بية هسة مشتاق الج
امنية : ميخالف حبيبي اصبر
علي : وشوكت يلة
امنية رفعت اصابعي ال3
علي : 3 أيام
امنية : لا
علي : 3 أسابيع
امنية : لا
علي : لعد اشكد
امنية : اشهر
علي : شنوووو خاف ما اتقبلين
امنية : اني شعلية غير خالتي كالت
علي : اوففف منهة خالتج هسة اشجاني وفتحت الباب لف راسة للجهة الثانية وهوة عاكد حواجة وكل اشوية اسمعة يغلط
امنية رحت يمة وحضنتة من ضهرة : علي
علي : لا رد
امنية : علاوي
علي : لا رد
امنية : حبيبي
علي : اشتعل حبيبج
امنية : هههههههههه
علي التفت الهة وحضنهة وهية هم حضنتة وناموا ......يتبع
بنات بقت بس الخاتمة وتخلص القصة انتظروني باليل