امنية اعمى

Part 20

اشلونكم بنات رجعت وياكم ابقصة امنية اعمى

ما مشكول الذمة الي ايقراء وما ايصوت ولا ايعلق 

الكاتبة عاشقة الشتاء

البارت 20

......................................................................

علي

نرجع الاحداث الابداية قبل السفر بعد ما امنية وضحت الي انوا مو هية الي جانت تطلب مني اسوي العملية بس لان زهرة حجت وياهة واني اتفهمت وضعهة بس بعدني كنت اريد اعرف مشاعرهة ناحيتي هل راح تتقبل فكرة انوا اعمى خليت اكرم يحجز الي لامريكا عندي صديق يعرفني اتصل بيه اكرم وهوة حجة وياية وجانت اكول مستشفى خاصة ابحالتي يكدرون ايسون العملية بعد ما خليت اكرم ايدز كل فحوصاتي الهم وفعلن سافرت والتقيت ابصديقي وهوة ساندي خلاني ابيتة واعتنة بية وجانت دوم امنية على بالي وابد ما انساهة اكرم دوم اتصل بيه واسئل عليهة هوة يعرف اني راح اسوي العملية بس حذرتة انوا ما اريد أي احد يعرف

وفعلن بقيت مدة شهر سويت اربع عمليات وكلهن نجحن وقبل لا انزع سئلني صديقي شنو جانت امنيتك من كنت اعمى بدون تردد كتلة اتمنين اشوف امنيتي امنية اعمى حب وحدة عانت ما عانت بس رغم كل الي عرفة بس اني حبيتهة من كل قلبي

فتحت الضمادة من عيوني وين فترة يلة اتوضحت الرؤاية عندي بدون ما احس نزلت ادموعي لان رجعت اشوف بعد ما جنت يائس من انوا اشوف مرة ثاينة من فرحتي حضنت الطبيب

وما اتحملت يومين واتصلت على اكرم وكتلة وهوة كلش فرح وصدك رجعت التركيا واني جنت أتمنى اشوف من وصلت للبيت

اول ما دخلت لكيته كاعدة بالصالة هية وامي شفته اشكد متغيرة وصايرة احلى فسانهة الصيفي وشعرهة ابخلصلات مثل الذهي الي نازلات على وجهة يالله اشكد مشتاق الهة سلمت على امي وكعدت وتعاملت كائنوا اعمى اني بس دوم اباوع عليهة وهية هم ضحكت ابداخلي على شكلهة هية صافنة علية تركتهم وصعدت بدلت

جنت تعبان بقيت بس بالشورت وشمرت روحي بالفراش ونمت وين يلة كعدت على على فتحة الباب اشكد ما حاولت اتفتحة ابهدوا بس اني اكعد ابسرعة غمضت اعيوني وحسيت بيهة اتقربت مني وصارت قريبة من وجهي وتباوع علية ردت اخوفهة ابسرعة فتحت عيوني وهية خافت وكفت وانضربت بالميز واني كمت ابسرعة وساعدتهة جنت اريد اشرب جكارة وجان الباكيت بالكاع بدون ما احسسهة واخليهة اتشك بقيت اتلمس على الميز وهية ابسرعة خلتة واني اخذتة وسئلتهة ليش اجتي وهية كالت علمود الغداء بعدهي نزلت وهية طلعت ضحكت شنو معنى تصرفج يا امنية نزلت واني سبحت ولبست ملابسي ونزلت شفت امنية اتباوع علية ابشك اني ابسرعة اتلمست الكرسي وكعدت

بديت احجي وية اكرم على الشغل بس اني اذب اذني يمهم من يحجون على البيت مال امنية والي اشترتة الي عرفتة اباملاكهة بس من كالت ريام الهة انتي هيج طاكة ذبت الخاشوكة وحسيتهة ضاجت وكالت : شنو فايدة الفلوس بدون راحة ولا اهل وكالت شبعت وكامت بس اني بقيت اباوع علية الحد ما طلعت كتلهم شبعت وطلعت وراهة بدون ما اتحس وصلت يم المسبح واجاهة اتصل وصارت تحجي ابعصبية بس سدتة بقت تبجي ووابسرعة شمرت نفسهة بالمي اني بودن أي خوف شمرت روحي وراهة وطلعتهة وهية مثل اليائسة اجة اكرم وراية طلعتهة من المسبح وصرت اضغط على صدرهة الحد ما طلع المي كلة حسيت راح افقد روحي اجة يوكف قلبي من سوت هيج شلتة وصعدتهة فوك بدون ما أي احد ايشوف خليته بفراشهة وكلت الاكرم ايصيح ريام اتبدل واني طلعت بدلت ورجعت لكيت اكرم بالباب وعرفت الدكتور جوة جاي يفحصهة